سنة بيــــــضاء ام ماذا؟

[assala1996]

سلام الله عليكم جميعا
يبدو اننا في ظل الاوشاع الراهنة نتوجه نحو سنة بيضاء
لا يهم من المسؤول او من المتسبب الاهم هو التلميد الضحية
يبدو ان مستقبلنا صار يتأرجح بين اخد ورد من الوزارة الغبية والاستاذة الانانيين
ما رأيكم هل ستكون سنة بيضاء؟
وهل ستكفينا تلك الاقراص المضغوطة للتميز؟
يا الهي ماهدا مللنا هذا الاستهتار والانانية في بلادنا
لكن اين المفر

[أبوعبد الحكيم]

لاتخف لن تكون سنة بيضاء حد ث قبل هذه السنة اضراب 53 يوم و تمت البكالوريا بشكل عادي وجاءت النسبة الأكبر منذ الإستقلال. كلها يومين أوثلاث وسترجع الأمور إلى نصابها بتدخل رئيس الحكومة أو رئيس الجمهورية.
فرئيس الجمهورية له مواقف مشرفة فمن أجل الفريق الوطني استقبل المدرب البوسني وترجاه أن يرجع ليفرح الشعب الجزائري فمابلك ب8 ملايين تلميذ ووراهم 16 مليون ولي تلميذ سيوقف الوزيرة عن حدها ويرجع الحقوق لأصحابها

[owl city]

Oui je crois 80%

[ha tem]

من انتم حتى تسيئوا للاستاذ !! و تصفوه بالأنانية !!

[تـ,ـرتـ,ـيـ,ــل۰۪۫M۪۫۰]

سنة بيضآء -_-

تحب ننزل للشارع

قريت قريت وفي الاخير سنة بيضآء ,,,

[ريتاج الدين 92]

انتهي العام ولم نستفيد شيئا

[سارة 16]

لا حول و لاقوة الا بالله استاذ اناني و راك حاب يولي يقريك واحد اناني !!
هادا واش يسوى الاستاذ عندك
ديجا التلاميذ هوما الانانيين يخمو غير على رواحهم
تحوسو المهم يجي يقريك و هوا محقور هادي ماشي انانية ياك ؟؟
اتاكدو قبل ماتهدرو سوف تحاسب على كلامك عند الله

[Amine02Dz]

الله يجيب الخير

[الجنة حلمي]

لا حول و لاقوة الا بالله استاذ اناني و راك حاب يولي يقريك واحد اناني !!
هادا واش يسوى الاستاذ عندك
ديجا التلاميذ هوما الانانيين يخمو غير على رواحهم
تحوسو المهم يجي يقريك و هوا محقور هادي ماشي انانية ياك ؟؟
اتاكدو قبل ماتهدرو سوف تحاسب على كلامك عند الله


عفوا اختي لكن الاستاذة كذلك لديهم ابناء وليسوا انانيين بل يطلبون حقهم لكن ربي يهدي الوزيرة تحقق المطالب و تخلينا نرجعو نقراو فاحلامنا و مستقبلنا على وشك الانهيار

[max8]

لا أظن أن الحال سيؤول لسنة بيضاء فالاضراب يمس فقط الثانويات
بينما باقي أطوار التعليم تدرس بشكل عادي
ان أعلن عن سنة بيضاء فماذا سيحل بهم
و انت أعلن عن سنة بيضاء لنا فقط
فماذا سيحل بالتلاميذ الجدد المتحصلين على شهادة التعليم المتوسط أين سيدرسون ان لم ينتقل طلاب السنة الأولى إلى الثانية

[سارة 16]

اشكركم على الرد
اما بعض زوار موضوعي ارى انه لم يثر انتباهمكم سوى كلمة انانية
نعم هم انانيون ونحن التلاميذ انانيون يشلون المؤسسات التهعليمة لما يزيد عن شهر والتلميذ في الشارع ولو اطلعت على مطالبهم لانتبت لما اقصده يطالبون بالترقية الالية 10ًسنوات من التعليم يصبح مدير ثم يحال الى التقاعد
لماذا يرفضون اجتياز المسابقات ؟؟؟؟
على العموم انا لا اقصد اهانة الاستاذة او حتى الوزارة
بل اطالب بالاهتمام بالتلميذ فنحن جيل المستقبل وكل امالنا معلقة بالبكالوريا وكما الاشراب حق فالتعليم حق كذلك
كل ما قصدته من موضوعي هو هل حقا ستكون سنة بيضاء؟؟؟؟؟؟؟
شكرا لكم جميعا
اختي لفتتني كلمة انانية لانني كي قريتها وجعني قلبي هل يجوز لوزارة ان تعطي استاذ صفة آيل الى الزوال و هو لي ربي الاجيال ماشي مامبا موظف ايل للزوال
و تبعتلهوم منشور تاع الترقية هاديك وقاتلهم عندكم الحق دينالكم دراهمكم من 2012 بصح مانعوضولكمش غير من 2014 هادي مايقدروش يديروها غير للاستاذ باسك علابالهم باخلاقو كان يديروها للشرطي تتغلق البلاد
اختي انا ماقدرتش نسمع ينقال على استاذ اناني نحسو كلام ماشي متاكدين منو
على العموم تقبلي مروري و راني كيما نتيا عندي باك و ان شاء الله لي فيها الخير ربي يجيبها

[سارة 16]

عفوا اختي لكن الاستاذة كذلك لديهم ابناء وليسوا انانيين بل يطلبون حقهم لكن ربي يهدي الوزيرة تحقق المطالب و تخلينا نرجعو نقراو فاحلامنا و مستقبلنا على وشك الانهيار

نعم اختي و هي حقوق ليست مجرد مطالب
ان شاء الله لي فيهاالخير يديرها ربي

[la vida es bella]

قصة انكم رح تتشاجروا على اننية او لا
ماذابينا مانتقابضوش على امر مانعرفوهش
كي نعرفو المطالب صح احنا نهدرو
كل واحد يهدر باحكامو
رح تجيب ففتنة بينكم فقط
للغلق

[assala1996]

قصة انكم رح تتشاجروا على اننية او لا
ماذابينا مانتقابضوش على امر مانعرفوهش
كي نعرفو المطالب صح احنا نهدرو
كل واحد يهدر باحكامو
رح تجيب ففتنة بينكم فقط
للغلق

نعم هذا هو الراي الاصح
شكرا لك

[سارة 16]

قصة انكم رح تتشاجروا على اننية او لا
ماذابينا مانتقابضوش على امر مانعرفوهش
كي نعرفو المطالب صح احنا نهدرو
كل واحد يهدر باحكامو
رح تجيب ففتنة بينكم فقط
للغلق

لالا بعيد الشر اخي انا هادا واش راني نطلب انا راني متاكدة و راني نطلب اي واحد مايهدرش قبل مايتاكد هدا ماكان و ماكان قتنة ماوالو مجرد نقاش و راح يحبس هنا
سلام :)
اختي اصالة تقبلي مروري

[la vida es bella]

ماذابيكم
نصيحة و اتمنى نطبقها انا الاولى
اقراو و كيما جات جات
ماتعتمدوش على انهم يحبسوا اضراب
الله غالب
عسى ان تكرهوا شيئا و هو خير لكم

[la vida es bella]

لالا بعيد الشر اخي انا هادا واش راني نطلب انا راني متاكدة و راني نطلب اي واحد مايهدرش قبل مايتاكد هدا ماكان و ماكان قتنة ماوالو مجرد نقاش و راح يحبس هنا
سلام :)
اختي اصالة تقبلي مروري

لالا اختي
لو نقاش هكذا يواصل
يوصل لشجار او مشاحنة بينكم
لانو هو ممكن عندو وجهة نظر قصدو انو تلاميذ ضحية و نتي وجهة نظرك مختلفة و كل واحد عندو حجتو
ممكن في اثنان صحاح و ممكن نص نص
المهم اول شيء
انو من حقنا نعرفو مذالبهم
قبيل في النهار سقساه
قالو كاستاذ وش
يعني كل مرة كيفاه
لكن سؤال طرج نفسو
ان كان اساتذذة القدم ماهمش محتاجين للترقية
علاه مضربين؟
و ان كان صح بغاو ترقية
نقبل بمطلبهم لكن اول شيء يديرو تمشيط للاساتذة لانو و اعتذر على القول
كاين اساتذة مايستاهلوش انهم يكونوا اساتذة و كامل علابالكم بالامر هذا و سبق و درست عند كثير منهم و كان سبب في جهلنا بامور دراسية كثيرة خاصة في مواد العلمية
يا سبحان الله
الكثافة و درجة النقاوة في الكور سقسانا ماعرفناش نخدمو بيها
و اعتذر لا تفهميني غلط
لكن انا ضد الترقية حتى يتم تمشيط للقطاع كامل و هذا ((امر مستحيل )) ههههههه

[شمۋځ أنٹـے »]

والله عييتونا بالحكايات هادو وين نروح نلقاهم
ياو انساو بلي كان عندكم اساتذة كل واحد يتكل على روحو ويقرا وحدو في النهاية رح نقراو حوايج بسيطة مشي رح نصنعو صاروخ
خلوهم ياكلو بعضاهم حنا الهدرة تاعنا وقت الباك

...~...

[الأستاذ رمزي]

قبل أن نتحدث عن البكالوريا يجب ان نتصف بالأخلاق السامية ونقدر الأستاذ والمعلم حق قدره
التفكير في البكالوريا بالنسبة للتلميذ يعتبر انانية دون التفكير فيما يعانيه الأستاذ

مثلا في حالة عدم وجود عتبة هل سيسكت التلميذ ام "يضرب" حتى تتحقق العتبة؟ الإجابة سيضرب وكذلك فعل الأستاذ رغم اننا لا نشجع الاضراب بخلاف حكمه الشرعي

الموضوع يغلق وان وجد قلة احترام من طرفكم للأساتذة مرة أخرى سوف يتم حظر العضوية
والسلام عليكم