مشكلتي

[مشكلتي]

اسعد الله يومكم

من فضلكم حابتكم تساعدوني في قصتي الي هي انو تقدملي شخص للزواج وهو انسان لاباس عليه متخلق يخاف ربيالا انو عنا عندي خوف وتردد من زوج حوايج
الحاجة الاولى هي انو انا اكبر من بشهر وثمانية ايام بالضبط وبصراحة عمري ولا كنت نخمم ندي شخص انا اكبر منو...........
والمشكل الثاني هو الفارق العلمي بيني وبينو انا متخرجة من الجامعة وموظفة بدبلومي وهو مستواه 02 ثانوي ويخدم سائق اجرة وبصراحة مرات يوقعو مشاكل معاه بسبب عملي راه اقول انتي نهار كامل خدامة متقعديش وحتى كي يكلمني في الهاتف نقطع عليه بحكم اني منيش وحدي في المكتب يقولي كيفاش متحكيش معايا ............ وبصراحة انا منحبش نلفت انتباه اي زميل ولا زميلة ليا

صليت صلاة الاستخارة
انا نطلب منكم تنصحوني واذا كان تقولولي الي راهي كيما حالتي واش تصرفت ولا واش تصرف
بصراحة نحب جميع السلبيات والاجابيات نتاع هاذ الحالة ومنحبش ردود دبلوماسية نحب نصيحة اخوية وكل واحد يحط نفسو في بلاصتي
اسمحولي طولت عليكم ............ ربي ينور لكل واحد واش يحب
سلالالالالالالالالالالام

[غليزاني 26 سنة]

الله يوفقك اختي

[houda_jijel]

يا اختي اولا شوفي نفسك انتي من الداخل لكان راكي مقتنعة به خاصة في العمر و المستوى الدراسي
و الباقي استخيري الله و استشيري اهل الثقة من اقاربه او الناس اللي تعرفه و ربي يوفقك ان شاء الله

[mrmilano1984]

ايه الناس راها تتشرط بزاف خلونا من الاسباب التافهة باه ماتتزوجوش سبحان الله نسبة العنوسة زادت والبنات غر يشرطو هدا مستوي تاعو اقل مني هدا يخدم سيارة اجرة هدا يضل يعيطلي في عملي وهدا يقلي هاك وهاك وهدا صغير عليا ب شهر وكل وحدة تسبب وتسبب هدا قاع من الوساوس تاع بنات هدا الجيل مايجو يتزوجو حتي يطلعولك السكر ادا عجبك ايه الا مارتحتيلوش سواء من شكلو او مضهرو او عقليته قوليلو وخلاص حاجة ساهلة
ماكانش انسان بارفي في الدنيا هادي حتي انتي عندك عيوبوك وعقليتك تاعك سبيسيال راح يكتشفها هو الاخر الناس تحب تتزوج باه تتهني ونتوما ابقاو شرطو وطلعو وهبطو

[mino 19]

اولا فارق سن لا يهم -- مع مرور الوقت سوف تحس بلى هو كبير عليك ماشي نتيا
عامل دراسة مهم فى بعض الحالات فقط رفم اانه له 2ثانوي وليس ابتدائي مثلا يعنى صافا يقدر يفهك
انا نشوف حالتك عادية
بالتوفيق لكي

[لحن الحياة.]

أنا مع رأي الاخ ميلان نورمال بلعكس مسألة السن هنا في صالحك راكي رزينة عليه و المستوى العلمي ما يدي ما يجيب

[malakasma]

ااسلام عليكم
اختى انا عندي. تقريبا نفس المشكل .انا ربي ابتلاني بحب العلم وانظن حتى راجل ما يقدر يفهمني الا القاري .انا الان مخطوبه لمده 4 اشهر.قبلت تحن الضغط.يعني نقبل ما انكملش اقرايتي.انحبس بابا يغضب عليا.ودرك راني انعاود فالباك .وهو محبس بيام ويخدم تاجر.
قالواي غضب الوالدين صعب بصح ايضا لا يكلف االله نفسا. الا وسعها.اقبلت علي وليد الفاميلا.اتلاقيت بيماه فالجامع كنا نحفظوا القران .قصدي العجوزه وانا.بصح ادخلت نقرى للجامع بلا من شاور بابا.بالاك ربي راهو يعاقب فيا.
من فضلكم اخوتي اذا كاين هنا مستشارين نفسانيين او مشايخ ينصحوني.
صلاه الاستخاره صليتها بصح كنت تحت ضغط.يعني ماريحتش لانوا كنت من قبل رافضه.بصح الامور راهي تمشي وسهلت.
مشكلتي هي العلم وبدون العلم انحس نفسي غير موجوده .لانوا راني حابه انخلي بقمتي في الحياه بواسطه العلم.
اعلابالي بزاف ناس ما يفهمونيش بصح هذا ابتلاه واختبارمن عند ربي.كل واحد ونقطه ضعفوا.
هل كاين نساه اقراو فالدار مع المسووليه .وخلاو بصمتهم فالحياه.راكم تعرفوا واقعنا .فالمراه هي ربت بيت فقط في الجزاىر.صح انا ضد الاختلاط في العمل والخروج بدون سبب من المنزل.بصح المراه عندها قدرات اخرى.

السلام عليكم.

[كلنا راحلون]

الله يسهل .......

[mrmilano1984]

ياودي اتزوجو برك علاه التشراط والتكسال وهدا هاك وهدا هاك سبحان الله كل راجل عندو عيوبو وحتي انتم لو كان راجل مثلا تاع شراب او مشاكل او محدرات او سرقة او عنيف جدا ربما عندكم الحق لكن ان ترفضو لشكله او انه مستواه اقل وووو عقليتو عيانة وووو هادو كل تهرب وتشراط وتكسال اتزوجو تتهناو خر ماتوصلو 40 سنة تبقاو معلقات

[غير هام]

السلام عليكم

هدا الشيء رجعلك اختي خمي مليح هدا زواج مشي لعب مشي من بعد تولي في المشاكل والطلاق

[soliel d'or]

السلام عليكم ورحمة الله وبركاته ..
أولا ، أنصحك بصلاة الإستخارة ، هذه أريح شيء لإتخاذ
أي قرار في الحياة ..

ثم إذا كان صاحب خلق و دين لا تفرطي فيه ، لأنها أهم خصلة .
لو كتب الله و جمع بينكما ...
المستوى العلمي يعني حاولي أنك متحسسيش بهذا الفرق
لأن المرأة العاقلة تعرف كيف تسير أمورها ، لا يجب أن يشعر بهذا الفرق
لانه يوجد نساء (يزوخو بهذا الأمر و لكنها تحطم مشاعر زوجها تجاهها من حيث لا تدري) .

وقال صلى الله عليه وسلم: ألا أخبرك بخير ما يكتنز المرء؟ المرأة الصالحة؛ إذا نظر إليها سرته، وإذا أمرها أطاعته، وإذا غاب عنها حفظته. رواه أبو داود والحاكم وقال: حديث صحيح الإسناد.

أما من ناحية العمل ، فهذه مشكلة يجب أن تتفقا على ذلك ... وحاولي أن لا يكون غيابك
طويلا عن البيت تعرفين أن الزوج عندما يعود إلى البيت من الأفضل أن يجد زوجته لتخفف عليه متاعب اليوم
و كذلك الإهتمام به و بالبيت و الأطفال ...

مشكلة العمر : ههـ يا أختي متجي في والو 1شهر و8 أيام عادي هذا ليس مشكلا على الإطلاق...
أما بالنسبة للكلام في فترة الخطوبة ... إبحثي عن مشروعيّة ذلك ...لأنه يعد رجل غريب ... وليس من المعقول أن يبدأ الواحد حياته بمعصية و ينتظر التوفيق ...

وأخيراََ .... ربّي يسعدكمْ و يرزقك ما تتمني أخيّتي وربّي يوفقك في حياتكْ ..

[Hana 67]

ساكون اكثر واقعية فارق السن مهم جدا لابد ان تكون المراة اقل من الرجل لان عمر المراة البيولوجي محدود و المراة تكبر علي الرجل و بالعامية تطيح بفضل الولدات و مشاكلها بعد عشر سنوات يبان الفرق ثانيا المستوي العلمي لازم اكون متقارب لان الرجل احس بالنقص كتكون المراة احسن منه و ذالك يسبب لها مشاكل انت قلت ضعو نفسكم مكاني انا مريت بهذ التجربة المريرة و تزوجت و ندمت ومرت عليا مشاكل فارق السن و المستوي

[رندة نهاد]

اسعد الله يومكم

من فضلكم حابتكم تساعدوني في قصتي الي هي انو تقدملي شخص للزواج وهو انسان لاباس عليه متخلق يخاف ربيالا انو عنا عندي خوف وتردد من زوج حوايج
الحاجة الاولى هي انو انا اكبر من بشهر وثمانية ايام بالضبط وبصراحة عمري ولا كنت نخمم ندي شخص انا اكبر منو...........
والمشكل الثاني هو الفارق العلمي بيني وبينو انا متخرجة من الجامعة وموظفة بدبلومي وهو مستواه 02 ثانوي ويخدم سائق اجرة وبصراحة مرات يوقعو مشاكل معاه بسبب عملي راه اقول انتي نهار كامل خدامة متقعديش وحتى كي يكلمني في الهاتف نقطع عليه بحكم اني منيش وحدي في المكتب يقولي كيفاش متحكيش معايا ............ وبصراحة انا منحبش نلفت انتباه اي زميل ولا زميلة ليا

صليت صلاة الاستخارة
انا نطلب منكم تنصحوني واذا كان تقولولي الي راهي كيما حالتي واش تصرفت ولا واش تصرف
بصراحة نحب جميع السلبيات والاجابيات نتاع هاذ الحالة ومنحبش ردود دبلوماسية نحب نصيحة اخوية وكل واحد يحط نفسو في بلاصتي
اسمحولي طولت عليكم ............ ربي ينور لكل واحد واش يحب
سلالالالالالالالالالالام

صراحة ياختي ياك طلبتي نحط رواحانا في بلاصتك انا عن نفسي ما نقبلش على الاقل يكون الفارق بيني وبينو سبع سنوات اما نكون اكبر منو والله ماتصلح هكا نااتحدث عن نفسي ماعلاباليش ما قدرتش نتخيلها
ديري الي يريحك موش الي يريح الناس وربي يهنيك

[قمر الزماان]

hhhhhhhhhhhhhhhhhhhhhh