اسشارة عاجلة

[مشكلتي]

السلام عليكم
أتنمى من ذوي الخبرة و طول التجربة من المتزوجين تقديم النصح و الارشاد
فأنا حائر من التقدم للزواج من فتاة تسكن بعيدة عن منطقتي حوالي ب100 كلم و تدرس أولى ماسترأعرفها من بعيد دون لقاءات او ماشابه و انما سالت عنها و تبدو متربية و مقبولة الجمال و بعد أيام دلني صديق على فتاة أخرى تسكن في منطقتي و كذلك هي متربية و مقبولة الجمال و هدا العام تكمل دراستها الليسانس دون أن التقي معها او أسألها . فأنا محتار الى من أتقدم؟ و هل طول المسافة يخلق مشاكل بين الزوجين مشاكل مادية مثلا او غيرها؟ يا من تعيشون نفس الوضعية و متزوج من امرأة تسكن بعيدة عنك هل تجد معاناة او مشاكل ؟ و بماذا تنصحوني؟ و هل هناك أشياء أخرى أهم من هذه الو لو بنصيحة جادة و جعلها في ميزان حسناتكم
اشياء؟
بارك الله فيكم أعيونني

[*امة الرحمن*]

السلام عليكم اخي الكريم
انصحك بالإستخارة
وبالنسبة للمسافات فذلك لايعد عائقا على الإطلاق
فهناك من يتزوج من فتاة من ولاية بعيدة و بتقاليد و عادات مختلفة تماما
ربي ايكملك خويا

[ouissamak]

ربي يكملك اخي
المسافة ليست ابدا عائق
انا ابتعدت تقريبا 280 كلم على دارنا وغيرت التقاليد وغيرت اللغة والحمد لله حمدا كثيرا لا انا ولا زوجي ولا عائلتينا واجهنا مشاكل

صلي صلاة الاستخارة وربي يتمملك بالخير

[*سيرين نور عيني *]

normal ya khoya atkel 3la rabi
b courage

[younes29]

صلي صلاة الاستخارة

[زرقـآء اليمآمـة]

السلام عليكم
اظفر ايها الاخ بذات الدين .......... اما البعد فليس عائق وقد توفرت وسائل النقل ......... ربي يوفقك

[ابراهيم داود]

لدي صديق من العاصمة تزوج فتاة من ولاية سطيف قمة في الاخلاق لكن عند زيارتها لاهلها يجد بعض المشاكل المادية لانه لا يملك سيارة .. حكم عقلك اخي المحترم ان كنت مترددا بين الفتاتين فالمنطق يفرض عليك ان تختار الاقرب لك خاصة في قضية اهل الفتاة

[aya911]

جدنا كان يقول أشري الأرض القريبة و أخطب المرا لبعيدة و الله أعلم

[زينة نور]

لااظن ان مسافة 100كم تعد مسافة بعيدة ويجب ان تحسب لها
صلي صلاة الاستخارة وتوكل على الله

[صمت الرجوله]

السلام عليكم
أتنمى من ذوي الخبرة و طول التجربة من المتزوجين تقديم النصح و الارشاد
فأنا حائر من التقدم للزواج من فتاة تسكن بعيدة عن منطقتي حوالي ب100 كلم و تدرس أولى ماسترأعرفها من بعيد دون لقاءات او ماشابه و انما سالت عنها و تبدو متربية و مقبولة الجمال و بعد أيام دلني صديق على فتاة أخرى تسكن في منطقتي و كذلك هي متربية و مقبولة الجمال و هدا العام تكمل دراستها الليسانس دون أن التقي معها او أسألها . فأنا محتار الى من أتقدم؟ و هل طول المسافة يخلق مشاكل بين الزوجين مشاكل مادية مثلا او غيرها؟ يا من تعيشون نفس الوضعية و متزوج من امرأة تسكن بعيدة عنك هل تجد معاناة او مشاكل ؟ و بماذا تنصحوني؟ و هل هناك أشياء أخرى أهم من هذه الو لو بنصيحة جادة و جعلها في ميزان حسناتكم
اشياء؟
بارك الله فيكم أعيونني
راك من نيتك صاحبي...هل تعتقد حقا ان 100 كلم مسافة طويلة
هذه المسافة هي على مرمى حجر من دارك

[روح مراد]

100 كلم راهي ساعة برك في السيارة ماشي بعيدة كامل و الوسائل متوفرة
بعد المسافة يشكل عائق بالنسبة للفتاة اللي رايحة تبعد على دارهم أما الرجل ما عندو حتى مشكل

[رجائي فيك]

100كلم؟؟؟؟؟؟؟؟؟؟؟؟هذا ماهو سبب للحيرة شوف الاسباب الاخرة و المهم كالدين و التقاليد التربية و القبول الله يوفق

[كنزة88]

انا نقولك راي المسافة تلعب دور بصح مش ليك لمرا لانو انا جربتها من الوالدة تاعي صدقني المسافة نص ساعة لكن ماتروحش لانو لولاد يقراو لانو الجو مش مليح المهم تمشي غير في العطلة وزيد زعما هادي راح تتحمل روح ورواح تاعها راح تكره انا من هد التجربة خطبوني من بلايص بزاف كنت مدايرا في بالي نقعد في بلادي خير زيتنا في دقيقنا نفس العادات ونعرفو اصل بعضانا لي متربي ولي يسكر وهكدا صبرة والحمد لله جابلي ربي قسم قدام ميمتي نلبس جلابة نوصلها ونتا حر لانو زواج قناعة

[ام ايمن17]

الا ديتها قريبة تتهنى من الفواياج بصح يجيك تكسار الراس بزاف هاو خوها ادهمها هاهي امها تعيطلها ارواحي هاهي اختها تقلها ارواحي صنعي معيا الحلوى .....الخ صوالح بزاف يعيو كي تكون قريبة بصح البعد تروح من مناسبة لمناسبة و تكون عزيزة
انا عندي زوجة اخي بعيدة على الدار 1 كلم صدقني ظلي في دارهم 5 ايام في دارهم و نهار في دارنا و ماما تعاني وحدها شيعة بلي عندها كنة بلا فايدة زيادا عليها توكلها و تشربها هذا لخطرش تسكن حذا الدار تقلك نروح نعاون ماما مسكينة بصح لوكان جات بعيدة بصح تروح كل يوم؟؟؟؟؟؟؟؟؟؟؟؟؟

[ندى العالم]

قال رسول الله صلى الله عليه و سلم - فاظفر بذات الدين تربت يداك_
اختر المتدينة اكثر تربح

[papino]

انا نفضل انو تكون المسافة بعيد باه تهنيك من كل دورة اديني لما

[ضعيف.]

السلام عليكم
أتنمى من ذوي الخبرة و طول التجربة من المتزوجين تقديم النصح و الارشاد
فأنا حائر من التقدم للزواج من فتاة تسكن بعيدة عن منطقتي حوالي ب100 كلم و تدرس أولى ماسترأعرفها من بعيد دون لقاءات او ماشابه و انما سالت عنها و تبدو متربية و مقبولة الجمال و بعد أيام دلني صديق على فتاة أخرى تسكن في منطقتي و كذلك هي متربية و مقبولة الجمال و هدا العام تكمل دراستها الليسانس دون أن التقي معها او أسألها . فأنا محتار الى من أتقدم؟ و هل طول المسافة يخلق مشاكل بين الزوجين مشاكل مادية مثلا او غيرها؟ يا من تعيشون نفس الوضعية و متزوج من امرأة تسكن بعيدة عنك هل تجد معاناة او مشاكل ؟ و بماذا تنصحوني؟ و هل هناك أشياء أخرى أهم من هذه الو لو بنصيحة جادة و جعلها في ميزان حسناتكم
اشياء؟
بارك الله فيكم أعيونني
أفضل شيء لك صلاة الاستخارة ولا أرى للبعد أو القرب ميزة إن كانت الزوجة صالحة وقبلها الزوج صالحا.

[غير هام]

السلام عليكم

المسافة ما تهم والقرب ما يهم يهمو الاخلاق والشي راجعلك ولقناعتك