المساعد الشخصي الرقمي

مشاهدة النسخة كاملة : مساعدة بسرعة

zaho207
2015-03-30, 17:05
سلام عليكم
راكم عارفين حنا نساء دايما حايرين
عدنا في الدار غير بطاطا و الجزر و الدجاج
واش نطيب ساعدوني
*وردة الشرق*
2015-03-30, 17:18
مساء النور اختي ديري روطي في الفور لو بيري مع الدجاج محمر او بطاكا في الكوكوط ادا حبيتي نعطيك وصفة بطاطا مع جزر في الفور
zaho207
2015-03-30, 17:29
واه حنونة مديلي كفاه ندير بطاطا و الجزر في الكوشة
zaho207
2015-03-30, 17:33
الاخت زينب تاني عندي زيتون و فرماج كيفاه ندير
natacabell
2015-03-30, 17:34
بطاطا و الجزر و الدجاج في الكوشة ممممم بصحتكم راهي دبرت عليك زينب تدبيرة هايلا
zaho207
2015-03-30, 17:35
بصح كيفاه نديرهم
*وردة الشرق*
2015-03-30, 17:39
سامحيني جاتني مكالمة دقيقة درك نكتبلك الوصفة
zaho207
2015-03-30, 17:46
شكرا اختي الغالية
*وردة الشرق*
2015-03-30, 17:48
اختي مدام عندك زيتون وجبن نعطيك 2 طرق وانت خيري
الوصفة الاولى: هده الوصفة سريعة وسهلة وبنينة
قصي بطاطا مكعبات او دوائر وجزر كدلك لكن الجزر قصيه شوية رقيق من البطاطا +بصل +توم مقطع +زيتون يكون مغلي من قبل وتوابل ملح وفلفل اسود +كمون +زعفران وزعيترة ادا كانت موجودة+دبشة ومعدنوس +زيت فناج زيت +ماء قليل +جبن قصيه مربعات
غطيها بالالمنيوم او ادا ماعندكش ديري غطاء تاع اي طاوة المهم تغطي المول وتدخليها تطيب في الفور بعدما تطيب لازم يكون فيها شوية مرق تخلطي 2 حبات بيض وتفرغيهم فوقها رجعيها للفور ينشفو فقط وخرجيها
تتاكل سخونة اممممممممممم
zaho207
2015-03-30, 17:50
شكراااااااااااا اختي الغالية
*وردة الشرق*
2015-03-30, 17:55
الوصفة التانية تكون بالمرق احمر
تقصي البطاطا والجزر متلما نقصو البطاطا فريت والبطاطا قصيها شوية خشينة واكيد الجزر رقيق
تدرسي التوم 3 سنينات فقط في المهراس مع شوية ملح تضيفيلو فنجان زيت وتوابل ادا عندك فلفل عكري ديريه وما تستعمليش الطماطم ادا ما عندكش حطي طماطم حب او مصبرة ما تكتريش هده التتبيلة امزجيها مع البطاطا والجزر وضيفيلها الزيتون ودجاج وحطيها في الكوكوط حطي الماء في قاع الكوكط ما تكتريش بقطي النار لما تغلي نقصي النار على الاخر وقفلي وخليها تطيب تاخد من 30 الى 45 دقيقة بعدها انزعيها من الكوكوط تكوني سخنتي الفور حطي فقط المقادير اللي طابو واحتفظي بالمرق دخليهم للفور 15 دقيقة يتقرمش شوية تجي روعة
لما تقدميها حطي شوية مرق اصلا المرق مش راح يكون بزاف

نتمنى نكون افدتك اختي بالتوفيق
*سندوسة*
2015-03-30, 18:20
السلام عليكم
اختي البطاطا قطعيها مكعبات واقليها

وحضري صلصة الطماطم
وفوري الدجاج واقليه
والزيتون قطعيه

حكمي بلاطو ديري فيه
البطاطا وسقيها بلاصوص وديري الدجاج مقطع فوقها والزيتون
وديري الفرماج ودخليهم فالفرن غير قد مايذوب الفرماج وطفي عليها