عرض تزويج الإبنة أو الأخت

[عابد لله]

مع أن الزواج شرعه الله واحله ورغم حرص الىباء على مصلحة بناتهم لكن لا تزال فكرة أن يخطب الرجل لأخته أو لابنته أمر فيه الكثير من الحرج. ماذا لو يختار الرجل لإبنته أو لإخته زوجا ممن يرضى خلقه؟
الإخوة، هل سبق وأن عرض عليك أحدهم ابنته أو اخته؟
شخصيا، عرض علي صديق إبنة اخيه وكان عمرها 16 سنة يومها وجميلة جدا لكني رفضت لكوني لا استصيغ فيكرة الزواج من العرش. قبل اضهر عرض علي رجل إحدى بناته لوم يحددها لكني لم أناقشه الأمر لذات السبب. عرضعلي خالي ابنته ورفضت ايضا. ويدبو أني أنتظر ان يحدث هذا من خارج المدينة هههههههه

[مراد سابقا]

انا كان واحد صاحبي

مليح مليح

كل مرة يجبدلي الحكاية هذي

وعندنا بنات

ولو كان يعرفوك وليد فامييليا يمدولك

وكل مرة يقولي الشرات على الحكاية هذي

حتان كرهتوا وهربت عليه

خيري متتفسد صداقتنا

انا مانيش نتكبر على البنات ابدا

بصح انا بغيت ندي جنبية

نورح نخرج نتهنى من هذه البلاد

[*سندوسة*]

ناس بكري يقولو المعروضة تربح



لكن انا ضد هذه الفكرة

[dark star]

يعني شخصيا لا احبذ الفكرة لما فيها من المخاطرة بكرامة الولي والمرأة اللهم الا اذا وجد الرجل النقي التقي الذي يخاف الله في كل حركاته وسكناته واين ستجده اليوم!

[lhossin]

صحيح في الشرع وحتى يمكن ان تعرض الفتاة نفسها للزواج لكن حدث معي هذا واستحيت من الشخص كان صديقي وبعد ان رايت الفتاة زوينة مقبولة الشكل لكن وجدت فيها صفتين اولا تقارب الثلاثين وثانيا تعمل فلم استطع ان اصارحه وصرت استحيي منه لكن اذا كانت فتاة جميلة وذات خلق لاباس بذلك وسأدعي له طول حياتي ههههههههههههههههههههههههههه
موضوع اكثر من رائع سلام

[adillo]

مرة شيخ طاعن في السن عرض عليا هذه الفكرة وقالي نحوسو على الهنا برك لبنتنا وكي بعثت يما قريب مشراو بيا audi s line بالتشراط ديالهم انا داتني الطمعة وقلت بلاك ميشرطوش فيا بزاف هنا تاكدت من المقولة يقلك الطماع يبات ساري ومرة تاني صاحبي عرض عليا الفكرة وانا من باب الصداقة لي بينو وبيني صارحتو وفهمتو بي الامر بلي منيش باغي نخسرو حنا مناش نتكبرو على بنات الناس حشى ولله الصراحة عينا وحنا نحوسو على ترضى بي لقليل وتحمل معاك الميزرية بصح تعبنا وحنا نحوسو ولكن بقالنا بصيص من الامل لوكان ربي يجيب وندوها gاورية هداك متمناو ونتفكو من هادي لبلاد

[حميد.ص]

كل شي بالمكتوب تاع ربي

[عابد لله]

يا خطبونا ورفضنا هههههههههههه المشكل راه لي تحوس عليك مش يحوس عليك ولي يحوس عليك مش تحوس عليه كانك تحوس على بيساة تاع سياره من القرن التاسع عشر

[عابد لله]

انا مع فكرة " اللي تعزو ما تناسبو ما تشاكرو". الزواج بكير كي كان الرجل يحكم يعطيك بنته وروح متهني كي تغلط تخلص هي وكي تغلط انت ينبهك ضرك يقلك احكي مع امها ولا معاها. لهذا اتزوج من بعيد كان ربي هناك في زواجك اعرف بلي ربي راضي عليك والوالدين واذا ما تفاهمتوش كل واحد يروح في طريقو احسن ليك وليها

[الصديق قروف]

هم اخطؤ في تقديركم
يجب ربما الذي يريد عرض اخته او ابنته ان يرا توافق بين اشخصين وشخص المعروض عليه يريد الخطبة ومستعد
اراه شيء ايجابي