اهل زوجي ربي يهديهم

[happy luck butterfly]

اعلم ان هدا النوع من المشاكل موجود دائما في بعض العائلات كاين اللي يحمل وكاين اللي ينسحب من المعركة الاولى
عني 8 سنين زواج واهل زوجي شاوية اما انا فلا لدي 3 اطفال
مند العام الاول وهوما ينهبوا فينا بسبب او من غير سبب وكي يعودو ظروفنا ما تسمحش المصاريف الزايدة نوليو ما نسواوش وادا سلفوا علينا دراهم انسا
خاصة كي عدنا نخدمو في زوج
تامنوا بربي باللي ما درنا لا سكنا ولا هم يحزنون وهوما حاطين باللي رانا قاعدين نخبيو فالدراهم ونهار حيخرجني الكراي طلبت من امو اننا نحطو حوايجنا في الصالون لانهم لا يستعملونه كثيرا مؤقتا حتان نلقاو الكرا ما رضاتش وقالتلنا الضيق
بلا مانزيد انطول الحكايا هوما عندهم طبيعة ماشي مليحة هوما يحكيو الشاوية وانا لالا كي يعودو يحكيو مع بعض ينساني
قادرين تقولو والفو وانا ثاني عطيتهم نفس العدر بصح المشكل انهم ساعات كي يهدرو العربية كي يبغيوني مانفهمش الحاجة يوليو للشاوية صراتلي ماشي مرة وماشي زوج
كي حكيت لزوجي قالي نوضي من الجماعة وديري روحك قلقتي ولا قوليلهم ما تزيدوش ديرو كيما هاكا بصح انا ما نقدرش نعايب اللي اكبر مني
انا هي العروس الاولى لان زوجي هو البكري بصح راني خضرة فوق عهشا يعرفوني غير في الدراه ولا التحواس ولا في الخدمة انتاع الدار كي نروح ضيفة
ربي يخليكم دبرو عليا كيفاش نتعامل معاهم عدت مانقدرش نحمل اكثر خايفة يجي نهار ونطرطقها :mad::mad::mad::mad::mad::mad::mad:

[رندة نهاد]

اذا عادو يسبوا فيك انتي الرابحة يحكوا ولا يقعدوا كيما يقولك الي يهدر عليا بالمعاني نعرف من جهتي راهو يعاني ياك انتي متفاهمة مع راجلك احمدي ربي ولوحيهم في التقيل احمدي ربي على الموجود وما تحوسيش على المفقود ربي يخليك
تحياتي

[staifia]

انتي مادام عرفتي العقلية تش?فيهم تاع مصلحة ماتتعامليش معاهم بزاف
المهم كي راكي متفاهمة مع راجلك هداك هو الصح

[سيرين 5]

ارميهم في الثقيل و ما تعمريش راسك بيهم اتلهاي براجلك و بدارك و عجوزتك ديري معاها الواجب لأنو تطلعي للسماء تهبطي للأرض تبقاي ماشي بنتهم و برانية عليهم و انت نقصي شوفتهم ترتاحي من الهداري تاعهم و احمدي ربي ما راكيش ساكنة معاهم ؟ و ما راكمش مرميطة وحدة ؟
أنت ألي فات خذيه عبرة في الدراهم شدي يدك و ما تزيديش تمدي فوق اللازم و خططي مع راجلك ديرو الدار دخليهالو في راسو بلي لازم تقتاصدو باش ديرو سكنة لولادكم ؟ و إذا على الهدرة عليك خليهم يشبعو نقصان ذنوب أنت تعرفي روحك واش تسواي ؟

[imane khaled]

ربي يكون معاك نحيهم من بالك ماتعمريش راسك الواجب ديريه على عين ربي و على عين راجلك و الدراهم الله غالب قوليلهم نديرو دويرة و مباعد ساهل

[happy luck butterfly]

شكرا على كل من رد على مشكلتي وفعلا مرات نطنش وندير روحي ما نفهمش وساعات نهز روحي عليهم
بصح نقول والديه الله غالب ونروح عندهم برجليا
تخيلوا راهو العام التاسع وانا عندهم بالاك جاو زاروني يا ربي 10 مرات
نزيدكم حاجة اخرى عندي 4 سنين ملي سكنت في بريكة جاو عندي 3 مرات وفي نهاية الاسبوع يعني ما يطولش رايحين تقولو بالاك راني مانيش مليحة معاهم سالت زوجي وقلتلو ادا راني نحسن في الضيافة انتاعهم ولا لالا قالي في دارهم وما يلقوش دلال كيما هاكا
ونزيدكم التالية .................................................. ..عجوزتي هي عمتي .....................خت بابا

[رندة نهاد]

الدم هو الهم
فكك منهم كيماهمش يجو لعندك تهنيت من جدهم وش ديري بيهم يخي حالة يخي اني قلقت في بلاصتك تقيمي شي ناس وتندمي

[docteurtobibe]

خوفتوني انا راح نزوج هذا الاسبوع نسكن بحذا عجوزتي لكن بيت مستقل عندي خياتو وعجوزتي وزوج مرات اخواتو مع العلم انا طبيبة وراح اعمل استداع بحكم انو عملي بولاية بعيدة ابقى لمدة سنة حتى نبدل مقر عملي او افتح عيادة خاصةوالله راني خايفة كثير تالفتلي هل نجبد روحي عليهم ولا واش نعمل

[سيرين 5]

خوفتوني انا راح نزوج هذا الاسبوع نسكن بحذا عجوزتي لكن بيت مستقل عندي خياتو وعجوزتي وزوج مرات اخواتو مع العلم انا طبيبة وراح اعمل استداع بحكم انو عملي بولاية بعيدة ابقى لمدة سنة حتى نبدل مقر عملي او افتح عيادة خاصةوالله راني خايفة كثير تالفتلي هل نجبد روحي عليهم ولا واش نعمل

يا أختي من الاول ما تولفي ما تلفي ؟ خلي روحك عزيييييييييييييييييييييييزة ديري غير الوااااجب :19:

[om hind]

آنتي عندك حاجة مليحة و لصالحك انك ببيت مستقل والحمد لله تلبسي مليح وأعدلي روحك و اجبدي راجلك بالعقل كلمة صباح و كلمة لعشية بربي ان شاء الله يتفتح عينيه و لازم ترسمي مخططات نتي وياه وقليلو من اجل مستقبل الأولاد

[oum imane83]

المهم انت اعملي الي عليك مهما يكن هوما والدين زوجك والباقي ما تكسريش راسك .. حبوك ولا ما حبوكش مايهمش... المهم راكي بدراك وعلاقتك مع زوجك مليحة وراكي احترمتيهم

[happy luck butterfly]

يا اختي ما تخافيش راهم اصابع اليدين ماشي كيف كيف قادر يكونو ناس ملاح ويزيدو فيك وخاصة كي عدتي خدامة على الاقل تلقاي وين تخلي ولادك
ربي يهنيك ويبعد عليك البى وولاد الحرام
ديري النية وربي انشاء الله ما يبخلكش

[dahmane42]

أستعيني بالصبر و الصلاة و أدعي ربي يهديهم لا تتسرعي
سعفي الامور من أجل زوجك و أبناءك و ربي افرج اعليك ان شاء الله

[فراح فرفوشة]

خضرة فوق عشا رانا كامل هكدا مش شرط يكونو يهدرو شوية ولاعربية

[سوستال]

قولتي انو حماتك عمتك.. كيفاش عمتك تتعامل معاك هكا ؟؟ وحكاية للهجة الشاوية
عمتك عربية كيفك .. اكيد تعلمت الشاوية عندهم وعملتها لابناءها.. تعملي شاوية وخلاص

[سوستال]

اما حكاية تنتقدوا في بالشاوية .. النقص فيهم هم اذا عندهم حوايج ضدك يحكوا في وجهك كي الرجال
اما اذا كانت اسرار واردوا أخفاءها عليك فهم احرار يتكلموا بالشاوية ولا الصينية

[happy luck butterfly]

علابالي باللي ما هومش يهدرو فيا وما عندهمش اسرار يخبيوها
بصح كي يديرولك جاست كيما هكا وعلى اشياء تافهة تحسي روحك برانية في وسطهم
لا بغى تتلاحي تطيحي من المستوى ولا ديري وجه ربي
ربي يهدينا ويهدي جميع امومنين

[نسيبة2012]

واش تديري اختي هذي الاشياء ديما كاينة بين الكنة وبيت الشيخ .............لازم تكبري بالك وتتجاوزي كلمة ديري روحك سمعتيها وكلمة لالا باش تكسبي راحة بالك وزيد راكي ساكنة وحدك واش همك فيهم اصلا عيشي حياتك في دارك مع راجلك وولادك واهتمي بتربية اطفالك ولازم تتعلمي الشاوية لان اولادك راهم منهم راح يتعلموها في يوم من الايام ................وربي يستر كل مومن ...............

[ام ورود]

يا اختى هادى هي حال تقريبا الكثير من النساء ،اصبري عليهم ونقصي من شوفتهم هكدا ميضروكش ومتعمريش راسك بيهم راهي غير تجي عليك وعلى صحتك..او مهما تديري تبقاي مش بنتهم.....وراكي تقولي راكي لعروسة الاولى ممكن لما يكون عندهم عرايس وحد آخرين يعرفوا قيمتك....فقط خمي في روحك واطفالك وزوجك وديري التاويل لروحك....كيما يقولوا ليحبك ما بنالك قصر ولي يكرهك ما بنالك قبر
وربي معاك يا اختى صراحة باينة عليك ناس ملاح كل هدا وما عيبتهمش ،او لو كنت انافي بلاصتك لوكان طرطقتها من يوم الاول معنديش كامل الصبر في هاد الحوايج....لكن بلاكي تعيبيهم او تندمي منبعد ومن المستحيل يسمحولك ...ديري زوجك قدام عينيك مهما يكن هادوك مواليه.ربي يقدرك

[happy luck butterfly]

هدا هو المشكل انا ادا عايبت واحد ولاطاح القدر بيناتنا خلاص و الله مانزيد نديها فيه وكون تعود ما والدتي
لدلك راني غير انفوت بصح خايفة لا ما نزىدش نصبر
ربي يهدي ما خلق
ويعطينا القوة والصبر على الاق على جالو

[mrmilano1984]

باين راجلك انسان مليح المهم اصبري علي راجلك وولادك اخرين عامليهم عادي طبعا احنرميهم وماتبينيش علي جال راجلك وولادك

[ام ملاك.]

ربي يكون معاك ويسعدك
ماعليكش منهم كل واحد يدبر راسو لمي دريهماتك وديري دار انت وراجلك
وكلشي ارمي وراك لوكان نقعدو نجرو مور الهم عمرو مايخلينا
طيشي كلشي ونقصي رجليك ديري الواجب عليك برك
ربي يهنيكم

[أم أمة الله الجزائرية]

السلام عليكم
انا ايضا نفس الحالة نتاعك اهله شاوية وانا برانية
يتكلموا بالشاوية كي ما يحبوش ندخل معاهم في الكلام وعندهم اسرار يعني كيما اي واحد من الشرق او من الغرب
انا معاهم 10سنين تعودت عليهم
كي فكرت ننزعها من راسي هاذي الافكار (راهم عليا ..شاراهم يقولوا ...)عشت لاباس عليا وبدون هموم
ما شي كلهم كيفكيف
فيهم المليح وفيهم القبيح
زيارتهم لي قليلة بزاف ممكن مرة او مرتين في العام
بالنسبة لي ما نقطعهمش *زر غبا تزدد حبا*
مع مسؤولية الاولاد والبيت الله غالب
يعني حق المسلم على المسلم
زيارتهم وحسن الضيافة والسؤال بالهاتف احيانا
أعانك الله ورزقك من فضله...

[الألماسة]

اختي صاحبة الموضوع راكي في نعمه
تحبي نتبادلو دار الشيخ تسمعي غير الكلام اللي تفهميه
لكن اللي حياتك طول ما تنسايهش و زيد غير الكلمة اللي كي حبة الرصاص
كي تحطي راسك على المخدة ما يجيك نعاس
احمدي ربي راكي في نعمه
اسمعي و ديري روحك تتفرجي فيلم شنوي و اذا ما عجبكش الفيلم بدلي القناة
يعني يدلي المكان و العبي مع اولادك و لا احكي مع داركم فالتيليفون
يعني اتعاملي معاهم بطريقة عدم المبالاة
أكيد شافوك تتقلقي و يحبو يقلقوك بهادي العفسة
ديري روحك ما شفتي ما سمعتي و كانهم غير موجودين
سلام

[احمد مبارك]

الصبر هو الحل

[*ام عبد الكريم*]

علابالك بلي الزوجة او الكنة الاولى للعيلة اديرو فيها جميع التجارب ..على كل حال ربي يهدينا و يهديهم ...ما تقلقيش روحك و اصبري كل العائلات الجزائرية مثل بعضها ...انا سكنت 6 سنوات مع بيت شيخي و اصبرت و الحمد لله ربي فرج ...لو كان تبداي تحسبي كل كبيرة و صغيرة صدقيني رايحة تتعبي نفسيا و جسديا لهذا خليك منهم و اتهلي في زوجك و بيتك ...و ما فيها والو كي يجيوك الامر عادي ربي يهنيك و يسهلك امورك

[كيل را ام]

احسن حاجة ديريها اقتليهم بالقدر

[oumelbanine]

واش يحكي الواحد و واش يخلي يا لعزيزة رانا كامل في قفة واحدة سواء خدمتي ولا كنتي في البيت الحاجة الوحيدة و الاساسية لي عندك ما شاء الله عليك و على اللي عندها و هي أنكي تتفقين مع الزوج الباقي خخي حشاكم ما تقيم شوادا حاشا خلقة ربي ما يحسبوا رواحهم في كوكب القرود( la planète des singe)laisses les parler les chien aboies et la carvanne avance )

[sinda]

اختي العزيزة ماشي الناس كامل كيفكيف راني حاسة بيك ماشي المشكل في انهم شاوية الأصل هو الأصل العباد هوما لي فيهم المشكل أنا شاوية ودار راجلي عربان مي عجوزتي كي تحب تهدر بالمعاني تهدر بالعربية وأنا توصلني الفكرة في نهار واحد وصلتلي كلش والحمدلله الواحدة في دارها كي شفت روحي مانيش مرتاحة والنية ما كانش جبدت روحي عليهم هكذا ما نمرض روحي ما نكسر راسي خاطر راجلي وليد موا لوكان كشما نهدر نولي في مشكل إذا تلاقينا تلاقينا ولا كل واحد في داروا حتى بالتيليفون ماكانش لازم نحمدوا ربي كاين بنات ساكنبن وحاملين وساكتين أخدمي خدمتك وألتاي براجلك وما يهمك لا لي جاك ولا ما جاكش ولي يجيك قومي بيه ولي ما يجيش ما تحوسيش عليه وإذا عندك أتفكريهم بهدية على وجه ربي وحافظي على صحتك على جال ولادك هذا ماكان أنتي 9سنين أنا عام شفت الويل وماشي عام كامل 3أشهر الأولى من زواجي

[امّ اياد]

ربي يفتح عليك اختي اياكي واياكي من معادة ام زوجك دري في بالك كي تكسبي قلب عزوجتك راهي تزيد محبة زوجك لكي ودراهم نويها معروف لوجه ربي اصبري ودي دعاوي الخير هي لي تربحك في الاخير

[حبيبة زوجها]

مستحيل يعاملوك كي بنتهم حتى لو كنت ملاك ,,,, هدا مانقول