تقني سامي موارد بشرية

[hamdi03]

ارجو من لديه معلومات يفيدنا تقني سامي موارد بشرية في سونلغاز كيف يجتازون اختبار بسيكو تيكنيك من لديه خبرة او معلومة يفيدنا وجازاكم الله خيرا

[mohamedmallem]

هل جوزت اي اختبار ام ما جوزت والو..في سونلغاز.

[hamdi03]

يا أخي فوتنا كتابي وربحت فيه او قالونا كاين شفوي يعني بسيكو تكنيك

[mohamedmallem]

علي ما اظن نهار لي جوزت الكتابي جوزت معاه المقابلة الاولة و درك بقاتلك المقابلة الثانية و بعدها الطبيب .
الاسئلة هما :
- عرف نفسك. و هو دايمن السؤال الاول في المقابلة . ما تحكيش حياتك احكي بي اختصار.
- واش هو موضوع المذكرة وواش درت فيها. ما تخلطهاش على روحك و حكي صطحي باش ما تحصلش.
و و ين درت البراتيك.
- وين خدمت و واش خدمت. و اذا خدمت و حبست وعلاه حبست. خدم راسك في الاجابة.
-عرف سونالغاز كي تكمل يقولك عرف الفرع لي عيطولك على جالو . هدي تلقاها في قوقل لخصها وحفضها.
- واش هيا حاجا بوسيتيف فيك.
- واش هيا حاجا نيقاتيف فيك.
- كي تزعف واش ادير.
- اذا بديت معانا و عيطتلك مؤسسة احسن من صونالغاز واش ادير .
- هل تعرف تحسب الراتب.اذا قلت ايه يعطولك اسئلة عليها.
- هل تعرف الضمان الاجتاعي.اذا قلت ايه يعطولك اسئلة عليها.

******************ما طولش في الاجوبة و لخص ********************

و ماتتخلعش كي تدخول تلقا سبعا مقابلينك و يسقسو فيك كول و احد اعطيلو حقو. معنتها لي يسقسيك شوف فيه و جاوبو و بي تبسيما خفييييييييفا.

**** صحا هذو الاسئلة ما تديش عليهم 100% هذو الاسئلة سقساوني ( انا ) عليهم و كاين اخرين ليس نفس الاسئلة******.

خويا ما تتقلقش دير ربي في قلبك و استغفر و رررررررررررروح جوز.

لخاطش كي توصل وتبدا تهدر تولي ترابي بلا ما تفيق. و هذي عن تجربة.


ايه باش ما ننساش قبل ما تروح استيكي روحك سلف قمجا من عند صاحبك و اسرق سروال خوك و صباط تاع باباك و شويا ريحا من عند الام و بوسلها راسها و قولها تدعيلك.

و كون لتم قبل 10 دقايق. ما ديرش الروطار و متلحقش بزاف بكري.

[hamdi03]

أخي mohamedmallem ربي يحفظك ويعزك او ربي يجازيك كل خير