يلبسلها الخاتم

[عابد لله]

منذ سنوات خلت أصبحت أسمع عبارة " لبسلها الخاتم" اي الخاطب لخطيبته. وتساءلت: يا ترى هل يلبس لها الخاتم وهما لوحدهما؟ أم أمام امها وأخواها فقط؟ ام أمام كل الحاضرات؟ وإذا كان امام كل الحاضرات فهل يلبسن حجاباتهن؟ أم يدخل عليهن العريس ولا حرج في ذلك و"الضرورات تبيح المحضورات"؟ وهل يكتفي فقط بوضع الخاتم في يدها أم أن هناك طقوسا أخرى؟
أخي، هل ستدخل وسط نساء غريبات وتضع الخاتم في إصبع خطيبتك؟ ثم ما موقف الشرع من هذه البدع ؟ الاخوات غير المتزوجات، لو رفض خطيبك ان يكون هناك خطبة أساسا وطلب منك عقدا شرعيا وبدون طوقس هل ستقبلين رغم معارضة الأهل وضرورة التقليد؟

[sarl02]

اصبح الامر بريستيج وخاصة بالنسبة للفتاة وغالبا ما تلح هي به على الرجل...وانا ضد هذا الامر تماما ....في جو انفرادي اتقبل الامر لكن .عيب راجل كالفرد يتكسل يغلق طريق يدخل وسط 5000 امراة اهز في روحو من اجل ان يشربها وتشربه الحليب .

[الصديق قروف]

موضوع شائك جدا
‏ انا منحبش تقاليد الي ماشي لازمين
واذا حدث في خطبتي شيئ من المحرمات مثل كشف الخطيبة لراسها وتبرجها امامي
نبطل
مجتمعنا انحل من اتقليد الاعما

[نسيبة2012]

هذه تقاليد استوردناها من الغرب ...........................وهي ليست من تقاليدنا تماما ........هذي الفكرة جات غير البارح كيفاش ولات تقاليد .........
اما راي الشرع فكل هذه الطقوس ما انزل الله بها من سلطان ................اللهم اذا كان عاقد عليها العقد الشرعي فيمكنه الباسها الخاتم امام محارمه من النساء فقط ...

[سوستال]

معنديش علم ام الستره والحياء ديما مليح

[*سندوسة*]

حنا عندنا فالاعراس غير العائلة المقربة جدا واهل العريس كذلك
فيما يخص يلبسلها لخاتم عندنا عادي يدخل لعريس ويلبس الخاتم ولي تحشم تتحجب ولا تخرج

علاه جات غير على هادي رانا نشوفو لعجب فالاعراس
حنا المهم تكون الملابس مستورة والحمد لله العائلة كامل مكانش لي تلبس حاجة غير محتشمة

وانا افضل ان الزوج هو لي يلبس لخاتم لزوجتو مدامهم زوجين في الحلال

ملاحظة حنا عندنا راجل يلبس المراة الخاتم بعد العقد المدني والفاتحة

[lhossin]

لا اظن الامرعادي لكن هوما خلاوه عادي وهذا يعود الى الاعراف ربما لكن الاصوب الابتعاد عنه من باب الاحتياط فقد تخطفه كانش وحدة ههههههههههه
وقد تكون هناك نساء اجمل من العروس وفتن باتحداهن لكن قد يقولون انه متخلف وانسان قديم لكن عليه ان لا يلتفت اليهن فارضاء الناس غاية لا تدرك ربي يسترنا امين

[عابد لله]

الاخت قالت حليب، الحمد لله أنه لا يزال حلبيا وليس بحامض ولا لونه احمر لانه يبدوا ان الامر سيكون اخطر بكثير. شخصيا لم البسها شيءا بل لم ارها غلا بعد العقد وبحضور أمها وخالتها وأخواتها وجدتها حصار لا مفر منه لكن في الخلف وبما اني لست من المدينة رايت اشباحا تسترق النظر هههههههههه
تباينت ردود الاخوات فشعرت ان بعضهم يدرن ذلك والبعض الآخر يرفض. ماذا لو رفض خطيبك ان يلبسك الخاتم بل ورفض الحضور أمام عائلتك على اعتبار الن هذا لا يجوز؟

[*سندوسة*]

نحاول نقعنو وعلابالي نأثر عليه ومرايحش يرفضلي طلب
ولكن اذا اصر ماعليش الوالدة نتاعه فيها بركة

[عابد لله]

بصراحة ياسمين ماذا ستستفيدين من ذلك؟ عندما طلبت مني زوجتي سابقا ذلك رفضت ولكن اقنعتها ان بنات عمرها وبنات خالاتها سوف يحسدنها وفعلا قالت لها امها معه حق وظنت فعلا انها سوف تصاب بالعين ههههههههههههههه ومرت الزوبعه بسلام

[*سندوسة*]

سأستفيد انني اعيش اللحظة ههههه وستأتر عليا كثيرا اكثر مما تتصور
اما بخصوص بنات العم او خال والو ماعنديش كلهم لا يتعدى عمرهم 8 سنوات

[عابد لله]

اعرف لكن ماذا لو البسك افضل من الخاتم وانتما لوحدكما؟

[*سندوسة*]

ماذا تقصد اخي

[ولد الشاوية]

هذي عادة 100/100 غربية ما عدا انهم هم يشربو الخمر و حنا نشربو العصير
متى يا اعزائي تكون عندنا شخصية و هوية و نكف عن هذا التقليد الاعمى
حمل الشموع على شكل صليب..
روبة الدخلة super مفضوحة الله يسترنا
و زادونا ديسك جوكي و قريبا نسمع بالحفلات المختلطة وين يتقدم راجل لاي مراة تعجبو ولو كانت مراة راجل آخر و يقولها اسمحيلي برقصة معاك و زوجها لازم يقبل و الا راه معقد و عايش في زمن الدينصورات
فيقو يا مسلمين نحن مسلمون و هذه العادات تخسرنا الدنيا و الاخرة و من حاربها فله أجر عظيم عند رب العالمين

[عابد لله]

أقصد ماذا لو اهاك هدية اكثر قيمة من الخاتم لكن ليس امام الناس؟ اي يرفض ان يلبسك الخاتم امام الجميع ولكن عندما تلتقينه لوحدك يلبسك حزام من ذهب او خاتم من الماس؟

[ام نهوله]

انا الخاتم تاع الشرط لبستهولي امه اما خاتم الزواج فهو و مثل ما قالت الاخت ياسمين عشت اللحظة و كانت رائعة انا لا اقول انه لازم يلبسلها لكننني من محبي هكذا حركات لانني اصلا تنازلت على لفبونساي لكن لبس الخاتم كان يوم زواجي

[staifia]

لوكان يرفض الحفلة نورمال لكن الخاتم يجيبها يجيبها :1: واكيد قدام عائلتي وعائلته يعني اختي وامي
تقول زوجتك ؟ يعني انت متزوج مجرد سؤال يعني لانو من مواضيعك ظنيت تبحث عن زوجة :d

[*سندوسة*]

أقصد ماذا لو اهاك هدية اكثر قيمة من الخاتم لكن ليس امام الناس؟ اي يرفض ان يلبسك الخاتم امام الجميع ولكن عندما تلتقينه لوحدك يلبسك حزام من ذهب او خاتم من الماس؟

اصدقك القول اخي انا بمجرد انه يقدر قيمتي ويحترمني فكلمة منه تجعلني ابدع حتى في الاشياء التي لا اعرفها:1:

[عابد لله]

شخصيا لا اتصور نفسي اقف أمام امي واخواتي ,البس لزوجتي أو خطيبتي الخاتم كم هذا فضيع يا إلهي لازلت بدويا فضا هههههههههههههه واعرف ان النساء تكره هذا مع ذلك ساضل هكذا

[staifia]

شخصيا لا اتصور نفسي اقف أمام امي واخواتي ,البس لزوجتي أو خطيبتي الخاتم كم هذا فضيع يا إلهي لازلت بدويا فضا هههههههههههههه واعرف ان النساء تكره هذا مع ذلك ساضل هكذا

ليس شرطا ان تلبسها انت شخصيا يمكن لأمك مثــلا فعل ذلك

[ibtihal18]

السلام عليكم
منذ سنوات خلت أصبحت أسمع عبارة " لبسلها الخاتم" اي الخاطب لخطيبته.
هذا صحيح ........و هذا هو الاكثر انتشارا و في نظر الكثير هذا هو الصواب

وتساءلت: يا ترى هل يلبس لها الخاتم وهما لوحدهما؟ أم أمام امها وأخواها فقط؟ ام أمام كل الحاضرات؟
بل امام الجمهور

وإذا كان امام كل الحاضرات فهل يلبسن حجاباتهن؟ أم يدخل عليهن العريس ولا حرج في ذلك و"الضرورات تبيح المحضورات"؟
غلبهن لا بلبسن حجاباتهن .........يدخل العريس و نزيدك ليس لوحده بل معه اصدقاءه و هذا في اغلب المناطق و يشوفوا اشكال و الوان


وهل يكتفي فقط بوضع الخاتم في يدها أم أن هناك طقوسا أخرى؟
[ما خفي كان اعظم .....والله اشياء مقززة
ثم ما موقف الشرع من هذه البدع ؟
موقف الشرع واضح وضوح الشمس........فهل حدث هذا في عهد الرسول عليه الصلاة و السلام؟
الاخوات غير المتزوجات، لو رفض خطيبك ان يكون هناك خطبة أساسا وطلب منك عقدا شرعيا وبدون طوقس هل ستقبلين رغم معارضة الأهل وضرورة التقليد؟
مع اني حديثة الزواج لكن معليش سافيد بتجربتي ..........كنا متفقين انا و الزوج انو ما يدخلش .......انا ما رضيتش يدخل لوسط النساء و البنات و هو مارضاش ايضا ..........و صدقني حتى امي و اخواتي حتى عرفوا زوجي بعد زواجنا ..............
و الله اعراسنا اصبحت فوضى و كاننا في بلاد الغرب عادات و تصرفات مؤسفة جدا فكيف سيبارك الله لنا هذا الزواج ؟؟؟
فالاخير نختم***عموم الظاهرة لا تعني انها هي الصواب

[ام ملاك.]

مانعرف يمكن شفتهاانت مشكلة بصح انا نشوفها عادية والله اعلم
لانو دارلي الخاتم وكان زوجي يعني حتى قراو الفاتحة وعقدنا باش دارلي الخاتم في لاصال قدام كل الاهل
واللي تدير حجاب كي دخل لبسو خماراتهم كلهم غير اللي بالاصل متبرجة
واعتقد الرجل كي يدخل في وسط العرس اكيد رايح يكون لاهي غير بمرتو ويشوف التغيرات اللي صراو http://lydia10.com/vb/look/images/smiles/biggrin2.gif
وماراح يشوف في حتى واحدة اخرى ههههه
شكرا عالموضوع
بصح لو قالي ماندخلش عادي مارايحاش نوض حرب

[ام ملاك.]

شخصيا لا اتصور نفسي اقف أمام امي واخواتي ,البس لزوجتي أو خطيبتي الخاتم كم هذا فضيع يا إلهي لازلت بدويا فضا هههههههههههههه واعرف ان النساء تكره هذا مع ذلك ساضل هكذا
ههههه:1:
عادي اخي كاين بزاف اللي مايحبوش ماهيش مشكلة صراحة
انا كنت حابة الصور برك خاطرش هي برك اللي تفكرني بالمناسبة السعيدة لانو دير في بالك مارايح تتفكر والو في عرسك ولا خطبتك من كثر الانشغال والغاشي والجري
وكيما كان الحال انا نسيت كلشي تالمون مشحونة وشحال من حاجة في راسي حتى عرسي الكل يشكر فيه بصح انا ماشفيت لوالو فيه وحسيتو اسوا عرس
حتى خرجو الصور باش انتبهت بللي العرس فات روعة صح
لعقوبة ليك ولكا عازب وعازبة ياربhttp://lydia10.com/vb/look/images/smiles/upload/smiley-pray.gif

[لحن الحياة.]

الحمد لله احنا ما عدناش هاذ العادة ............ عععععع نورمالمو الراجل يمد لأمه هي لي تلبس الخاتم للعروسة مش هو يدخل في وسط النسا حشوووووووووووووووووووووووووووووووووووووووووووووووو وووووووووووووووووووومة
الحمد لله الذي عافانا من المعاندة تع الرواما في غير محلها :confused::confused::confused::confused:

و تخيلو تعجبو وحدة من المعروضين :1::1::1: و يطير العريس
شرعا حرام يدخل على أجنبيات و لابسين صواري ياااااا ذيك التبهديلة:mad:

هوما اصلا الرواما كي اخترعو هذي الفكرة يجيبلها خاتم صغير عبارة عن دائرة قيمته المعنوية عندهم اكثر من سعره
بصح احنا كي جينا نعاندوهم ههههههههههه لازم يلبسها خاتم تع ذهب أصفر و كبييييييييييير ضخم أو تع ذهب أبيض ما يفوتش سمانةيولّي لونو أسود من غسيل الماعن و العجين امبعد ما يبان لا صح تع ذهب ابيض لا من خواتم ألفين فراك هههههه

[لحن الحياة.]

اصبح الامر بريستيج وخاصة بالنسبة للفتاة وغالبا ما تلح هي به على الرجل...وانا ضد هذا الامر تماما ....في جو انفرادي اتقبل الامر لكن .عيب راجل كالفرد يتكسل يغلق طريق يدخل وسط 5000 امراة اهز في روحو من اجل ان يشربها وتشربه الحليب .

:1::1::1::1::1::1::1:

:24::24::24::24::24::24::24::24::24::24::24::24::2 4::24::24::24::24::24::mh93::mh93::mh93:
يتبهدل
بصراحة عدنا اذا كان حاب يلبسها خاتم يشريلها خاتم رقيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييق تع 500 الف ولا 700 الف و لبسولها كي يبقو وحدهم في العرس و تصورهم اختو ولا اختها هي و خلاص بصح مستحيييييييييييييييييييييييل يدخل على النسا و يبدا يلبسلها

[الألماسة]

هذه مجرد عادات بالية
المهم كي يكون راجل و يقدر المعنى الحقيقي للزواج

[jiji17]

أنا كما أختي jill (http://www.djelfa.info/vb/member.php?u=361645)
الحمد الله مجتمعنا مزال محافظ ام الراجل هي لي تلبس الخاتم
صح نسمع قليل من العائلات مش عارفة منين جابو هذه العادة شايفينها زوخ بصح والله ماهي حرمة
اذا كانت العائلات نتاع الحجاب والحشمة والحياء والنساء نتاع الحرمة وعلاه يفسدو عليهم العرس ويدخلو الراجل عليهم
وعلاه يعاندو الناس نتاع تخلاط النساء مع رجال والرقص مع بعضاهم ربي يسترنا قا يدخل عريس يلبس الخاتم على روحو
هاذي المعاندة نتاع الجهل تخرجلي قلبي وثاني شيفينها في المسلسلات ربي يهدينا

[om hind]

تصدققني اخي انا متزوجة و عندي طفلة و الخاتم هاذي مادرتلها في صبعي
هاذو حوائج يسموا تفاصيلل الصح في المعاملة

[Simassim]

واش حررتوا فالراجل يدخل يلبس خاتم مرته قدام زوج نسا ولا تلاتة الناس رآها تدير العرس نسا ورجال فضالة واحدة والسي العريس فرحان بروحوا وبمرتو ويرقصو ا. مع صحابو وكل رجال العيلة وزيد الفجر يأذن وهوما اي اي الله يهدي العباد

[loubna87]

أحترم التقاليد . إذا كانت تقاليد الرجل لا تسمح أن يلبسها الخاتم و أمه التي تلبسها ما كانش مشكل . المهم الراجل يقدر المرة و يعيشها في هناء .
و لكني أتساءل , بما أن المشكلة هي النساء الحاضرات . هل هذا الرجل لا يرى نساء في الشارع؟؟ عمرو ما وقف قدام مرة؟؟
حسب ما فهمته يا " عابد الله " أنت حشمان تدخل على جماعة النساء . ياخ الدير في الحلال و باغي تكمل 1/2 الدين .

[*ام عبد الكريم*]

هذه العادة عندنا ثاني ..بصح كل عائلة و كيفاه ..كاين عائلات يرضاو بالاختلاط و عائلات اخرى لا...منذ اشهر قليلة دارت اختي الصغيرة خطبتها و جاو عائلة لعريس يلبسولها الخاتم ...من جهتنا ما عرضناش غير احنا خواتتها و كنا متحجبات و العريس دخل لبسها الخاتم و صورو بضع صور ثم خرج (بابا الي كان موصلو للباب )...و لكن في بعض العائلات يكون الاختلاط و الغاشي و امور اخرى ...و لكن اتفق مع الجماعة ان هذه العادة لا تمثل الاسلام و انها بدعة و لكن كيف نقضي عليها و شباب اليوم لا يسمعون الى احد ؟؟

[**د لا ل**]

تصدق بالله

كاد عرس اخي الاكبر ان يلغى بسبب هذا الامر تحديدا وقبل اسبوع من العرس

هو يخجل من النساء وقد حلف يمينا ان لا يدخل جهتهم ابدا

اماالعروس واهلها فقد اصروا ان يعملوا *بعاداتهم * ضع تحتها الف خط

المهم بعد مد وجزر وتدخل عدة اطراف هههه تم الصلح ومرت الخطوبة بسلام

في الاخير ....أمي وضعت الخاتم لها


لله في خلقه شؤوون

[لحن الحياة.]

الحكاية لي مش حابين يفهموها البنات هي
كانك زين استر روحك على العين كانك شين استر روحك عالفضايح
و كي ولّاو أغلبهم يشوفو روحم زينين :1: اكيد يضربوهم بحسدة و يجو يقولو تبدّل زوجي منذ الخطبة :confused::confused::confused::confused::confused: :confused::confused::confused::confused:
شخصيا يدخل سأثقب له عينيه في زوج و نقولو ردّها عليّ إن استطعت :mad::mad::mad::mad::mad:

[عابد لله]

اعتذر لاني لم ارد لم أجد وقتا للدخول إلا الموقع - وليس لالباس الخاتم هههه-
عموما هي ليست مشكلة لكن لماذا يجب ان اقلد الكفار؟ بل لمذا يجب ان افعل شيئا لا يعجبني؟ ثم لماذا أدخل ولو على فتاة غيربة عني بحجة أنها خطيبتي؟ وإذا كانت زوجتي وتم العقدن فلم ادخل لأرى اخواتها وخالاتها وصديقاتها وهن في كامل زينتهن؟ أم تراهن سوف يتحجبن ويخفين ذلك؟ وإذا كنت في موقف كهذا عفيف كعفة يوسف عليه السلام أفلا يكون بينهن من " اشغفها حبا كما حدث لزليخا؟ نحن لسنا انبايء ولا حتى متدينين لكي نحط انفسنا في مواقف لا يقبلها الشرع بحجة أننا نساير العصر؟
شخصيا لن أدخل ولن البسها الخاتم ولو اضطررت إلى غلغاء العرس والسماح في كل النفقات[
أعتذر ولكن عندما ادخل هل اسلم عليها واصفاحها بيدي؟ ام اتقدم؟ ام ابقى بعيدا؟ وبعد أن البسها الخاتم ماذا افعل؟ وهل يعقل ان افعل كل ذلك امام امي؟ اين القدر والحشمة؟

[salim.salim]

و الله كي نسمع مواضيع كيما هادي تحكمني الغمة.

فعلا انه زمن الدياثة.

[عابد لله]

ما يضحكني هو عندما يقول أحدهم: "الاعراس عندنا ليست مختلطة فقط العائلة والاقارب في نفس القاعه وبملابس السهرة"، هذا يشبه إلى حد بعيد قول بعض المغنيين: " أن الفن الملتزم فقد بريقه أمام الراي" وكأن فنه مقبول شرعا هههههههههههه وكلاهما يشبه العجوز التي راحت تخطب لابنها فسألوها هل يدخن فاجابت : ما يدخنش غير كي يكون سكران ".

[jiji17]

ما يضحكني هو عندما يقول أحدهم: "الاعرس عندنا ليست مختلطة فقط الاعائلة والاقارب في نفس القاعه وبملابس السهرة"، هذا يشبه إلى حد بعيد قول بعض المغنيين: " أن الفن الملتزم فقد بريقه أماما الراي" وكأن فنه مقبول شرعا هههههههههههه وكلاهما يسبه العجوز التي راحت تخطب لابنها فسألوها هل يدخن فاجابت : ما يدخنش غير كي يكون سكران ".




صح عندك الحق :19:

[الصديق قروف]

بنات ليوم لوكان تصيب يجي يركع و هيا واقفا يسقسيها تقبلي ولا لا ولبسلها الحاتم الا من رحم ربي
تقاليد المسلسلات طبع‎ ‎

[mohamed2412]

السلام عليكم انا رايي ان هذه العادات لا تمت للاسلام بصلة فانا ضدها الى يوم الدين عندما اجد صاحبة النصيب بنت الحلال ان شاء الله و لانني استحي من النساء اصلا فساوكل امي او اختي ان تلبسها الخاتم و ان ركبت راسها هي و اهلها :mad:و حبت تلعبلي فيها مسلسل تركي :D نجبلها tarte باش نوكلها و توكلني و نشربها و تشربني و الناس تتغرج فينا عييب و عيب كبير ثاني :confused: علابالى البنات كامل عندهم افكار رومنسية mais :34: ماشي قدام الناس و ماشي قبل الزواج بعد الزواج :19: وعندك مساحة للرومنسية و ما هيش عيب ربي قال مودة و رحمة و الا نشوف غيرها البحر مليان حوت لن احزن ابدا على انسانة سطحية كل همها المظاهر و العادات السيئة من اختلاط وفتن التي تغضب الله فلا طاعة لمخلوق في معصية الخالق احتراماتي للجميع و دمتم في رعاية الله

[عابد لله]

أجزت وأوضحت بورك فيك اخي

[loubna87]

أعتذر ولكن عندما ادخل هل اسلم عليها واصفاحها بيدي؟ ام اتقدم؟ ام ابقى بعيدا؟ وبعد أن البسها الخاتم ماذا افعل؟ وهل يعقل ان افعل كل ذلك امام امي؟ اين القدر والحشمة؟

هل اسلم عليها واصفاحها بيدي؟
لالا روح سلم عليها و اتصور معاها و خرجها باش تلبس لها الخاتم
ام اتقدم؟ ام ابقى بعيدا؟

عطي لها يدك باش تمسك فيه بكل حب و امشيو كيف كيف
وبعد أن البسها الخاتم ماذا افعل؟
كي تلبس لها الخاتم سلم عليها و قل لها مبروك عليك
وهل يعقل ان افعل كل ذلك امام امي؟
نورمال قدام أمك و قدام كامل العائلة
اين القدر والحشمة؟
ما راك الدير غير تكملة 1/2 الدين .

[عابد لله]

كفاش نسلم عليها هههههههههههههههههههههههه هنا لقيتين حاير وزيدي 1/2 الدين لازم قدام الغاشي؟

[فتـ حييةـاة]

ماعليش ..........انا مادابيا ولوكان يقولي مانديروش عرس اصلا يدير فيا مزية

[mounyabiskra]

انا ماذا بيا ميدخلش...!!!! نحشم بزاف و لازم يكون لقدر قدام الوالدين لكبار

[احمد مبارك]

الخاتم ولا عادة تلبسو احتى وهي غير متزوجة

[loubna87]

كفاش نسلم عليها هههههههههههههههههههههههه هنا لقيتين حاير وزيدي 1/2 الدين لازم قدام الغاشي؟

1/2 الدين إمالا تكملو خفية ؟؟ فيه حشمة ؟؟
ياخي النبي ( ص ) وصى بإعلان الزواج و لو بالدف فقط كي يسمع الغاشي هاذوك بلي راك تزوجت .
و يشوفوك كامل مين انت بلي راك زوج تلك المرأة التي سوف تنتسب لك و يقولو هذاك راجل فلانة .

[you92cef]

راي شخصي

لن اقبل بهذا الامر جملة وتفصيلا

حتى وان بقيت اعزب اين المشكل ؟

[لحن الحياة.]

لن أقبل أن يلبسني الخاتم ولو كان ذلك اخر ما يتمناه كيف سأقابل اخوتي بعدها ؟؟ ولن يلمس شعرة من راسي المكشرد أمام أهلي
ههههه يا يمّا على تبهدايل

[Algam]

في عائلتي لا توجد هذه العادة ،اصلا الرجل لا يكون حاضرا في زفاف البنت(الملاك) وايضا العريس لا يأتي ليصطحب العروس لمكان الزفاف كما تفعل بعض العائلات والعروس تخرج بحايك الشدة لا يرى منها شيئا هذه فقط البعض من عاداتنا التي نتمنى أن لا تزول مع الوقت

[ماريـام]

لا توجد هذه الطقوس الدخيلة في عائلتي

رغم ان عائلتي محافضة جدااا و تقريبا عماتي و امي لم يلبسو الحجاب الا بعد طول وقت الا اننا لا نعترف بهذة المهزلات و لا نختلط مع الذكور في تجمعات

زوجي حضر مرة الي بيت جدي في عيد حيث اجتمعت كل العائلة الابناء الاحفاد و الازواج

بمجرد ان اجتمع عمي و اخي و زوجي و ابي جدي حملهم الي صالون منفصل رغم انهم كلهم محارمي و هاذا اعطا طبع لزوجي و اندهش ,,, ثم حضرت كل العائلة الرجال في مكان و النساء ايضا ,,,

اما هاذي الشطحات الدخيلة اهانة للمرأة ماكياج و نزع الحجاب و اخوة الزوج يسلمو و العائلة اصحابو

انا شفت بدع و خرافات في التلباس الخاتم غريبة جدااا استحي ان اقولها امامكم

حتى يوم العرس و الله استحي اذكرها من بينها الصبوحي تلبس لحزام و يجي لوسها يفكلها الحزام في غرفتها و الله عيب انا قتلهم مهزلة عيب في وجههم قالولي مافيها والو

و كي قتلهم علاش باش بدعت تفك جزامها ترفد ؟؟؟ قالولي وانتي مدرتيها راكي قعدتي بلا دراري ,,,,

و طقوس الحنة يدخل العريس مع اصحابو دايرين بالعروسة النصف عارية و هو يضحك و يجي يحنيلها خوه ,,,, و هو يضحك واش من رجلة قعدت ,,,,

ربي يهدي الناس ,,,

[khaoula khouloud]

لا توجد هذه الطقوس الدخيلة في عائلتي

رغم ان عائلتي محافضة جدااا و تقريبا عماتي و امي لم يلبسو الحجاب الا بعد طول وقت الا اننا لا نعترف بهذة المهزلات و لا نختلط مع الذكور في تجمعات

زوجي حضر مرة الي بيت جدي في عيد حيث اجتمعت كل العائلة الابناء الاحفاد و الازواج

بمجرد ان اجتمع عمي و اخي و زوجي و ابي جدي حملهم الي صالون منفصل رغم انهم كلهم محارمي و هاذا اعطا طبع لزوجي و اندهش ,,, ثم حضرت كل العائلة الرجال في مكان و النساء ايضا ,,,

اما هاذي الشطحات الدخيلة اهانة للمرأة ماكياج و نزع الحجاب و اخوة الزوج يسلمو و العائلة اصحابو

انا شفت بدع و خرافات في التلباس الخاتم غريبة جدااا استحي ان اقولها امامكم

حتى يوم العرس و الله استحي اذكرها من بينها الصبوحي تلبس لحزام و يجي لوسها يفكلها الحزام في غرفتها و الله عيب انا قتلهم مهزلة عيب في وجههم قالولي مافيها والو

و كي قتلهم علاش باش بدعت تفك جزامها ترفد ؟؟؟ قالولي وانتي مدرتيها راكي قعدتي بلا دراري ,,,,

و طقوس الحنة يدخل العريس مع اصحابو دايرين بالعروسة النصف عارية و هو يضحك و يجي يحنيلها خوه ,,,, و هو يضحك واش من رجلة قعدت ,,,,

ربي يهدي الناس ,,,

امين يا اختي
والله عندك الحق تبهديلة كبيرة لاسف زمن الدياثة
انا علي روحي مانقبلهاش يا لوكان زوجي ولا اخي يقبلها (مع انو راني عارفة بلي مايقبلوهاش ) واين الحياء والحشمة ولا راحت في زمان بكري
ولا خلينا من الحياء والحشمة نقول اين تطبيق السنة اليس نحن سنين الا نتيع الرسول صلي الله عليه وسلم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

[" أبو عبود"]

الخميس الماضي ذهبت إلى عرس زميل لي وكنت برفقة زميل آخر. كان وسط الشباب بحكم صغر سنه وطلبنا ان يخرج إلينا حتى نبارك له وخرج إلينا وكان ذلك قبيل أذان العشاء. كان ٍاسه ووجهه واكتافه مليئة ببريق - لا اعرف اسمه يسمونه " البريق بضم الباء- هل هو نوع من الزينة للرجال؟ فالذي اعلمه أنه للنساء. ولم يكن قد خل بعد فهل كان معها لاخذ الصور؟ وكيف يخرج في تلك الحالة أمام والديه واخوته؟ لقد بحثت عن تفسير للحالة فلم أجد وسالت صديقي وايضا لم يجد. يبدوا ان الامور تغيرت وانا لازلت اجهل ذلك