قناة baby tv

[mon mari]

السلام عليكم اريد ان اسالكم عن قناة baby tv هل هي صح مفيدة للاطفال يقال انها تساعدهم على تعلم اللغات الاجنبية لانها تبث بعدة لغات

[Lilya Labrune]

السلام عليكم ورحمة الله
انا راي تفيد بزاف ولو انك تابعي برنامجها تشوف احسن من برامج القنوات العربية
انا نحكيلك عن تجربة كي كانت بنتي عندها شهور كنت اضع لها قناة بيبي تيفي باللغة الفرنسية والان هي عندها 11سنة والله العظيم ماشاء الله في الفرنسية عندها النطق سليم ونقطها دائما اعلى نقطة تاخذها والحمد لله وياريت لو تعطيني التردد تاع هاذ القناة نكون ممنونة ليك

[mon mari]

يعطيك الصحة اختي و التردد هو astra 19.2 frequence 10758 vertical 22000

[بصمة قلم]

السلام عليكم ورحمة الله وبركاته

اختي علميا لا يُنصح بترك الاطفال امام التلفاز قبل سن الرابعة
لاه عقل الطفل قبل ذلك السن يكون في مرحلة النمو والتطور والتلفزيون يُعطل ذلك
الافضل ترك الطفال ينمون ذكائهم بعيدا عن التلفاز
و الافضل تعليم ابنائنا ثقافتنا الاسلامية ولغتنا العربية
اما الرسوم المتحركة الغربية وان كانت تفيد من ناحية تعلم اللغة الاجنبية الا انها تزرع في الطفل افكار وعادات ليس من عاداتنا ناهيك عن المعتقادات الباطلة
لست اخص بالذكر القناة المظطورة اعلاه فلا اعرفها ولكن الامر العام حتى بالنسبة للقنوات العربية فهم يجلبون رسوم متحركة مترجمة والافضل انتقاء ما يشاهده الاطفال والله اعلم

[Lilya Labrune]

السلام عليكم ورحمة الله وبركاته

اختي علميا لا يُنصح بترك الاطفال امام التلفاز قبل سن الرابعة
لاه عقل الطفل قبل ذلك السن يكون في مرحلة النمو والتطور والتلفزيون يُعطل ذلك
الافضل ترك الطفال ينمون ذكائهم بعيدا عن التلفاز
و الافضل تعليم ابنائنا ثقافتنا الاسلامية ولغتنا العربية
اما الرسوم المتحركة الغربية وان كانت تفيد من ناحية تعلم اللغة الاجنبية الا انها تزرع في الطفل افكار وعادات ليس من عاداتنا ناهيك عن المعتقادات الباطلة
لست اخص بالذكر القناة المظطورة اعلاه فلا اعرفها ولكن الامر العام حتى بالنسبة للقنوات العربية فهم يجلبون رسوم متحركة مترجمة والافضل انتقاء ما يشاهده الاطفال والله اعلم

عندك الحق يا اختي لازم نراقبو اطفالنا بصح هاذ القناة فيها اشياء مفيدة وانا ضد انك تخلي طفلك امام التلفاز طول اليوم على الاقل احسن من mbc3 cnبالعربية وطيور الجنة ماكان حتى فايدة منهم غي الشطيح ورديح وكيما تفضلتي وقلتي يجب انتقاء ما يشاهده الاطفال مسؤولية الاولياء ان كانت قناة عربية او اجنبية

[ام سوهيل]

يعطيكم الصحة مزال مسمعتش بي هديه القنات لكن رايحة نبحث عليها

[أم مبين]

ايه قناة مليحة وتساعد الاطفال على تعلم اللغات الاجنبية ولكن يجب عدم ترك الاطفال وقت طويا امام التلفاز

[Simassim]

اختي تجنبي التلفاز قدر المستطاع لانه يأثر على نمو الاطفال
حاولي تحوسي على فيديوهات فالنت وانت تتحكمي فوقت المشاهدة وعمرك لاتخليها وحدها تتفرج لازم تكوني معاها وتتكلمي معاها على واش رآها تتفرج
فالنت انت تختاري موضوع الفيديو وتجنيبي الحلقات الخاصة باحتفالات النويل و عيد الميلاد والباك.
اختاري الفيديوهات التعليمية التربوية.
انا ولدي فعمره عامين دائماً نديروله فيديو باللغة العربية الفصحى. او الفرنسية. ونكون معاه باش يعاود الكلمات هكدا يرفد فراسه وبديت مرات ندير الانجليزية
وضيفك معلومة اخرى. ممكن اللي يسمع اكتر من لغة يتاخر فالكلام لكن يكون يخزن فالكلمات ونهار ينطلق راح يتكلم اكتر من لغة والمختصين ينصحو انك تتكلم مع الصغار باكتر من لغة منذ الصغر يساعد ذاكرتهم وينصحوا تسجيل الصغار في دورات تعليمية للغات اجنبية بعمر تلات سنوات

[assia sarah]

انا كانت عندى هذه القناة باللغة الفرنسية بص دوك راهى بالانجليزية واسبانية الى عندها بالفرنسية تفيدنى بالتردد

[وفاء الياسمين]

السلام عليكم
في رأيي أحسن قناة هي سمسم هادئة وهادفة و فيها كلش اذكار و ادعية و فرآن و رسوم متحركة و عبر
الطفل ما يملش و في نفس الوقت يوالف الاذكار دياو و يوالف اللغة الاصلية ديالو

ومرات الام تتفرغ للاولاد و تقريهم لغات اجنبية و هكذا تربح كلش
ليس من الجيد تهميش لغة لحساب لغة اخرى فاصلنا العربية و زيادة فضل تعلم لغات اخرى
و الله أعلم

[raihana rihene]

بارك الله فيكم

[طيور الجنان]

انا اول مرة نسمع بهاذ القناة كاين تاني براعم قناة هايلة مافيهاش الضجيج بزاف و مفيدة جدا انا ابني تعلم منها بزاف عمرو ٢ يعرف الالوان و الحيوانات باسمائها.

[saja safia]

اختي تجنبي التلفاز قدر المستطاع لانه يأثر على نمو الاطفال
حاولي تحوسي على فيديوهات فالنت وانت تتحكمي فوقت المشاهدة وعمرك لاتخليها وحدها تتفرج لازم تكوني معاها وتتكلمي معاها على واش رآها تتفرج
فالنت انت تختاري موضوع الفيديو وتجنيبي الحلقات الخاصة باحتفالات النويل و عيد الميلاد والباك.
اختاري الفيديوهات التعليمية التربوية.
انا ولدي فعمره عامين دائماً نديروله فيديو باللغة العربية الفصحى. او الفرنسية. ونكون معاه باش يعاود الكلمات هكدا يرفد فراسه وبديت مرات ندير الانجليزية
وضيفك معلومة اخرى. ممكن اللي يسمع اكتر من لغة يتاخر فالكلام لكن يكون يخزن فالكلمات ونهار ينطلق راح يتكلم اكتر من لغة والمختصين ينصحو انك تتكلم مع الصغار باكتر من لغة منذ الصغر يساعد ذاكرتهم وينصحوا تسجيل الصغار في دورات تعليمية للغات اجنبية بعمر تلات سنوات

سيمسيم ربي يجازيك على الرد

انا ابني عمره 11 شهر ونديرله فيديوات بالفرنسية على التلفزيون، لكن مانرددتش معاه كما قلتي لانه صغير
احيانا بالانجليزية والعربية مكتفية بالقران فقط
لحد الان يقول غير بابا دادا ..... انا خايفة يكون عنده تأخر بسبب التلفزيون ؟؟؟؟

انا حابة عنه يسمع اللغات الثلاث واش نعمله؟؟؟

[saja safia]

انا قريت انه الطفل قبل عمر ست سنوات يكون عنده قدرة على اكتساب لغة ثانية ويتقنها بمهارة كأنها لغته الام

بالنسبة للعربية كذلك قريت موضوع انه لازم نعملو الأطفال اللغة العربية الفصحى لانه العامية بالنسبة للفصحى تعتبر لغة ثانية

عندي ولدي نهدر معاه احيانا بالفصحى لكن ان شاء الله مع يكبر والمسجد يتعلم الفصحى
اما اللغة الثانية فبدئا بالفرنسية فيه كرتون اسمه trotro لغته الفرنسية سليمة وواضحة نحطها على التلفزيون ونخليه يسمعها

وهذه الرسوم فيه منها باللغة الانجليزية لكن حسيت انه اللغة غير سليمة