ريحوني في بنتي ربي يجازيكم كل خير

[angel01]

نقدر نمد زيت الضرو لبنتي في عمرها شهر ونصف ... عندها البرونشيت ... ربي يهنيكم انصحوني والله هبلت

[kikimnarim2]

دفيه وامسديلها بيه صدرها و اعطيها ترضع منك قد ما تقدر وننصحك اديها يشوفها طبيب خير

[ذكرى أبي]

السلام عليكم
كيما قاتلك الأخت أمسديلها بيه إيلا ما فادهاش ما يضرهاش ، و إذا برونشيت (و أنا ما نظنش لا خاطر في السن هذا ما واسمهاش برونشيت واسمها برونكيوليت) كاين أدوية و مضادات يمدهالك الطبيب و ربي يجيب الشفا

[ام ورود]

اختى انا وعائلتى من الاوفياء لزيت الضرو......ولكن ليس اقل من سنة.....يا اختى في السن نتاع بنتك من الافضل تديها للطبيب يعطيها الدواء بلاكي تخليها لكن نصحك رقدي شوي من الثوم مقشر ومقطع في زيت الزيتون في الصباح وفي الليل دفي هداك الزيت و دهنيلها شوي صدرها ثم جيبى سربيثة صغيرة وحطي في وسطها الزيت والثوم وحطيه على صدرها يكون دافي وخليه على صدرها طول الليل (طبعا البسيلها وغطيها)وصباح نزعيه......ديريه كل يوم حتى تشوفيها تحسنت
هدا يعاونها باش تخرج قاع واش في صدرها ......وربي يجيبلها شفاء انشاء الله واي سءال رانى هنا

[angel01]

راني ديتها 3 خطرات وقاتلي عطيتها احسن دوا منقدرش نزيدها... وقاتلي نديها للسبيطار باه يديرولها لايروسول بصح زوجي رافض الفكرة خايف كاش يديرولها. عندها وحد السعلة تتقفل ومتقدرش تتنفس حتى تزراق نقول خلاص ماتت بصعوبة باه تولي تتنفس مسكينة لحتى دوخ. والله قلبي يتقطع عليها.. دبرو عليا الله يخليكم

[*وردة الشرق*]

ربي يشفيها ااختي انا ما نصحكش تشربيهولها لكن ادهنيلها صدرها فقط ولميها مليح ولما تلقايها عرقت بدليلها الملابس بلاما تهاويها لانو لو تعرق ويبرد عليها رايح يضرها اكتر بالتوفيق

[wahibaazel]

راني ديتها 3 خطرات وقاتلي عطيتها احسن دوا منقدرش نزيدها... وقاتلي نديها للسبيطار باه يديرولها لايروسول بصح زوجي رافض الفكرة خايف كاش يديرولها. عندها وحد السعلة تتقفل ومتقدرش تتنفس حتى تزراق نقول خلاص ماتت بصعوبة باه تولي تتنفس مسكينة لحتى دوخ. والله قلبي يتقطع عليها.. دبرو عليا الله يخليكم

اختي اولا ربي يشفي بنتك ،لااااااااااازم تديها لسبيطار راهي صغيييييرة وماةعندهاش منااااعة ،
هكدا صرالبنتي وكان عند الطبيبة لوكسجين وتعملولها ،وكانت تسترااااح بزاف .
اديها لسبيطار قسم الاطفال وهوما يعرفو يتعاملو معاها لانها صغييييرة بزاف .

[kikimnarim2]

شوفي اختي ما دام بنتك وصلت باش تزراق يعني حالتها تاع السبيطار وما تخافيش ما يحكموهاش برك يديرولها الaerosol وانت كمليلها celestene معles antibiotiques وباقي الدواء تاع الطبيب فالدار
راهي ماشي تاع الدواء الاعرب وحدو

[angel01]

شوفي اختي ما دام بنتك وصلت باش تزراق يعني حالتها تاع السبيطار وما تخافيش ما يحكموهاش برك يديرولها الaerosol وانت كمليلها celestene معles antibiotiques وباقي الدواء تاع الطبيب فالدار
راهي ماشي تاع الدواء الاعرب وحدو

اختي نظن انك طبيبة
زوجي خايف يديرولها ماساج باه يخرجولها ليقلاغ ويضوروها... كيفاش نقنعوا.. على خاطر قالولي يديرولها توييو يخرجو بيه ليقلاغ صح؟
لايروسول عبارة عن واش؟

[kikimnarim2]

لو كان تتبعي راجلك تخسري بنتك
انا نخرج les glaires لبنتي وحدي في الدار كي تعود في خشمها يتباع mouche bébé اجبدي بيه يعاون بزاف
وكيتعود في صدرها امسديها كما قلت بزيت الضرو من تحت ل الفوق وقيّها بعد ما تديريلها السيروم في خشمها باش les glaires يطراو
كاينة حاجة مليحة في حالات كما هادي ل اللي ما يحبوش يعطو اولادهم الدواء اوراق الكاليتوس شعليهم في طاجين البخار هذاك مليح بزاف يصفي الصدر
وانا نقولك كل هذا ما يكفيش لازم لازم لازم يشوووووووووووفها طبيب لا خافتي من السبيطار اديها يشوفها pediatre وهو يدبر عليك
ربي يشفيها ان شاء الله

[*عائشة*]

ادي بنتك لسبيطار في اقرب وقت باش يديرولها الماساج لانها قادرا تموت في اىي لحظة وزوجك اذا يحب بنتو تعيش لازم يسرع مستحيل الدوا ولا الدوا العرب ينفعها خلي يخرجولها الميكروب السع ومن باعد ديري الدوا عرب اذا بغيتيييي

[ام ورود]

اختى انا وعائلتى من الاوفياء لزيت الضرو......ولكن ليس اقل من سنة.....يا اختى في السن نتاع بنتك من الافضل تديها للطبيب يعطيها الدواء بلاكي تخليها لكن نصحك رقدي شوي من الثوم مقشر ومقطع في زيت الزيتون في الصباح وفي الليل دفي هداك الزيت و دهنيلها شوي صدرها ثم جيبى سربيثة صغيرة وحطي في وسطها الزيت والثوم وحطيه على صدرها يكون دافي وخليه على صدرها طول الليل (طبعا البسيلها وغطيها)وصباح نزعيه......ديريه كل يوم حتى تشوفيها تحسنت
هدا يعاونها باش تخرج قاع واش في صدرها ......وربي يجيبلها شفاء انشاء الله واي سءال رانى هنا

اختى سلفتي طبيبة وهده هي طريقتها في اخراج النخامة ،وحاجة تاني ادا عندك ريش القاليثوس غليه مليح في الماء وحطيلها تتنفس البخار ديالوا يساعدها باش تتنفس مليح اختى هدا الكل يساعد لكن ديها لسبيطار راهي صغيرة بزاف ومناعة نتاعها مش قوية في هد العمر.........متلعبيش بالبنت وزوجك ربي يهديه.....
وربي يشفي

[ام ورود]

والله تقلقت على بنتك وكانها بنتي .....ارجوا تطمنينا

[amouna.sem]

ربي يشفي بنتك و يخفف عليها لكن موحال ترتاح بدواء عرب على خاطر مريت بالتجربة هذه غير celestene لي منعلي ولدي او كورتيكويد بصح متخافيش بالشفاء عليها و زيت الضرو مليحة بصح اذا بنتك الرجيك (allergique) ليها قادر بعيد الشر تقتليها

[angel01]

والله لحد الساعة ماديناهاش .. والله هي تعذبت وانا كيف كيف.. ان شاء الله غدوة وعدني نديوها.. علابالكم عندها اكثر من عشرة ايام وهي بهذي الحالة.. اديناها مرتين عند البيدياتر وقالت كملولها الدواء وادا ماتحسنتش اديوها للسبيطار. الدوا خلاص نهار الاثنين وماكانش تحسن. ادعيولها ربي يهنيكم تكون من نصيبي .

[anissa90]

ربي يشفي بنتك ولكن يا اختي 10ايام بزااااااف واش ركم تنتظروا باش تدها عند طبيب اخر لا قدر الله تخافي الوضع تعها يطور شوفي اختي عن تجربة انا صرات للوليدي هو من لي نزاد كان صدرو معمر كنت نديرلوا مساج كل صباح في ظهروا شكل دائري بعدها نووقفوا واحد نهار ديتو المستشفى بارني كانت عندو سعلة كانوا واحد شيخ و كذلك قلت باش انحهملوا درولي غير ليروسول و عطولوا دواء مرتاحش عليه عندي اختي طبيب
مدتلوا betacrovis لمدة 5 ايام مرة وحدة في النهار راهو فيه دوزوغ مثلا اذا كانت توزن 5كغ اجبدي 50
125 clamoxyl 250 mg ou لمدة 10ايام 2 مرات في اليوم راهي جي بودرة داخل قارورة العلبة الحمراء و البيضاء هي لمليحة لان الزرقاء طول باش تفيد
مدتلو ventolin بخاخ ب chambre هذه تساعد على التنفس تنفتح قصيبات هوائة مدتهلوا لمدة 15يوم في ليل نبلاسيلوا ماسك مليح لمدة5 د حتى يدي لادوز كاملة سعداتوا حتي علي les glaire

[angel01]

السلام عليكم اخواتي... الحمد لله بنتي راهي في تحسن ... راني ديتها للمستشفى ودارولها لايروسول نهار كامل ورديو على صدرها لقاوه معمر ليقلاغ.. وعندها في الرئة نتاعها بلاصة مبوشية بالاقلاغ.. بعثونا للكيني باه يديرولها مساج .. والحمد لله درتلها 2 مرات .. وراهي خفت عليها السعلة والنهجة بصح ليقلاغ متنحاوش كامل .. مازالني نسمع في التخرخيش في صدرها.
شكراا لكل اخت حملت معايا هدا المشكل وشكراا لكل اخت نصحتني وعاونتني في اقناع زوجي باه نديوها للمستشفى. ربي يحفظكم و اولادكم ان شاء الله.

[ام معاوية 09]

يارب يشفيلك بنتك وكل مرضى المسلمين والله استراح قلبي لسماعي انها تحسنت

[MOUNASALLOUM]

بالشفاء عليها و لازمها طبيب اطفال

[حنين فتـاة]

جربي تدفي زيت زيتون او زيت الضرو ودهنيلها صدرها وعسيها من الما متخليهاش تخلط فيه سيرتو صدرها متخليهش يتبلل ومن الاحسن تديها للطبيب