207

[forza.dz]

:sdf:السلام عليكم
نصيحة خاوتي راهي معروضة عليا 207 1.4 ess حالتها لا باس 2007 ماشية 140000 صاحبها صديقي قالي السعر 75 مليون واش رايكم

[مومي23]

الامر بسيط
ادهب الى السوق الاسبوعي للسيارات و شوف سيارة مثلها في كل حاجة راح تاخد فكرة على السعر

[derski]

انا عندي مشكل في سيارتي و هي من نوع 207 1.4 طبعا بنزين ماشية 127000 كلم
المشكل عندي كلمت تجي تنوض السيارة متنوضش غير لكان عفست غير بالشوية على لاكسيلاتار باه تنوض.المهم كل مرة نديها عند الكهربائي و يديرلها سكانير يقولي مافيها حتى برولام يعني السيلرة سليمة .وهكدا مع 3 كهربائين نفس الكلام.مرة مع واحد جبد البابيون نتاع السيارة نظفوا مليح بالبنزين ولات تنوض بلما تعفس لاكسيلاتور.مي من بعد 4 ايام ولى نفس البروبلام.من زاد نزع لافيش نتاع كاطاليزير ولات تنوض عادي.مي تعاود نرجع لافيش لبلاصتها متنوضتش مام كي ناكسيليري تنوض شوية و كي نحي رجلي على لااكسيلاتير تعاود تطفى.الكهربائي قالي المشكل من البابيون و قالي بلي ماراهوش متاكد 100/100 قلي بابيون واحد اخر و نجربو باه يتاكد.مي انا ملقيتش و بابيون جديد يعمل في لاميزون نتاع بيجو حوالي 21000 دج.على هدا المشكل كرهت نسوق السيارة وحبيت نبيع السيارة مي من بعد ما نسقمها

[sawyer86]

السلام عليكم و رحمة الله و بركاته
اريد شراء سيارة بيجو 207 عام بين 2007- 2009 ولكن انا محتار اي محرك افضل
1- 1.4ess 75ch
2- 1.4ess 90cv
3- 1.4hdi 70ch
4- 1.6hdi 90cv

ارجوا ان تنصحوني من الافضل من حيث الاداء,استهلاك الوقود, المشاكل و الصيانة

و شكرا.

[amir 004]

افضل محرك في البنزين هو 1.4
افضل محرك مازوت هو 1.6 92 حصان

[amir 004]

[اخي اا كان عندي نفس المشكل لكن 207 تاعي كنت نستعمل بنزين بدون رصاص دارتلي مشكل خاصة في ايام البرد ماتنوضش الصباح
بدلتلها نوعية البنزين وليت نستعمل العادي ولات تنوض عادي

انا انصحل بتغيير نوع البنزين المستعمل أو تغيير المحطة اللي تدير عندها و جرب

[j.p.sarter]

فيها مشاكل كغيرها من سيارات بيجو منذ الازل ...206...307....والان 207 والكارثة الكبرى عيوب 301...يعني باختصار بيجو لم تفرض نفسها في البيئة الجزائرية بمختلف سياراتها .

[kazilo]

السلام عليكم يا اخ درسكي ولله عندي نفس المشكل وانا ايضا من سكيكدة حتى توسوست قلت بلاك شريتها من عندك وشفت مع تاريخ وضعك للاجابة لقيتو هذا ليمات وانا ايضا كرهتها وحاب نبيعها ولهذا اظن ان المشكل من محطة البنزين انا نحط من بوالشعور والسيسال بلاك كيما قال الاخ منهم ولكن انا قلت بلاك من البرد وزيد انا ما نخرجهاش بزاف قلت من هذا السبب ولكن كي قلتي انت سوف ابحث عن المشكل قبل بيعها واذا وجدت انت الحل قبلي تكرم علينا به وشكرا

[just cause]

واش رايكم في 207 1.6 vti هل هي جيدة ؟؟

[amir 004]

بدلو نوعية البنزين

[cheb kadirou]

:sdf:السلام عليكم
نصيحة خاوتي راهي معروضة عليا 207 1.4 ess حالتها لا باس 2007 ماشية 140000 صاحبها صديقي قالي السعر 75 مليون واش رايكم

إذا كانت 95 حصان أنصحك بها إذا كانت 75 حصان فلا داعي