مشكلة تحتاج راي

[مشكلتي]

السلام عليكم
انا عامل في ايطار عقود الادماج المهني بمنحة 15000 دج بالرغم من اني خريج جامعة قبل7 سنوات
و تاخرت كثيرا عن الزواج بسبب حالة عائلتي
الان وصل عمري الى 33 سنة لا زواج ولا دار ولا عمل كما اني تقريبا انا من يعمل في المنزل ان سميته حقا عمل
فابي طاعن في السن و له منحة التقاعد لا تتعدى 9000 دج
انا اسكن مع ابي و امي و اختي و اخوين صغيرين
حتى الان لا اعرف كيف اتصرف في منحتي هل احتفظ بها و جمعها من اجل الزواج ام اساعد عائلتي و امتنع عن الزواج نهائيا لانه لم يتوفر في شرط الاستطاعة
قال صلى اللهُ عليه وآله وسَلَّم: «يَا مَعْشَرَ الشَّبَابِ، مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ وَأَحْصَنُ لِلْفَرْجِ، وَمَنْ لَمْ يَسْتَطِعْ فَعَلَيْهِ بِالصَّوْمِ، فَإِنَّهُ لَهُ وِجَاءٌ
حتى الان لا اعرف كم امنح لعائلتي عند كل منحة مثلا كل شهر احصل على 15000 هل امنحهم 1000 دج و اخبئ لنفس باقي المبلغ
للاشارة 1000 دج لا تفعل لهم اي شيء
انصحوني بارائكم

[* الحلم سكر *]

فرج على اهلك يفرج عليك ربي من حيث لا تحتسب
اخي فرج عليهم و لو المبلغ كله صدقني و عن تجربة لي يخبيهالك ربي سبحانه خير من اللي تخبيها لروحك و الله يفتحها عليك من اوسع ابوابه يا رب

[papino]

يا اخي لي محيرتني فيك 9 سنين وش قاعد الدير ب15000 علاه مدرتش تجارة يا اخي ناس مع احتراماتي ليس لهم مؤهل علمي دخلو التجارة و نجحو و حنا الحابسين نتبعو في 15000 حط 15000 لاهلك و نوض ادخل كاش تجارة موازية يفتح عليك ربي نشالله.

[loubna87]

يا اخي لي محيرتني فيك 9 سنين وش قاعد الدير ب15000 علاه مدرتش تجارة يا اخي ناس مع احتراماتي ليس لهم مؤهل علمي دخلو التجارة و نجحو و حنا الحابسين نتبعو في 15000 حط 15000 لاهلك و نوض ادخل كاش تجارة موازية يفتح عليك ربي نشالله.

أنا هذا رأيي أيضا . ابحث عن خدمة زيادة و لو meneuvre في يومي العطلة . 15000 ما تقدرش تصرفها و تجمع في نفس الوقت إذن دير حاجة أخرى . ولا دير l'ensége و اشري fourgon و لا car تربح عليها .

[MuSLiMaN]

ربنا يفرج عليك

خويا و الله لو كان عندي المال لساعدتك فهو وضع صعب

ما أملك فقط هو الدعاء

ربنا يفتح عليك أبواب رحمته و رزقه و يرزقك الزوجة الطيبة الصالحة آمين

[خالد عنابي2]

لازم تمد وتدعم اسرتك
ولازم تصرف على روحك
ولازم تخبي شويا

الامر صعيب ولكن ليس مستحيل وحسن التصرف يعوض نقص المداخيل

اقترح عليك

تمد 10.000 دج
تخبي 2500 دج
تصرف على روحك 2500 دج

ماتقدرش تمد برك 1000 دج لانها بالكاد تعمر القفة وهل سوف تعيش الاسرة ب10.000 دج شهريا ؟ لا يمكن
ولكن 19.000 دج ممكن مع حسن التدبير والتصرف والقناعة

تصرف على روحك 2500 دج لانك انسان بالغ وعندك احتياجاتك وبطل من القعاد فالقهاوي والدخان اذا راك من روادها

[خالد عنابي2]

وكاين مجال الربح من الانترنت مضمون لدعم مدخولك بمدخول اضافي دون تطلب وقت وجهد كبير

نحذرك من امرين

النصب والحرام

النصب والاحتيال راها معمرة والحرام كاين خاصة مصيبة كراء الاحالات او الريفيرال

نعطيك الحل المضمون من النصب والحرام تبعني برك

اولا تطلب بطاقة ماستركارد بايوينر المجانية ( امريكية )
ثانيا تفتح بايبال وتربطها
ثالثا تفتح حساب في موقع shorte.st
رابعا تفتح حساب في موقع trafficmonsoon
خامسا تحاول جلب اكبر عدد من الرفيرال المباشر ( حلال ) لكل من حساب بايوينر شوورت وترافيك مونسون
تقدر تدخل حتى 5000 دج شهريا
الامر مضمون وحلال حسب علمي وعن تجربة شخصية
الا راك مهتم نحطلك الروابط

[tahar_baron]

لازم تمد وتدعم اسرتك
ولازم تصرف على روحك
ولازم تخبي شويا

الامر صعيب ولكن ليس مستحيل وحسن التصرف يعوض نقص المداخيل

اقترح عليك

تمد 10.000 دج
تخبي 2500 دج
تصرف على روحك 2500 دج

ماتقدرش تمد برك 1000 دج لانها بالكاد تعمر القفة وهل سوف تعيش الاسرة ب10.000 دج شهريا ؟ لا يمكن
ولكن 19.000 دج ممكن مع حسن التدبير والتصرف والقناعة

تصرف على روحك 2500 دج لانك انسان بالغ وعندك احتياجاتك وبطل من القعاد فالقهاوي والدخان اذا راك من روادها


يا اخي ربي يهديك 2500 ناس تفطر بها على اكثر تقدير تشدلو 3 ايام
انا ننصح الاخ و نقول ما يحس باجمرة غير اللي كواتو مبلغ 15000 ما راح ينفعك لا انت لا عايلتك
لازم يا اخي تبدل عمل اخر او تعمل عملين
على الاقل تلحق 4 ملايين
1 مليون للعايلة
1مليون لمصروفك النقل و الاكل
2 مليون لمصروفك انت و الزوجة
ادا لقيت اللي ترض يعني
و ثق بالله راح يفتحلك ابواب ان شاء الله و يسرلك حالك
فقط تبع الحلال و الصبر
و اسعى كذلك اشطار شوية
تجارة عمل اخر

[خالد عنابي2]

يا اخي ربي يهديك 2500 ناس تفطر بها على اكثر تقدير تشدلو 3 ايام
انا ننصح الاخ و نقول ما يحس باجمرة غير اللي كواتو مبلغ 15000 ما راح ينفعك لا انت لا عايلتك
لازم يا اخي تبدل عمل اخر او تعمل عملين
على الاقل تلحق 4 ملايين
1 مليون للعايلة
1مليون لمصروفك النقل و الاكل
2 مليون لمصروفك انت و الزوجة
ادا لقيت اللي ترض يعني
و ثق بالله راح يفتحلك ابواب ان شاء الله و يسرلك حالك
فقط تبع الحلال و الصبر
و اسعى كذلك اشطار شوية
تجارة عمل اخر



يا اخي انا اتكلم عن الامكانيات المتاحة والسيد لوكان جاتو خدمة يخلص فيها 4 ملاين هل يخدم الخدمة تع مليون ونص ؟

وزيد يخلص مليون ونص خير من يروح لخدمة يشترط فيها تقديم الرشوة ويولي ملعون

لعن الله الراشي والمرتشي والماشي بينهما هذا حديث نبوي

واللعن يعني الطرد من رحمة الله

ما يقدرش يبطل من مصدر الدخل الرئيسي للعائلة ويطيش روحو فالمجهول وهذا لا يمنع البحث عن فرص افضل

[ام رضوان]

انا خويا نقترح عليك تحوس عاى خدمة اخرى الشهرية تاعك راهي ماتكفيش لامواليك لا انت وربي بفرجها عليك وثاني كي تزوج راهى ماتكفيش حق مصاريف صغير واحد .

[ابتسام smile &hope]

تعلم تسقم الميكرو باش دخل مصروفك
وحوس على خدمة في كاش مكتبة مع العشية ولا بيتزيريا
وكاين واحد مول حاوت كان داير واحد يبات فالحانوت وكل ليلة يخلصو1000دج سقسي بالاك تصيب كاش واحد
كاين طفل يطيب و يبيع المحاجب يخلص 28000دج الخدمة ماشي عيب
وقول لخواتاتك يتعلمو خياطة فيها دراهم يتعلمو ويقراو مافيها والو
شوف ثاني عساس في باركينغ وعاونو
وخدمة تجيب خدمة
المهم تكون عندك الامانة وتحب تخدم
هذا واش نعرف
ربي يفرج عليك

[كلنا راحلون]

ادا حبيت وصول الى هدف في مرضاة الله توصل

مشكلتك عند الرجال


تكلم مع كبار في السن يعطوك حل
تقدر زواج من فتاة اصغر في سن وبنت فاميليا وعايلة فقيرة

او تزوج من فتاة مقطوعة نسب


الله يوفقك اخي

[adillo]

فرج الله همك يا اخي الفاظل وربي يرزقك الخير كله
اخي الفاظل مجرد وجهة نظر فقط انصحك اخي ان تنسى امر الزواج وتؤجله الى وقت اخر والاعتناء بي والديك اهم من كل شيئ هنا يا اخي في الدززائر الزوالي رايحين يدفنوه وهو حي ربي يفتح عليك يا خويا ويفتح على كل الزوالي وين ما كان

[عبد الله 22]

السلام عليكم الله يرزق إن شاء الله حاول البحث عن عمل إضافي بسيط أما الزواج من المنظور هذا من المستحيل لكن رحمة ربي أوسع ، حاول الزواج مع الجمعيات الخيرية التي تقيم الزواج الجماعي

[ام آدم]

يا اخي لازم عليك تخدم -خدمة اخرى الى جانب لانام وننصحك بالخضرة راها فيها دراهم و زيد الخدمة ماهيش عيب
يسر الله امورك ووسع رزقك

[nesrinwarda]

راك تربح بركة كبيرة كي تصرف على أهلك، حاول تلقى عمل آخر

[بنت تاجنانت]

ربي يرزقك ويفرج عليك كيما قالولك الاخوة حوس على خدمة اخرى في وزين او ماشابه مثلا


وابحث عن امراة عاملة لتساعدك بالنسبة لي امر عادي

[derski]

السلام عليكم.اخي الكريم انا مارايحش ننصحك بل ندكرك خاصة في امر الزواج
صعيب الحال انا معاك 100/100 في عهد الرسول عليه الصلاة و السلام كان واحد فقير جدا اشتد به الحال فراح عند الرسول يشكي له حاله فنصحه بالزواج فتزوج فزادت حالته اكثر من الاول .ودهب في المرة الثانية يشكوا للرسول ماجرى له بعد الزواج فنصحه عليه الصلاة والسلام بالزواج مرة ثانية و نفس الشيئ حصل له وراح الى الرسول يشكوه حاله فامره بالزواج مرة ثالثة السيد اشتد حاله اكثر بعد الزواج مرة ثالثة فراح الى الرسول يشكوه مرة اخرى فنصحة بالزواج مرة رابعة فتزوج امراة تجيد الغزل و الخياطة فعلمت زوجات الرجل و صاروا يعملون معا بالخياطة فزاد رزق الرجل شيئا فشيئا .فدهب الى الرسول عليه الصلاة و السلام فحكى له ماجرا.
انا منقولش روح اتزوج بربعة.مي العبرة هي الرحمة الزواج والله بركة و نصف الدين.حالات عديدة شهدتها من اصحابي بعد الزواج فرجت عليها

[aminazy]

السلام عليكم
ندعيلك ربي يفتحها في وجهك
وبركة الوالدين والله ما تخاف وهذي عن تجربة
لكن ادعي ربي في الليل
كما انك حاول تعلم شيء اخر مثل
تعلم صناعة الكميوتر ووضع البرمجيات
ايضا صناعة الهواتف
حتى يفرج ربي ..........