زوجي

[مشكلتي]

السلام عليكم
تم عقد قراني من غير دخول
زوجي غير مبالي و لا رومانسي جاف يحب غير المشاكل جامي خسر و اتصل بيا كي نقولو فليكسي عيطلي يقول مشغول وكي نقولو نعيط انا يقول اوك كلامو ديما يجرح وش الحل
مرة قلي باباك يتلغبب وهو خاطيه ومن بعد قلي نتمسخر بخيييييييييييييييييييييييل جدا حتى الزيارة ميزورنيش

[hodayena]

يااختي الكريمة كي هادا زواج بدون دخول مزال متزوجتيش وكيفاه طيحتي بروحك وقلتيلو فلكسيلي مفهمتش خليه على راحتو والرمنسية بعد الزواج وبعد الدخول مش الان

[ابتسام smile &hope]

السلام عليكم ورحمة الله وبركاته
ختي صراحة مافهمتش واش قال على باباك بصح بالاكي ترضاي بواحد مايحترمش والديك
من ناحية مايعيطلكش بزاف عندو الحق

بصح قولي لباباك يزيد يسقسي علي البخل اذا كان بخيل المعيشة معاه صعيبة

[أم ريتاج زهرة]

يا ختي خمي مليح الزواج مشي لعبة و الراجل البخيل و الجيعان منكذبش عليك المعيشة معاه صعيبة بزاف و بما أنو مازال مدخلتوش راه عندك الوقت باش تزيدي تخمي مليح و على الهدرة في الهاتف ماعليش كي متهدروش خير الهدرة تجيب غير المشاكل و في هذا القرار ماكانش كيما صلاة الإستخارة و اللي فيها الخير يجيبهالك رب العالمين بالتوفيق

[أنا جسر السعادة]

اعانك الله و اكيد اي حاجة كتبهالك ربي فيها خير

[أم ريتاج زهرة]

يا خواتاتي قرو مليح شا راهي كاتبة هي مقالتلوش فليكسيلي قاتلو فليكسي و عيطلي إن بعض الضن إثم و هذا راه زوجها شرعا ما فيها والو إذا طلبت منو يفليكسيلها بالتوفيق

[~ No ONe]

لو الحكايه صحيحه

سقسوا عليه مليح اختي ومتتسرعيش

[dark star]

واش نقولك اختي الاستخارة والاستشارة استخيري الله اذا فيه الخير ربي يكمل والاستخارة ماشي يوم ويومين بل حتى نهار الزواج بالاك ربي يفتح عليك ويريح بالك

[adillo]

صلاة الإستخارة و اللي فيها الخير يجيبهالك رب العالمين بالتوفيق

[يونس معبدي]

السلام عليكم ورحمة الله
يرجى احترام هذا البند في قانون القسم

*8*
الردود تكون موجهة بالدرجة الأولى لصاحب المشكلة اذ يمنع الاقتباس من اجل الرد على الأعضاء ويمنع اقتباس المشكلة

[aicha gatta]

ديري استخارة وربي يهنيك....بصح من رأيي الزوج اللي ما يحترمش الناس المعيشة معاه صعيبة....ننصحك بالدعاء وربي يهدي سركم

[كلنا راحلون]

اختي هاد سر ما نمده في حياتي يومية لأي مرأة

اما في منتدى معليش

الرجل قبل زواج رومنسي وبعد زواج جاف ونصيختي حافظي على زوجك الكريم

[loubna 91]

ختي الزوج نتاعي كان هكدا قبل الزواج جاف ماشي رومنسي ما يهدرش بزاف غامض لا هدايا لا والو غير سعات برك و من بعد الزواج الحمد لله شفت شخص اخر حنين لحاجه لي نبغيها يجيبهالي كاين رجال حتى يتزوجو يبنو بلاك زوجك من هاد النوع بشويه برك و على لي غلط فحق بباك على حساب الغلطه ووقفيه وفهميه بلي والديك خط حمر يلا لقيتيه ندمان علي هدرها سامحيه وعلى الزيارات متلوميش بلاك يحشم زوجي لدرك و يحشم يروح لدارنا ربي يسهلك و يسعدك

[papino]

اختي صدقيني كل الرجال او النساء لهم ايجابيات و سلبيات و اكيد هذه الصفات تختلف من شخص لاخر اذن لا تعطي الموضوع اكبر من حجمه الطبيعي لان اغلب من تشتكي من صفات هي اما ان لها تجربة مسبقة (لست اقصد شخص بعينه) او ان المخطوبة تقارن مع ازواج صديقاتها او او ....
شيئ وحيد لكي الحق من اجله رفض الرجل هو التزامه و خلقه. و ما دون ذلك فتاكدي انكي لن تجدي رجلا كامل من كل النواحي
اختي احملي و رقة و عددي صفاته الايجابية اكيد ستجدين الكثير.اتمنى ذلك طبعا

[younes29]

لا حول و لا قوة الا بالله

[abdellah36]

من الامور الخاطئسة الظن ان فترة ما بعد العقد فترة للتعارف ................هذا غير صحيح الرجل الان هو زوجك و انت زوجته ...........و الواجب عليكما التسريع في الدخول ..............و اعلمي ان الشيطان سبعمل كل مجهوده من اجل التفريق بينكما في هذه الفترة .............فعليك ان تجتنبي كثرة الحديث و الظنون و الشك ...........

و الامر الذي تعملين به هو ما قبل الخطبة فالمفروض ان سالت عنه و هو سال عنك .................فاذا كان الامر كذلك و حصلك لك و له انشراح الصدر .........و الرضى .....فالواجب هو التعجيل .....فالامر كما قال صلى الله عليه وسلم الارواح جنود مجندة ما تشاكل منها اتلف و ما تناكر منها اختلف ................

و لكن الشيطان يلعب لعبته بينكما فيدخل و يبدا بالوسوسة و لك و له ...فانت تقولين انه ربما بخيل و هو يقول ربما تكن بشعة .....و تتطور الافكار .....حتى يحصل النشوز و النفور و الفرقة ........

فنصيحتي لكما و لمثلكما ان يسارعا الى الدخول ..................و ان يعرضا عن كل ما قد ينغص الرضى الذي حصل لكل لكل واحد منكما عند العقد الشرعي

[ضعيف.]

السلام عليكم
تم عقد قراني من غير دخول
زوجي غير مبالي و لا رومانسي جاف يحب غير المشاكل جامي خسر و اتصل بيا كي نقولو فليكسي عيطلي يقول مشغول وكي نقولو نعيط انا يقول اوك كلامو ديما يجرح وش الحل
مرة قلي باباك يتلغبب وهو خاطيه ومن بعد قلي نتمسخر بخيييييييييييييييييييييييل جدا حتى الزيارة ميزورنيش
لا زواج من دون دخول هذا هو الأصل
لا يمكن الحكم على الطرف الآخر بكلامكي فقط فقد تكوني تتكلمين بالعواطف فقط وقد يكون زوجكي منضبط لا يراكي زوجة له إلا بعد الدخول إذا فقد يكون يتحاشى الكلام معكي.
أنصحكي وأرجو أن لا تعتمدي على نصيحتي كثيرا فلا أريد أن أكسب ذنوبا.
حاولي طلب نفس النصيحة من أبيك لأنه أعلم بحالكي منا.
ثانيا حاولي الاصرار على الدخول وشاهدي إن كان الرد من طرف زوجكي مقنعا لكي وأباكي.
تذكري بأن لكي ربا.

[lololala]

اتمنالك التوفيق اختي

[شمۋځ أنٹـے »]

والله يا النّسا تجي باش تشكيلكم تنحي على خاطرها تولو تزيدو عليها كامل تقولو ليها ماهوش مليح وخممي راهي تقولكم عقد قران ماهوش تمسخير
اختي رغم اني صغيرة في السن (مش قد الهدرة هادي) مي نقولك اصبري كي توالفي معاه وتخرجي على العقلية يوالفك ويولي هو لي يعيطلك بشوية ماتشوفيش للسلبيات تاعو اكيد فيه حوايج ملاح
وربي يهدينا

[milissa21]

عليك الا تتسرعي و فكري جيدا قبل الدخول لانه من خلال كلامك هدا ما هوش مقيمك و لا محترم اهلك انصحك بوضع النقاط على الحروف مادامك على البر و ديري معاه جلسة تتكلمي فيها على كل العيوب اللي زاعجاتك فيه لازم يسقسي عليك ما دام راكم عاقدين و الاهل خط احمر اذا اقتنع اللهم بارك و الا كل واحد في طريقه لانه هادي يسموها حقرة

[زبدة ذايبة]

قال الصب قال مازال مالحسناش

هذا مازال ماعشتيش معاه وماشفتيهش راه يعاير ويسب

يعني لوكان يغلق عليك باب الدار وتولي راسك لراسو مانعرف واش يدير

من المعروف أن الفترة التي تسبق الدخول تكون فترة لتزيين المشاعر وإبداء الرومانسية والمحافظة على مشاعر الآخر.

لكن في حالتك انت ماراني نشوف والو بل بالعكس هذا يشير إلى أن هذا الزواج يذهب إلى مالايحمد عقباه.

نفس القصة حدثت مع صديقة

كان وين يتصل بيها يداوسها نصحناها لكن لم تستجب للنصيحة

تزوجت ومن بعد عاد (الراجل) يضربها ومايخليهاش حتى تزور أهلها

يحطها عند باب دارهم هذا إذا خلاها تزورهم ويروح يعني ماكانش يدخل لبيت أهلها نهائيا

ثلاث سنوات وهي في الجحيم ومن بعد هربت من دارها وطلقت وهي الآن في بيت أبيها

نصيحتي لك كأخت مازالك في البداية اللي مايحترمكش في البداية ماتستنايش منو الخير إطلاقا. لأنه يظهرلك أسوأ مافيه ومايهموش حتى يخبي عليك هذا الأخلاق السلبية.

فكري وأعتقد أن مجرد وضعك للموضوع هنا دليل على أنك غير مرتاحة

أتمنى لك التوفيق