طلب وصفة البراج ل ام رامي

[inessou]

من فضلكم شط ون تقدر تميلي وصفة ام رامي تاع البراج حبيت نديرهم ملقيتش الوصفة ربي يجازيكم ان شاء الله:sdf:

[إلهام07]

هذي الوصفة من دفتر وصفاتي راهي وصفة أم رامي هزيتها بالشرح والصور اتمنة تكون واضحة :
باش تكبري الصورة اضغطي وين مكتوب اضغط هنا لرؤية الصورة بحجمها الطبيعي
http://www.up.djelfa.info/uploads/142675183013171.jpg

هاهي المقادير مكتوبة اوضح وشوفي الصور للشرح :


أخبطي 250غ مرغرين لابال مليح بيدك حتى تصير كالمرهم و زيدي نصف علبة المرغرين زيت ثم كاس حليب بارد من الثلاجة و خلطي مليح مليح بيدك أو بالباتور

ثم أضيفي 4 كيلات بعلبة المرغرين دشيشة خشنة + كيلة فرينة + ملح ونص كيس خميرة كيميائية ،الآن أعجني بكفوفك مليح واضغطي على العجينة وإذا احتجت شوية حليب زيدي عينك ميزانك بصح ما تكثريش بزاااف أنا زدت أقل من ربع كاس و أقسمي العجينة على اثنين
والغرس أشري نتاع البطانة مش المعجون أخدميه وحدك نقيه مليح وفوريه زيديلو شوية ماء زهر وزيت وجلجلانية ونص كيس خميرة القاطو وأعجنيه مليح
على جنب نحط شوية دشيشة في صحن ونسكب عليها شوية زيت ونخلطها باه نحرش بيها المبرجة كيما تعرفوا

نبدأ العمل نحتاج لقطعة بلاستيك خشينة نفرشها على الطاولة وفي الجهة اليمنى منها نقرص القرصة الأولى وراهي تتشقق على الحواشي أعدليها بيدك
ثم نضع فوقها نصف كمية الدشيشة المزيتة ونحرشها مليح و الآن نقلب الجهة اليسرى للبلاستسيك على القرصة ثم نقلب القرصة بحذر
ندهن البلاستيك بالزيت ونقرص الغرس و نقلبه على القرصة الأولى

وبنفس الطريقة نقرص القرصة الثانية ونقلبها ونضع فوقها الدشيشة المزيتة ونحرشها و ثم نحللها حتى نتحصل على السمك المطلوب 1 سم

نقسمها ونطيبها على طاجين حديد

خليها تبرد ثم أمسحي الحبات بمناديل ورقية باه تتخلصي من حبيبات الدشيشة المحروووقة وقدميها

وبالصحة والهناء
وبهاذ الطريقة تجي تذوب في الفم جربوها

[ام ايمان16]

هذي الوصفة من دفتر وصفاتي راهي وصفة أم رامي هزيتها بالشرح والصور اتمنة تكون واضحة :
http://www.up.djelfa.info/uploads/142675183013171.jpg

اختي ممكن سؤال كيفاش تركبي الصور والوصفة في صورة وحدة؟

[إلهام07]

اختي ممكن سؤال كيفاش تركبي الصور والوصفة في صورة وحدة؟
مافهمتش واش تقصدي بصح ضرك نقولك كيفاش درت بالتفصيل :
* اولا نحدد النص من الموضوع اللي فيه الوصفة بيه النص بالصور وندير كوبي كولي في ملف word
* نعدل الكتابة نتاع النص نصغر او نكبر ونزيد نصغر في الصور ونرتبهم بجنب بعضاهم بالترتيب هنا خلاااااااااااااااص نحفظ الملف عندي في الميكرو ونطبع الوصفة ونخبيها.

ضرك كيفاش درت باش حطيتها هكذا للاخت بالصور والكتابة مانقدرش ننسخ كلش مايخرجوش الصور هنا في الرد :
* فتحت الملف اللي فيه الوصفة
* ضغطت على الزر Print scrn تلقايه في الكلافيي ( لوحة المفاتيح ) من فوق على اليمين )
* رحت فتحت ملف رسام ودرت فيه نسخ خرجت صورة الشاشة كاملة
* قصيت غير القطعة اللي فيها صورة الوصفة
* نسختها في ملف نتاع رسام فتحتو جديد وحفظتها في الميكرو
* حملت الصورة من موقع التحميل وحطيتها هنا .


خدمة ؟ :D

[انيسة 3]

يعطيك الصحة الاخت الهام على كل مجهوداتك انشاء الله في ميزان حسناتك
حقيقة راكي اسم على مسمى ماشاء الله

[زخة مطر]

بارك الله فيك الهام على الوصفة
عندي سؤال
وعلاه كي نجو نحوسوا على وصفات ام رامي ما نلقاوهمش في المنتدى
غير وحدات برك
اذا ممكن تجاوبوني

[inessou]

يعطيك الصحة الهام ممممممممممممم بارك الله فيك راح نديرها انشاء الله بصح مفهمتش علها ميخرجوليش وصفات ام رامي

[ام ايمان16]

بارك الله فيك الهام على الوصفة
عندي سؤال
وعلاه كي نجو نحوسوا على وصفات ام رامي ما نلقاوهمش في المنتدى
غير وحدات برك
اذا ممكن تجاوبوني

يعطيك الصحة الهام ممممممممممممم بارك الله فيك راح نديرها انشاء الله بصح مفهمتش علها ميخرجوليش وصفات ام رامي

ماييبانولكمش وصفاتها خطراكش نحاتهم من المنتدى ودارتهم في مدونة
وضرك حتى المدونة ماتقدريش تشوفي محتواها غير اذا سمحتلك هي؟

[ام ايمان16]

مافهمتش واش تقصدي بصح ضرك نقولك كيفاش درت بالتفصيل :
* اولا نحدد النص من الموضوع اللي فيه الوصفة بيه النص بالصور وندير كوبي كولي في ملف word
* نعدل الكتابة نتاع النص نصغر او نكبر ونزيد نصغر في الصور ونرتبهم بجنب بعضاهم بالترتيب هنا خلاااااااااااااااص نحفظ الملف عندي في الميكرو ونطبع الوصفة ونخبيها.

ضرك كيفاش درت باش حطيتها هكذا للاخت بالصور والكتابة مانقدرش ننسخ كلش مايخرجوش الصور هنا في الرد :
* فتحت الملف اللي فيه الوصفة
* ضغطت على الزر print scrn تلقايه في الكلافيي ( لوحة المفاتيح ) من فوق على اليمين )
* رحت فتحت ملف رسام ودرت فيه نسخ خرجت صورة الشاشة كاملة
* قصيت غير القطعة اللي فيها صورة الوصفة
* نسختها في ملف نتاع رسام فتحتو جديد وحفظتها في الميكرو
* حملت الصورة من موقع التحميل وحطيتها هنا .


خدمة ؟ :d


يعطيك الصحة اختي
كيما قلتي ؟خدمة :1:

[ايمان فلاور]

يعطيك الصحة