رأيكم يا رجال في هدا الأمر و يا نساء كدلك

[Mima Imene]

السلام عليكم أخواني اخواتي معلش تمدولي رايكم مشكلتي في خطيبي و قريب عرسي معاه في ما ان شاء الله المشكلة هي انو انا فتحتلوا حساب في الفايسبوك و مديتهولو على اساس ندخلو انا وياه بلا حساباتنا الشخصية تاع كل واحد يعني هدا مشترك و من لي مديتهولو انا مزدتش دخلتلوا مي صدفة البارح دخلتلو لقيتوا داير فيه العجب يحكي مع بنات من مصر و اوروبيات لكن مش من الجزائر و يحكي معاهم امور في ........ راكم فهمتوا و حتي يرسلهم صور معلاباليش الا تاعو و لا من نت برك انا جاتني صدمة كبيرة ما تخيلتوش يديرها ,انا شفتو في طريقة كلامو انو حاب يفهم و يتعلم من طريقة كلامو باين ميعرفش امور و راه يسقسي و لا كي شغل حاب يتعلم و الحاجة الكبيرة لقيتو يحكي مع راجل في هدا الامر :sdf: و هداك الراجل من المثليين اسسسسسسسسسمحولي على هدا الكلمات و الله ما لقيت كيفاه نوصلكم المفهوم أنا حبيتكم ترايو عليا يا رجال واش رايكم في هدا الشخص و يا نساء واش ديروا ادا كنتو في بلاصتي و عرسي قريب ان شاء الله هل نواجهوا بالدلائل?

[eBusiness]

الحاجة الكبيرة لقيتو يحكي مع راجل في هدا الامر :sdf: و هداك الراجل من المثليين


:confused::confused::confused::confused::confused: :confused:
الله يستر !!!

[MuSLiMaN]

لا حول و لا قوة إلا بالله

أختي عليك بصلاة الإستخارة و تكون في جوف الليل أحسن

صليها مرتين أو ثلاثة و توكلي على الله

[imane khaled]

اختي انا نقول واجهيه صدقيني هذ الامر راح يتعبك نهار اخر

[eBusiness]

أختي الفاضلة لم أكن أريد أن أتحدث لأننا في إختلاط لكن للفائدة سأرد عليك :
شوفي "الرجل" إن كان له ميولات نحو النساء فحينما سيتزوج بك ستكفينه ما يبحث عنه أما إن كانت ميولاته مثلية فهنا الكارثة العظمى... وحسب كلامك كان له حديث مع مثلي يعني أنت عليك أن تقدري طبيعة الكلام الذي كان بينهما هل هو مجرد فضول (مع أنه تصرف منحط) أو أنه أمر اخر يتعدى الفضول... لهذا حاولي أن تفهمي أكثر وتتبعي خطوات خطيبك في روية وهدوء عن كثب وتستشعرين ميولاته بطريقة ذكية دون أن يشعر... إستعيني في ذلك بالله تعالى ورب يوفقك.

[Mima Imene]

لكن كيف اعرف ?iهو دائما على حسابو كلامو معايا يميل للنساء حتى لاحظت انه في كلامه مع البنات دائما يدكر انه يا ريت كان متزوج لي يطفا رغباته يعني حسيت منو انوا يعمل هده الامور لانه ليس متزوج ليقوم بها و حسيت انو مش فاهم وراه هكدا بهدا الطريقة حاب يتعلم اسمحولي على الافاظ هادي و الله ماراني نرقد الليل من التخمام +فيما يخص انو كان يتكلم مع مثلي لقيتو تكلم معاه مرة وحدة برك و متكلموش في امور كبار الي فهمتو انو كي اتكلم معاه للمقارنة برك و باش يشوف هو محله من الاعراب من بين الرجال ,معلبليش الا راني نبررلو و لا صح , ما وليتش نفرق يعني هل يوجد كيما هاك رجال ?و ماهو الموقف المفترض اني نعملو أنا حابة نواجهوا لكن خايفة في الاخير نحرجو و يطلع برك انو كان حاب هدا للمسقبل لانه ديما يقولي راني نقرا في نت باش يكون عندي رصيد معلومات و منبعد ما نواجهو و يطلع هدا هو مقصودو رايح يتحرج و ينكسر قدامي كي عارفني بلي فقت بيه

[eBusiness]

أختي كم عمره خطيبك حتى نعرف الأمور عن قرب؟؟؟

[Mima Imene]

في ماي يقفل 29 سنة

[eBusiness]

29 سنة ولا يزال يبحث عم محله من الإعراب إن كان رجلا عاديا أو مثليا... هذا هراء وهبال بكل صراحة... لا يمكننا أن نجزم بحقيقته من بضع سطور لكن نصيحتي لك دعيه يكمل حديثه على النت وأنت راقبيه عن كثب دون أن يعلم بذلك وأنت تابعي ما يقوله لأنه حتما سيظهر كامل أوراقه على النت مع الوقت... يعني تريثي وإستعيني بالله الأحد وكوني صبورة وهني راسك... أختي للأسف لا يمكننا أن نخوض في أمر مثل هذا على النت لكن إن كان يشك في نفسه فهذا أعوص... لا تستبقي الأحداث وتريثي وإن شاء الله تكون فقط غيمة عابرة وتتزوجان وديروا 10 ولاد وتربوهم أحسن تربية :)

[Mima Imene]

أنا عندما قو لت محله من الاعراب قصدت انو يقارن روحو مع الرجال و الا راه كيما هوما و لاناقص عليهم كي شغل معندوش الثقة في نفسه حتى يشوف الاخرين +انا منقدرش نراقبو منبعد لانع مش رايحة تكون عندي نت الي محيرني راه مولا جامع و ديما يصلي في الجامع و الناس قاع يعرفوه باخلاقو الحسنة معرفتش الا مجرد فترة و لارايحة تبقى فيه طبيعة ماهو الحل نواجهو بالدلائل و لا لا و الا رايح يستعرف و لا ينكر

[وليد1990]

علاه راكم تكبرو في الامر

هذا مجرد تعبير عن رغباته وخاصة حنا الرجال الي شادين في الطريق عندنا هدا الكبت ومش لاقين وين نعبرو عليه خاصة مناش نروحو لدور اللهو وهو الي يخلي بعضنا مايتحكمش في نفسو ويتصرف هكدا تصرف طبعا لازم نحاربو الرغبات هده في دواخلنا لكن في النهاية هو راح يتزوج ورح يبطل هادو الامور كوني هانية

اما حكاية الشذوذ فماتخافي ما والو زوجك انسان عادي اؤكد على هذا لان هده الرغبات اصلا كاينة فقط يحب يعبر عليها بعيدا عن اعين المجتمع وهدا ليس معناه انه شاذ

[Mima Imene]

انا هدا الي خممت فيه و خفت نحرجوا كي نواجهوا و علابالي بلي ينكر باش ما يفضحش روحو و الله اعلم

[staifia]

سبحان الله ياربي

اختي روحي واجهيه احسن مش حتى تتزوجي وتطفر فيك

[jiji17]

ربي يكون في عونك أختي بصح لازم عليك تلقاي الحل المناسب قبل فوات الاوان

استعيني بالاقربون منكي أفضل

[salim.salim]

انا حيرتني حاجة: كيف قام خطيبك هذا بالتواصل مع فتيات مع علمه المسبق بأنك تدخلين نفس الحساب!!!!!!

المهم إذا فعلا حصل منه هذا الشئ فانا اقدم لك هذه النصيحة:

اذا كان هذا الشاب معروف بأخلاقه و التزامه بالصلاة فالافضل ان تقبلي به و تستريه و تحاولي سد الفراغ الذي يعيشه.
ففي هذا الزمان الذي اصبح فيه اغلب المتزوجين مدمنين على الافلام و المواقع الاباحية فما بالك بالشباب بالعزاب.
و نزيد نقلك حاجة حاجة مليحة كي فقتي بيه احسن من تدي واحد لاعبهالك امام و هو يخلط فيها التحت التحت ( و هذا حال 99 من رجال اليوم)
و نصيحة اخرى لا داعي لمواجهته بالامر بل تابعي مراقبته عن بعد و حاولي سد الفراغ الذي يعيشه( بعد زواجكما طبعا) و نصحه ( بالتلميح) و الدعاء له بظهر الغيب بالهداية.


ربي يهدينا و خلاص
المهم انا دائما اقول " اذا خلات النسا هم سبابها"

[lhossin]

قال احد العلماء اذا رايتم الرجل ينظر الى الامرد فاتهموه ولكن منيش بغيك تتسرعي وتحكمي عليه المهم عليك باخذ ىكل الاحتياطات فالمسالة خطيرة ولا تقبل الخطأ اما موضوع فعلا الصلاة عماد الدين لكن رأى عمر بن عبد العزيز رحمه الله رجلا كثير الصلاة فأراد ان يختبره فبعث له شخصا وقال له اعرض عليه الولاية وقل له كم تعطيني ان ظفرت بالولاية فقال له اعطيك كذا فلما اخبر عمر بذلك قال غررتنا بكثرت صلاتك فالحذر الحذر اختي اتمنى لك التوفيق صدقيني احسست بك عندما قلت انك لا تنامين واقدر خوفك والله المستعان والسلام خير ختام

[المرح جدا]

ننصح بعدم التسرع اختي .... المفروض انك تعرفينه ويعرفه اهلك جيدا ... تواصلي معه في الفيسبوك واخبريه انك تغارين عنه من صديقات النت ولا تقبلين ان تكون له صديقات نت وقولي له هل تقبل ان يكون لي اصدقاء نت وادردش معهم . وشوفي ردة فعله.
والله المستعان.

[eBusiness]

يا جماعة الخير أنا كلامه مع الفتيات لم يشد إنتباهي بقدر ما شدني حديثه مع المثلي جنسيا وحسبها هو حاول أن يعرف ما محله من الإعراب من كل هذا ويا جماعة هذه كبيرة والعياذ بالله (لا أعلم ما قال لأن الأخت لا يمكنها ذكر الأمر هنا على العام)... المهم لا تقلقي وتابعي خطيبك عن كتب... إن لم يكن لك أنترنت إستخدمي مفتاح الجيل الثالث فالأمر يستاهل أنك تتابعينه عن قرب... نحن ننوي الخير لكن لا حرج في أن تتابعي الأمر عن كتب :)

[dahmane42]

هذا هو المشكل الكبير الفايسبوك و الهاتف من أكبر المشاكل في بلادنا
ربي يهدينا و يهدي جميع المسلمين

[0ibtissam]

ربي يهديه أن شاء الله

[ام نهوله]

يا جماعة الخير أنا كلامه مع الفتيات لم يشد إنتباهي بقدر ما شدني حديثه مع المثلي جنسيا وحسبها هو حاول أن يعرف ما محله من الإعراب من كل هذا ويا جماعة هذه كبيرة والعياذ بالله (لا أعلم ما قال لأن الأخت لا يمكنها ذكر الأمر هنا على العام)... المهم لا تقلقي وتابعي خطيبك عن كتب... إن لم يكن لك أنترنت إستخدمي مفتاح الجيل الثالث فالأمر يستاهل أنك تتابعينه عن قرب... نحن ننوي الخير لكن لا حرج في أن تتابعي الأمر عن كتب :)


انا اختي مع كلام الاخ في كل ما قاله تريثي قليلا فهذا امر مافيهش اللعب يعني ياجات يا راحت مثل ما قال الاخ المشكل بانسبة لي في حديثه مع المثلي
حتى و اذا حاب يشوف محله من الاعراب ماشي المثلي اللي راح يقولو لانو هو اصلا ما علابالوش محله من الاعراب
ادعي ربي ينورلك طريقك انه ليس بالامر الهين

[amel03l]

.نصيحتي ليك صلي صلاة الاستخارة كل يوم ..لا تملي و لا تتسرعي و تبطلي و تفسخي الخطبة ..و بدلي كلمة السر خليه يحس بلي فقتيلو بلا ماتواجهيه باش يبقى لقدر بيناتكم ...اما عن حديثو مع رجل ابدا لا اضن انه مثلي ..ربما فضول كيما قلتي ...صلي و اذا كملتي معاه ..اهدري معاه و قوليلو يهمني من اليوم و صاعدا و خليه يوعدك مايغلطش في حقك و ان شاء الله بعد الزواج يبعد على هادي لجياحة ...وادعي ربي يجعله زوجا صالحا لكي...مافهمتش علاش الرجال يديرو هكذا مي خطيبك ماشي الوحيد كاين بزاف ...نصيحة لا تواجهيه بكل ما قراتي حتي تصلي صلاة الاستخارة ..بدلي كلمة السر و قوليلو شفت بلي ضفت بنات ..بدلت كلمة السر او قوليلو راني فتحت الفيسبوك و لقيتك ضفت بنات و علاش راك تهدر معاهم و قوليلو ماعطانيش قلبي ندخل للرسائل و ازعفي عليه و ماتكلميهش و قوليلو اعطيني وقت نخمم و نصلي صلاة الاستخارة و نقرر نكمل معاك او نحبس ..راح يحس بغلطة ديالو و يندم و اعطي لروحك وقت خمي و صلي و بعد يومين او ثلاثة اذا ارتحت اسمحيلو و انساي القصة ...خليه يفيق لغلطته و هو يولي يطلب السماح و لكن بالاكي تقولي قريت الرسائل خلي القدر بيناتكم سواء كملتو او لا ...و اذا ماكتبش ربي و كملتو اياكي تفضحيه و تقولي السبب ..استري عليه....و اتمنى من كل قلبي تكملو و تتزوجو و يتوب و يعرف غلطو

[knives66]

ليسمعكم تهدروا هكذا يقول عليكم اهل جنة

انت معديتش تدخلي على خطركش فتحتي واحد جديد

وحدة بوحدة هذي دنيا

[amel03l]

واش هاد الاجابات يااخي ..بففف هي طلبت النصيحة و المشورة و انت خرجت عن الموضوع حبيت ترجعها بالسيف هي الغالطة ..المرة لي فاتت رديت تقريبا نفس الرد على وحد المشكلة هي تطلب النصيحة و انت تقوللها اذا انت تكلمي الرجال ...انا حرت في الردود ديالك ...مع كل احترماتي ردودك يعيو ...حاب بسيف ترد الغلطة في البنات...... لي يطلب نصيحة اكيد يكون في حالة نفسية سيئة و انت تزيد تكملو نصيحة قل خيرا او اصمت

[نسمات البحر]

بصح هو غبي يدير هادو الحوايج في الفيسبوك وانتي تعرفي كلمة السر تاعو ؟؟؟؟

اسمحيلي خيتي بصح ما صدقتش

[eBusiness]

انا اختي مع كلام الاخ في كل ما قاله تريثي قليلا فهذا امر مافيهش اللعب يعني ياجات يا راحت مثل ما قال الاخ المشكل بانسبة لي في حديثه مع المثلي
حتى و اذا حاب يشوف محله من الاعراب ماشي المثلي اللي راح يقولو لانو هو اصلا ما علابالوش محله من الاعراب
ادعي ربي ينورلك طريقك انه ليس بالامر الهين

هذا كلام ناس عقال... بارك الله فيك يا بنت الأكابر :dj_17:

[Mima Imene]

ليسمعكم تهدروا هكذا يقول عليكم اهل جنة

انت معديتش تدخلي على خطركش فتحتي واحد جديد

وحدة بوحدة هذي دنيا




يا أخي بالعقل ما تتسرعش بالحكم أفهم قبل أنا قلت حليت هدا الحساب مشترك بيناتنا و قبل ما نفتحو عندنا في 2 كل واحد و حسابوا الخاص بيه و في 2 نتعاملو ا بيهم و كل واحد عارف تاع لاخر يعني ما كانش حاجة في السر و لا حساب أخر في السر ,المهم بعد ما شفت نصائحكم ر حت اليوم حليت حساب اخر و بعتلوا في الفاسبوك تاعو الاخر يعني مش هدا الي لقيتو يحكي فيه مع النساء و جربتو رجعلي و رفض و مدلي عبر و نصائح باش نبطل هدا الطبايع و بلي هو انسان شريف و طاهر و نصحني بالتوبة و الرجوع لله يعني عكس هداك الحساب الاخر و لبارح بديت نمعنيلوا استغرب و قالي هدا كلام كبير و مفروغ منوا بلي هدا امر كبير و مش تع لعب ,انا و الله حرت و الي حيرني كيفاش يحكي بهداك الحساب و علابالو بلي اني عارفة المود باس تاعو و ممكن ندخلو مع انو انا من نهار حليتو ما دخلتلوش و بلاك عسني كي شافني مندخلوش دار هكداك , و خممت نبدل المود باس ممكن يفيق و يحل واحد اخر و منفيقلوش قلت نعسو بهدا خير و خايفة نكون ظالماتوا و الله أنا في حيرة و خايفة نواجهوا

[Mima Imene]

و زيد هو راه ولد حومتي و نعرفوهم مليح و من الصغر نقراو فالدرسة القرأنية و حتى لدرك يصلي في الجامع و قاع يعرفوه انسان مليح و ترونكيل يعني اخلاقو معروفة و ديما يقلقني بلادات تاع العرس و ححدنا ادات الان مي كي شفت الرسائل نتاعوا لقيت يعطيهم الوظيفة تاعو الصحيحة و حتى شبهوا كيفاه لاكن ما مدش صورتو الحقيقية مفهمت والو :sdf::confused:

[amel03l]

و زيد هو راه ولد حومتي و نعرفوهم مليح و من الصغر نقراو فالدرسة القرأنية و حتى لدرك يصلي في الجامع و قاع يعرفوه انسان مليح و ترونكيل يعني اخلاقو معروفة و ديما يقلقني بلادات تاع العرس و ححدنا ادات الان مي كي شفت الرسائل نتاعوا لقيت يعطيهم الوظيفة تاعو الصحيحة و حتى شبهوا كيفاه لاكن ما مدش صورتو الحقيقية مفهمت والو :sdf::confused:


ممكن الحساب تبيراتا و ممكن يستخدمو شخص اخر ...هاذا احتمال ايضا خاصة ماشي صور ديالو ...

[blanche rose]

ماهي اخبارك اختي بعد الزواج؟؟

قرأت آخر مواضيعك
حيرتني كثيرا

ربي يسعدك

[bounour21]

السلام1

لدي كلام كنت أريد أن أقوله لكن رسولي الكريم صلى الله عليه وسلم يقول {{ من كان يؤمن بالله واليوم الأخر . فليقل خيرا أو ليصمت }}

أقول الخير أختي : بعدي بيك بيه عن الفايسبوك وخمموا في مستقبلكم . وبركاكم من الجياحة . الفايسبوك ماهو إلى جياحة تحت ستار وغطاء التعارف والتحظر المزعوم الذي يدمر الأسر . أحذفوا قاع لي كونت تاوعكم وخمموا في مستقبل حياتكم ومستقبل ولادكم غدوة . وبركاكم من الجياحة راكم رايحين توليو أسرة

فيقو مع رواحكم واش من فايسبوك . راكم كبار

أبكي يا إسلام ويادين على رجالك . صار الرجل فينا يلعب الفايسبوك بحياتو .

الخاتمة1

[منبع العلم]

الله يكون في عونك يا أختي ، و كيما قالولك صلي صلاة الاستخارة لمدة ثلاث ليالي متتالية و ادعي ربي في كل صلاة ، ‘لي فيه الخير ربي يجيبهلك و الي فيه الشر ربي يبعده عليك ، .....................................
الله يكون في عونك

[ام ايمان16]

يادار تزوجت بيه صاحبة الموضوع او واش صراى في حكايتها
لانو الموضوع حطاتو في مارس الماضي وزواجها كان في ماي نورمالمو يعني فات الوقت

طمنينا صاحبة الموضوع

[طيور الجنان]

انشالله طمنا صاحبة الموضوع مسكينة كانت في حيرة كبيرة

[المنديل الابيض]

صارحيه و شوفي واش كان قصدو بلاك كيما قلتي حاب يتعلم برك و ما لقاش غير هادي الطريقة
احسني الظن فيه و ماتخليش الشيطان يدخل بيناتكم
ماهيش حكاية كبيرة بسطيها تبسط و ربي يستركم

[فراشات العمر]

السلام عليكم
راهي الاخت تزوجت وزيد تفاهمت هي وراجلها باه ماتخدمش تقعد في الدار الحمد لله التي بنعمته تتم الصالحات

[sidra2014]

وش اداك للفاسبوك ياو ما نحبوش خلاص فيه المشاكل بزاف

[فلة71]

لازم تتناقشي معاه في كلشي قبل ماتطفر
الله يهدينا

[hiba0991]

اختي انا نقول واجهيه صدقيني هذ الامر راح يتعبك نهار اخر

[تاج الهناء]

ناا وش نقولك اختي هذا الموضوع حساس و صعيب بزاف لازم العفة و ثم العفة يا اختي صلي صلاة الاستخارة و ادعي لربي و ابكي و شوفي وش دارلك ربي هذاك هو في وقتنا هذا العفة راحت من النسا و الرجال ما نقدرو نعسو حتى واحد ربي يجيب الخير و يسهلك امورك

[دنيا الامل 18]

انت من فتحت النار على نفسك عندما فتحت له الفايسبوك قد تصبح عادة لديه ويصبح مدمن حاولي معاه يغلقوا وادا كانت اخلاقه جيدة سيعود لرشده