لكل استفساراتكم عن ورق الجدران

[Maria dadi]

السلام عليكم ورحمة الله تعالى وبركاته
اردت تقديم المساعدة في ما يخص ورق الجدران أنواعه سعره
كيفاه يتركب لانه دارج في هاذا المسوسم وخرج فيه الجديد ورائع
لي عندو سؤال يخليه هنا وانا بدوري ساجيبكم
وبالتوفيق ان شاء الله

[نائلة]

http://store1.up-00.com/2015-02/1424952741936.gif

http://store2.up-00.com/2015-03/1425670833654.gif

عزيزتي هناك العديد من الطلبات حول هذا الموضوع وياريت تفيدنا بما تملكين من معلومات

[Maria dadi]

اهلين وسهلين حبيبتي نائلة نورتي موضوعي
أختي انا زوجي يركب فيه في البيوت كيما الدهان هاذي خدمتوا على بيها درت موضوع عليه
لي عندو طلبات او أسئلة حول ورق الجدران يخلي سؤال هنا وهو مع لعشية كي يرجع من العمل
رايح يجاوب على الطلبات انا راني غير همزة وصل فقط وعندي حاجة قليلة من المعلومات برك
وبالتوفيق للجميع

[السَّحابة البيضاءْ]

السّلام عليكم ورحمة الله

نشكركِ أختي على النصائح الّتي تقدمينها للأعضاء في موازين حسناتكِ إن شاء الله

للتثبيت لتعّم الفائدة

[Maria dadi]

وعليكم السلام ورحمة الله وبركاته
لا شكر على واجب أختي العزيزة ربي يقدرني ونفيدكم ان شاء الله

[oumraouf]

السلام ...اشكرك اختي على هذه الخدمة التي تقدميها لأعزاءالمنتدى .. سأؤوالي هو الاتــــــــــــــــــــــــــــــــــي :-
لقد قررت أن لا أركب فاينس في مطبخ ثنائي( اضافي) لأنني سـاستعمله للقهوة والشاي فقط لأنه جنب صالون كبير للعزائم فقط .. وهنا فركت في ورق الجدران .. ولحد الآن لم يتح لي الوقت كي اتنقل بين المحلات للإختيار مم ممكن الزوج الكريم ينصحني .. وهل يوجد صور ان امكن ترفقينها -- ورأيه في فكرة جدران المطبخ بالورق.. انني في االإنتظار .. وشكــــــــــرا

[Maria dadi]

السلام عليكم اخت ام رؤوف سامحيني على تأخر الإجابة
أختي ورق الجدران طورو فيه بزاف أشكال وألوان وكذالك يوجد نوع خاص من ورق الجدران
للمطبخ والحمام وتوجد فيه أشكال عديدة منها اللون الأبيض السادة واللون الأبيض لي فيه أشكال
مثلا أزهار او أوراق الشجر او مربعات او مثلثات او معينات وكي يتصبغ راح تبان الأشكال لي فيه
ويوجد أيضاً ورق الجدران بالألوان والأشكال وكاين أشكال قريبة جداً من الفاينس مما يجعلك لا تفرقين
بينها وبين الفاينس حتى تقتربين منها لكن سعره غالي جدا سامحيني اخت لا استطيع وضع الصور لانني استعمل الهاتف
وبالتوفيق لك أختي

[oumraouf]

سلامي الحار لك اختي ماريا ديدي، لقد اسعدني جوابك ، ويا حبذا لو تكرمتي علي بالنصحية - طبعا بمساعدة زوجك الكريم- جمعكما الله في الدنيا والاخيرة معا آمين يارب العالمين.. هل استعمل الجدران الأربعة بالورق أم حائط واحد فقط أم اثنين ؟ وشكرا...ســــــلام

[Maria dadi]

سلام أختي العزيزة ومشكورة على الدعوة ولك بالمثل
نصيحتي ليك أختي استعمليهم الأربعة أحسن وصبيغة ديري زوج حيوط لون وزوج لون
مثلا باج وبني شوكولا بالتوفيق أختي الكريمة

[sinner]

السلام عليكم اختي
لو تتكرمي اختي و تسقسي راجلك نقدرو نركبو ورق الجدران وحدنا بدون مختص فيه
وان امكن حطيللنا بعض الصور لانواع الورق
وشكرا اختي

[Maria dadi]

شوفي أختي اذا كنت تعرفي انت وزوجك تركبوه ماعليش بصح اذا معندكم حتى معلومة
إذن جيبو مختص أحسن لأنو فيه حسبات ولازم يطيح قدقد باه تجئ الخدمة مليحة
اما على الصور ضرك نجيبلك صور على انواع ورق الجدارن
لكن قولي لي الأماكن لي تركبوه فيهم ؟؟؟؟؟؟؟؟؟؟؟

[ziaya]

لماذا تستعمل ورق الجدران لماذا لا تطلى والرسم عليها مثلا

[Maria dadi]

لماذا تستعمل ورق الجدران لماذا لا تطلى والرسم عليها مثلا

كي تكبر يقولولك علواه تستعمل ورق الجدران وليدي روح تلعب على روحك وخليك من لحاجة لي اكبر منك

[seridz]

سلام عليكم الاخت بارك الله فيك اولا على هذا الموضوع المفيد ثانيا حبيت نسقسيك على شحال يدير للمتر الواحد و شحال يخدمو المختص للمتر الواحد و زعمة شكون خير في نظرك من حيث التكلفة و العمر الافتراضي الطلاء العادي ولا ورق الجدران

[Maria dadi]

السلام عليك اخي وفيك بركة شكرا
شوف اخي انا عند كي ورق الجدران كي صبغية من حيث التكلفة تقريبا نفس السعر
والسعر ورق الجدران للمتر الواحد من النوع الجيد هو أربعون دينار جزائري
اما من حيث الديكور انا افضل صبغية أحسن ورآه خرج فيها الجديد الأكثر من رائع
ونعطيك فكرة عن الجديد لي هو جلد الحمار الوحشي وجلد النمر وجلد الكبرى اي ثعبان
كلمة مذهلة اقل شيء عليها

[زوجة لزهر]

لو تحدثينا عن تنطيفه

[بستان الورود]

انا داري تقريبا كامل بورق الجدران هو جميل وباهي ولكن لازم يتعس من الاطفال بنتي شحال من مرة تقطعو ونعاودوه

وانا انظفه بكتانة من الغبرة ثم امسحه ببونجة معصورة مليح يوللي كيما كان

[Maria dadi]

انا لا اعرف طريقة تنظيفه
ان شاء الله تكون الأخت افادتك شكرًا

[ام البنوتة]

السلام عليكم...
اختي مارية كنت قرات من مدة في احد المنتديات الخليجية عن ورق جدران يسموه الفسفوري هو شكله عادي لكن في غياب الضوء تظهر فيه اشكال فضية رائعة و رايت الكثيرات يضعنه في غرف النوم
ماريك فيه و حتى ان لم يكن متوفر عندنا ماريك هل السبيغة احسن ام ورق الجدران لغرف النوم و الف شكر

[manwilla]

مشكورة على الموضوع المتميز انا حبيت نعرف وين نلقاوه يتباع و سعر المتر الواحد . هو الصح يمد منظر شباب للبيت

[nacer.lai]

كلمات الثناء لا توفيك حقك، شكراً لك على عطائك.

[الصابرة ام يحيى]

بارك الله فيك

[mumu]

افضل الطلاء الوان جميلة احسن من الورق لانة مكلف و يتطلب مراقبة مستمرة

[اشرقت نفسي]

الالوان صالحة لصلون