عاونوني في عرضة ,,,,

[نسمة حياة]

السلام عليكم

اخواتي عندي عرضة لفاميلة راجلي

تعيشوا اعطوني وصفات مجربة و ناجحة ,,,,

انا راني دايرة هدا menu مي لوكان نلقى خير نبدل

انا عولت ندير شربة باللحم و جلبانة بالقرنون و الدجاج و الفيوداشي
و دجاج كنتاكي مع الفريت و الروز
و كيش بالدجاج

زيدو قولولي

و اللي عندها وصفة مليجة تاع جلبانة تجطهالي بليز
و تاني تحليات واش لازم....؟؟

ربي يجازيكم راني نستنى

[أم ريتاج زهرة]

يسعدني أني أول وحدة نرد عليك ممكن نفيدة بشوية أفكار الأسبوع الماضي درت عرضة لدارنا درت حريرة و درت بوراك بالدجاج و صلصة الجبن جاء روعة و درت سلطة بأنواعها و درت دجاج ديزوسي و معمر باللحم المرحي و الجبن و درت محمر بالغنمي و دورت عليهم الشومبينيو ليكورني باللحم المرحي و عمرتهم بالفرماج جاو روعة و التحلية حطيتلهم موس الليمون و سلة كبيرة فواكه و العصير و الله راحو فرحانين بالنسبة للقهوة درت طابلي بالنيسلي للأخت أم أماني و الجلجلانية في مول السيليكون و تشاراك بالعجينة السحرية و حلوة السيقار المحسية بكريمة الزبدة و كلها وصفات أم أماني

[أم ريتاج زهرة]

نتمنى أني أفدتك بالتوفيق سلام

[شهرزاد41]

http://i14.servimg.com/u/f14/11/00/25/19/art10.jpg

[شهرزاد41]

http://1.bp.blogspot.com/_DG0RGgkiCm8/S3aJKJfc4UI/AAAAAAAAAi4/HKxSGt9cHBw/s1600/afbeelding477small7pg.jpgهذه وصفة جلبانة بنينه موفقة

[ام اسراء و نور]

السلام عليكم انا درت عرضة لصحاب راجلي هذا الميني تاعي
شربة فريك باللحم
ميني كيش وبوراك بالسكالوب
اوردافر و حميس وفلفل مرقد
جلبانة بالقرنون وشوفي في المنتدى قرنون محشي بالجبن جاني رووعة
ارنب محمرة مع الشومبينون و الزيتون
واضلاع خروف مشويين
والحلو تاع السفرجل وقطعتو بطابع الصابلي على شكل وردة شكلو يهبل
التحلية درت فاكهة و تارت بالفلان تاع ام اماني
ولاتاي باقريوش تاع ام اماني والبقلاوة

[أم غيلاس]

ممكن الديري شربة فريك و جاج محمر في الكوكوط و سلاطة ماسيدوان و كفتة بالزيتون و الشومبينيون و خبز الدار اختاري واحدة من وصفات الخبز تاع ام أماني كلهم رائعين و التحلية شوفي كريم كرميل من دون فرن أو تحلية النوقة تاع المبدعة أم أماني مع فواكه مشكلة
و انشاء الله تكوني استفدت وتبهري عجوز تك بفحولتك

[أم غيلاس]

بالنسبة للجاج فالكوكوط احكمي جاجة نظفيها و ملحيها و فلفليها و حطيلها شوية زنجبيل مرحي و قطعي الثوم و ارشقيه في صدرها و فخاذها و ادهنيها بالمطارد و الزبدة
*حطي الزيت فالكوكوط يسخن و حطي الجاجة تتقلى على نار قاوية و لما تحمار على الجيهتين ارميلها حبات بصل صحيحة و نقصي النار و خليها تطيب
*لما تطيب الجاجة نحيها مع البصل و حطي في نفس الزيت حبات بطاطا صحيحة ماشي مقطعة و خليها تحمار على نار قاوية من جميع الجوانب
*بعد ما تحمار من برا زيديلها حبة و لا اثنين طماطم صحيحة و ورقة رند و شطبة زعيترة و نصف حبة قارس مقطعة حلقات و تفصيلها النار و خليها تطيب و ما تحركيش بالمغرف باش ما تتكسرش البطاطا كي تحبي تحركيها حركي الكوكوط كاملة و لما يدخلها الطياب شوية ملحيها
*الكوكوط ما تقفليهاش بر حطي الغطاء عادي كيما الطنجرة العادية لأنه هذه الوصفة تحتاج فقط طنجرة تكون ثقيلة
انشاء الله تكوني فهمتي الشرح تاعي و بالصحة و الراحة

[nadia38]

بالنسبة للتحلية ممكن تعملي شيئ كيك ولا تراميسو بالنتيلا لام أماني و لا موس شوكولا وليديسلاد دو فروي و كثير فيها الفراولة رآه الموسم نتابعها