التلقيح

[Basketteuse]

سؤلي ربما تافه
، لكن حبيت نعرف هل تلقيح الشهر الرابع يدير الحمى اولا

[ام اسيل امتنان]

السلام عليكم
انا ابنتي نديرلها سيبو قبل ما نديرلها الفاكسان بنصف ساعة و متسخنش بزاف اي لا تفوت الحرارة 38 درجة .و لكن رجلها تؤلمها شوية و في يومين تتنحا الالم
نصيحتي راقبيها 24 ساعة بالترمو متر و شوفي معاها لانه كل بيبي كيفاه كاين لي يسخن بالفاكسان تاع 4 و كاين الي ميسخنش و سلااااااااااااااااااام

[kikimnarim2]

التلقيح تاع الشهر الثالث هو نفسه اللي يتعاود في الرابع ما تخافيش منو بصح كما قالت الاخت ديري suppo قبل ما تدي طفلك ل التلقيح ومن بعد كمدي المكان بالماء والملح دافي وكملي بالles suppo تاع السخانة كل ست سوايع وربي يجيب اللي فيه الخير

[Basketteuse]

شكرا لكن ، اليوم الموعد تاعها بصح ماكتبش ربي القينا الطريق مقفولة ،وانا كنت خايفة خطراكش راني مريضة بالزكام ، وخفت تكون تعدات ومازالو ما بانوش الأعراض ولا تدير التلقيح وتتعدى وتتهلك

[ام فروحة]

يالحبيبة ماهو لا سؤال تافه ولاهم يحزنون هاذي هي الام تخمم على وليدها في كل شي ء واي شيء نصيحتي ليك انا ندير لولادي في كل تلقيح مشي غير الرابع سيبو ب ساعتين قبل الموعد وساعتين بعد لي دار التلقيح بلا مانشوف الحمى طلعت ولا لا مع كتالجين في شوية ماء هاكا تقعدي هانيا غير الا سخن في الحشية زيديله سيبوا ومنبعد والله ماتخافي عليه ومين تديريله التلقيح مين ترجعي لدار ديريله تمتم الزيت الزيتون في مكان الابرة هكا مايكون غير الخير وبحتها مسبقا ويفرحك فيها ان شاء الله وكي اليوم تشوفيها عروسة وربت منزل

[بصمة قلم]

اختي كل طفل وكيفاش ، ومن الخطأ انك تعملي خافض الحرارة قبل التلقيح اصلا حتى في حالات الحمى المرضية خافض الحرارة لا يُستعمل الا اذا لم تنجح الطرق الطبيعية في خفض الحمى

وعن التلقيح كيما قتلك كل طفل وكيفاش، بنتي مثلا التلقيح الوحيد اللي رفعلها حرارتها هو تاع 5 اشهر ولم تتجاوز 38°

[momrazika]

اختي التلقيحات كامل دير الحمى ما عدى تاع 18 شهر ماديرش اما الباقي كامل يديرو وليدك قبل ما تديه ديريلو شمعة تاع السخانة وعسيه 24ساعة فقط واستعمليلو الكمادات