هل الفريك هو الفريكة عند المشارق

[nesrinwarda]

السلام1


ريد مساعدة من فضلكم، هل الفريك هو الفريكة عند المشارق ،راني عايشة في غربة تشهيت شربة فريك ما عرفتش إذا هو الفريكة أو البرغل،الفريكة بانلي في الشكارة حبات قمح ماش مرحين منيح لونهم أخضر والبرغل لون بني، جاوبوني ربي يحفضكم

[mama kika]

صباح الخير
الفريك اجي اخضر

[nesrinwarda]

شكرا mama kika على الرد ما علاباليش إذا هذ الفريكة مخدومة بنفس الطريقة تاع الفريك تاعنا، إذا وحدة فيكم طيبت من قبل بيها تعيش تقولي،

[روح مراد]

أختي أنا جربت شربة البرغل يجي فيه ذوق رائع أحسن من الفريك

[nesrinwarda]

بارك الله فيك أختي روح مراد، هذ البرغل يطيب كيما الفريك، معناها كيما نديرالفريك في الشربة نحط البرغل،أسمحيلي راني مبتدئت في الطبخ،

[روح مراد]

قبل ما تبداي الطياب أحكمي نفس الكمية نتاع البرغل كيما الديري الفريك و لكن ما ترميهش مباشرة في المرقة
أول شيء تبداي بيه هو كمية البرغل تغسليها بالماء سخون و تقطريها مليح و من بعد زيدي عليها شوية فقط ماء سخون و خليه يتنفخ في عقله
في هاذ الوقت وجدي الشربة نتاعك عادي كيما موالفة الطيبيها
أنا ندير طراف اللحم أو الدجاج في البصل و سنة ثوم يتقلاو + التوابل و الزيت و الملح نقطع 2 عواد كرافس رقيق نزيدهم من الفوق حبة جزر مقطعة رقيق + حبة قرعو مقطعة رقيق و حشيش مقطع و 2 ملاعقطماطم مصبرة و نصف عود قرفة نقليه مليح و نزيد عليه البرغل نخليه يتقلا مليح معاهم البرغل رايح شرب بالخف زيدي كاس ماء و بقاي تحركي حتى يشرب كامل المرقة و مرقي بالماء المغلي و زيدي حفنة حميصة و 2 أوراق نعناع و غلقي الكوكوط لمدة 20 دقيقة
كي تفتحي تلقاي الشربة نتاعك واجدة رشة حشيش من فوق و شوية نعناع
و خليها تريح شوية كي يلحق وقت الأكل رايحة تصيب بنة أخرى و قد ما تريح تطلق بنة رائعة

[روح مراد]

مرة جات عندي لوستي و درت هذه الشربة بالبرغل دهشت فيها و الدات معاها لدارها لليوم مازالت تهدر عليها بالصح ما عرفتش أن السر في البرغل ماشي في الشربة

[litcoin]

مشكوووووووووووووووووووورة
بارك الله فيك

[nesrinwarda]

بارك لله فيك إنشاء رب إسهلك أمورك كيما سهلتيها علي