خاص بأصحاب البكالوريا قبل شهرين [الأرشيف] - منتديات الجلفة لكل الجزائريين و العرب

مشاهدة النسخة كاملة : خاص بأصحاب البكالوريا قبل شهرين

youcefamine25

2015-03-31, 22:44

:dj_17:السلام عليكم خاوتي و أخواتي:dj_17:
مادام الباك قربت مابقا والو حبيت نشارككم بهذا الموضوع
خاوتي أنا معاود العام من قبل الفرصة تاعي الأخيرة يعني هاد العام
أنا واحد من الناس لي كي نخمم في الباك تضيق نفسي لكن توكلت على ربي
ودرت برنامج حبيت نشاوركم فيه
ألوغ نوض على 4.30 نصلي ركعتين ، ندعي ربي يعطيني العزيمة والقوة باه نكمل على هذا المنوال من بعد نصلي الفجر في المسجد و نجيب قهوة نجبد مادة تاع حفظ ونحفظ و كي نخلص نراجع علوم أو رياضيات ونكمل قرايتي حتى تلحق 8.00 نولي نرقد نوض على 10.30 ولا 11 نخرج نقرا حتان 13.00 نروح نتغذى ونرتح و العشية نولي أ خاوتي نقرا
المهم نشوف في روحي هذا هو الطريق الصواب
خاوتي هذه الفترة لازمنا نجبدوا قلوبنا نتعبو شهرين ونفرحو مع الأخير خير من الندامة والحسرة لي تقتل لازم ماتخموش في السلبيات لأننا قادرين نجيبو نتائج ممتازة إنشاء الله
أتوكلو على ربي أحكموا في الصلاة و أدعيو ربي بإلحاح
خلاصة القول حبيت نشارككم باه ندي رايكم نصائحكم و لي حاب ننصحوا رني هنا
وربي ينجخنا باه نفرحو حنا ووالدينا

شمۋځ أنٹـے »

2015-03-31, 22:48

برنامج رائع وبما انه مناسب في نظرك فهو الانسب لك
" نتعبو شهرين ونفرحو مع الأخير خير من الندامة والحسرة لي تقتل"
معك حق في هذا لكن ياليت النتائج تكون قدّ التعب تاعنا

Shahd-Moon

2015-03-31, 22:50

Ouiii ma3liihchh Lprogramme ta3eeekk
Bitawfiiikk

♥ترانيم قلم♥

2015-03-31, 23:03

بالتوفيق اخي
خطط جيدا ووزع المواد حسب الايام بشكل ملائم
واعط كل ماذة حقها

la pierre précieuse

2015-03-31, 23:22

ياااا ااااارب

youcefamine25

2015-03-31, 23:42

merci khawtiiii

فيصل.المخادمة

2015-04-01, 00:06

youcefamine25

2015-04-01, 06:03

خويا أولا صحيت
الظاهرة هادي بزاف تصرا أخي خمم مابقاش بزاف شهرين برك أجبد قلبك و أقرا ماتعزلش روحك تماما باه تبعد عن الملل المهم قسم وقتك و نوض الصباح صلي و أبدا تحفظ كي تغلب أرقد و صحابك خليهم يصحكو درك و نتا أضحك مع الأخير إنشاء الله
خمم في النتائج وأسمك فيها و ضمان المستقبل المهم ربي ينجحك خويا كشما تحتاج راني هنا

crazy miracle

2015-04-01, 10:45

اهلا اخي
برنامجك ~~روعــــــ☻ـــــــــــة ~
يعني لا كان يفبيدك و شايف روحك راك تتحسن كمل امشي بيه بيسك كل واحد و واش يخرج عليه
تقبل مرووووري ~~تحــ♣ـــــــــــــــــــياااتي

crazy miracle

2015-04-01, 10:48

أنا كاين صحابي tj يقولوا أرواح تخرج معانا وتضحك معانا والعام كامل أنا قاعد في الدار باش نقرا بصح ليه ليه يجيني الملل بسبتهم psk دايمن يضحكوا وزاهيين وانا في الدار محبوس ومعزول عالعالم الخارجي المهم هوما سمطوها بزاف وأنا معرفتش كيفاش ندير معاهم باش يخطوني على الأقل نستدرك وش فاتني في العام ... وهوما من وجوهم يبانوا ماشي تع قراية

أرجو المساعدة وجزاك الله خيرا

اخي ~~لا تهتم
اصلا كون جاو صحابك صح و الله يعااونوك ~يشحعووك و يقراو معاك مش يحطموك ~~لكن كووون انت اقووى منهم ~~خليهم نهار يشوفو النتاائج دك يضحكووو مليـــــح
ادع الله ان يعينك ~~و ادعيلنا معاك :1:

Amira Mimita

2015-04-01, 10:52

برنامج رااااائع أخي ربي يقدرك عليه و يوفقنا أجمعين لما يحب و يرضى اتعب هاد الشهرين وامبعد ان شاء الله ازها باقي الأيام يعني ما تخليش صحابك يسيطروا عليك و يضيعولك وقتك
بالتوفيــــــــق

ابتسام smile &hope

2015-04-01, 20:16

أنا كاين صحابي tj يقولوا أرواح تخرج معانا وتضحك معانا والعام كامل أنا قاعد في الدار باش نقرا بصح ليه ليه يجيني الملل بسبتهم psk دايمن يضحكوا وزاهيين وانا في الدار محبوس ومعزول عالعالم الخارجي المهم هوما سمطوها بزاف وأنا معرفتش كيفاش ندير معاهم باش يخطوني على الأقل نستدرك وش فاتني في العام ... وهوما من وجوهم يبانوا ماشي تع قراية

أرجو المساعدة وجزاك الله خيرا
عندي حل انا درتو
1- ديزاكتيفيت الفايسبوك
2- طفيت البورتابل
والحمد لله تهنييييييييييت :1: