شكون توريلي طريقة حفظ القآرص في الكونجيلاتور

[nadjet boumaraf]

السلام علكم نتمنى تكونوا بخير:dj_17:
لبنات طلبي هو انوا تورولي طريقة متداوله ومجربها في حفظ الليمون او القارص Citron في الكونجيلاتور باه نستعملوا كل ما نحب ...لانوا هاد ليام سومتوا مليحه مش غالي بزاف
وربي يجازيكم كل خير

[scorpionoir]

وعليكم السلام
انا نشريه ونغسلو مليح ونشفوا ونكونجلي منو حبات هكاك مجمولين ديويهم في ساشي وخلاص
وا عصريه عادي وحطي العصير في لي مول تاع السيليكون والا عادي في كيسان جوتابل وكونجليه
واذا حباتو عصير ديري طريقة ام اماني بصح انن جاني حلو بزاف نقصي في كمية السكر حسب ذوقك
http://www.djelfa.info/vb/showthread.php?t=1471703

[um alaa]

اختي تقدري تكونجليه حبات
ولا تسكرفجيه تخبي القشور للحلويات و تعصري الباقي و تخبيهم فالكونجيلاتوغ

[sabrina206]

أختي كاين طريقة صنع مركز الليمون للشاف أم أماني هايللللة للعصائر

كما تقدري تسكرفجي القشور بعد ما تكوني غسلتي مليييح حبات القارس بالشيتة(la brosse) و تحطيهم في علب البلاستيك أو في أكياس صغيرة و تخبيهم في المجمد
و تعصري هدوك الحبات تاع القارس و تصفي العصير المتحصل عليه و تحطيه في قوالب الغلاصو أو قوالب السيليكون ألي نديرو بيهم الحلاويات

حطيهم في المجمد كي يجمدو مليح نحي القطع من القوالب و غلفيهم بورق الشفاف باش كي ترجعيهم للمجمد ما تحكامش فيهم الريحة تجبدي القطع حسب الحاجة

كما تقدري تغسلي مليححح الحبات تاع القارس بالحبل و الشيتة و تقطريهم و تحطيهم في المجمد و ديري فراغ بين الحبات باش ما يجمدوش متلاصقين....و بعد مدة أجبديهم و حطيهم في أكياس بلاستيكية أو علب تاع بلاستيك و رجعيهم تم تم للمجمد راح يسهلك تجبدي كل حبة وحدها و بسهولة وقت اللزوم

نتمنى نكون أفدتك أختي:mh31:

[TATA SOUSOU]

انا جربت طريقة شفتها في قناة سميرة و جات هايلة تجيبي لكل كيلوا قارص 800غ سكر تسكرفجي القشور نتاع قاع هداك القارص و تعصري الاحبات و تخلطي العصير مع القشور مع السكر وتخلطيهم مليح وخليهم في الثلاجة ليلة كاملة و بداي ساعة على ساعة خلطيهم حتى يدوب السكر وغدوا ليه صفيه من هدوك القشور وحطي العصير فالكونجيلاطور و القشور حتفضي بيهم للحلويات جربيه راه يجي هليل

[choroukguid]

انا نعصرهم ونحطهم في بوات سبيسيال تاع الكونجيلاثور يجو مربعات وكاري نحطهم فيه وكلما نحتاج نجبد بالطرف او حسب الحاجة