مساعدة شخص مريض نفسيا عندو كل شيء مايحبش يتزوج من النساء

[mrmilano1984]

السلام عليكم خاوتي اطلب منكم مساعدة لشخص اعرفه يعاني نفسيا جدا معنويا من النساء واصبح لايطيق سماع كلمة الزواج منهم لانه تاكد انو لاوحدة راح تخبو او يعجبها لانو هو حسبو ضعيف الينية جدا يعني رقيق بزاف ونحيف وعقليتو صعبة جدا مع النساء لايريد ان يعاشرهم لانو يعرف مسبقا انو وحدة ماراح تديرو في بالها او عقلها فما بالك في قلبها يعني سمع كفاه يخمو البنات وكفاه يحقرو بالعين وقال لي انو يود الانتحار بسببهم يحبو فقط الطول والعرض والمضهر الجميل او شخص مقبول الجسم يعني صراحة اتعقد منهم بسبب نضرتهم اليه
مالحل هو لايود الزواج رغم انو عندو كل شيء عندو سيارة تاعو و3 حوانت يعني تاع ابوه وهو لي يكريهم وعندو دارو مع والديه وصراحة اصبح يحقد عليهم جدا ولايطيق التكلم معهم الا للضرورة
هل تصرفه عاد ام مادا وسوسة حادة ام قهرية كيف يعالج من مرض اسمه عدم الزواج من النساء

[*سندوسة*]

وعليكم السلام ورحمة الله وبركاته

هذا الشخص يلزملو محيط يهيئه نفسيا
مثلا يقعد مع رجال لي يهونو عليه الامر ومشكلتو فالبنية لا يهم الكثير من بنات اراهم يتزوجون بأشخاص مثل صديقك

ولازم يغير طريقة تفكيروا وربي يلاقيه ببنت الحلال لي تخليه يوثق في روحه

[محمد الوليد]

عندو دراهم و يقولك ما يحبونيش ياو يبيعو الغالي و الرخيص على دراهمو برك
زيد بالزيادة يخرج من و من يلقى يلقى اللي تقبل بيه ربي يهدينا و يعافينا

[سهيلة2013]

يا اخي كيما يخممو البنات تاني الرجال كيما هاك
الكل يعطي اهتمام للمظهر

[أناييس الربيع]

قل لي من تصاحب أقول لك من تكون

والله لوكان عنده صحبة جيدا لفكر في سنة الأولين

ومالهدف من الزواج .

لو صدق مع الله لأعانه هناك حديث حول ثلاثة

أحق على الله أعانهم من بينهم رجل أراد العفة والتحصين بالزواج

وأسأل الله رب العرش العظيم أن يرزقه زوجة صالحة

[salim.salim]

صاحبك هذا ربي يهديه
قلو العميان و المعوقين و تزوجوا
فتيات اليوم لي تتزوج منهم كأنوا طاح عليها القدري كيما نقولوا و هو يقلك ما يديروهش فالحساب!!!!!!!!!
و زيد عندو الدراهم و 90 فالمية منهم يعبدوا الدراهم.

[سهيلة2013]

نيشااااااااااااااااااااااااااان

[mrmilano1984]

ياو مش صديق مقرب نعرفو فقط المهم قال لي هادو النساء يضلو يدعو باش يرزق زوجة صالحة مي كي يجي الصح وحدة ماتشوف فيه وقاع يتهربو مو يعني يعرفو يقولو غر ان شاء الل ووو ربي يرزقك ببمنت لحلال وكلام تاع الجزائريين مي كي يجي الصح قاع يهربو وكل وحدة تحب نفسها وتحب تعيش مع لي تحب ووو وحدة ماتمد نفسها لراجل ضعيف البنية وووو يعني حتي تعيش معاه فوق القلب يعني عندو افكار وسواسية كثيرا وكل مايشوف وحدة يقول قاع يخمو كف كف
مافهمتش واش نقولو كره الحياة والعباد تماما يحب ياكل يشرب ويرقد وكي يكره يروح يحوس ووو يلبس وحلاص

[mrmilano1984]

ماهوش صاحبي نعرفو فقط من داك نتلاقاه

[سهيلة2013]

لازم يكون يكون يعرف كيفاش يلبس كيفاش يهدر اما الدرهم وحدهم ما يديرو والو

[mrmilano1984]

ههه مش مخلوع بالدراهم راهو جدمتوسط ودراهم وحوانت علي اسم ابوه فهمتو المهم واشؤ يلبس اش يخلي هو قال لي يحقرو بزاف بالعين ويهربو النساء كره كره راهو ولا موسوس بزاف بزاف منهم ولا مايدير ثقة في حتي وحدة حتي وحدة حتي لو كانت مش شابة وكزعوقة مايخزر فيها مافهمتش واش في مخو بالضبط

[أناييس الربيع]

هذي باينة تفرجتها في فيلم هندي

بلمسات تركية .
المهم بعد أيام من فضلك حط الحلقة الاخيرة
تحسب النسا يتخلعو في زوج دورو ولا في زورا
وأما تقول صاحبك موش مليح خلقا وماذا عن أخلاقه

ولا يحق لأحد يعيب الخلق ربي خلقنا في احسن صورة

وإن أكرمكم عند الله أتقاكم

[مريم الصابرة]

السلام عليكم اخي
والله صاحبك عارف واش مشكتلو انو ما يتعشرش مش لانو قبيح او رقيق او سمين لا ابدا
راك تقول واعر مع النسا وشكون تقبل بيه المرأة تحب المعاملة اللينة ايضا اخي لو كان هو قانع بروحو يقنعو بيه غيرو ممكن قبيح ممكن عارفينو ما يعرفش يهدر يعني سيء فالمعاملة هذا يهرب منو الناس
قولو قاتلك مريم إكتبلي حانوت على إسمي وشريلي طونوبيل وماذا بيك بوات اتوماتيك على جال رجلي ونتزوج بيك هههههه
امززززززززززززح يا اخي قولو قتنع إنت بنفسك وثق انو ربي خلقك وناس ما عندهمش لا يدين ولا رجلين وحامدين ربي واش حب يرقد ينوض يلقى روحو مهند ماكانش منها لكن يحسن الفاظو
ربي يزقو الزوجة الرقيقة كيما هو موفق

[ولد الشاوية]

تحبو الصح لي قلبو محروق على الزواج يجيبها رغم كل الصعوبات المادية و الاجتماعية
لكن هناك شباب لما ما يكونش حاب الزواج يبدا يدير في العفايس
البنات تاع ذروك ما فيهمش الثقة!
وحدة ما تقبل بيا!
كيما راني عازب راني حر و متهني! وغيرها من الاعذار الواهية
هذا السيد انا نقولكم يحب دراهمو بزاف و ميش حاب حتى واحد يشاركو ولو زوجته

انا كون مكانو راني داير فيها 4 زوجات و حاط كراع على كراع و نتقلش!

[الصديق قروف]

عجيب امره
اذا كان لايحب ازواج لان انساء يحبوه على دراهمو فقط ممكن يتعقد منهم
بصح تقلي ميحبوهش خلاص مكانش منها
كاين نساء يشوفو دراهم فقط يعني كييشوفوه بطاكسي فخمة يديرولو اعتبار وعلى رجليه ميشوفوهش

[سيرين 5]

مشكلة غريبة عجيبة ؟؟؟ كاين بنات نحيفات بزاااف تان وين راه المشكل ؟؟؟ ما يقدرش يلقى وحدى في لاطاي تاعو كانت تقرى معايا وحدة قصيرة و رقيقة عادي و بنت فاميلية و عاقلة و متربية و مدينة ... إذا أنت رافض فكرة الزواج من أساسو علاه تحصل في البنات روح لطبيب نفسي قولو ما عنديش الثقة في نفسي وخلاص ... حل مشكلتك مع نفسك أومبعد حوس تتزوج ؟

[*ام عبد الكريم*]

اول حاجة لازم يقبل نفسو كما راهي و يتعلم يحب شكله و ذلك بزيارة بيسكولوك يعطيه ثقة في نفسو ...ربي يفتح عليه

[mrmilano1984]

السلام عليكم اخي
والله صاحبك عارف واش مشكتلو انو ما يتعشرش مش لانو قبيح او رقيق او سمين لا ابدا
راك تقول واعر مع النسا وشكون تقبل بيه المرأة تحب المعاملة اللينة ايضا اخي لو كان هو قانع بروحو يقنعو بيه غيرو ممكن قبيح ممكن عارفينو ما يعرفش يهدر يعني سيء فالمعاملة هذا يهرب منو الناس
قولو قاتلك مريم إكتبلي حانوت على إسمي وشريلي طونوبيل وماذا بيك بوات اتوماتيك على جال رجلي ونتزوج بيك هههههه
امززززززززززززح يا اخي قولو قتنع إنت بنفسك وثق انو ربي خلقك وناس ما عندهمش لا يدين ولا رجلين وحامدين ربي واش حب يرقد ينوض يلقى روحو مهند ماكانش منها لكن يحسن الفاظو
ربي يزقو الزوجة الرقيقة كيما هو موفق

اضن ان كلامك هو الصواب فعلا هو مايتعاشرش هو جد جد معقد ربما عقليتو هكدا وموسوس بزاف بزاف رغم انو محق واش قال قاع يبغو المادة والمضهر حتي التي لاتقبل المادة تقبل بالمضهر او التي لاتقبل بالمضهر ترضح بالعقلية تاعو اضنه جد معقد وماهوش صاحبي قلتلكم اعرفه فقط مرات التقيه ودائما نفس الموضوع يشتكي ويشتكي منهم

[mrmilano1984]

نعم ايضا ماعندوش القناعة فعلا كلامك مضبوط مايحمدش ربي هدا هو الكلام بالضبط والتمام بالاضافة معقد صراحة وانه لايتعاشر ابدا دائما شنايفي دائما نشوفو كاره ههه ربي يهديه الي الاحسن الله غالب كل واحد كفاه عامل

[mrmilano1984]

يااخي حتي لو عندو اموال واموال اني قلتلكم ماراحش يقبل يتزوج ابا وابدا لانو راح يبقي موسوس انو النساء راح حتي لي تقبل بيه علي جال اموالو مش لشخصو يقلي كل وحدة علي جال من تجك هدا لو قبلت بيه اصلا وتعرف انو مش شباب وصحيح ووسيم وشكلو مقبول وحتي عقليتو عيانة قاع يقول راح تدني باه تستفاد من الدار والحوانت وهي داخلها تكرهو فهمتو مشكلتو يعني دايمن يخمم هكدا

[mrmilano1984]

نعم ماعندوش الثقة في نفسو بالضبط هادي هيا دايمن يشوف روحو انو هو مش مليح ووووو ومايحبوهش النساء لشكله وجسمه وعقليته واخلاقه ووو

[نورالهدى بيولوجيست]

نصحيتي ليه : انو يثق بنفسو لأنو اللي ما يؤمنش بكيانو و يشوف روحو يستاهل المخيرة عمر الاخيرة فالبنات ماتخمم فيه

:1::1::1::1::1::1::1::1::1:

[عبد الرؤوف24]

هناك المثل يقول الراجل مايتعايرش بزين ومايتوزنش بالميزان

[mrmilano1984]

مافهمناش الحل مع الشخص هدا فقط مند قليل رايته في حالة يرثي عليها

[مريم الصابرة]

السلام عليكم
خلاص خليه يبقى باير هذا ما يرحم ما يخلي رحمة ربي تنزل معقد وزيد زعفان من الناس الكل ويحساب البنات يتبعو فدراهم يعني ما يتزوج لا الطامعة بيه ولا راح تحبو وحدة انا من رأي روح معاه عند طبيب نفسي هذا لازم يعالج روحو خير من يضيع وقتو فالحوانت حتى يلقى عمرو 60 وما عندوش وليدو يروح يداوي مازال ما فاتو الحال
ربي يهديه

[mrmilano1984]

نعم نصحتو يروح لطبيب نفسي هل يروح عند بسيكياتر مثلا اي مش بسيكولوج مثلا ادلوني من فضلكم يامن ردت انو يقلك متاكد انو ماراحش يعجبهم في الشكل والعقلية كل البنات يعني حتي لي تجي ليه تكون بلاك فاتها القطار الزواج او مالقاتش راجل لي تحبو الور يقول بلي راه تديرو رو دو سكور وخلاص لانو عندو الدار والحوانت و الاموال لي تخليها تجي علي جالهم مش علي جال شخصو فهمتي تخمامو راها ديما تدر في راسو وماعندوش ثقة تماماااااااااااااا في النساء سواء جميلة او غير جميلة قبيحة الوجه او جميلة الوجه

[ailemak]

الحل الوحيد لازم يشوف إمرأة رقيقة كيما هو ، w سلام، ماتعايرو مايعايرها، وما أكترهن، أنا مفهمتش مرة تقولوا المرأة مادية تبغي دراهم، ومرة تقولوا المرأة تبغي لا طاي وطول ولعرض، هافهمو رواحكم

[ailemak]

هناك المثل يقول الراجل مايتعايرش بزين ومايتوزنش بالميزان

اسمحلي أخي حدة كن بكري، رنا نشوفو لعكس، ملي بدا راجل يزوق روحو، لبنت ولات تبغي جمال راجل :19:

[لحن الحياة.]

نقولك وحد الحل صغيييييييييييييييير جدا
بصفتي (نحييييييييفةhttp://www.djelfa.info/vb/images/icons/wah.gif) فانا افهم شعوره جيييييييييييدا يروح يشوف وحدة تكون سميييييييييييييييييييييييييييييييييييينة سمييييييييييييييييييييييييييييييييييييييييييينة و معقدة من السمن و الله راني نحكي سيريوز صدقني سوف تقبل به و يطيحو على بعضاهم

[ماريـام]

خرجوه من السلبية و احكولو عن قصص زواج ناجحة و اشرولو كتب عن معاشرة الرسول صلى الله عليه و سلم لزوجاته احسن وربي يهدي حالو و يعطيلو بنت الحلال

[مُحمد رازي]

سبحان الله
ما زال الناس كامل حابة تكون كيف بعض
كامل لازم يكونو متزوجين و كامل عندهم دراهم و كامل بصحتهم و كامل شابّين
و نساو بلي هاذ الأمور أرزاق و مقادير
كاين لي يعطيه ربيّ الدراهم و يحرمه من الزواج مثلا
و كاين لي يرزقه بزوجة و أولاد و يحرمه من أمور أخرى
كل واحد و ربّي يعرف واش لي يصلح ليه
و السعادة كل الساعدة أنك تقنع بما قسمه الله ليك
و ما تشوفش في الشي لي عطاه لغيرك

[mrmilano1984]

ياو ماتفهموش مش مشكل رقيقة او سمينة او شابة او غير شابة مشكلتو دايمن مايديرش الثقة في النساء وعندو وساوس شيطانية ويقول دايمن انهم مايحبوهش وراح حتي وحدة كي يجيبوهالو لو جابوهالو وغير عقليتو راح يجيبوها علي جال صلاحهم وصلاح الطفلة وليس لشخصو هو او اخلاقو او يعني لنفسه هو فهمتو مشكلتو يعني قالت واحدة في الرد مايتعاشرش ابدا مع النساء لايستطيع معاشرتهن
لعلمكم عمرو في حياتو كامل وفي هدا السن ولا دار علاقة عاطفية ابدا او حتي مجرد صداقات مع بنات او خمم في الزواج من اي وحدة كلهم عندو كف كف حتي لو تزوهم ماراحش يدير ولا ثقة غرام ثقة فيهم ويبقي موسوس يقول هادي داتني لحاجة ما مثلا مالقاتش راجل او فاتها الوقت للزواج او مطلقة وحابة تعمر به الوقت او وحدة راجلها ميت وحابة تتزوج تستعملو سكور او لشيء ما من اجل عائلته وفي وجههم يعني مش علاجالو هو بالدات
اين خللو اكتب الان وهو يمر من الشارع ورايته

[الجواهر]

الزواج مكتوب و نهار يتلاقى مع المراة التي سيتزوجها سيجري سيجري منورااااها حتى يديها ...هادو كامل عفايس برك

[سهيلة2013]

انا تاني كيفهو لا اكثر و هو راه رحمة كيما يقولوا
كنت غالقة على روحي ما نخرجش لكن تغلبت على هاذ الضعف و يخزر فيا نخزر فيه و اللي يجرحني بكلمة نرد عليه بحكمة
و مش كل البنات تاع الدراهم
و الثقة في النفس لها دور كبير
وادا بغيت دير فيه خير لازم توريله الدنيا من الجانب الايجابي

[mrmilano1984]

كفاش نتي كنتي كما هو ماتحبيش الرجال او مادا بالضبط يااخي هو لايفكر في الزواج ابدا منهن

[لحن الحياة.]

ياو ماتفهموش مش مشكل رقيقة او سمينة او شابة او غير شابة مشكلتو دايمن مايديرش الثقة في النساء وعندو وساوس شيطانية ويقول دايمن انهم مايحبوهش وراح حتي وحدة كي يجيبوهالو لو جابوهالو وغير عقليتو راح يجيبوها علي جال صلاحهم وصلاح الطفلة وليس لشخصو هو او اخلاقو او يعني لنفسه هو فهمتو مشكلتو يعني قالت واحدة في الرد مايتعاشرش ابدا مع النساء لايستطيع معاشرتهن
لعلمكم عمرو في حياتو كامل وفي هدا السن ولا دار علاقة عاطفية ابدا او حتي مجرد صداقات مع بنات او خمم في الزواج من اي وحدة كلهم عندو كف كف حتي لو تزوهم ماراحش يدير ولا ثقة غرام ثقة فيهم ويبقي موسوس يقول هادي داتني لحاجة ما مثلا مالقاتش راجل او فاتها الوقت للزواج او مطلقة وحابة تعمر به الوقت او وحدة راجلها ميت وحابة تتزوج تستعملو سكور او لشيء ما من اجل عائلته وفي وجههم يعني مش علاجالو هو بالدات
اين خللو اكتب الان وهو يمر من الشارع ورايته
يا اخي انا راني فاهماااااتو جيييدا و حاسة بيه لهذا لم( اتزوج) اعتذر على المصطلح لأني أكره استخدامه
لكنه مثلي نحن النحيفين دوما نريد من يريدنا لشخصنا وليس للكادر فأنا ايضا عاملة و كلش بصح لي يجي يجي يشوف فيا هاك

[mrmilano1984]

اوك بصح هو م قضية الجسم فقط ايضا العقلية ىتاعو صعيبة بزاف ونقلك حاجة ماراهوش حاب يتزوج اي مراة وهو وهي ماتحبوش يعني خايف وعلابالو حتي وحدة ماراح تحبو من قلبها سواء بينتلو الكره من خلال مضهرو او تصرفاتو وتفكيرو او كاين لي ماتبينش الحقد والكره ولكن في داخلها تكرهو هاو علاه ماحبش يتزوجهم

[mrmilano1984]

[quote=jill;3993001347]يا اخي انا راني فاهماااااتو جيييدا و حاسة بيه لهذا لم( اتزوج) اعتذر على المصطلح لأني أكره استخدامه
لكنه مثلي نحن النحيفين دوما نريد من يريدنا لشخصنا وليس للكادر فأنا ايضا عاملة و كلش بصح لي يجي يجي يشوف فيا هاك

تخمامك غالط اطلاقا مايخممش في قضية تاعك تاع الشكل فقط والعقلية ولات واش تخمم المرا يقلك هي ماتحبنيش وانا ندها تعيش معايا ماهمش متقبلها اطلاقاااااااااااا يقلي كما المرا تحب نفسها وتحب تتزوج بالراجل لي يعجبها وتحبو انا ثاني مانقدرش نعاشر مرا ماتحبنيش او تلعبها تحبني يعني تتنوفق

[لحن الحياة.]

تخمامك غالط اطلاقا مايخممش في قضية تاعك تاع الشكل فقط والعقلية ولات واش تخمم المرا يقلك هي ماتحبنيش وانا ندها تعيش معايا ماهمش متقبلها اطلاقاااااااااااا يقلي كما المرا تحب نفسها وتحب تتزوج بالراجل لي يعجبها وتحبو انا ثاني مانقدرش نعاشر مرا ماتحبنيش او تلعبها تحبني يعني تتنوفق
أجل معه حق ...... ما عسانا الا ان ندعو له ربي يفرج عليه

[الجواهر]

اوك بصح هو م قضية الجسم فقط ايضا العقلية ىتاعو صعيبة بزاف ونقلك حاجة ماراهوش حاب يتزوج اي مراة وهو وهي ماتحبوش يعني خايف وعلابالو حتي وحدة ماراح تحبو من قلبها سواء بينتلو الكره من خلال مضهرو او تصرفاتو وتفكيرو او كاين لي ماتبينش الحقد والكره ولكن في داخلها تكرهو هاو علاه ماحبش يتزوجهم

و علاه يفكر بلي مايتحبش هو الي حاكم في القلب ؟؟ اذا طاح في امراة صالحة حتى اذا لم تحبه تحترمه و لا تخونه ... و الراجل يهمه الشرف اولااا قبل كل شيء و الا واش رايك ؟؟

[سهيلة2013]

مش لدرجة نكره الرجال لكن نعرف حتى واحد ماراح يحبني على شكلي
اي و احد يتقربلي نبعد عليه نعرف انه من اجل مصلحته

[mrmilano1984]

نعم واش قلتي فعلا حتي ان لم تحبه قلتي تحترمه وتصون عرضه ولاتخونه مي يقول كفاه وحدة ماتحبنيش ماننجم نعيش معاها وعدم حب المراة له يعني انها في مخها راجل اخر حسب قولو تخمم فيه بما انو المراة طبعها هاك وبالتالي تخونو وووو يعني راح يزد يطرطق لول
يعني حتي لو قلتي مام ماتحبوش يقبل بها فقط تحترمو هكدا ماقبلهاش اني نتحدث معاه الان لول

[mrmilano1984]

مش لدرجة نكره الرجال لكن نعرف حتى واحد ماراح يحبني على شكلي
اي و احد يتقربلي نبعد عليه نعرف انه من اجل مصلحته
يعني انتي مثلا مش شابة يعني لي يدك لشيء في نفس يعقوب وبالتالي راسك يابس كما هو ومركب راسو حتي الموتتتتتتتتتتتتت ويصر علي افكارو الوسواسية لول لي حكتهالكم قاع

[الجواهر]

نعم واش قلتي فعلا حتي ان لم تحبه قلتي تحترمه وتصون عرضه ولاتخونه مي يقول كفاه وحدة ماتحبنيش ماننجم نعيش معاها وعدم حب المراة له يعني انها في مخها راجل اخر حسب قولو تخمم فيه بما انو المراة طبعها هاك وبالتالي تخونو وووو يعني راح يزد يطرطق لول
يعني حتي لو قلتي مام ماتحبوش يقبل بها فقط تحترمو هكدا ماقبلهاش اني نتحدث معاه الان لول

هذا موسوس من النساء لانه ربما مروا تجارب امامه لنساء خائنات على هادي خايف من النساء
اقول اولا اصابع اليد مختلفة و كذلك النساء
ثانيا احفظ شرف غيرك ليحفظ الله لك شرفك
ثالثا ادعو الله ان يرزقك الزوجة الصالحة

[ابتسام smile &hope]

ساااااااااااااااااهلة غير نتوما راكم تصعبو فيها :1:
1-يروح يدير تحاليل على الغدة الدرقية والهرمونات بصفة عامة لانهم اذا اضطربو يسببوا القلق واضطرابات فالوزن ويزيد يدير تحاليلل على دود الامعاء

2-يتبع عند مختص فالتغذية (يتبعو عندو اللي حابين يشيانو ومعروف باسم طبيب تاع ريجيم :19:) يمدلو نظام غذائي باش يسمان
3- يدير موسكولاسيون وقولو اخطيك من mega masse كل يوم ياكل 12حبة بيض خييير باش يبني عضلات بطريقة صحية
4-يدير سباحة على الاقل مرتين اسبوعيا
5-يروح يتبع عند طبيب نفسي ماشي بسيكياتر
لوكان يتبع هاذ النصائح 6اشهر تتبدل حياتو

[mrmilano1984]

ان يرزقه الله هو الزوجة رغم انو لايحب النساء وراهو موسوس

[ابتسام smile &hope]

واذا مقلق بزااااااف عندي حل غدوة نقولولك

[mrmilano1984]

شكرا لي قالت انو يعنل تحاليل علي الغدة الدرقية والامعاء فعلا قالولو عندك نشاط كثيف جدا في الهرمونات بسبب افراز الغدة تاعو
نسالك باه نوجهو يروح ابتداء من الاسبوع القادم واش من طبيب لي يعملو عندو تحاليل الغدة الدرقية اعطوني اسمو بالضبط وهل ايضا يزيديدير علي طبيب الهرمونات او مادا طبيب الغدة والهرمونات كف كف فهمني
ون يدير تحليل تاع دود الامعاء اي تقصدي المعدة فعلا هو نحيف جدا جدا

[ابتسام smile &hope]

اعذرني اخي راني نعسااااانة غدوة صباح نجاوبك