واش جماعة الباك . وين راكم واصلين بيها ^^

[الظلام الساطع]

السلام عليكم ورحمة الله ...

انا عقبت الباك العام اللي فات وجبتو والحمد لله . حاب نعرف واش راكم تديرو دوك نتوما ^^

[شمۋځ أنٹـے »]

مرحبآ بيكـ معآنآ خويآ ههههه
آلحمد لله رآنآ معآهآ آن شآْ آلله تكمل آلمجهودآت تآعنآ بآلنجآح

ممكن سؤآل : شحآل معدلكـ تآع آلنجآح ؟؟ و وآش تقرآ حآليآ ؟؟

[الظلام الساطع]

معدلي 13.72 - علوم تجريبية

ودوك راني نقرا رياضيات واعلام الي

[شمۋځ أنٹـے »]

آلله يبآركـ ربي يوفقكـ خويآ

ممكن نصيحة في آلعلوم عن منهجية آلآجآبة ؟؟

[الظلام الساطع]

شخصيا كنت نعاني بزاف في العلوم من ناحية الاجابة . يعني كنت نعرف الحل بصح اجابتي تكون غير مرغوب فيها ومانديش مليح طوال العام الدراسي

لكن الحل الامثل لهاته المشكلة هو حل مواضيع الباك ومقارنة اجابتك مع التصحيح النموذجي ... وبلعقل بلعقل حتى تتعلمي.... دون قلق ^^

والحمد لله اخذت فيها فالباك 14 بالرغم من صعوبة الموضوع نوعا ما .>>>

[rorororo]

شكرا أخي الظالم الساطع ممكن تقولينا واش اعطاوك رغبات؟!

[floura]

سلام اخي...


شكرا لك ومبروك النجاح:1:

معليش تعطينا علاماتك في جميع المواد لو سمحت؟:mh31:

[owl city]

جا هو يسقسيكم...وليتو نتوما تسقسوه...:1:
شكرا جزيلا على الاهتمام اخي...وفقك الله لمبتغاك...

[اكرام.]

ياااااااو السيدي تع بن غبرييط رااه قااتلناااا ههههههه فووووووووور بزاااااف والموقع هدااك .. ماتاممنش عقلك ... راااناا بااغيين نطرطقوو مل الامتيااز والفهامة .هههههه

[الظلام الساطع]

* الاختيارات عطاوني بزاااااف ههه ، قريب 100 ،،، استاذ ، هندسة معمارية ،،،، الخ ، المهم مكاش طبيب وصيدلة .

* النقاط تاعي :
علوم 14
فيز 10
ريا 14.5
ادب 11
فلس10.5
شريعة19
فرنس13
انجلز17
اجتم 17
سبور ههههههه

وخلاص .

[الظلام الساطع]

Owl city ،،،، هههههههه والله راك شفتي ، تاع الباك يسقسوا بزاف .

بصح ماعليش ياك نستفادو من بعضانا .

[samira196]

mrc bcp khouyaa ms bghit nssa9ssikk mnin 7fadht ijtima3iyet !!!

[الظلام الساطع]

الاجتماعيات ،،، المصطلحات والشخصيات حفظتهم من مواضيع الباك المحلولة ، وكذلك كل شخصية عندي عليها فكرة او اكثر في راسي ،،، يعني نخلط وخلاص ههه ^^ ،،، والباقي حفظت شوي شوي من الكراس .

[djouhar23]

السلام عليك
على ماذا اعتمدت في الشريعة

[الظلام الساطع]

اعتمدت في الشريعة على الكراس 100 بال 100

التعريفات حفظتهم كما في الكراس . اما الباقي من شرح وفوائد وغيرها ... حفظت شوي من الكراس والباقي كتبت من راسي .

-___-

[sbmwhadz]

اخي الظلام الساطع
بحكم تجربتك في الشهرين الباقيين ما هي الطريقة لمن هو متأخر ولم يبلغ 60 بالمائة من التحضير

[***نور الهدى***]

ماذا اخترت في الفلسفة ؟ ديت 10.5 راك ممتاز هههههه:1:


كيما قالت الاخت جيت نتا تسقسي ولينا نسقسيو فيك ههههههه

[الظلام الساطع]

بالنسبة لاخي sbmwhadz :

انا ثاني العام اللي فات عانيت في الاشهر القليلة اللي قبل الباك . ماكنتش مراجع بزاف. على خاطر كنت خدام احيانا ههه ^^ ...:mh31:

لكن عادي ___ استمر في المراجعة بشكل عادي ... المواد العلمية ديرلهم مراجعة من الاول للاخير وحل مواضيع الباك السابقة تاعهم

اما المواد الادبية وتاع الحفيظة ... احفظ غير شوي شوي الفوق . وحاول تفهم اكثر من ان تحفظ وخلاص . وحل مواضيع الباك .

* وفوق كل هذا كن متأكدا ان الله لن يضيعك مادمت تتوكل عليه . حتى ولو لم تراجع الكثير :19:

____ وان شاء الله تنجح . وتبعثلنا شويا قازوز ههه . وشكرا .

[الظلام الساطع]

بالنسبة للاخت ***نور الهدى*** :

الفلسفة العام اللي فات خيرت تاع مصدر الرياضيات عقلية ام تجريبية .

وطريقتي في مراجعة الفلسفة هي انني نفهم الدرس واش راه يقول . بدلا من ان نحفظ المقالات كما يفعل معظم التلاميذ ... طوال العام الدراسي لم احفظ ولا

مقالة وكنت مستعدا لأن احل اي اناقش اي موضوع في الفلسفة . لانني كنت نفهم واش رانا نقراو . ونعبر بطريقتي الخاصة ونجيب امثلة من راسي من الواقع

وكذلك التعبير تاعي كان تاع كبار شويا ههه ^^ . ودائما احاول ان لااخرج عن الموضوع .

___ هذا فقط .

[أسماء الغالية]

اممم نحن دائما مع مراجعة المواد في العطلة ومحاولة استغلال الووقت " لا يمكن لاي ثانية ان تطير منّ xD -- ، ههه ،، : " يـآ سَـلاآم قرائتي لردّودك هذا جعلتني ادرك ان الباك ماهو الا بالشيء البسيط .. لكن نحن من نراه بالشيء الصعب ا"

[lililo]

خويا سمحلنا جيت نتا اللي تسقسي ولينا حنا اللي نسقسيو فيك
وقريت الردود تاعك والله استفدت بزاف مي الله يجازيك قلي انا صراتلي كي اللي فاق لقا روحو فالزقاق فقت فالاشهر الاخيرة و مالقيت منين نبدا
مارانيش حافظة و المراجعة مازال مابديتش راني جايبتها غير نصلي و ندعي
المهم السؤال زعما يكفيني الوقت نكمل والله راني حايرة و حاسة بخيبة سيرتو كي نشوف والديا يتعبو علاجالي والله تغيضني عمري

[الظلام الساطع]

بالنسبة للأخت lililo :

انتي واش خاسرة .... كملي راجعي وخلاص . بالاك تنجحي . انصحك ان تراجعي كل مادة ثم تتجهي مباشرة الى مواضيع الباك والاختبارات وتخدميهم

حتى تترسخ الفكرة في ذهنك . واكيد مازال الوقت .... شهرين انا حفظت فيهم الشريعة قريب كامل وكذلك الاجتماعيات . وتعلمت فيهم منهجية الاجابة تاع العلوم

من خلال مواضيع الباك السابقة .... وكذلك كرهت حيااااااتي مع الفيزياء .... هههه تبااا لتلك الاوقات الجميلة والسامطة في نفس الوقت .

--- ومادام راكي تصلي وتدعي في ربي هذاك هو اهم شيئ . ينقصك برك تتوكلي عليه فالمراجعة ولو شيئ قليل .

لأنه لن يخيبك ..... أبدا .


_________________________ :D .

[♥ النابغة روميساء ♥]

شكراااااا جزيلا لتخصيصك لنا هذا الوقت
بوركت

[" سرحات "]

اخي الكريم بما انك تدرس رياضيات إعلام الي
اريد سؤال اخي الكريم داخل التخصص وهـو :
اخي الكريم هل تدرس على برامج java + C+.......والخورزميات .......
انـا اريد دراسة هذا التخصص للتعلم البرمجية .....
وانت وين تقرا فيها وش تنصحني انا حاب نجيب الباك وندير رياضيات إعلام الي
بصح في جامعة الجلفة وش رايك فيهااااااا

[شمۋځ أنٹـے »]

سآمحنى خويآ آنآ لي بديت بآلآسئلة ههههههههه
وآلله حصّلتكـ معآيآ
ربي يكون في عوؤنكـ

[الظلام الساطع]

النابغة رميساء : عفوا ^^

[الظلام الساطع]

بالنسبة لاخي سرحات :

مانقراوش بالجافا حنايا نقراو بالبروقرام pascal .

ايه . نقراو الخوارزميات algorithme هو ما الاساس في هذ الشعبة

*** انا نقراها فالمدية .... بصح دير في بالك بلي صعبة بزاف . تقرا كلش بالفرونسي . والمواد كامل صعاب .. هههه ^^ . كيما هديك الالغوريتم . المخير يدي 2 او 3 ككك

المهم دبر راسك . شوف نتا ونيتك . اذا كنت تحبها وقادر عليها غير اقرا . واذا كنت غير قادر على الصمود خخخ غير اخطيك . لانك راح تحصل .

ونصيحتي شخصيا . اخطيك منها . جيب الباك تاعك مليح وروح استاذ ولا عفسة اخرى .... وشكرا ^^

[الظلام الساطع]

بالنسبة للاخت اميرة :

هههههههه

لا . عادي جدا . سقسوا كيما تحبوا . ياك نستفادو من بعضانا ^^

[***نور الهدى***]

merciii
allah ywef9ak

[الظلام الساطع]

عفوا :rolleyes: