لننظر لل cd من الجهة الايجابية

[max8]

السلام عليكم و رحمة الله تعالى و بركاته

معكم تلميذ مثلكم مترشح للباكالوريا 2015
تفاجأت بما يحتويه القرص المضغوط
فقد كان أدنى مما توقعته بكثير
فقد لاحظت أنهم قامو بتصوير الكتب المدرسية و وضعها في ملفات PDF
مع بعض التعديل
و زيد ماكاش شعبة التقني رياضي

ملاحظة: أما كان من الأفضل للجميع لو أجرو مسابقة لصناعة قرص مضغوط يحتوي على كل الدروس لجميع الشعب
يشارك فيها تلاميذ مثلنا
لكنا صنعنا قرصا أفضل بكثير من هذا
لكنا أضفنا له ملخصات و فلاشات توضيحية مع تمارين و حلول و حتى مواضيع مقترحة إضافة إلى فيديوهات لمختلف الدروس
ولكن لا حياة لمن تنادي

نعود للعنوان
الجهة الايجابية للقرص

مادام قدرو يوفرولنا الكتب المدرسية في القرص علاه ما نتخلصوش من الكتب التي نحملها معنا و التي أثقلت كاهلنا
عندي فكرة
لما لا ندرس في الأقسام بهذه الأقراص أي يقوم الأستاذ بوضع القرص في حاسوب و بجهاز العرض
يعرض صفحة الكتاب التي نود دراستها
و بهذا الجميع يطلع عما في الكتاب دون أن يتعب أي واحد منهم و في الدار نقراو بالكتب تاعنا عادي


هذي هي التكنولوجيا تع الصح
لازم نخمو في حلول للمشاكل التي يعاني منها كل التلاميذ


الخلاصة مما قلت : هذا القرص لا يصلح للدراسة الفردية للتلميذ
بل يصلح ليعوض بعض الصفحات من الكتب المدرسية لا غير

بالتوفيق للجميع

مع تحياتي max8

[Amel 2015]

كامل تفاجئنا من السي دي واحد ماكان يستناه هكداك
المهم سي عندك الحق مي هاكدا للناس لي يفهمو في التكنولوجيا
هنيئا على ايجابيتك في ظل هذا الزحام من السلبيات
بالتوفيق اخي

[Shahd-Moon]

7naaaa les CD li 3andna fihoum namad'j ta3 Les Baccss!!

[شمۋځ أنٹـے »]

حنا اصلا استاذنا تاع العلوم يطبق هاذي الطريقة ونتمنى لوكان الاساتذة كامل يديروها
والله تقول نهزو الحجر في لي كارتابل

[max8]

7naaaa les cd li 3andna fihoum namad'j ta3 les baccss!!

لفتني ردك
سؤال لباقي الأعضاء
هل كل أقراصكم تحتوي نماذلج للبكالوريا ؟
هل يوجد فيديوهات في أقراصم؟
قد يكون هناك اختلاف في الأقراص الموزعة على التلاميذ

[حية بذكر الله]

السلام عليكمم ،

من النآحيةة الإيجآبيةة أنآ أوآفقكك ،

فالمحآفظ الثقيلةة أثقلت كآهلنآ خخخخ ،

أستآذ العلوم يطبّق هذه الطريقة ، و بالرّغم من ذلك فإنّي آخذ كتآب العلوم معي هههههـ ،( أحبّ أن أدقق النظر في الوثآئق http://www.djelfa.info/vb/images/smilies/tongue.gif ) ،

المهم ، بالتوفيق لي و لكمم في البكآلوريـآ ،

تحيّآتي ،

[max8]

السلام عليكمم ،

من النآحيةة الإيجآبيةة أنآ أوآفقكك ،

فالمحآفظ الثقيلةة أثقلت كآهلنآ خخخخ ،

أستآذ العلوم يطبّق هذه الطريقة ، و بالرّغم من ذلك فإنّي آخذ كتآب العلوم معي هههههـ ،( أحبّ أن أدقق النظر في الوثآئق http://www.djelfa.info/vb/images/smilies/tongue.gif ) ،

المهم ، بالتوفيق لي و لكمم في البكآلوريـآ ،

تحيّآتي ،

شكرا لك على مشاركتنا برأيك
بارك الله فيك

[ميمي سمية]

فكرتك مليحة اخ MAX

حنا استاذتنا تاع العلوم هكذا ديرلنا ديما سيرتو في tp مانديش طووول الكتاب

[max8]

فكرتك مليحة اخ max

حنا استاذتنا تاع العلوم هكذا ديرلنا ديما سيرتو في tp مانديش طووول الكتاب


معناه غير حنا برك اللي راهم يقتلو فينا بالكتب
اليوم سمعني المدير نهد على هذي الفكرة مع الأستاذة تاعي
كي شرحتهالو قالي الكتاب في الطاولة أفضل و دورلي الموضوع

[اريج السلام]

بوركت اخ ماكس دائماً افكارك راقية دمت ذخرا للمنتدى ،،

كيف الأحوال ؟! يا طبيبنا ،،

[***نور الهدى***]

سلام:)

ندمت كي جبتوا و الله ما كنت رايحة نديه امي لي حتمت عليا نجيبوا:mad:


و اصلا يمشي غير بالانترنيت يعني لي معندوش فالدرا عضوا بوبي؟؟؟؟ لا حول و لا قوة الا بالله

[ماريـام]

هوما ميخموش كيما انت

اذا نفرضو ان يوفرو جهاز حاسب و جهاز عرض لكل استاذ معناها ميزانية كبيرة و تعرف جهاز حاسب و جهاز عرض يستقامو معناها حاصة كبيرة ديجا السيديهات الله اعلم بشعال مناقصات و ندبات كبار

بالملخص كنت بجامعة حبيت نسوتني ملقيناش جهاز العرض بسيف سلفنا من ديبارتومو وحداخر باش سوتنيت هههههههههه الي هو ضروري فمابالك بكل اقسام في كامل التراب الوطني

ياو بريزا تريسيتي مكاش في شي كلايس

ربي يكون معاكم

[Chaima h]

و الله غير راهم يتمسخرو بينا و حاسبينا فئران تجارب و الباك هذا العام يديه غير اللي عندو الزهر..

[***نور الهدى***]

O God, help us

[3ahmed3]

اخي ماكس...امنحنى ذاك القرص الذي صنعتموه لعلي ارسله لمن ينشره

[max8]

بوركت اخ ماكس دائماً افكارك راقية دمت ذخرا للمنتدى ،،

كيف الأحوال ؟! يا طبيبنا ،،

الحمد لله بأفضل الأحوال
سعدت بمشاركت أختي منال
بالتوفيق

سلام:)

ندمت كي جبتوا و الله ما كنت رايحة نديه امي لي حتمت عليا نجيبوا:mad:

حتى أنا راني نادم عليه
لهذا لم آخذ العضوية في منتدى المعلام

و اصلا يمشي غير بالانترنيت يعني لي معندوش فالدرا عضوا بوبي؟؟؟؟ لا حول و لا قوة الا بالله

مع الأسف تفكيرهم ينحصر على فئة من التلاميذ و يعمو على الباقي
يستخدمو مبدأ الجزئ ينطبق على الكل


هوما ميخموش كيما انت

اذا نفرضو ان يوفرو جهاز حاسب و جهاز عرض لكل استاذ معناها ميزانية كبيرة و تعرف جهاز حاسب و جهاز عرض يستقامو معناها حاصة كبيرة ديجا السيديهات الله اعلم بشعال مناقصات و ندبات كبار

بالملخص كنت بجامعة حبيت نسوتني ملقيناش جهاز العرض بسيف سلفنا من ديبارتومو وحداخر باش سوتنيت هههههههههه الي هو ضروري فمابالك بكل اقسام في كامل التراب الوطني

ياو بريزا تريسيتي مكاش في شي كلايس

ربي يكون معاكم

آمين و ربي يوفقك أنت أيضا
شكرا على مشاركتك معنا

و الله غير راهم يتمسخرو بينا و حاسبينا فئران تجارب و الباك هذا العام يديه غير اللي عندو الزهر..

صبرا جميلا و الله المستعان

o god, help us

اللهم ارزقنا النجاح في هذا الامتحان و اقضي لكل تلميذ أراد أمرا حاجته

اخي ماكس...امنحنى ذاك القرص الذي صنعتموه لعلي ارسله لمن ينشره

أمر صناعة القرص لازال فكرة في ذهني لم نطبق بعد
مازال ما درنا والو
ولم أفكر في صناعته بعد
آسف