رمضان على الابواب حملة الافكار الرائعة لربح الوقت

[khadoudje]

السلام عليكم
رمضان المبارك شهر العبادات ففيه الصلاة و الذكر ليس كسائر الايام و الاشهر لذا هيا نعمل حملة لطرح الافكار و الاراء التي نختصر فيها وقت المطبخ و الاعمال المنزلية لاغتنامها للعبادة في رمضان بدون اهمال للمنزل لانو صدقوني اغلبنا نقضيو وقتنا في رمضان في المطبخ و الوقت الاخر في السهرة لذا هيا يدا بيد لربح الوقت و استغلاله في الطاعات و انا ساطرح بعض الافكار و ارجو المساعدة
قبل حلول رمضان المعظم اشري اي نوع مكسرات تحبيه ارحيه و ديري بيه شوية سيقار بدون ان تقليه و حطيه في علبة محكمة الاغلاق و ديريه فالمجمد في رمضان اجبدي اقلي و عسلي و راكي ربحتي الوقت
الفكرة الثانية في رمضان يكثر استخدام الفلفل المشوي كسلطات او حميص لذا اشوي الكمية اللي تحبيها نقيه و اقسميه في اكياس صغيرة قدر اللي تحتاجي و اجبدي و ديري بيه واش تحبي زيد في رمضان بلا مانحكيو عن سعر الخضر
نفس الفكرة مع الطماطم ارحيها و ديريلها شوية ملح و فالمجمد وقت الطياب اجبدي و طيبي
اللي يطيبو كل يوم شربة جديدة عندي فكرة رائعة و االي هي العقدة طيبي الشربة بدون ان ترميلها المعجنات سواء فريك او فرميسان يعني ديري البصل الطماطم القصبر الجلبانة الحمص و كل وحدة واش دير خضر طيبيها و خليها تبرد تماما قسمي هاد الشربة في علب و ديريها فالمجمد كل يوم اجبدي علبة و ديريها فالقدرة و كي تغلي ارميلها واش تحبي و زيديلها القصبر صدقوني هاد الفكرة تربحو بيها وقت كبير
ارجو انو كل وحدة عندها فكرة تساعدنا و الله سنسال عن وقتنا

[nadjetdz]

السلام عليكم
مشكورة على الافكار فكرة الفلفل نستعملها دائما اذا عندك افكار اخرى في الانتظار

[ام خليل §]

شكراااااااااااااا على الافكار

[دائمة الشكر]

صباحكم سعيد اخواتي. نتمنى تفقدونا بمزيد من الأفكار خاصة إنّو الطبخ يأخذ معظم الوقت حبيت نتفرغ بزاف للعبادات في الشهر الفضيل ولكن جزيل الشكر

[nesrinwarda]

السلام عليكم
عندي تدبيرة على البوراك، تقدري تديري كمية كبيرة من البورك وتخبيهم في فريقوداخل les boites بلا ما تنساي تسيباري بين كل كل طبقة بشكارة باش مايتلاسقوش، و كل يوم أجبدي واش تقلي خليه يتنحالو التجميد و حطيه يتقلى،

[khadoudje]

فكرة اخرى
قبل رمضان خصصي كراس جزء منه اكتبي فيه وصفات السلطات و يكون منظم و مرتب جزء الاطباق الرئيسية جزء المقبلات جزء الحلويات ونظميه جيدا و حاولي ديري جدول الطبخات مثلا ضعي ايام الاسبوع و اختاري نوع من المقبلات و السلطة و الشربة و الحلوة و كل يوم بلا ما تخمي و تكسري راسك في واش طيبي الجدول هو دليلك الا اذا كان احد اراد العائلة اختار شيء اخر

[توأمي حياتي]

أنا هذا رمضاتي الاول وحدي و راهي تالفلي و من درك راني نخمم في الوصفات الاساسية مادابيها الي عندها وصفات بالصور و سلطات تحطلنا

[بعيدة المنال]

فكرة هايلة راح نعصر مخي ونحط التدبيرات

[وردة المنتديات]

افكار هايله يعطيكم الصحة

[khadoudje]

واش يا الاخوات شدوا الهمة و كل وحدة تحط فكرتها قبل رمضان الكريم الحالة راهي ساكتة

[عطر الياسمين الاصلي]

شكرا لك علء الموضوع اللهم بلغنا رمضان وارزقنا الصحة والعافية عندي فكرة ماشي جديدة بصح ممكن تفيد نرحي الطماطم نتاع الحب ونحطها في علب نتاع الياغورت ونحطها في المجمد لما تجمد ننزعها من العلب ونحط في ساشيات ونخبيها في المجمد لحين الاستعمال الفكرة هزيتها من المنتدى الغالي

[(( هبة الرحمن ))]

شكرا لك أختي
موضوع مميز ونافع جدا
أنا قد اللي نخبي قبل رمضان نلقى روحي نتعب نتعب ...........نخبي ولا ما نخبيش فالمجمد غير كيف كيف

-
-
-
اللهم بلغنا رمضان

[mahopa18]

مشكورة على الموضوع المميز و المفيد
اذا عندكم تدبيرات اخرى فيدونا بيها... الله يجازيكم بخير

[سأضل أحلم]

لبنات ديرو مخ تلف الععجائن كيما المورقة عجينة البيتزا البريزي وحتى la pate sucrée للترتولات
قسمو كل نوع على حسب ماتحتاجو وحطو عليهم اتيكات واكتبو النوع باش متخلطوش. والى الكونجيلاتور


اللهم بلغنا رمضان

[سأضل أحلم]

لبنات ديرو مخ تلف الععجائن كيما المورقة عجينة البيتزا البريزي وحتى la pate sucrée للترتولات
قسمو كل نوع على حسب ماتحتاجو وحطو عليهم اتيكات واكتبو النوع باش متخلطوش. والى الكونجيلاتور


اللهم بلغنا رمضان

[سأضل أحلم]

Les farces تانيت تقدرو تخدموهم وتخبوهم تع الجاج بالبشاميل ..الحم مرحي او الكروفات او بصل وطوماطش ولا تشكتشوكة

[لجين الحبيبة]

السلام عليكم شكرا لصاحبة الفكرة جزاك الله خير وبلغنا الله رمضان انشاء الله واياكم ودمتم اوفياء لهذا المنتدى الرائع الذي اعتبره احسن منتدى من جميع النواحي خاصة التنظيم فشكرا لمن يعملون عليه وحفظ الله كل العضوات على مايطرحون من مواضيع تفيد الاخوات وجعله الله في ميزان الحسنات ...
اما عت تدبيرتي فهي بخصوص طاجين لحلو انا نقترح عليكم تشرو الكاوكاو وتحمروه وتطحنوه وتزيدو عليه بسكويت اي نوع وتطحنوه وتحطوه في بلارة وتخبوه في البلاكار
وفي وقت قريب لفطور تجبدي شوي وتزيديلو البيض والخمارة تاع القاطو وتلميه ومن بعد شكليه وش حبيتي كويرات او سيقار او قطعيه بلمول الصغار والى الزيت نقليه ونحط في العسل تاع لحلو تاعنا ونقدموه معاه ايجي بنين ويعطي منظر للطبسي وهو صحي ومليح للجسم نتمنى نكون افدتكم

[fartiti]

انا عند فكرة العصير وقت الليمون ك ينقص الثمن نتاعو ناصر كمية و نحطو في فى مكعبات لي نحمد و فيهم الماء والباقي ندري مع السكر حتئ يذوب و نحط في علب أو حتئ أكياس التجميد وكذلك بالنسبة للبرتغال مع السخانة والعطش

[alkalima tayiba]

فكرة اخرى
قبل رمضان خصصي كراس جزء منه اكتبي فيه وصفات السلطات و يكون منظم و مرتب جزء الاطباق الرئيسية جزء المقبلات جزء الحلويات ونظميه جيدا و حاولي ديري جدول الطبخات مثلا ضعي ايام الاسبوع و اختاري نوع من المقبلات و السلطة و الشربة و الحلوة و كل يوم بلا ما تخمي و تكسري راسك في واش طيبي الجدول هو دليلك الا اذا كان احد اراد العائلة اختار شيء اخر
شكرا هذه احسن فكرة تساعدك حتى في المشتريات

[alkalima tayiba]

انا عند فكرة العصير وقت الليمون ك ينقص الثمن نتاعو ناصر كمية و نحطو في فى مكعبات لي نحمد و فيهم الماء والباقي ندري مع السكر حتئ يذوب و نحط في علب أو حتئ أكياس التجميد وكذلك بالنسبة للبرتغال مع السخانة والعطش
فهميني مليح عجبتني فكرة القارص نخبيه بالسكر او بدون سكر
بارك الله فيك

[minaj23]

شكرا افكار هائلة

[mojab]

لبنات اشويو الفلفل اقطعوه صغير =2سنينات توم=حبة طماطش خليها تجمر اخليه يبرد ثم قسميه اوخبيه konjilatour

[fartiti]

اختي باانسبةللعصير نبي كمية بدون سكر قوالب ل ندير فهم لإطلاق مستعمله للطبخ مثلا صلصة بيضا أو شربة بيضا... أما ل بالسكر شفت الفكرة هنا في المنتدى جربتها روعة للأخت ام اماني ربي يجازيها شوفي نعمل نفس كمية ليمون نعرفه كمية نسكر مثلا كأس ليمون كأس سكر ونجليه تقريبا يوم و ساعة ساعة نحرك بأه السكر يذوب و بعدها نحطو في علبة محكمة الإغلاق و نحبها في المجمد وكي نحتاج نحط ثلاث ملاعق كبار في لتر ماء

[أم أيوب 11]

فكرة مليحة خصوصا انو رمضان هاد العام يجي في عز الصيف

حبيت نشارككم بهده الفكرة نتاع لاشابلوغ la chapelure نخدمو بيه بزاف في رمضان

لازم نيبسو الخبز مليح ومنبعد نرحيه ونخبوه في بلارات الوقت لي نستحقوه يكون عدنا واجد

[oum imane83]

موضوع رائع راني في المتابعة.. لي عودة ان شاء الله

[hanane220]

شكرااا على هذه الفكرة اشارك فكرة نديرها كل عام مع اني نموت على فول اشريه و شليه و قطعيه و فوريه و مين يفور خليه يدفى و ديريه في ساشي و الى الفريجو و نصيحة ما تخليهش يبرد لانه ادا برد و ديريه في الفريجو من بعد يكهال

[كروان الصحراء]

اللهم بلغنا رمضان
لبنات ضرك يدخلو الفواكه خاصة المشمش والخوخ نطحنوهم ونديروهم في المجمد للعضير خاصة رمضان راهو في الصيف
البرتقال والليمون نعصروهم ايضا للعصائر الطبيعية
كي نتفكر كانش حاجة نضيفها

[كروان الصحراء]

كي ينقص سعر الجلبان نشرو كمية لاباس بيها ونقوه ونديروه في علب اوحتى في قارورات المياه المعدنية خاصة اللي عندهم المجمد صغير وتحطو في المجمد وتجبد حسب الحاجة

[ام رجاء 09]

ا
ياطيك صحة على موظوع نتمنى يتثبت عجبتني الفكرة لاني في هاد اليامات كانت في بالي مشكورة
ام بالنسبة للافكار ليست كلها خاصة بي بل سمعتها من عند بعض الجارات
كاين لي طيب عجينة لي تارت سواء مالحة ولا مسكرة باه دير لي كيش او لي تارت للسهرة
يكون لوز او كاوكاو مطحون واجد متال للسيقار وما شابه
العجينة المورقة
عجينة البيزا نصف طهي راهي معروفة
التوم مدروسة والفلفل
الطماطم
العصائر متل اليمون والبرتقال ووو راهم متوفرين ووقتهم حتى الفواكه الاخرى ممكن تحضير مركزات العصائر
وكاين ناس يخدمو بوراك قبل رمظان بيامات ولما تخلاص كمية يعاودو الكرة وهكدا
اما انا اقوم فقط تخزين عصائر الليمون والبرتقال والطماطم اغسلها ونشفها وانجمدها كما راهي حبات حبات باه نطيب بيها شربة او كورجات نغسلها نظفلها اطراف ونشفها ونجمدها اما الاعشاب كما القصبر ومعدنوس نقطعها بدون غسلها وكي نجي نستعمل نغسلها في صفاية
ونجمد مرق اللحم ومرق الدجاج فقط اما الباقي نحب نخدم حاجة جديدة والانسان ينظم وقتو برك
وربي يثبتنا ان شاء الله ا
اللهم بلغنا رمظان وشكرا ان شاء الله نكون افتدكم ولو بقليل وكي نتفكر نعاود نولي عجبتني صفحة

[ام رجاء 09]

هههههههههههههههههههههه على قول هبة الرحمن التعب فيها فيها على اقل واحد ياكل حاجة جديدة وزيد مالازمش ثقافة التجميد بزاف خاطر رانا في بلاد تزغرتي الا التيار ماراحش في اسبوع تنخلعي
انا كي تروح نولي نخمم على صوالحي في كونجيلاتوغ كل مرة هكا وفي يوم 2مرات ينسوك وتعاود تولي حليمة عادتها قديمة
حب يقول انا بالنسبة ليا فكرة التجميد مانحبهاش بزاف وجامي ندير كونتيتي كبيرة قلبي يهرب من الحاجة لي تبطا في كونجيلاتوغ الا الحاجات لي باينة متل العصائر لانو حتى من القيمة الغدائية تبقى هي هي او طماطم اما اللحوم او المعجنات مانحبش وكل واحد وعقليتو وافكارو ووقتو

[أم غيلاس]

أنا بديت نخبي درت مختلف العصائر عصرت 10 كيلو برتقال و كيفهم قارس و ضرك راني بديت نعثر في الفراولة راهي خرجت عندنا في سكيكدة و ثاني درت عصير تفاح و جزر معا اللهم بلغنا رمضان