المـــــــــهر

[رمزي فارس]

تختلف قيمة المهر أو الصداق من منطقة إلى أخرى ومن فتاة لأخرى، ماهي المعايير المعتمدة في تحديد قيمته؟

[litcoin]

لايوجد ردود

[*سندوسة*]

السلام عليكم

كل واحد وعندو معايير نتاعو

[محمد مصطفى الحبيب]

بنات الرجال الشهام ينتظرن رجلا في المستوى و لا ينظرن إلى المهر لأن البنت الشريفة لا تبيع نفسها بل تتزوج لإرضاء الله عز وجل و من يتاجر ببناته فحسبنا الله و نعم الوكيل ....و لا راني غالط سندوسة ؟؟

[محمد جديدي التبسي]

المعايير المعتمدة هي نظرة المجتمع والمباهاه والمظاهر الفارغة وكل وحدة تحب يكون مهرها أكبر من أختها وبنت خالها وبنت عمتها ....والله أعلم

[*سندوسة*]

بنات الرجال الشهام ينتظرن رجلا في المستوى و لا ينظرن إلى المهر لأن البنت الشريفة لا تبيع نفسها بل تتزوج لإرضاء الله عز وجل و من يتاجر ببناته فحسبنا الله و نعم الوكيل ....و لا راني غالط سندوسة ؟؟


والله عندك الحق

هنا نهار الشرط نتاع ختي لحاج قالهم غير لي درتوه لبنتكم فيه بركة

ختي دفعو فيها 7 ملاين ونهار لي راحت مع راجلها ولحاج يشرو ذهب عجبهم طقم ذهب راجل ختي ماكانش عنده دراهم بزاف كانت خاصاته 7 ملاين على هداك الطقم ايا لحاج زادهاله وقاله مابيناتناش المهم الراجل كي يكون داير


يقولو يعاشر رجال يربح ولي يعاشر الكلا... يتعلم ينبح اعزكم الله

[*سندوسة*]

علاه راكم تصعبو فيها

زينو النية ماشي دايما زواج يكون فيه مشاكل وظروف صعيبة

انا زوج اختي نهار لي خطبها كان هذاك وين لقى خدمة كان في شهر ملي بدا يخدم
والحمد لله سهناله كلش وبابا تقاسم معاه مصاريف العرس

وماكانتش عندهم لوطو بابا شرا لختي ايبيزا
وختي خدامة راهي معاونة راجلها وعندهم مسكن مستقل راهم كاريين بصح عايشين في نعمة ربي يحفظهم وعندهم ولد صغير معمرلهم الدار والله لوكان تشوفهم فالاول ما تأمنش

الحمد لله كاين لمرا لي مربوحة لي تربح وتعمر على راجل وكاين ؟؟؟؟؟؟؟
ونزيدلك حاجة كان متهرب مالخدمة الوطنية حتى جاه الاعفاء هاد ليامات

[محمد مصطفى الحبيب]

والله عندك الحق

هنا نهار الشرط نتاع ختي لحاج قالهم غير لي درتوه لبنتكم فيه بركة

ختي دفعو فيها 7 ملاين ونهار لي راحت مع راجلها ولحاج يشرو ذهب عجبهم طقم ذهب راجل ختي ماكانش عنده دراهم بزاف كانت خاصاته 7 ملاين على هداك الطقم ايا لحاج زادهاله وقاله مابيناتناش المهم الراجل كي يكون داير


يقولو يعاشر رجال يربح ولي يعاشر الكلا... يتعلم ينبح اعزكم الله
أقسم برب الكعبة أختي سندوسة .....تقدمت لخطبة فتاة من طبقة أخرى و الصراحة راحة ...و لمزيد من الصراحة عندما خطبتها من عمها كونها يتيمة الأب لم أعرف أين أنزع حذائي عندما دخلت بيته http://www.djelfa.info/vb/images/icons/mh01.gif شرف الله قدركم نظرا للأمور التي لا تستطيع الطبقة المتوسطة رؤيتها ...سهلوا عليّ كل شيء و الحمد لله و تلك اللحظة عرفت قدر الرجال .......الحمد لله ...

[رمزي فارس]

هل يمكن تحديد قيمة للمهر؟
لكن أليست متطلبات العرس هي ما يثقل كاهل العريسين؟ حلويات، قاعة حفلات، تصديرة، الأكل، الخرفان أو البقر، المصور وفرقة الموسيقى أو الديجي

[adillo]

السلام عليكم
يا اخي الفاظل المشكل ليس في المهر لو وجدت الفتاة التي تستاهل وتوقف معاك في الضراء قبل السراء وتصبر معاك في كل شيئ هذه لا تستاهل مهرفقط والله لوجمعت فلوس العالم وبكل انواعها والذهب الموجود في اقطار العالم كلو لن توفيها حقها المشكل هو ماذا ياتي بعد الزواج ؟؟
هنا يكمن كل شيئ كما يقولو سيرتو عامين لولين بعد الزواج يلى قدر الله وميكون والو وتعيش هاني ان شاء الله ربي يوفقك خويا ويوفق جميع الشباب

[mrmilano1984]

نسالكم كاين المهر يجي فيه ثمن طاقم الدهب وكاين لا المهر وحده وطاقم الدهب يعني فهمونا كفاش علي حساب كل عائلة واش تشرط وزد الجهاز تاع العروسة من ملابس وريحة وعطر ووووو صابون هل كل عائلة تطلبه وشرط في العرس ام مادا بالضبط يدخل بعد تقديم المهر والطاقم فهمونا

[*سندوسة*]

نسالكم كاين المهر يجي فيه ثمن طاقم الدهب وكاين لا المهر وحده وطاقم الدهب يعني فهمونا كفاش علي حساب كل عائلة واش تشرط وزد الجهاز تاع العروسة من ملابس وريحة وعطر ووووو صابون هل كل عائلة تطلبه وشرط في العرس ام مادا بالضبط يدخل بعد تقديم المهر والطاقم فهمونا

العريس يدفع المهر وهو عبارة عن مبلغ مالي تجهز به الفتاة + طقم ذهب + طبق الحنة فيه تبديلة للعروسة وجلابة وصباط :1: وسلة فيها مكياج وعطور

اما جهازها يتكفل بيه والدها يعني 5 ولا 8 ملاين نتاع الزوج تجي غير فالفراش حنا فالغرب مثلا لعروسة تدي هذو كامل يعني دراهم الراجل مايكفوش والاب هو لي يزيد يجهز بنته من البسة وعطور وهدايا ويزيدها ذهب

يعني دراهم زوج تجي غير في هادي لفراش
http://www.ameeera.com/up/uploads/images/ameeera.com444ab42f27.jpg

http://www.munasbh.net/upload//uploads/images/zafat00966569944524abolayanc796c92a61.jpg

وتزيد هي تشري
وهادو فيهم ملابسها
http://i370.photobucket.com/albums/oo148/narmeen_01/3.jpg

http://www.munasbh.net/upload//uploads/images/zafat00966569944524abolayana510304eeb.jpg

يعني كل وحدة وتدي واش تقدر

[غير هام]

السلام عليكم

عندنا في الغرب المهر لي هو من 5 ماين فما فوق والذهب طاقم او كل حاجة وحدها والطبق

[nina1616]

كل واحد وقدورو وديرفيبالك حاجة اقلهم شرطا اكثرهم بركة

[yesican]

ضياعة دراهم ............................ و في الاخير شهراين و يطلقو

[رمزي فارس]

شفت الصور نتاعك سندوسة طاح قلبي، 100 مليون وماتكفيش ، براسي راني مليح، وعندو الحق مول الإيبيزا.

[*سندوسة*]

شفت الصور نتاعك سندوسة طاح قلبي، 100 مليون وماتكفيش ، براسي راني مليح، وعندو الحق مول الإيبيزا.

لالا يا اخي هادو يديرهم اب لعروسة



لعريس عليه غير المهر والطبق وحاجة نتاع ذهب

[كان يا مكان في قديم]

السلام
موضوع مهم جدا ، حنا في واد سوف يوم الشبحة يعطي الراجل 10000دج مليون بالعامية كي يعمل الشوفة الاولى
وكن تعاجبو يعطيها 15 مليون بش تبدأ تجهز في روحها هذي بالذهب
وكن معطاش الذهب تطيح اكثر حوالي 20 مليون
بلاش الهدايا والفاليزا نتاع القش والخضرة والفواكه والروائح و و و
الناس ولات تنغر من بعضها في الوادي من الجهل طغوا في البلاد عادو يتفاخروا واش يمدو حتى انه في الشوفة الاولى عادو يديرو هدايا ودراهم مثلا يعطيها دراهم الشبحة قلنا مليون فأكثر ومعاها ميكرو برطابل ، وبعد سمانتين يجيبلها برطابل وأبيس جديدة
وكان يا مكان وش نقلكم

[شاطئ الأوركيد]

السلام
موضوع مهم جدا ، حنا في واد سوف يوم الشبحة يعطي الراجل 10000دج مليون بالعامية كي يعمل الشوفة الاولى
وكن تعاجبو يعطيها 15 مليون بش تبدأ تجهز في روحها هذي بالذهب
وكن معطاش الذهب تطيح اكثر حوالي 20 مليون
بلاش الهدايا والفاليزا نتاع القش والخضرة والفواكه والروائح و و و
الناس ولات تنغر من بعضها في الوادي من الجهل طغوا في البلاد عادو يتفاخروا واش يمدو حتى انه في الشوفة الاولى عادو يديرو هدايا ودراهم مثلا يعطيها دراهم الشبحة قلنا مليون فأكثر ومعاها ميكرو برطابل ، وبعد سمانتين يجيبلها برطابل وأبيس جديدة
وكان يا مكان وش نقلكم

ولو لم تعجبه يرجعل 10000 دج ولا مايرجعوش

الشوفة مليون :confused: تقاليد غريبة مانشوفش

[alkalima tayiba]

تختلف قيمة المهر أو الصداق من منطقة إلى أخرى ومن فتاة لأخرى، ماهي المعايير المعتمدة في تحديد قيمته؟
في الجلفة
من 8 ملاين حتى 20 مليون على حسب العروسة جمالها و مالها
الجميلة تتقلش و المترفهة كيف كيف
و العادية 14 مليون المتعارف عليه + خاتم الفاتحة+ خاتم الخطوبة + النعجة و العشاء

[alkalima tayiba]

و من جهة أخرى
لازم تجيب معاها المضرب
3 مطارح + شوراتهم + تابي+ 2 كوفروليات واحد صيف واحد شتاء + 2 دراوات + كوفيرتات + كاش ريدو + سوندولي تاع شومبرا + صوالح ديكور للكوزينة و للدوش
و تجيب القصعة ( خيشة سكر + 10 كيلو قهوة+ حلويات +20 علبة عطر رخيص+ 20 باطة حنة )توزع في صباحية العروس على الحاضرين + هدايا لاهل الزوج قماش و خمارات و بيجامات
وكي تروح بعد اسبوع و ترجع تجيب معاها نصف نعجة او نعجة + بيض + كعبوش توزع على الاهل
هذه المعايير إذا قالها ما تشرطي فيا ما تجيبيلي هنا تنقص الاتعاب
الطبقة الراقية هذيك ما نحكو عليها مانعرفوا كيفاش عايشين ما عندهم حتى معيار سوى البقاء للاقوى , تخويف الناس هو شعارهم

[*سندوسة*]

و من جهة أخرى
لازم تجيب معاها المضرب
3 مطارح + شوراتهم + تابي+ 2 كوفروليات واحد صيف واحد شتاء + 2 دراوات + كوفيرتات + كاش ريدو + سوندولي تاع شومبرا + صوالح ديكور للكوزينة و للدوش
و تجيب القصعة ( خيشة سكر + 10 كيلو قهوة+ حلويات +20 علبة عطر رخيص+ 20 باطة حنة )توزع في صباحية العروس على الحاضرين + هدايا لاهل الزوج قماش و خمارات و بيجامات
وكي تروح بعد اسبوع و ترجع تجيب معاها نصف نعجة او نعجة + بيض + كعبوش توزع على الاهل
هذه المعايير إذا قالها ما تشرطي فيا ما تجيبيلي هنا تنقص الاتعاب
الطبقة الراقية هذيك ما نحكو عليها مانعرفوا كيفاش عايشين ما عندهم حتى معيار سوى البقاء للاقوى , تخويف الناس هو شعارهم

فالبداية كي بديت نقرا على لفراش قلت راكم رحمة علينا ولكن بمواصلة القراءة تخلعت

حنا بخصوص لفراش عندنا كارثة
10 بساطات
10 مخايد نتاع لبساطات 10 مخايد نتاع التطريز
بساط نتاع زوج بلايص
لي كوفرولي من 2حتى 5
دراوات نتاع الصيف ونتاع شتا حوالي8
لي كوات 10
الاغطية 10
+صالون
وكاش ريدو
وزوج طابيات


للعلم هاذ الفراش تديه غير وحدة من الطبقة المتوسطة اما الاخرين هاذو وزيادة امورة اخرى

[ام نهوله]

هذا وين فهمت علاه الرجال يخلعو من الزواج انا مرا راني خلعت و الله ما شكيت زاد تزوج واحد بزاااااااااااااااف
وشنو هادي السومه تطلع على حساب الزين تاع لمرا و لا مكانتها الاجتماعيه اسمحولي علابالي كلشي غلا في هاد الوقت بصح و الله عير كاين مبالغة علاش ندي 2 مطارح و 10 بساطات و 20 مخده و الله يا نسا غير بدلو العقليه راني من نيتي نهدر هاد الفراش يجوز عليه عام تكرهو منو سورتو انا و انت ياسمين علابالك نحبو التغيير خممو و رجعولي الخبر

[alkalima tayiba]

هذا وين فهمت علاه الرجال يخلعو من الزواج انا مرا راني خلعت و الله ما شكيت زاد تزوج واحد بزاااااااااااااااف
وشنو هادي السومه تطلع على حساب الزين تاع لمرا و لا مكانتها الاجتماعيه اسمحولي علابالي كلشي غلا في هاد الوقت بصح و الله عير كاين مبالغة علاش ندي 2 مطارح و 10 بساطات و 20 مخده و الله يا نسا غير بدلو العقليه راني من نيتي نهدر هاد الفراش يجوز عليه عام تكرهو منو سورتو انا و انت ياسمين علابالك نحبو التغيير خممو و رجعولي الخبر

ههههه صدقيني المهر معياروا المال و الجمال شئت ام ابيت , ,
راني معاك في كلامك نوعا ما
حبيبتي انا واقعية جدا و هذا الشيء منقول من الواقع و لا يمثلني انا شخصيا,
و في الدين المراة عندها الحق تتشرط , و في نفس الوقت اقلهن مهرا اكثرهن بركة
و علاش تكرهي فراشك و تحوسي على التغيير . المراة لازم تحافظ على مال زوجها و ماش كل 6 اشهر تقولوا جيبلي جديد ,الموضة راها تتغير كل اسبوع ,واش قدوا مسكين على اللي راه لاحقوا بعد الزواج

[alkalima tayiba]

فالبداية كي بديت نقرا على لفراش قلت راكم رحمة علينا ولكن بمواصلة القراءة تخلعت

حنا بخصوص لفراش عندنا كارثة
10 بساطات
10 مخايد نتاع لبساطات 10 مخايد نتاع التطريز
بساط نتاع زوج بلايص
لي كوفرولي من 2حتى 5
دراوات نتاع الصيف ونتاع شتا حوالي8
لي كوات 10
الاغطية 10
+صالون
وكاش ريدو
وزوج طابيات


للعلم هاذ الفراش تديه غير وحدة من الطبقة المتوسطة اما الاخرين هاذو وزيادة امورة اخرى
ما شاء الله المتوسط عندكم هو أغنى واحد عندنا الله يبارك
فكرتيني في وحدة عروسة نهار راحوا يخطبوا فيها
مشاتهم يماها لوحد البيت مليانا للسطح مطارح شورات خيرات ربي ,
قالتلهم هذا لفراش لي جايباتوا بنتي
جابتوا معاها نورمال اهل الزوج فرحوا و قالوا جابت معاها خيرات
الشهر لول عادي و الشهر الزاوج بدات ترجع لدارهم بشويا
في الاخير كانت متسالفاتوا من عند كل النسا في لافامي تاعها
و رجعتلهم كلش
دارتوا طعم برك باه تحكم اهلوا في الشبكة و يخطبوها
هههههه هذه عينة فقط شاذة و لا يقاس عليها

[ام نهوله]

اكيد الامر اللي نقلتيه من الواقع ماركيش رايحه تجيبيه من الخيال و هذا هو المشكل و الله يا حبيبتي غير بزاف قوليلي 20مخده او اكثر واش ديري بيهم
10 بساطات انا و راسك قوليلي وين را تفرشيهم انا مانيش نقول ما تديش لكن كاين مبالغه في الامر 5 كوفرولي 10 ليكووات تعيشو لبنات نقصو مام على والديكم بزاف
و انا مانيش نهدر باشرع انا انسانه جد عاديه برك شفتها بزاف

[alkalima tayiba]

دايرة حساب الضياف من اهلها و اهل الزوج اكيد
مهيش خسارة تعمري دارك . العيب في الحفلات , حبة مقروط تستقام ب 10 دج تشريلها ديكور ب 100 دج , هذا الفساد بام عينه

[*سندوسة*]

اكيد الامر اللي نقلتيه من الواقع ماركيش رايحه تجيبيه من الخيال و هذا هو المشكل و الله يا حبيبتي غير بزاف قوليلي 20مخده او اكثر واش ديري بيهم
10 بساطات انا و راسك قوليلي وين را تفرشيهم انا مانيش نقول ما تديش لكن كاين مبالغه في الامر 5 كوفرولي 10 ليكووات تعيشو لبنات نقصو مام على والديكم بزاف
و انا مانيش نهدر باشرع انا انسانه جد عاديه برك شفتها بزاف


والله اختي دات كيما قتلك

وزادت ماما عمرتلها لمخاد ناتع لي كوفرولي ات فيهم قريب عشرين مخدة منوعة صغار ومتوسطين والله لعجب وضرك راهي كارية وراهي معمرة بيهم دارها

[*سندوسة*]

سندوسة كاش ما كاين مراة مربوحة

:dj_17:
انا نظمن غير روحي وشي لاخر ماعلاباليش :1: :1:
موفق اخي

بكري كانو كي يروحو يخطبو ام لعريس تشوف لعرقوب نتاع الفتاة وتم تعرف يلا مربوحة ولا لا

[رمزي فارس]

أظن أن كثرة شراء الأغطية والأفرشة مرتبط بعادات قديمة عند رحيل العروسة من بلد لآخر لكن الآن كل شيء متوفر، يعني واش تدير ب 10 كوفيرطات

[chouchou w]

السلام عليكم انا زوجي غني ومع ذلك شرطي 6م و4م هدية من اب زوجي لي (مع العلم حنا في عايلتنا نتابعو قانون خاص بينا كي يخطب الراجل المرأة من العائلة الشرط اكون 6 م فيهم كل شئ ولوكان الراجل ملياردار و اذا كان براني عندها الحق المرأة تشرط وش حبت)والحمد لله متهنية سلام

[*سندوسة*]

الله يبارك سندوسة

http://forum.tawwat.com/images-topics/images/fa/0045.gif

راك على جهاز لعروسة ولا على لمرا لمربوحة:rolleyes:


http://forum.tawwat.com/images-topics/images/fa/0045.gif

[adillo]

:eek::eek::eek::eek::eek::eek::eek::eek::eek: ياللهول ما هذا
طيحتولي المورال بي الاذن منكم نروح suicide خمس دقايق ونجيكم كشما توصو بشي :confused::(:(:(:(:(:(:eek:
ما هذا كله يا بني دزائر لما كل هذة الافرشة والمخائد ياك منيش رايح نعرض ملكة اليزبيث ولا انجيلا ميركل ياك ليها هيا فقط
كشما عدكم قرداش رحمة على والديكم محتاجو في شيئ :24:
من بكري متردد ودوك خلاص وراني بصمت مش بالعشرة بي العشرين باي باي يا زواج :(:(

[شاطئ الأوركيد]

ههههههههه المخدات والأفرشة

لو قارنا مهرها بقيمتها الحقيقة تسوى 0 دج ومانقبلش

رحمتك ياايتها الأروبية خاتم يكفي لإقامة أفضل عرس

[رمزي فارس]

لماذا المبالغة في شراء أشياء لا تحتاجها وتكدسها عندها كأنها داخلة على حرب ، أسأل الأخوات المتزوجات ماذا فعلن بجهاز العروس؟ هل فعلا إحتجن لكل ما اشترينه؟ أم أن الأمر مجرد تباهي أمام الجيران والعائلة ؟ لو أن المال الذي صرف في الجهاز زادت عليه وقامت بشهر عسل في منطقة بعيدة في الداخل أو الخارج في فندق 5 نجوم؟
وما هي فائدة طاقم ذهب ؟ ينتهي بسرقته أو إضاعته أو بيعه في حين ضاعت أجمل اللحظات التي كان يمكن أن تعيشها مع عريسها؟

[*سندوسة*]

لماذا المبالغة في شراء أشياء لا تحتاجها وتكدسها عندها كأنها داخلة على حرب ، أسأل الأخوات المتزوجات ماذا فعلن بجهاز العروس؟ هل فعلا إحتجن لكل ما اشترينه؟ أم أن الأمر مجرد تباهي أمام الجيران والعائلة ؟ لو أن المال الذي صرف في الجهاز زادت عليه وقامت بشهر عسل في منطقة بعيدة في الداخل أو الخارج في فندق 5 نجوم؟
وما هي فائدة طاقم ذهب ؟ ينتهي بسرقته أو إضاعته أو بيعه في حين ضاعت أجمل اللحظات التي كان يمكن أن تعيشها مع عريسها؟

http://forum.tawwat.com/images-topics/images/fa/0045.gif
جهاز يا اخي الفراش يمكن ان تفرش بيتها خصوصا اذا كان المسكن مستقل يعني تعمر دارها وهادي حاجة مليحة
اما بخصوص الالبسةانا ضد التصديرة يعني الملابس التقليدية لي دير بيها استعراض
اما الملابس باش تكون ديما انيقة وجميلة في نظر زوجها وتنويعها للملابس دليل على اهتماما باناقتها وجمالها لزوجها
ليس بالضرورة تباهي كاين نساء ماداروش اعراس فخمة ولكن داو معاهم بزاف صوالح
اما عن الذهب فهو افضل من شهر العسل على خاطرش يجي نهار لي تحتاجه وتبعيه على حاجة مهمة بدل ماتروح تحوس بيه تاكلهم وتقعد تتفرج :1:
http://forum.tawwat.com/images-topics/images/fa/0045.gif

[رمزي فارس]

لا وجود للرومانسية هنا...هههه الحدايد للشدايد

[hanan krouk]

kol wahad wach katablo rabi aymad chorot bzf machi amliha asah fal hna nas bakeri ay9olo la hna ya sba9 larena

[ألاء-]

"]أقلهم مهرا أكثرهم بركة [/font]

[رمزي فارس]

أقولها لزوجتي المستقبلية مادام رانا على البر ، إذا اشترط أهلك مهر كبير، غدوة يزوروك بالفلوس... ههههه

[ام محمد اسلام الله]

والله ياخي انا زوجي انسان مصلي وخاطيه دعوي الشر كي جاى خطبني قالهم انا خادم على حاسبي والله كي شافو ابي مشي بنيتو قالو دارهم المهر اشريهم شامبرة والله مدفع فيا فرنك جابليخاتم تاع الخطبة وكبش ولخضرة وقدم الناس قالنا دفعو 10 ملايين ومن نهر اديتو ليوميناهدا مشفت منو عيب الحمد لله راني 4 سنين منهدروش على المشاكل التفاهة بصح لزم الطفلة تراعي الرجل والله الوقت عاب وكل شيء ولا غالي ربي يحسن العون

[samou.dz]

ضياعة دراهم ............................ و في الاخير شهراين و يطلقو

بعيد الشر .... لاه هاد التشاؤم كاااامل ربي يهني كل وحدة

[ام ملاك.]

المهر مذكور في القران ويخدمو بيه من بكري مش من درك
اما المعايير على حسب المنطقة
المعروف ان ناس الشرق يغلو بزاف وناش الغرب ثاني يغلو بزاف خاصة تلمسان
ناس الوسط وسطيين وقليل وين تلقى عائلات يغلو في المهور
يعني على حساب المناطق تختلف المهور

[سفير الأيام]

المشكل ماشي مهر وقيمته المشكل في المراة الصحيحة الللي توقف معاك في كل الظرو ف
ادا لقيتها ادا تطلب 7 انت تمد 10 على جال قيمتها الصحيحة غالية