احترام الزوجة لزوجها وأهله

[بائع الورود]

بسم الله الرحمن الرحيم
و الصلاة و السلام على اشرف المرسلين أما بعد:
اريد رأيكم في هذا المجال
: اذا كانت الزوجة تعامل من طرف زوجها و أهله باحترام و تقدير و رفاهية اي انه لا يظلمها لا هو و لا أهله و رأى منها العكس أي انها لا تحترمه لا هو و لا أهله و هذا عن طريق المعاملة لا باللسان فماذا يجب هنا مع العلم ان والدتها من النوع التي تحب المال كثيرا و تحب ابنتها تعمل و لا تحب الانصهار في العائلة الكبيرة اي من النوع الذي يحب العيش وحده .

و شكرًا

[*سندوسة*]

السلام عليكم اخي

اولا على الزوج ان يناقش هذا الامر مع زوجته ويفتح معها باب الحوار ويحاول ان يقنعها والمناقشة احيانا تتطلب الحنية واحيانا اخرى الصرامة لكي تكون مناقشة جدية

ولا يترك مجال للدلال الزائد لزوجته لان الدلال الزائد سيزيد الطين بلة

ربما الزوجة صغيرة في السن او لم تعتاد على العيش في وسط عائلة كبيرة فعلى الزوج ان يٌفهمها ويعلمها كيف تتصرف وتتعامل معه ومع اهله

اما عن والدتها فإذا كانت الزوجة متفاهمة مع زوجها فلن تؤثر عليها قرارات امها

ولكن على الزوج ان يغتنم الفرصة قبل فوات الاوان وذلك بكسب قلب زوجته

وبالتوفيق اخي

[الجواهر]

العيش المنفرد يقلل المشاكل ..افضل

[بائع الورود]

بار ك الله فيك على الرد القيم
معك حق فيما قلته و لاكن المشكلة تكمن في الذهنيات المختلفة بيننا فعلى سبيل المثال عمل المرأة
فمن النساء من يرون أن المرأة لا بد لها أن تعمل و تكسب المال و أن تستقل عن زوجها في الشؤون المادية و تصبح حرة رغم انها أكثر مسؤولية من المرأة الماكثة في البيت و هذا لأن بعض النساء تقربا يعبدون المادة و هذه هي الحالة التي أتكلم عنها
ما رأيك في زوجة لا تحترم أم الزوج أصرب لك مثال و انت تحكم
عرس أختها لم تعزم أم الزوج و ذهبت و حدها بحجة أنهم ما عرضوش الناس
هل هذه حجة بالنسبة لك ؟
كيف يكون موقفها إذا سألوها أين هي حماتك ؟

أما بالنسبة للأخت التي قالت السكن المنفرد يقلل المشاكل فأقول لها أنت محقة قي جانب و مخطئة في أخر
أما الجانب التي أنت محقة فيه فهو الإستقلالية و القيمة ؟
و الجانب الذي أنت مخطئة فيه هي التضحية فإذا كانت الزوجة لا تصبر مع زوجها و تدعي انها تريد تفادي المشاكل فهنا تكمن المشكلة يعني ان المشكلة في ذهن المرأة التي تريد الإنفراد بزوجها فقط و لا تريد أهله و قيسي ذلك على أخيك مثلا
هذا رأيي فما هو رأيكم

[ام محمد اسلام الله]

و الله ياخي الاحترام المتبادل بين العائلة لا بد منو واحدة متقدرش شكون يحبها

[بائع الورود]

هذا من المفروض أن يكون و لاكن ما حدث كان العكس.
أنا أظن أن الإحترام من التربية المتجذرة أي أنه لا يكون إلا برعاية الوالدين منذ الصغر و ليس في الكبر .
و على هذا نجد خلافات منبتها قلة الإحترام من الطرفين .
و المشكلة تكون إذا كان في واحد منهم و خاصة إذا كان في المرأة التي لا تستغني عن أبو أولادها بدون أي مبررات.
في رأيي أن من مصلحة اهل زوجة كسب صهرهم و عائلته الى صفهم و ذلك لكي تنعم ابنتهم عنده
ما رأيكم
أرجوا أن يتدخل أهل الإختصاص لأن المشكلة تتعقد يوما بعد يوم و أظن أن الطلاق سيحصل.
فأرجو الإفادة بارك الله فيكم

[*سندوسة*]

بار ك الله فيك على الرد القيم
معك حق فيما قلته و لاكن المشكلة تكمن في الذهنيات المختلفة بيننا فعلى سبيل المثال عمل المرأة
فمن النساء من يرون أن المرأة لا بد لها أن تعمل و تكسب المال و أن تستقل عن زوجها في الشؤون المادية و تصبح حرة رغم انها أكثر مسؤولية من المرأة الماكثة في البيت و هذا لأن بعض النساء تقربا يعبدون المادة و هذه هي الحالة التي أتكلم عنها
ما رأيك في زوجة لا تحترم أم الزوج أصرب لك مثال و انت تحكم
عرس أختها لم تعزم أم الزوج و ذهبت و حدها بحجة أنهم ما عرضوش الناس
هل هذه حجة بالنسبة لك ؟ هي ليس حجة ولكن هنا تدخل فالتربية يعني راهم عائلتين متصاهرين ومامعنى الانصهار يعني متداخلين مع بعضهم البعض اخي انا لا احرض ولكن الاصول تقول هكذا وكاين ناس لي ميعرفوش للاصول وخاصة انت قلت انه اهل الزوج والزوج يحترمون الزوجة يعني كاين ناس لي تتصرف النية فالهبال فهمتني اخي
كيف يكون موقفها إذا سألوها أين هي حماتك ؟
مثل هاد الناس اخي ماعلابالهمش مدام دارو خطرة كيما هادي مايهمهمش احراج الناس ليهم ومدام لقاو سبب يعني حجة لعدم دعوة ام الزوج فكذلك يلقاو سبب لتبرير موقفهم ورانا شايفين من هاد الناس بزاف الله يهديهم

أما بالنسبة للأخت التي قالت السكن المنفرد يقلل المشاكل فأقول لها أنت محقة قي جانب و مخطئة في أخر
أما الجانب التي أنت محقة فيه فهو الإستقلالية و القيمة ؟
و الجانب الذي أنت مخطئة فيه هي التضحية فإذا كانت الزوجة لا تصبر مع زوجها و تدعي انها تريد تفادي المشاكل فهنا تكمن المشكلة يعني ان المشكلة في ذهن المرأة التي تريد الإنفراد بزوجها فقط و لا تريد أهله و قيسي ذلك على أخيك مثلا
هذا رأيي فما هو رأيكم
اخي الزوجة اذا كانو زوجها واهله يحترموها ومكانش مشاكل علاه تحوس تخرج ولدهم عليهم هي من حقها دير دارها بصح كل حاجة في وقتها والام عندها حق تشوف عائلة ولدها قدامها هديك هي الدنيا ومافيها
لعرايس كي ولاو يديري مسكنهم المستقل بدون ماتكون مشاكل واستفرادهم بأزواجهم هو لي خلى البركة تنقص من حياتنا حنا مثلا الوالدة جابتنا حنا كامل عند جداتي وكي كبرنا شوية بنينا حداهم كان بيناتنا باب وبالرغم من المشاكل والله الوالدة كانت قايمة بكل واجباتها وزيادة
وحتى نهار لي توفاو الاجداد والله ماتو قدام عينينا وعاطييلنا دعوة لخير لينا وللوالدة وراضيين علينا الكل هادي هي البركة ودعوة لخير وضرك رانا الحمد لله ماخاصنا والو

[*سندوسة*]

هذا من المفروض أن يكون و لاكن ما حدث كان العكس.
أنا أظن أن الإحترام من التربية المتجذرة أي أنه لا يكون إلا برعاية الوالدين منذ الصغر و ليس في الكبر .
و على هذا نجد خلافات منبتها قلة الإحترام من الطرفين .
و المشكلة تكون إذا كان في واحد منهم و خاصة إذا كان في المرأة التي لا تستغني عن أبو أولادها بدون أي مبررات.
في رأيي أن من مصلحة اهل زوجة كسب صهرهم و عائلته الى صفهم و ذلك لكي تنعم ابنتهم عنده
ما رأيكم
أرجوا أن يتدخل أهل الإختصاص لأن المشكلة تتعقد يوما بعد يوم و أظن أن الطلاق سيحصل.
فأرجو الإفادة بارك الله فيكم

اخي لم اكن اعلم ان الامر يخصك
المهم والاهم يا اخي ان تسيطر على الوضع وذلك بالتحدث مع زوجتك حنا مثلا فالعائلة اذا ماعرضوش ام زوج الرجل يقول لزوجته مكااااانش لعرس

هنا تولي نسيبته ديرله اعتبار ليه ولوالدته مثلا تقول بنتي ماغاديش تحضرللعرس يعني لازم باش نخليها تجي يلزملي نعرض والدة زوج بنتي وهكذا نتا تخليها تغير من تصرفاتها ولكن حذاري انا لا اضمن لك النتيجة



حنا خالي نسابه داروله هكذا كانت مرته عندها عرس خوها عرضوها غير هي
جداتي غاضها لحال
خالي قال لزوجته كي ما ماتروحش نتي تاني ماتروحيش كي قالتها لامها وبقات تبكي ودلق امها جات تعرض جداتي وكبرت بيها

ومن هذاك نهار وهوما يقيموها ويعرضوها على خاطرش خالي هو لي دار هذيك لقيمة لوالدته

[chouchou w]

هذا من المفروض أن يكون و لاكن ما حدث كان العكس.
أنا أظن أن الإحترام من التربية المتجذرة أي أنه لا يكون إلا برعاية الوالدين منذ الصغر و ليس في الكبر .
و على هذا نجد خلافات منبتها قلة الإحترام من الطرفين .
و المشكلة تكون إذا كان في واحد منهم و خاصة إذا كان في المرأة التي لا تستغني عن أبو أولادها بدون أي مبررات.
في رأيي أن من مصلحة اهل زوجة كسب صهرهم و عائلته الى صفهم و ذلك لكي تنعم ابنتهم عنده
ما رأيكم
أرجوا أن يتدخل أهل الإختصاص لأن المشكلة تتعقد يوما بعد يوم و أظن أن الطلاق سيحصل.
فأرجو الإفادة بارك الله فيكم




يا اخي الوالدين ليدخلو في امور بنتهم المزوجة غالطين 100٪ نهاية ديما الفراق اذا غاب الحوار بين الاطراف. الحمد لله والدية ميدخلوش خلاص، ونلقاو في معظم الحالات اكون خطأ الزوجة هي لتسمح للوالدين بالتدخل بطريقة مباشرة او غير مباشرة و هي ايضا لتقدر تمنعهم نصيحتي الحواررووضع النقاط على الحروف احسن من السكوت والغليان الداخلي يؤدي الى ما يحمد عقباه ربي يهدي ما خلق سلام:o

[بائع الورود]

أنا كنت داير في بالي يقولوا ليما غد من ذاك خليتها و انا خليتها على هواها باش نشوف واش يديروا
أنا حبيت جي من عندهم مشي من عندنا عيب نعرض يما عليهم

[*سندوسة*]

أنا كنت داير في بالي يقولوا ليما غد من ذاك خليتها و انا خليتها على هواها باش نشوف واش يديروا
أنا حبيت جي من عندهم مشي من عندنا عيب نعرض يما عليهم

اخي ماعليش هاذي فوتها ليهم
وحاول كيفاش تساوي الوضع

وتأكد مراكش داخل لمعركة تقول نشوفهم هوما كيفاش يتصرفو انا نتصرف

يعني ملازمش تخمم هكذا

وحاول تصغر هذا المشكل وان شاء الله تتحسن الامور انا قتلك الحل راه في يدك لازم تخلي زوجتك تتعلق بيك واكسب قلبها هكذا باش ماتكبرش الفجوة بيناتكم

[saliset]

يا اخي يماك ديرها فوق راسك و عاملهم بالمثل ، يعني ما كبروش بيماك انت تاني كي تجيك المناسبة ما تكبرش يماها و شوف كيفاش يديرو
بنات الاصول ما يديروش هكدا و الله لو كان دارنا ما يكبروش بعجوزتي انا ما نروحش

[بائع الورود]

اخي ماعليش هاذي فوتها ليهم
وحاول كيفاش تساوي الوضع

وتأكد مراكش داخل لمعركة تقول نشوفهم هوما كيفاش يتصرفو انا نتصرف

يعني ملازمش تخمم هكذا

وحاول تصغر هذا المشكل وان شاء الله تتحسن الامور انا قتلك الحل راه في يدك لازم تخلي زوجتك تتعلق بيك واكسب قلبها هكذا باش ماتكبرش الفجوة بيناتكم


قبل ما تروح لدارهم يما أعطتلها الدراهم 5000 دج قالتلها هذوا مديهم لأختك
زيد أعطيتلها الدراهم أنا ُثانيك بزيادة
شريتلها لبيسة لخالها قالتلي غالية قلتلها هذا خالك يستهل
خليتها 10 أيام في دارهم قالتلي علاه خليتني قلتلها باش تعاوني أختك و أنا راني عارف بلي ما عندهم حاجا كبيرة يديروها ختها ما دارتش عرس و ما داروش حتى عشية يسمى دارو حاجة قليلة بصح انا قلت نخليها تفرح مع ختها.
في التشوار أنا لي ديتهم و نزيدلك أنا دايهم و هما مشنفين علي لا كلمة حلوة والوا تقول بسيف علي نديهم
نزيدلك عندها 3 خوالها و 2 ولاد خالتها و 2 عمومها و وليد عمها و عم بابهم يعني عندهم واش يحضروا في التشوار بصح عيطولي ليا و انا قلت ماعليش في خاطر مرتي نديهم .
شوفي ختي انتي باين عليك بنت فامليا
غاضتني عمري خاطش أنا لي وقفت معاهم ما قدرتش نبرد راني نغلي
أنا راني حاب نتأكد و نشوف راي ناس الخير
و السؤال نتاعي هو : متى يصبح التعدي على الأصول جريمة في حق الأسرة و يوجب الطلاق أي أن الطلاق يكون واجبا و شكرا

[بائع الورود]

يا اخي يماك ديرها فوق راسك و عاملهم بالمثل ، يعني ما كبروش بيماك انت تاني كي تجيك المناسبة ما تكبرش يماها و شوف كيفاش يديرو
بنات الاصول ما يديروش هكدا و الله لو كان دارنا ما يكبروش بعجوزتي انا ما نروحش
الله يخليك يا بنت الفاميليا

[hodayena]

اخي الكريم نتمنى متعمرش راسك بيهم الطلاق خليه اخر الحلول ومدام مرتك مطيحتش القدر مع امك عليك بالصبر
كاين حلول بزاف امك مراهيش الدير فيها على جال مرتك بالعكس راهي الدير هاد الشي عل جالك انت قارن يماك مع يماها راح تعرف انو امك بنت اصل ومولات خير امك كبرت بيك كي مدت لمرتك الدراهم ومدام انت ويماك دايرين قيمة لمرتك امها راح تزيد تتكشر ويلا معجبهاش الحال كاين الحيط
انت كي تكون عندكم مناسبة وصي يماك متقولهاش ومتقولش لنسيبتيك العين بالعين والسن بالسن انا هكدا نعرف تشنفو عليك اقتلهم بالبارد
مرتك ناقشها اهدر معاها حاورها قولها كيما انا راني مقيم يماك انتي واجبك تحترمي امي
اخي كبر عقل وخليك من التفاهات انت كبر بيماك وقيمها وهوما يندبرو انت متخليش يماك تزعف والله يسهل عليهم
ايا تخيل راحت ومقيموهاش ماشي يغيضك الحال كثر واكثر انتي الشي الي دارتو يماك مع مرتك كبرت بيك ودارتلك قيمة محلاها العجوز كي تكبر بوليدها وديرلو القيمة احفظ امك وربي يهنيك

[بقداد]

السلام عليكم
كل الامور للازم تحل بالحوار بين الزوجين والحب روالمودة اللي بيناتهم لازم تغطي على المشاكل والعيوب في الطرفين سلام ربي يسعدكم ان شاء الله

[ام نهوله]

المراة التي لا تحترم اهلك و امك بالخصوص لا تسال لاجلها و انما خذ قرارا صارما فيها لا تجعل امراة تخيرك بينها و بين امك انت قلت ان اهلك يحترموها يعني واش راهي حابة
حاول انت ما تحترمش امها و شوف ردة فعلها

[بائع الورود]

اخي الكريم نتمنى متعمرش راسك بيهم الطلاق خليه اخر الحلول ومدام مرتك مطيحتش القدر مع امك عليك بالصبر
كاين حلول بزاف امك مراهيش الدير فيها على جال مرتك بالعكس راهي الدير هاد الشي عل جالك انت قارن يماك مع يماها راح تعرف انو امك بنت اصل ومولات خير امك كبرت بيك كي مدت لمرتك الدراهم ومدام انت ويماك دايرين قيمة لمرتك امها راح تزيد تتكشر ويلا معجبهاش الحال كاين الحيط
انت كي تكون عندكم مناسبة وصي يماك متقولهاش ومتقولش لنسيبتيك العين بالعين والسن بالسن انا هكدا نعرف تشنفو عليك اقتلهم بالبارد
مرتك ناقشها اهدر معاها حاورها قولها كيما انا راني مقيم يماك انتي واجبك تحترمي امي
اخي كبر عقل وخليك من التفاهات انت كبر بيماك وقيمها وهوما يندبرو انت متخليش يماك تزعف والله يسهل عليهم
ايا تخيل راحت ومقيموهاش ماشي يغيضك الحال كثر واكثر انتي الشي الي دارتو يماك مع مرتك كبرت بيك ودارتلك قيمة محلاها العجوز كي تكبر بوليدها وديرلو القيمة احفظ امك وربي يهنيك
راي شباب
هذا مع فامليتها و معها هي كيفاه ؟

[*سندوسة*]

اخي نتا شوف حكي مع مرتك وقولها وين راكي باغية توصلينا قولها يلا قعدنا هكذا ماغاديش نطولو وشوف ردت فعلها يلا شفتها خافت عرف بلي تقدر تنحل الامور ويلا بقات تكبر في راسها كون شوية صارم معاها ماتكترش معها الهدرة وتشوف كي توليلك حنا نسا نعرفو بعضانا كاين لي تبغي تتقلش من نهار الاول بصح يلا لقات راجلها مزير شوية تخاف وتولي لعقلها
وماتخممش فطلاق ضرك

مرتك عذرها بلاك اهلها راهم مأثرين عليها بلكلام بصح يلا قدرت نتا تاثر عليها راح تكسبها وتخليا تغير من عقليتها اخي ماتتسرعش بطلاق بلاك مرتك صغيرة يلزم نتا لي توريلها وترجعها لعقلها مرات كون حنين ومرات كون شوية مزير ونتا تعرف
كاين صوالح مانقدرش نقولهملك



وربي يسهل اموركم

[بائع الورود]

المراة التي لا تحترم اهلك و امك بالخصوص لا تسال لاجلها و انما خذ قرارا صارما فيها لا تجعل امراة تخيرك بينها و بين امك انت قلت ان اهلك يحترموها يعني واش راهي حابة
حاول انت ما تحترمش امها و شوف ردة فعلها

بارك الله فيك
أثلجت صدري
أثابك الله الجنة أمين

[بائع الورود]

اخي نتا شوف حكي مع مرتك وقولها وين راكي باغية توصلينا قولها يلا قعدنا هكذا ماغاديش نطولو وشوف ردت فعلها يلا شفتها خافت عرف بلي تقدر تنحل الامور ويلا بقات تكبر في راسها كون شوية صارم معاها ماتكترش معها الهدرة وتشوف كي توليلك حنا نسا نعرفو بعضانا كاين لي تبغي تتقلش من نهار الاول بصح يلا لقات راجلها مزير شوية تخاف وتولي لعقلها
وماتخممش فطلاق ضرك

مرتك عذرها بلاك اهلها راهم مأثرين عليها بلكلام بصح يلا قدرت نتا تاثر عليها راح تكسبها وتخليا تغير من عقليتها اخي ماتتسرعش بطلاق بلاك مرتك صغيرة يلزم نتا لي توريلها وترجعها لعقلها مرات كون حنين ومرات كون شوية مزير ونتا تعرف
كاين صوالح مانقدرش نقولهملك



وربي يسهل اموركم


انتي صغيرة أو راكي تهدري هكذا خاطش انتي مربي على الأصول يرحم لي رباك
مرتي عمرها 30 سنة نظن بلي راهي كبيرة و تفهم مليح

[*سندوسة*]

انتي صغيرة أو راكي تهدري هكذا خاطش انتي مربي على الأصول يرحم لي رباك
مرتي عمرها 30 سنة نظن بلي راهي كبيرة و تفهم مليح

اللهم امين
بارك الله فيك على الكلام الطيب

وربي يفرجها عليك

[عائشة07]

لا يا أخي مايكونش التفكير في الطلاق على جال اسباب تافهة مثل هدي
يبدو ان زوجتك صغيرة او ماعندهاش خبرة في العرف والامور الجائزة والي مشي جائزة في التعامل مع الناس
وامها كدالك لانها لوكان عرفت راح تزعف هكدا كانت فرضت على امها تعرض ام زوجها يإما ماتروحش
دروك راني نشوف النساب ماعادوش كما قبل يعني مايتصاهروش بالمعنى الحقيقي للمصاهرة فقط مثل المعارف البعاد يتلاق في المناسبات وخلاص
صدقني هدا الي صارمعك صار العام الماضي زوجت اخ زوجي هبطت من دارها حاملة حقيبتها وقالت لحماتها ايا بسلامة رايحة لعرس اختي وخلات حماتها في تعجب سلمت عليها ومشات زوجي غاضته بزاف لكن من بعد نساوها وخلاصت في ارضها
لكن مع هذا التمس لأخيك ألف عذر
ربما عندهم ظروف ماحابينش الناس تطلع عليها في هذا العرس الله اعلم مثل الضيق او حفلة صغيرة ماتليقش بمقام النساب جدد
لان بزاف الشباب ولاو يستغناو عن العرس التقليدي يديرو عشاء للمقربين وخلاص لظروف مادية
المهم إلتمس عذر وخلاص خلي ضنك حسن بيهم وخاصتا بزوجتك التي ربما رأيها ماعندهش تأثير في عائلتها
وانك ترد بالمثل هذا خطاء انت راك تتعامل مع جدة ابنائك فعاملها بأصلك واخلاقك
ويجي اليوم الي تعتذر فيه او تندم في سرها واذا كان لها عذرها فالله هو العالم باحوال الناس
حاول تراضي الوالدة الكريمة باي شيئ آخر الا طلاقك هذا لايرضيها لانها باينة سيدة فاظلة انت ربي من عليك بأم مثالية فربما غيرك لا ...
انت راك حاشم من امك راضيها برحلة من الي يحبها خاطرها مثل حمامات معدنية أو عمرة ادا كنت تستطيع ماديا
وفهم زوجتك كيفاش تحبها تتعامل مع والديك لتفادي مشاكل مشابهة مستقبلا
وربي يقدم الي فيه الخير
http://i.ytimg.com/vi/5vGYfEjmM2Q/hqdefault.jpg

[بائع الورود]

أمين أجمعين

[hodayena]

راي شباب
هذا مع فامليتها و معها هي كيفاه ؟

كيفكيف معاها مقتلكش على مناسبات عايلتها متقولهاش انت تاني ونزيدلك مرتك مزالت صغيرة مش في العمر في العقل طليقي 30 سنة ووالديه يحكمو فيه وصل وليدو مينجمش يجي يشوفو ولو بالتخبانية فما بالك بامرءة اجبد زوجتك لعندك وامك كرامتها محفوظة مدام انت حافظها

[أم شروفة]

رد الأخت عائشة في محله ...........

[ام نهوله]

بارك الله فيك
أثلجت صدري
أثابك الله الجنة أمين

و فيك بارك الله
انا يا اخي بردي السابق لم اقصد به التحريض على الطلاق حتى لا يفهمني الاخوة الاعضاء خطا و انما قصدت ان تكون صارم معها فلا مجال للخيار بينها و بين امك .لا تغضب والديك من اجل الاخرين فالاخرون لم يفنوا حياتهم لبناء حياتك و انا مدركة تماما لما اقول

[ام ملاك.]

بسم الله الرحمن الرحيم
و الصلاة و السلام على اشرف المرسلين أما بعد:
اريد رأيكم في هذا المجال
: اذا كانت الزوجة تعامل من طرف زوجها و أهله باحترام و تقدير و رفاهية اي انه لا يظلمها لا هو و لا أهله و رأى منها العكس أي انها لا تحترمه لا هو و لا أهله و هذا عن طريق المعاملة لا باللسان فماذا يجب هنا مع العلم ان والدتها من النوع التي تحب المال كثيرا و تحب ابنتها تعمل و لا تحب الانصهار في العائلة الكبيرة اي من النوع الذي يحب العيش وحده .

و شكرًا
هذي مش نورمال يليقلها اللي يقمها
واش تحوس اكثر من هكذا؟؟؟
لاحول ولا قوة الا بالله

[رجائي فيك]

يا اخي انا في بداية زواجي اهل زوجي ماكانوش قابلين بيا و اهلي ماكانوش قابلين بيه بالرغم من انه زوتج تقليدي يعني ماكانش علاقة قبل الزواج المهم مكتوب ربي غلب و تزوجنا و لحكم عمله اخدنا بيت بمدينة اخرى و كانت في البداية بعض المشاكل انا متعودة على صراحة في بيتنا و ما نجاملش لكن نعرف حدي و نقف دونه المهم بحكم اخوات زوجي اكبر مني و بدون زواج كانت هناك مشاكل كثير معاهم في البداية كنت نخبر زوجي بكل شيء يصير بيناتنا و لقيت روحي نجيب مشاكل لعشنا و ظبعا مرات كنت نرفض نروح عندهم لسوء معاملتهم معايا مع العلم ان اهلي لم يتدخلو بيناتنا المهم ريحت انا وزوجي و قالي ريحيني انا نرتاح كي تكوني مليحة معاهم و لعيونه قررت نعقد هدنة صارت معملتهم ماتهمنيش نعاملهم بحسن و ظيبة و الاجر على الله و مهما يديروا نحظ صورة زوجي قدام عينية
لكن نصيحة يا اخي امك هي امك لكن لعجوز عمرها ما تعجبها الكنة و الكنة راح دايم تحس بالضغظ مع عجوزتها حتى و ان عاملتها مليح كاين حساسيات امسك العصى من وسظ خصوصا ادا كاين اولاد الله يهدي سرك

[بائع الورود]

اللهم امين
بارك الله فيك على الكلام الطيب

وربي يفرجها عليك

أمين يا رب

[بائع الورود]

لا يا أخي مايكونش التفكير في الطلاق على جال اسباب تافهة مثل هدي
يبدو ان زوجتك صغيرة او ماعندهاش خبرة في العرف والامور الجائزة والي مشي جائزة في التعامل مع الناس
وامها كدالك لانها لوكان عرفت راح تزعف هكدا كانت فرضت على امها تعرض ام زوجها يإما ماتروحش
دروك راني نشوف النساب ماعادوش كما قبل يعني مايتصاهروش بالمعنى الحقيقي للمصاهرة فقط مثل المعارف البعاد يتلاق في المناسبات وخلاص
صدقني هدا الي صارمعك صار العام الماضي زوجت اخ زوجي هبطت من دارها حاملة حقيبتها وقالت لحماتها ايا بسلامة رايحة لعرس اختي وخلات حماتها في تعجب سلمت عليها ومشات زوجي غاضته بزاف لكن من بعد نساوها وخلاصت في ارضها
لكن مع هذا التمس لأخيك ألف عذر
ربما عندهم ظروف ماحابينش الناس تطلع عليها في هذا العرس الله اعلم مثل الضيق او حفلة صغيرة ماتليقش بمقام النساب جدد
لان بزاف الشباب ولاو يستغناو عن العرس التقليدي يديرو عشاء للمقربين وخلاص لظروف مادية
المهم إلتمس عذر وخلاص خلي ضنك حسن بيهم وخاصتا بزوجتك التي ربما رأيها ماعندهش تأثير في عائلتها
وانك ترد بالمثل هذا خطاء انت راك تتعامل مع جدة ابنائك فعاملها بأصلك واخلاقك
ويجي اليوم الي تعتذر فيه او تندم في سرها واذا كان لها عذرها فالله هو العالم باحوال الناس
حاول تراضي الوالدة الكريمة باي شيئ آخر الا طلاقك هذا لايرضيها لانها باينة سيدة فاظلة انت ربي من عليك بأم مثالية فربما غيرك لا ...
انت راك حاشم من امك راضيها برحلة من الي يحبها خاطرها مثل حمامات معدنية أو عمرة ادا كنت تستطيع ماديا
وفهم زوجتك كيفاش تحبها تتعامل مع والديك لتفادي مشاكل مشابهة مستقبلا
وربي يقدم الي فيه الخير
http://i.ytimg.com/vi/5vgyfejmm2q/hqdefault.jpg
بارك الله فيك على هذا الرد
أنا مرتي و نعرفها
بصح إذا غلطت هي برك نجوزها بشرط تجي لي تقولوا غلطت سمحلي نسمحلها
تغلط هي و عاءلتها بزاف
يماها ثاني تغلط ؟ ما تعرفش ؟ عمرها 60 سنة و لا مازالت صغيرة؟؟
نقولك واش يحبوا
كاين عائلات ما عندهم حاجة ما شي عيب عندهم ما يحسوش بلي عيب جامدين يحوسوا غير على صوالحهم ما يحبوش يعرضوا الناس غاطش راح يصرفوا دراهم و هاذي لي ما يحبوهاش هما يحبوا لي يجيبلهم الدراهم .
ما داروش عشية و لاعرس خاطش لوز غالي نزيدلك ما يحبوش يتعبوا علاه يديروا عرس و علاه يديروا القاطو صابو السبا بعمهم مريض بصح إذا حبيتوا تجيبوا الكادوا ما عليش الكادو يدوه و نزيدلك و رثوا 600 مليون كل واحدة دات 100 مليون بلا أجر التقاعد.
شافو فينا النية حسبالهم ناهلين.
هذا النسيب الجديد جدارمي و باباه مليتار يموتوا بالخوف منو . بهدلهم قدامي و هما ساكتين.
كاين لي يحب هكذا ناس ما كاش الرحمة ترحموا يحسبك جايح تقيموا يقولك بهلول تضحك يقول مهبول.
العيب يقعد و دراهم يخلفهم ربي

[بائع الورود]

يا اخي انا في بداية زواجي اهل زوجي ماكانوش قابلين بيا و اهلي ماكانوش قابلين بيه بالرغم من انه زوتج تقليدي يعني ماكانش علاقة قبل الزواج المهم مكتوب ربي غلب و تزوجنا و لحكم عمله اخدنا بيت بمدينة اخرى و كانت في البداية بعض المشاكل انا متعودة على صراحة في بيتنا و ما نجاملش لكن نعرف حدي و نقف دونه المهم بحكم اخوات زوجي اكبر مني و بدون زواج كانت هناك مشاكل كثير معاهم في البداية كنت نخبر زوجي بكل شيء يصير بيناتنا و لقيت روحي نجيب مشاكل لعشنا و ظبعا مرات كنت نرفض نروح عندهم لسوء معاملتهم معايا مع العلم ان اهلي لم يتدخلو بيناتنا المهم ريحت انا وزوجي و قالي ريحيني انا نرتاح كي تكوني مليحة معاهم و لعيونه قررت نعقد هدنة صارت معملتهم ماتهمنيش نعاملهم بحسن و ظيبة و الاجر على الله و مهما يديروا نحظ صورة زوجي قدام عينية
لكن نصيحة يا اخي امك هي امك لكن لعجوز عمرها ما تعجبها الكنة و الكنة راح دايم تحس بالضغظ مع عجوزتها حتى و ان عاملتها مليح كاين حساسيات امسك العصى من وسظ خصوصا ادا كاين اولاد الله يهدي سرك
هذي بنت الفاميليا راجلها تقيموا و تصبر معاه و على جالوا عندي خياتي صرا فيهم الباطل و حنا نزقوا عليهم في كل مرة و ما يحبوش على رجالهم
راني شايف و الفرق باين

[بائع الورود]

و فيك بارك الله
انا يا اخي بردي السابق لم اقصد به التحريض على الطلاق حتى لا يفهمني الاخوة الاعضاء خطا و انما قصدت ان تكون صارم معها فلا مجال للخيار بينها و بين امك .لا تغضب والديك من اجل الاخرين فالاخرون لم يفنوا حياتهم لبناء حياتك و انا مدركة تماما لما اقول

كلامك ثلج على قلبي
بارك الله فيك

[وفاء الياسمين]

السلام عليكم
اردت ان اشارك بكل صراحه و هذا رأي ،
ناس بكري قالوا عامل المرأة كي حبه بيض في الكف
اذا حليت يدك بزاف اطيح من يدك و تتكسر و تذا زيرت عليها تتكسر
خلي الامور معتدلة في معاملتك مع الزوجة هاذي حاجه
و المثال على ذلك كي تغلط معاك المرأه عندك ثلاث ردود فعل ممكن تصدر من اي راجل
اولها تغضب و تضرب و تشتم وهنا راك زيرت عل البيضه
اما تسكت و تجوزها عادي و هنا فتحت يدك بزاف للبيضه
اما تنبهها بنبرة حاده تلليق باالموقف و بنقد بناء دوون شتم اذا لم يفد فاهجرها بالكلام لباقي اليوم وان لم يفد اهجرها للغد وان لم يفد اعد النقد و التنبيه و اكيد ستتعض المرأة هذا اذا كان الخطأ باين و ان كان هناك لبس في الموضوع يجب التوضيح و الاستفسار اولا
اصلح الله شؤون المؤمنين

[وفاء الياسمين]

وحاجه اخرى من خلال واش لاحظت من خلال تجربتي في الزواج
هناك ناس متفائلة و هناك ناس متشائمه كاين مرا حابه تصلح دارها و تسقم روحها و هاذي لازم على الزوج مساعدتها في ذلك باش يوصلو لبر الامان
وكاين مرا انانيه تحوس غير راحتها و تلبية احتياجاتها وهنا التعامل لازم يكون صارم بشدة دون ضرب او شتم اكيد واذا لم تصطلح او تصلح فتركها خير لها من كسرها
حبيت ن صل بكلامي الى انو الانسان قبل ما يلوم و يفارق يخمم و يتدارك
ويحاول يعرف نوع الناس الي راهو يتعامل معاهم باش يعرف يرد بتصرف صحيح و النرفزه عمرها ما تجيب الخير

[وفاء الياسمين]

واذا راك شايف مرتك حابه تحافض على بيتها و اولادها حاول تكون صارم و في نفس الوقت متفاهم و متخليش اطراف اخرى تدخل في الموضوع وكون متأكد اذا كان الزوجين متفاهمين بينهما عمرها العائله ما تكون حجه للفراق

اذا حابه الزوجه تستقل ببيتها فهذا عادي من حقها لكن بشرط الاحترام المشروط مش يعني استقليت يعني نقطع علاقتي معاهم بالعكس الاستقلال هو بداية لعلاقة اصلاح محترمه منظمه بزيارات دائمه و اشياء تكون مشتركه باش تبقى الموده


انا اول شيء اشترطت لزوجي هو انه لا يأخذ بجديه كلام اهلي الا ماصدر مني لانها حياتي انا وليست حياتهم المهم انا واش قلت
مثللا قالتلو يما خليها تزيد تبات ما يردش بقلة احترام و مش شرط يقبل ،
يخليني انا نجاوب على اساس واش تفاهمنا بيناتنا قال يا يما اسمحيلي منقدرش نزيد عندي شغل ضروري باش نتفاداو الاصطدامات

[وفاء الياسمين]

اسمحولي طولت لكن كنت حاب نمد رأيي ونعبر على فكرتي

[حميد.ص]

بارك الله فيك على الموضوع

[بائع الورود]

واذا راك شايف مرتك حابه تحافض على بيتها و اولادها حاول تكون صارم و في نفس الوقت متفاهم و متخليش اطراف اخرى تدخل في الموضوع وكون متأكد اذا كان الزوجين متفاهمين بينهما عمرها العائله ما تكون حجه للفراق

اذا حابه الزوجه تستقل ببيتها فهذا عادي من حقها لكن بشرط الاحترام المشروط مش يعني استقليت يعني نقطع علاقتي معاهم بالعكس الاستقلال هو بداية لعلاقة اصلاح محترمه منظمه بزيارات دائمه و اشياء تكون مشتركه باش تبقى الموده


انا اول شيء اشترطت لزوجي هو انه لا يأخذ بجديه كلام اهلي الا ماصدر مني لانها حياتي انا وليست حياتهم المهم انا واش قلت
مثللا قالتلو يما خليها تزيد تبات ما يردش بقلة احترام و مش شرط يقبل ،
يخليني انا نجاوب على اساس واش تفاهمنا بيناتنا قال يا يما اسمحيلي منقدرش نزيد عندي شغل ضروري باش نتفاداو الاصطدامات

كلامك ما شاء الله عليه
راكي زدت فائدة الموضوع بارك الله فيك
يا أختي واش نحكيلك
أنا مرتي زعما تعرف صوالحها و بحكم أنهم كلهم بنات في الدار و هي الكبيرة فالمشورة ليها هي على هذا مرتي رافدا راسها خاطش يماها مقيمتها بزاف و تعطيلها الحق في كلش حتى لو كانت غالطة
البارح رحت ليها للدار بعت ميساج قلتلها راني جاي نديك بعد صلاة الجمعة وجدي روحك صليت الجمعة و رحت ليهم قلتلها راني تحت و قعدت نسنى فيها ما جاتش عيطتلها ما حبتش ترفد زدت عيطتلها طفات التيليفون انا رعدت الطنوبيل و رحت و درك راهي الأمور هكاك.
شوفي ختي من نهار لي بدا فيه المشكل ما عيطت لا هي و لا يماها حتى لليوم.
واش رايكم الله يخليكم

[*سندوسة*]

كلامك ما شاء الله عليه
راكي زدت فائدة الموضوع بارك الله فيك
يا أختي واش نحكيلك
أنا مرتي زعما تعرف صوالحها و بحكم أنهم كلهم بنات في الدار و هي الكبيرة فالمشورة ليها هي على هذا مرتي رافدا راسها خاطش يماها مقيمتها بزاف و تعطيلها الحق في كلش حتى لو كانت غالطة
البارح رحت ليها للدار بعت ميساج قلتلها راني جاي نديك بعد صلاة الجمعة وجدي روحك صليت الجمعة و رحت ليهم قلتلها راني تحت و قعدت نسنى فيها ما جاتش عيطتلها ما حبتش ترفد زدت عيطتلها طفات التيليفون انا رعدت الطنوبيل و رحت و درك راهي الأمور هكاك.
شوفي ختي من نهار لي بدا فيه المشكل ما عيطت لا هي و لا يماها حتى لليوم.
واش رايكم الله يخليكم

السلام عليكم

اخي بالنسبة لهذا التصرف سمعت بزاف ناس صرالهم هكذا وماعاودوش اتصلو ولا حوسو على زوجاتهم خليها تشبع من رايها والله حتى يجي نهار لي هي تبقى تتصل بيك وتحوس عليك

هكذا باش كي تولي تولي على الصح


ولكن اذا راك تقول امها مساعدتها حتى لوكان غالطة هنا مانظمنلكش النتيجة يعني توقع كلش :1:

وربي يجيب لخير
والله نحير في نسا هكذا تكون تدعي باش ربي يفتح عليها وتتزوج وكي ربي يرزقها تبقى دير فعفايس هكذا الله يهديها
وربي يجمعكم فالخير

[بائع الورود]

السلام عليكم

اخي بالنسبة لهذا التصرف سمعت بزاف ناس صرالهم هكذا وماعاودوش اتصلو ولا حوسو على زوجاتهم خليها تشبع من رايها والله حتى يجي نهار لي هي تبقى تتصل بيك وتحوس عليك

هكذا باش كي تولي تولي على الصح


ولكن اذا راك تقول امها مساعدتها حتى لوكان غالطة هنا مانظمنلكش النتيجة يعني توقع كلش :1:

وربي يجيب لخير
والله نحير في نسا هكذا تكون تدعي باش ربي يفتح عليها وتتزوج وكي ربي يرزقها تبقى دير فعفايس هكذا الله يهديها
وربي يجمعكم فالخير
ربي يهديها
هاذي لي محيرتني
خشانة الراس و ين توصل

[عائشة07]

السلام عليكم
يا اخي يبدو ان الامر تطور في هذا المشكل لازم تصغره ماتخليهش يكبر ويصعب حلّه
انا مافاهماش هي وعلاه راهي زعفانة نوغمالمو انت الي راك زعفان لما ما عرضوش يماك او انا مافهمتش الموضوع مليح
المهم انت خلي كلامك مع الرجل تاع دارهم ماراحش تتفاهم مع النساء!!
اذا حاب زوجتك ترجع لدارها تكلم مع والدها او اخوها وانهي معه الامر مدام المدة تطوال مدام حل المشكل يصعاب
ولما ترجع حددلها حدودها معك ومع والديك لان هي واجب عليها تحترم والديك وعليك كذالك تحترم والديها
والله يهديها ويهنيك اخي ويفرج عليك

[بائع الورود]

السلام عليكم
يا اخي يبدو ان الامر تطور في هذا المشكل لازم تصغره ماتخليهش يكبر ويصعب حلّه
انا مافاهماش هي وعلاه راهي زعفانة نوغمالمو انت الي راك زعفان لما ما عرضوش يماك او انا مافهمتش الموضوع مليح
المهم انت خلي كلامك مع الرجل تاع دارهم ماراحش تتفاهم مع النساء!!
اذا حاب زوجتك ترجع لدارها تكلم مع والدها او اخوها وانهي معه الامر مدام المدة تطوال مدام حل المشكل يصعاب
ولما ترجع حددلها حدودها معك ومع والديك لان هي واجب عليها تحترم والديك وعليك كذالك تحترم والديها
والله يهديها ويهنيك اخي ويفرج عليك
المشكل انوا قع نساء
ما كاش و لا راجل باباها ميت و ما عندهمش خوهم

[شريفة 28]

الإحترام واجب و ضروري من كلا الجانبين.

[sabine 1988]

زوجتك تبان انانية و ماهيش موالفة حتى في دارهم من قبل بالعايلة و اللمات وهذاك هزاتو باللاك من عند امها و الحل انك تواجهها بكل موقف سلبي تقوم بيه و تحسبلها باللاك تنقص شوي و مع الوقت تتعلم منك الصح و الواجب ولازم عليك ديما توجهها و توريلها الاصول مش تتفرج فيها و كاتم في قلبك لانها هكاك راح تزيد تتمادى اكتر

[بائع الورود]

زوجتك تبان انانية و ماهيش موالفة حتى في دارهم من قبل بالعايلة و اللمات وهذاك هزاتو باللاك من عند امها و الحل انك تواجهها بكل موقف سلبي تقوم بيه و تحسبلها باللاك تنقص شوي و مع الوقت تتعلم منك الصح و الواجب ولازم عليك ديما توجهها و توريلها الاصول مش تتفرج فيها و كاتم في قلبك لانها هكاك راح تزيد تتمادى اكتر
الله يرضى عليك

[بائع الورود]

الإحترام واجب و ضروري من كلا الجانبين.
من المفروض و لاكن بعض الناس لازم تفرض عليهم يحترموك بالقوة و لا حول و لا قوة الا بالله

[ناصرة]

السلام عليكم و رحمة الله وبركاته
االاخ بائع الورد وكأنني داخل عائلة أخي الأصغر سبحان الله نفس صفات زوجته هي كذلك كل شيىء في بيت ولديها هي الامير وهي الامر النهي كما تقول ؟؟؟؟؟؟؟؟؟؟؟؟
وصلت بها الامور ان تقول لزوجها الولدين لا صلة رحم فيهما تبقي بلا راس الوحيدة التي لا تزور كل عائلة زوجها من اخوته ونساء اخوانه ووووو
حتى بيت العائلة لا تذهب اليه؟حتى اننا لا نعرف أطفالها للاسف ولكنه هو دائما عند امي و في المناسبات عليه الحزن الشدديد لدرجة البكاء لانه لا يرى أطفاله مع ابناء اعمامهم قصته مأسوية جدا و هو الان يلومنا نحن لماذا لا نزوره وهي لاتريد أحد حتى أمي ؟؟؟؟؟؟؟؟؟؟؟

[بائع الورود]

السلام عليكم و رحمة الله وبركاته
االاخ بائع الورد وكأنني داخل عائلة أخي الأصغر سبحان الله نفس صفات زوجته هي كذلك كل شيىء في بيت ولديها هي الامير وهي الامر النهي كما تقول ؟؟؟؟؟؟؟؟؟؟؟؟
وصلت بها الامور ان تقول لزوجها الولدين لا صلة رحم فيهما تبقي بلا راس الوحيدة التي لا تزور كل عائلة زوجها من اخوته ونساء اخوانه ووووو
حتى بيت العائلة لا تذهب اليه؟حتى اننا لا نعرف أطفالها للاسف ولكنه هو دائما عند امي و في المناسبات عليه الحزن الشدديد لدرجة البكاء لانه لا يرى أطفاله مع ابناء اعمامهم قصته مأسوية جدا و هو الان يلومنا نحن لماذا لا نزوره وهي لاتريد أحد حتى أمي ؟؟؟؟؟؟؟؟؟؟؟

كاين لي تقيموا ينخلع

[سرور2]

ربي يفرج عليك اخي ملقيت منقول لبديت نحكي نعمرلك الصفحات خليها لربي برك

اما بالنسبة لتلفون انا مرى ونعطيك نصيحة راها تجيب نتيجة كرحت ليها وعيطتلها ومحبتش تهبط متقيمهاش وخليها راها دور في رايها وتقلك هذا مسقساش تولي هي تكلم فيك وتسقسي عليك نضن بما انو مكانش الراجل عدهم راها لقات واحد تدلل عليه انت ضرك خليها نتتعب من رايها وكتكلمك وتقلك ارواح ادني قلها راني لاهي من بعد نجي ولا غدوة وشوف وش دير بطل متقيمهاش تولي هي تحلل هههههه

ربي يفرج عليك وعليها

[بائع الورود]

ربي يفرج عليك اخي ملقيت منقول لبديت نحكي نعمرلك الصفحات خليها لربي برك

اما بالنسبة لتلفون انا مرى ونعطيك نصيحة راها تجيب نتيجة كرحت ليها وعيطتلها ومحبتش تهبط متقيمهاش وخليها راها دور في رايها وتقلك هذا مسقساش تولي هي تكلم فيك وتسقسي عليك نضن بما انو مكانش الراجل عدهم راها لقات واحد تدلل عليه انت ضرك خليها نتتعب من رايها وكتكلمك وتقلك ارواح ادني قلها راني لاهي من بعد نجي ولا غدوة وشوف وش دير بطل متقيمهاش تولي هي تحلل هههههه

ربي يفرج عليك وعليها

يعطيك العافية في الدنيا و الاخرة

[سرور2]

الله يسلمك وربي يفرج عليك

[بائع الورود]

رحت البارح ليهم حبستهم عند حدهم
قلتلهم القيمة و القدر تحبو و لا تكرهوا أنا بموالية تحبو و لا تكرهوا
و المرا انتعاعي قلتلها ريحي عند يماك
كانت حاسبة نديها خليتها تشبع من يماها
درك تزيد ايام تولي تسب في مواليها تقوللهم خربتولي داري
هدا ادا فهمت و ادا بق راسها خشين كاين بنات الفاميليا تع القيمة و القدر

[happy luck butterfly]

والله القت هدا ما تفهم والو انا بيت راجلي نحترمهم وعمري ما وصلت واحد فيهم حتى كون تلحق للخشم
بصح هوما هدا فهموه ضعف مني حتى راجلي كي يزعف منهم هبالو كامل يخرجو فيا ما لفيتش واش ندير
اخر مرة راحو خطبو لسلفي وما داوهاش فيا علاه لانني ما عطيتهمش حق الخاتم انتاع الخطبة
ناس كيما هادو كيفاه تحترمهم قولي برك
سلام

[milissa21]

والله كاين شي رجال كي نحترموهم و نحترمو اهلهم يحسبوها ضعف من الزوجة و الاهل يولو يشوفو رواحهم دارو مزية في هاديك الزوجة انا عمري ولا لحقت اهل زوجي و حتى ادا سمعت حاجة ندير روحي ما نفهمش و ما نحبش نربح العيب خاصة لوالديه و لكن تماداو و خاصة الاخوات عكس الكنة الثانية من نهار الاول و راتلهم العين الحمرا و نزيدك كاين اللي من ومن كي يجيبو الجيرواز يشوفوها دايما برانية مالا نعطيك عقلية احكم بالعدل ادا شفتها مظلومة اتقي الله و اذا العكس خليها تتربى في دار باباها انا دايما نقول واحدة ما راهي في بلاصتها العاقلة راحت عند لقباح و العكس

[الألماسة]

شوف يا اخي اللي يقيمك قيموا
و اللي ما يقيمكش ما تشوفش فيه اصلا
اما عن زوجتك بزوج كلمات تفريها
-يا تسلسي روحك و تولي للدارك وتحترمي الكل كيما احترموك
-يا كل واحد يروح فطريقو
ربي يفرج عليك و علينا

[الألماسة]

والله كاين شي رجال كي نحترموهم و نحترمو اهلهم يحسبوها ضعف من الزوجة و الاهل يولو يشوفو رواحهم دارو مزية في هاديك الزوجة انا عمري ولا لحقت اهل زوجي و حتى ادا سمعت حاجة ندير روحي ما نفهمش و ما نحبش نربح العيب خاصة لوالديه و لكن تماداو و خاصة الاخوات عكس الكنة الثانية من نهار الاول و راتلهم العين الحمرا و نزيدك كاين اللي من ومن كي يجيبو الجيرواز يشوفوها دايما برانية مالا نعطيك عقلية احكم بالعدل ادا شفتها مظلومة اتقي الله و اذا العكس خليها تتربى في دار باباها انا دايما نقول واحدة ما راهي في بلاصتها العاقلة راحت عند لقباح و العكس

عندك الحق اختي و كل وحدة و زهرها

[بائع الورود]

شوف يا اخي اللي يقيمك قيموا
و اللي ما يقيمكش ما تشوفش فيه اصلا
اما عن زوجتك بزوج كلمات تفريها
-يا تسلسي روحك و تولي للدارك وتحترمي الكل كيما احترموك
-يا كل واحد يروح فطريقو
ربي يفرج عليك و علينا

أدعولنا معاكم ربي يهديها
غدوا عندي معاهم هدرا و لي فيها الخير ربي يجيبها

[*سندوسة*]

السلام عليكم اخي
الله يهدئ اموركم وسر بيتكم وترجعو سمن على العسل وان شاء الله تكون زوجتك واهلها تعلمت درس من هاذ الايام العصيبة لي مريتو فيها
وربي يحفظكم ويهنيكم ويبقي ستر عليكم

اخي ان شاء الله كي تتحسن اموركم طمنا عليكم
وان شاء الله ندعولك بظهر غيب
بالتوفيق

[*ام عبد الكريم*]

شوف يا اخي الزوجة كي تسمح لاهليها التدخل في حياتها الخاصة و بيتها ماهي مرا (عفوا) كاين امور الوحدة منا لازم تكتمهم حتى على مليها باش تعيش مهنية
و الاحترام لازم يكون متبادل من طرفين العيلة ...ثم واش دخل انها لكبيرة في دارهم ليس هذا معيار ..انا الكبيرة في دارنا و الكل يشاورني و يحترمني و عمري ما نسمح بالتجووزات في حياتي الخاصة ...لعراس الي في دارنا كامل حضرتهم عجوزتي معززة مكرمة و لاشتا عندي مشاكل معها يما تموت عليها دائما حطتها فوق راسها و العكس صحيح كي تجي يما لبيت شيخي و الله ما يخليو الي مايديروهش....
شوف يا اخي انت درت مليح كي خليتها في دارهم باش تخمم مع روحها و لكن كون حكيما و لا تتسرع و تفكر في الطلاق ...الناس كامل تغلط و ربما بما ان ليس لديهم رجل في العيلة سمحو لنفوسهم بتمادي في الغلط (القوامة تجي من الرجل هو الي يفرض قوانين معينة داخل اسرته و الكل يهابوه) انت حاول تتكلم مع زوجتك على انفراض و كما شفت انت ايضا مساهم خليت الامور تخرج عن سيطرتك افقدت هيبتك كرب اسرة ...لذي لازم عليك وضع عدة شروط و مبادئ بينك و بين زوجتك و لازم لازم لازم تفرض اشخصيتك و بسيف عليها تحترمك و تطيعك و تكتم اسرارك (ماش الي يصرى في دارها تروح تحكيه لامها و خواتتها) ..انا انصحك ان لا تغضب و ان تكلمها بهدو و تفرغ قلبك معها ..كل شئ داراتو اثر فيك او في امك متخبيهش ...و ان شاء الله مرتك يكون عقلها في راسها ...ربي يهدي سرك اخي و يسهلك في كل امورك طمنا عليك بارك الله فيك

[بائع الورود]

السلام عليكم اخي
الله يهدئ اموركم وسر بيتكم وترجعو سمن على العسل وان شاء الله تكون زوجتك واهلها تعلمت درس من هاذ الايام العصيبة لي مريتو فيها
وربي يحفظكم ويهنيكم ويبقي ستر عليكم

اخي ان شاء الله كي تتحسن اموركم طمنا عليكم
وان شاء الله ندعولك بظهر غيب
بالتوفيق
لو كان جات مرتي كيما أنتي تفهم ما يصرا ما صرا
راهي حابة تولي للدار بلا ما تطلب سماح كاللي ما دارت والوا جاتها عيب تطلب السماح
هذي من النوع انتع النسا لي يحبوا الزنقا و الخدمة و الدراهم عندها صحبتها انتيم تزوجت عام و طلقت خاطش راسها خشين راهي درك بطفلة
و انا مرتي عندي معاها زوج دراري خسارة ما كاش كيفاه نبعثلك التصاور ماشاء الله عليهم و هي راهي حابا تزيرني بهم
انا الطريقة هذي ما نحبهاش و ماكاش كيفاه تركعني هذي غير تمحيها قع من القاموس انتعها
علاه وليد الفاميليا ينحقر علاه
انا نسوى واحدة كيما انت بنت فالميليا تهنيني في الدنيا و الأخرة

[بائع الورود]

شوف يا اخي الزوجة كي تسمح لاهليها التدخل في حياتها الخاصة و بيتها ماهي مرا (عفوا) كاين امور الوحدة منا لازم تكتمهم حتى على مليها باش تعيش مهنية
و الاحترام لازم يكون متبادل من طرفين العيلة ...ثم واش دخل انها لكبيرة في دارهم ليس هذا معيار ..انا الكبيرة في دارنا و الكل يشاورني و يحترمني و عمري ما نسمح بالتجووزات في حياتي الخاصة ...لعراس الي في دارنا كامل حضرتهم عجوزتي معززة مكرمة و لاشتا عندي مشاكل معها يما تموت عليها دائما حطتها فوق راسها و العكس صحيح كي تجي يما لبيت شيخي و الله ما يخليو الي مايديروهش....
شوف يا اخي انت درت مليح كي خليتها في دارهم باش تخمم مع روحها و لكن كون حكيما و لا تتسرع و تفكر في الطلاق ...الناس كامل تغلط و ربما بما ان ليس لديهم رجل في العيلة سمحو لنفوسهم بتمادي في الغلط (القوامة تجي من الرجل هو الي يفرض قوانين معينة داخل اسرته و الكل يهابوه) انت حاول تتكلم مع زوجتك على انفراض و كما شفت انت ايضا مساهم خليت الامور تخرج عن سيطرتك افقدت هيبتك كرب اسرة ...لذي لازم عليك وضع عدة شروط و مبادئ بينك و بين زوجتك و لازم لازم لازم تفرض اشخصيتك و بسيف عليها تحترمك و تطيعك و تكتم اسرارك (ماش الي يصرى في دارها تروح تحكيه لامها و خواتتها) ..انا انصحك ان لا تغضب و ان تكلمها بهدو و تفرغ قلبك معها ..كل شئ داراتو اثر فيك او في امك متخبيهش ...و ان شاء الله مرتك يكون عقلها في راسها ...ربي يهدي سرك اخي و يسهلك في كل امورك طمنا عليك بارك الله فيك

كذبتلي في وجهي يا أختي
ما دام يماها تعوج فيها و ما تنصحهاش للخير صعيب المشكل باش ينحل
انا راني خايف من هذي النقطة و على هذي راني نفرغ في قلبي هنا
الله يهدينا

[*ام عبد الكريم*]

لا لا ان شاء الله تنحل المور بينتكم ..يمكنك اخدها بعيدا في السيارة بدون ما يزعجكم اي حد و تكلمها بالعقل و تحاول تفهميها اخطاها و اذا رايتها ما تستجيبش و محاولاتك بدون نتيجة يمكنك تهديدها و لكن ليس بالطلاق مثلا بان تتزوج عليها بالاك يتزعزع قلبها و تفوق مع روحها ...لكن لازمك تحاول ..بالتوفيق

[بائع الورود]

لا لا ان شاء الله تنحل المور بينتكم ..يمكنك اخدها بعيدا في السيارة بدون ما يزعجكم اي حد و تكلمها بالعقل و تحاول تفهميها اخطاها و اذا رايتها ما تستجيبش و محاولاتك بدون نتيجة يمكنك تهديدها و لكن ليس بالطلاق مثلا بان تتزوج عليها بالاك يتزعزع قلبها و تفوق مع روحها ...لكن لازمك تحاول ..بالتوفيق
ارجعتها الى المنزل بعد نقاش حاد مع اهلها
و قلت لها لا تعيدها مرة ثانية
الكذب راس الخيانة
نصيحة أقدمها لكم من كل قلبي أيتها المرأة لا تكذبي على زوجك لأنك بذلك تفقدين المصداقية
حينما تكلمت مع عمها قال لي راك حقرتهم كنت رايح النوض و نخليهم
يكذبوا فالوجه يديروا روحهم ما يعرفوش و هوما يفهموها طايرة
أنا يماها لي تقلقني خاطش حاطا روحها او هي والوا قلتلها علاه ما جيش تشوفي بنتك قالت رجلي ثقيلة قلتلها هذي بنتك ؟؟؟

[*سندوسة*]

ربي يفرحكم ويعمر داركم بالحب ولهنا خمو شوية في وليداتكم ربي يحفظهم ليكم ويفرحكم بيهم

[غزلانْ]

احترام أمك من احترامك و ان كان غير دلك فهو تقليل من شأن أخي و الزواج هو ارتباط بين عائلتين و ليس زوجين فقط