استفسار بخصوص تجميد الحلويات

[мįšš pįήҜ }~]

السلام عليكم

لبنات الله يستركم اللي موالفين يجمدوا الحلويات يقولولي شحال تقدر تقعد فالمجمد وهل الطعم يبقى كيما هو و الاهم واش هي الانواع تاع القاطو الي يناسبها التجميد؟

[*أم كوثر*]

وعليكم السلام
جمدتهم مدة شهر
جمدت بقلاوة ومشكلة وقاطو بالقلاصاج
بقاو كما هوما وماتبدل فيهم والو
المشكلة برك قبل التقديم عاودي عسليها او ادهنيها بلاجولي
الطريقة
تحطيهم في بابيي فيلم وتغلفيهم مليح ومن بعد في بورت مونجي وتغلقي مليح
كي تسحقي اجبدي قبل بوقت

[أم سمية الأثرية]

baraka allah fikom

[سندس1967]

وعليكم السلام
جمدتهم مدة شهر
جمدت بقلاوة ومشكلة وقاطو بالقلاصاج
بقاو كما هوما وماتبدل فيهم والو
المشكلة برك قبل التقديم عاودي عسليها او ادهنيها بلاجولي
الطريقة
تحطيهم في بابيي فيلم وتغلفيهم مليح ومن بعد في بورت مونجي وتغلقي مليح
كي تسحقي اجبدي قبل بوقت
بارك الله فيك

[ayaranim]

يعطيك الصحة و بارك اله فيك

[мįšš pįήҜ }~]

بارك الله فيك ختي

[~أمة الله~]

وعليكِ السلام ورحمة الله وبركاته
في الحقّ أجابت أختنا أم كوثر ربي يحفظها ، بالنسبة لتجربتي جمّدت الصابلي والغريبيبة والتشاراك لمسكر وأنواع أخرى نسيتها لمدة طويلة نوعا ما أكثر من شهر والحمد لله ما تبدلش الذوق ديالهم ، والطريقة مثلما قالت أم كوثر ، إلا أني نزيد من فوق كيس وندير سكوتش باش ما يدخللهاش أي رائحة ...
والله أعلم

[ام لوجين وهديل]

اختى تقدري تكنجلي كل انواع الحلويات كلهم بدون استثناء والمدة ثلاثة اشهر ما يصرالهم والو دقولي هادا وين خدمتيهم بشرط يكون المجمد الكبير نتاع الصندوق لفريغوكيما نقولولو حنا لانه ما يتفتحش بزاف ادا كثرنا رانا نحلوه مرة فى اليومين ولهادا يحافظ على الحلاويات ولوكان تخبي في الكونجيلاتور نتاع الثلاجة ما يطولش بزاف سورتو ادا كنتى تحليها بزاف اتمنى ان اكون افدتك وهدا كلو عن تجربة تحياتى حنونة

[мįšš pįήҜ }~]

الله ينوركم لبنات

[saoulia2020]

بارك الله فيكم جميعا نفعتونا

[oumhana]

نداء لأم كوثر و جمع الفحلات بخصوص التجميد راكم قلتو كل الحلويات بجميع انواعها، أنا ندي عرسفي نوفبر حابه نبدا نخدم من دك لعرايش صافي خفت نديرلهم الطليه و كنحطا فلكوجلتور خفت تفسدلي الله يجازيكم جابووي

[*بيتي مملكتي*]

سلام أختي

تقدري تحطيه فالمجمد بعد ما تنشف مليح الطلية ما يصرالو والو.. المهم ما يقيسوش الماء فقط باش ما تفسدش الطلية
حطيه في علبة محكمة الإغلاق ... أنا عندي نوع تاع طلية راهو فالمجمد ضرك ما صرالو والو حنونة
و بالبراكة عليك أختي و ربي يهنيك

[*بيتي مملكتي*]

أختي راكي قلتي راح تبداي تخدمي لعرايش .. يعني راح تخدمي كل مرة كمية و تحطيها فالمجمد... نصيحة حنونة باش ما يقيسلكش الماء الطلية تاعك إذا حطيتي القاطو فالمجمد حاولي ما تفتحيش عليه مادام مالحقش العرس تاعك...
يعني إذا راح تخدمي بالشوية و كل مرة تحطي مع الحبات اللي فاتو هكذا راح تعرضي القاطو تاعك أنو يقيسو الماء...
الكمية اللي تخدميها حطيها في علبة منفردة
سلام

[oumhana]

السلام عليكم خواتاتي أم أياد و كل الحاضرات معنا شكرا لتفاعلكي وفرحتيني بزاف أنا كقلت رايحة ندير لعرايش برك و نحطهم فلكونجلاتور منطليهمش كيقرب العرس نبدا ندير الطلية .شكرا أختي أم أياد وربي إجازيكـ. العرس مشي تاعي تاع بنتي أنا بقالي الما يحمى هههههههه

[*بيتي مملكتي*]

سلام أختي ربي يهنيها إن شاء الله و يطول في عمرك تشوفي ولادها و ولاد و لادها إن شاء الله