الخــدمة الوطنية دفعــة مـــــاي 2015

[MuSLiMaN]

السلام عليكم و رحمة الله و بركاته

من فضلكم هل صحيح الأشخاص الحاملي شهادة جامعية سيلتحقون في شهر ماي أم شهر مارس

إذا كان في شهر مــاي التربص سيكون في شهر رمضان

تخيلوا معي الناس تتسحر و انت تجري في الساحة من بعد في الفطور تكون موالف المعقودة و الحريرة و ستفاجئ بالماء و الزعفران

أنا شخصيا أنوي الذهاب حتى دفعة سبتمبر 2015 و خلاله يكون قد وصلني الإستدعاء الثاني

فهل الذي يذهب حتى يصله الإستدعاء الثاني يعاقب أم ماذا ؟؟

من فضلكم شاركونا بآرائكم و تجاربكم

[MuSLiMaN]

ننتظر تفاعلكم مع الموضوع...............

[bassa1988]

سلام عليكم
حتى أنا أبحث عن جواب لهذا الأمر
كنت أخطط للذهاب في هذا الشهر
وسمعت أن الدفعة ستكون في ماي

ننتظر آراء الخبراء
تحياتي أخي

[raouf07boy]

سلام عليكم
حتى أنا أبحث عن جواب لهذا الأمر
كنت أخطط للذهاب في هذا الشهر
وسمعت أن الدفعة ستكون في ماي

ننتظر آراء الخبراء
تحياتي أخي



مساء الخير
انا نقولك حاول تلتحق في دفعة ماي ؟ ولا تخف التدريبات ليست قاسية فقط 20 يوم الاولى من بعد تتعود
وزيد حاجة اخرة من هنا الى سبتمبر راك تكون فوت حوالي نصف المدة
انصحك بالدهاب ولا تتاخر
حاجة اخيرة انا فوت العسكر في 2008 وصراحة لم اندم عليه ابدا ’’’ بالعكس كانت لي تجارب جيدة فيه وتعرفت على اصدقاء كثر والله العظيم انه حقا شيء مثير

[kakirabah]

هو نورمال مايديرولك والوحتى واين تقعد سبتمبر مي كيما قالك الاخ الافضل تتهنى عليك من ماي لسبتمبر ديجا راك تميثيت

[MuSLiMaN]

لكن تخيلوا معي الأيام الأولى القاسية تفوتوها في رمضان و الحمان و ممكن ايقيسوك في الصحراء

أظن الذهاب في ماي فكرة سيئة و الله أعلم

[سطايفي19]

انشاء الله دفعة ماي من احسن الدفعات خاصة لي يخير المدارس العسكرية الواقعة بجانب الساحل و تدريبات في رمضان مش رايحة تكون صعيبة كباقي الدفعات الي يحب يليكيدي عليه مكان لاه يزيد يستنى لسبتمبر الوقت راهو يفوت

[laibmoh]

سلام عليكم ورحمة الله وبركاته انا ايضا حاب نروح نتهنى والله اصبحت الخدمة الوطنية عائق كبير اريد الاستفسار عن دفعة ماي و نسبة الخروج فائض فيها علما اني من مواليد 1988 حاصل على ماستر ولا املك اي ملف يمكن ان اقدمه طولي 169 وازن 49 في اتضار ردكم شكرااااا

[MuSLiMaN]

انشاء الله دفعة ماي من احسن الدفعات خاصة لي يخير المدارس العسكرية الواقعة بجانب الساحل و تدريبات في رمضان مش رايحة تكون صعيبة كباقي الدفعات الي يحب يليكيدي عليه مكان لاه يزيد يستنى لسبتمبر الوقت راهو يفوت


ان شاء الله في ماي نزدم و اللي كتبها ربي مرحبا بها

[bob000]

انا ما بقاليش صبر لازم نفريها هذا ماي

[profearn]

سلام عليكم ورحمة الله وبركاته انا ايضا حاب نروح نتهنى والله اصبحت الخدمة الوطنية عائق كبير اريد الاستفسار عن دفعة ماي و نسبة الخروج فائض فيها علما اني من مواليد 1988 حاصل على ماستر ولا املك اي ملف يمكن ان اقدمه طولي 169 وازن 49 في اتضار ردكم شكرااااا

أخي الميزان 45 كلغ كما قال لي الطبيب الطول لا يهم من التجربة ، يوجد أناس لا يتعدى طولهم 1.58 و تم تجنيدهم حتى هناك من لديه نقص حاد في النظر تم تجنيده و إعفائه من الرمي .
خلاصة القول لا شيئ مضمون.

[MuSLiMaN]

انا ما بقاليش صبر لازم نفريها هذا ماي

و الله كامل نفد منا الصبر

يا أخي النهار اللي زدنا في هذي الدنيا تم الحكم علينا بسنة سجنا و الله ينجي من يشاء

فمتى استعبدتم الناس و قد ولدتهم أمهاتهم أحرارا :mad: :mad: :mad:

حسبنا الله و نعم الوكيل

[djamelcool]

الأمر ليس نكرة كما يصيغه الشياطين,, بأنه هادم عيشة الرفاهية و هادم الحرية,,,
بل هو منكر لأنك تخدم من لا ولم و لن يخدمك أبدا.. قسرا جبرا,,

جاء الإسلام محاربا للإستبداد و جاء مساويا للناس,, فإذا بنا نجد أنفسنا مستبدين و مظلومين بطرق ملتوية,,, وكأن الأمر سحر لا يرى,,

خلقني الله و رزقني,, رباني والدي وعلماني و أنفقا علي,,, ثم أخدم كلمة إسمها الوطن و أذل فيحكمني من هو أقل مني علما و بأسا بل يحكمني من هو أحمق أضل من الأنعام,,,

تبا لهم,, ألا لعنة الله على الشياطين

[MuSLiMaN]

الرب العالي يا جماعة الجيش الأمريكي قوة و تكنلوجيا و لا يقارن أبدا مع هذا الجيش

لا يوجد عندهم الخدمة الوطنية و ألمانيا ما نحكيش أيضا لا يوجد عندهم الخدمة الوطنية

و فرنسا قلدوها في كل شيء لما وصلوا للخدمة الوطنية سخطوها

الله ايجيب الخير و برك

أنا أيضا كنت نخمم حتى لسبتمبر و نذهب لكن نفذ صبري غادي ماي نزدم و اللي جابها ربي مرحبا بيها

كرهنا من هذا البلاد وين ما تروح تخدم كارت جون .....كارت جون.....كارت جون ...حسبنا الله ونعم الوكيل فيكم

[MuSLiMaN]

كتلنا الزلط

رانا بالديبلوم و الشهادات العليا و الحمد لله و رانا غير في الدار

الخدمة الوطنية راهي كي الحبل غي تخرج من الجامعة ايجيفوك يقولوا لك تفوت نطلق....... تعصي نزير

[black flag]

ان شاء لله دفعة ماي يسهلنا ربي

[bob000]

صح يا اخي البلاد هذه صعيبة كامل عوائق انا عندي غير عام خدمة دوك كي نفوت لارمي نولي الى الصفر انشاء الله يفرجها علينا ربي ما فيه غير الخير ماي 2015 راني جاي لا للعودة للخلف

[daoud 2014]

السلام عليكم اخوتي
انا كنت حاب انروح في جانفي و لكن ما جاتنيش لوردابال و رحت ليهم و قلتلهم اعطوني لوردابال باش انروح قالولولي روح استناها حتان اتجيك
انا راني حاب انروح في ماي و راني خايف ماتجينيش لوردابايل
ماي انشاء الله و ربي ايفرج على كل مؤمن
الى الامام ......

[hvh]

ana 3andi prsk sména melli khllast ls entrainment ya3ni 3gabna 45jr kount fel7arrach elli majahch amr l2ilti7é9 fi mai makaléh yro7 ykhelli lseptembre a7san

[MuSLiMaN]

ana 3andi prsk sména melli khllast ls entrainment ya3ni 3gabna 45jr kount fel7arrach elli majahch amr l2ilti7é9 fi mai makaléh yro7 ykhelli lseptembre a7san

خويا أنت على الأقل درت خطوة و حنا باغينا نزيدو نقارعو حتى لسبتمبر

في شهر سبتمبر ان شاء الله تكون انهيت كل التدريبات يعني الكبيرة تكون وخرتها من الطريق

يا خويا قتلنا القنت

[Recteur31]

انا رغم عدم حصولي على اي استدعاء قررت ان ادهب الى مركز الخدمة الوطنية و جلبت امر الالتحاق ...في دفعة ماي ...كرهت هده الوضعية اريد ان انتهي من هدا المشكلة الوطنية و ان اكون حرا كل حياتي فبادن الله في ماي راني في بوسعادة ههههه

[MuSLiMaN]

خويا أنا الصباح رحت لعندهم باش نخرج استدعاء قال لي لا حتى 1 ماي اذهب عند الجوندارم هوما يعطوهولك

و إذا لم تأخذه أرواح نخدمولك واحد

و الله حتى أنا كرهت راني باغي نتهنا منها و نصبح حر في حياتي

[علي مخاطة]

الرب العالي يا جماعة الجيش الأمريكي قوة و تكنلوجيا و لا يقارن أبدا مع هذا الجيش

لا يوجد عندهم الخدمة الوطنية و ألمانيا ما نحكيش أيضا لا يوجد عندهم الخدمة الوطنية

و فرنسا قلدوها في كل شيء لما وصلوا للخدمة الوطنية سخطوها

الله ايجيب الخير و برك

أنا أيضا كنت نخمم حتى لسبتمبر و نذهب لكن نفذ صبري غادي ماي نزدم و اللي جابها ربي مرحبا بيها

كرهنا من هذا البلاد وين ما تروح تخدم كارت جون .....كارت جون.....كارت جون ...حسبنا الله ونعم الوكيل فيكم


علاش تروح لفرنسا و أمريكا
الجارة المغرب أوقفت التجنيد الاجباري و صار عندها جيش محترف
حنا بقينا عرة لجناس يحكم الجيش شيخ هرم تاع 83 سنة

[WALID 25]

واش يدير الميت في يد غسالو

[WALID 25]

يا جماعة نصيحة مجرب انا كنت في دفعة جانفي لكنني للاسف التحقت بعد اقفال عملية التجنيد فيا للحسرة حينئذ تمنيت لوتكون دفعة في يوم غد لالتحق بها و اخلص فانا امضي وقتي اعد الايام المتبقية لدفعة ماي وما زاد الطينة بلة مرارة البطالة و الفراغ فيا ليتني استفدت من هذا الوقت الضائع لذا عزمت ان انتهز الفرصة في اقرب وقت ممكن و ابعد هده المعضلة عن طريقي فلا للانتظار اكثر,
اما فيما يخص رمضان فلا يخالجنكم الشك بان دفعة ماي ستكون الاكثر حظا بالنسبة لباقي الدفعات لانها ستداوم وفق برنامج خاص وتدريب مخفف بحجة الصيام
لذا على المرء النظر بعقلانية و التصرف بحكمة اتجاه هدا الموقف المصيري
نصيحة مجرب

[MuSLiMaN]

شكرا لك أخي

ان شاء الله اللي فيها الخير تلحق

بكن سؤال ...... ممكن تقول لي كم تأخرت عن موعد الالتحاق؟؟؟

ﻷنني لا أنوي الذهاب في اليوم اﻷول

[WALID 25]

درت روطار تاع 8 ايام لدلك فالافضل 4 ايام او 5 على الاكثر

[mo.mohamed]

السلام عليكم تجربة شخصية اخواني انا شاب في عمري 28 سنة بعد تخبط دام 3 سنوات من 2012 الى 2015 وانا في حيرة من امري قررت اني نروح في دفعة جانفي كمتطوع تم ارسالي الى المدرسة التطبيقية للدفاع الجوي عن الاقليم في البرواقية وكيما كان الحال اتكلت على ربي ورحت نهني روحي من هدا المشكل والحمدلله ربي مافيه غير الخير اخرجت بسبب طبي بعد دفعي لملف طبي. الحمدلله ربي ما فيه غير الخير كلشي يفوت جوزت 15 يوم في الثكنة وتهنيت من الازمة.انا نقولكم خاوتي لي راه يعاني من هدا المشكل غير يتكل على ربي ويتهنى ولي عندو ملف طبي يديه معاه ممكن تخرج بيه وفي الاخير ما يكون غير الشي لي كتبوا ربي سبحانه.سلام

[okbano 41]

السلام عليكم
خاوتي انا تخرجت 2013 من تم وانا نقارع حبيت ندخل للجيش او الدرك او الشرطة وماكتبليش فيها ربي الحمد لله على كل شئ
بعد ماكنت روشارشي دفعت دوسي في لابوليس شدوني واداوني والحمد لله اديت معايا ملف كفالة قبلوه في المحكمة العسكرية لكن من بعد في مركز الخدمة الوطنية قالولي ماعندكش حق واكم تعرفو لحكايات تاع خوك مديها وماكش مفوت لا فيزيت ....الخ المهم قررت بربي في نروح دفعة ماي ومانزيدش نأجل يا لوكان واش يصرا لبغا نفوتها في المونبيق العبد كره من هاد المشكلة ولويكتا تبقى تبع فيه مالا ان اشاء الله دفعة ماي راني جاي .

[MuSLiMaN]

السلام عليكم تجربة شخصية اخواني انا شاب في عمري 28 سنة بعد تخبط دام 3 سنوات من 2012 الى 2015 وانا في حيرة من امري قررت اني نروح في دفعة جانفي كمتطوع تم ارسالي الى المدرسة التطبيقية للدفاع الجوي عن الاقليم في البرواقية وكيما كان الحال اتكلت على ربي ورحت نهني روحي من هدا المشكل والحمدلله ربي مافيه غير الخير اخرجت بسبب طبي بعد دفعي لملف طبي. الحمدلله ربي ما فيه غير الخير كلشي يفوت جوزت 15 يوم في الثكنة وتهنيت من الازمة.انا نقولكم خاوتي لي راه يعاني من هدا المشكل غير يتكل على ربي ويتهنى ولي عندو ملف طبي يديه معاه ممكن تخرج بيه وفي الاخير ما يكون غير الشي لي كتبوا ربي سبحانه.سلام


خويا الله يرحملك الوالدين أنا عندي ملف طبي متكون من :

شهادة طبية مكتوب فيها حدة نظري 04/10 + صورتي

و ورقة طبية أخرى كتبتها الطبيبة بأن هذا الشخص يعاني من نقص النظر

كما أن الشهادة و الورقة قمت بهم في مستشفى عمومي

لكن عندما ذهبت قالوا لي الملف ناقص قلتلهم واش ناقص قالوا لي شوف انت

واش حابين نزيدلهم

[mo.mohamed]

خويا الله يرحملك الوالدين أنا عندي ملف طبي متكون من :

شهادة طبية مكتوب فيها حدة نظري 04/10 + صورتي

و ورقة طبية أخرى كتبتها الطبيبة بأن هذا الشخص يعاني من نقص النظر

كما أن الشهادة و الورقة قمت بهم في مستشفى عمومي

لكن عندما ذهبت قالوا لي الملف ناقص قلتلهم واش ناقص قالوا لي شوف انت

واش حابين نزيدلهم

يا اخي حاول تدعيم ملفك باي وثيقة من راديوات و وصفات ومن الاحسن تكون قديمة وربي يوفق ان شاء الله

[mehdii09]

يا اخي حاول تدعيم ملفك باي وثيقة من راديوات و وصفات ومن الاحسن تكون قديمة وربي يوفق ان شاء الله



نقص النظر مكاش راديوات

[MMSALEH]

دفعة ماي ان شاء الله
كرهت

[mokeddemmostafa]

قررت الذهاب في دفعة ماي على الاقل الوحد ينحي من الطريق العائق الكبير ديجا انا ربحت في كونكور وكي مالقاونيش معقب العسكر ليكيداوني نصيحة لكل واحد يدير كيما انا هههههههههههههههههههههه الوداع

[kevlar]

دفعة ماي ان شاء الله

[ZAKARIA.BOUNASLA]

ربي يوافق الجميع هي الذهاب افضل كي تبدأ العمل

[raouf bba madrid]

السلام عليكم انا رحت في الدفعة تاع جانفي بصح درت الروتار 8 ايام لقيت القازارنة كومبلي دكا ما نعرف لا نبقى في نفس القازارنة ولا تتبدل (رحت لباتنة )

[aminadam]

وعلى الله فليتوكل المتوكلون......اما فيما يخص مسألة الخدمة الوطنية فانا اقولها بكل صراحة ان لم تكن لديك اي وساطة فالافضل ان تذهب وتؤديها فلا فائدة ترجى من المماطلة وكثرة السؤال .....حتى انا على ماظن دفعة ماي .......وسأذهب متكلا على الله سبحانه وتعالى

[aminadam]

حتى انا على ماظن دفعة ماي

[mehdii09]

خاوتي نسقسيكم واحد كي يروح لبجاية و معاه ملف طبي اذا قبلوهولو شحال يبقى عندهم و هو فالكازارنة
انا حاب نشارك في المسابقة تاع التوظيف تاع التلعيم ، و هي تكون في 27 ماي ، خايف ندخل يفوتني

[أنور]

كتلنا الزلط

رانا بالديبلوم و الشهادات العليا و الحمد لله و رانا غير في الدار

الخدمة الوطنية راهي كي الحبل غي تخرج من الجامعة ايجيفوك يقولوا لك تفوت نطلق....... تعصي نزير


والله راني في نفس الوضعية تاعك ، مي الله غالب واش دير

[أنور]

وعلى الله فليتوكل المتوكلون......اما فيما يخص مسألة الخدمة الوطنية فانا اقولها بكل صراحة ان لم تكن لديك اي وساطة فالافضل ان تذهب وتؤديها فلا فائدة ترجى من المماطلة وكثرة السؤال .....حتى انا على ماظن دفعة ماي .......وسأذهب متكلا على الله سبحانه وتعالى

اتفق معك تماما رغم ان بعض الأصدقاء يرفضون هده الفكرة ، المشكل أنو تخاف تسنى متفوتش لارمي، ماتلقاش خدمة ، وبالمقابل تروح تعقبهم ، نخاف تخرج تلقى الحمام طار لا خدمة لا والو ، انا بين نارين

[30AK]

الأمر ليس نكرة كما يصيغه الشياطين,, بأنه هادم عيشة الرفاهية و هادم الحرية,,,
بل هو منكر لأنك تخدم من لا ولم و لن يخدمك أبدا.. قسرا جبرا,,

جاء الإسلام محاربا للإستبداد و جاء مساويا للناس,, فإذا بنا نجد أنفسنا مستبدين و مظلومين بطرق ملتوية,,, وكأن الأمر سحر لا يرى,,

خلقني الله و رزقني,, رباني والدي وعلماني و أنفقا علي,,, ثم أخدم كلمة إسمها الوطن و أذل فيحكمني من هو أقل مني علما و بأسا بل يحكمني من هو أحمق أضل من الأنعام,,,

تبا لهم,, ألا لعنة الله على الشياطين

اسمع مليح
هذي بلادك ومتلعبهاش فاهم بزاف
وان الله مع الصابرين
وافهم يا فاهم

[raouf bba madrid]

السلام عليكم خاوتي نسقسيكم الورقة تاع متطوع تقدر دومونديها خطرة وحدة ولا لا
خاطر كون ندومونديها ويقدر ربي مانروحش نبقى نستنا بزاف

["" عماد الدين ""]

انا ما بقاليش صبر لازم نفريها هذا ماي
ya kho mate9ala9ch li fiha khir rebi yjibha ...rebi ysahel nchallah

["" عماد الدين ""]

اتفق معك تماما رغم ان بعض الأصدقاء يرفضون هده الفكرة ، المشكل أنو تخاف تسنى متفوتش لارمي، ماتلقاش خدمة ، وبالمقابل تروح تعقبهم ، نخاف تخرج تلقى الحمام طار لا خدمة لا والو ، انا بين نارين

رزقك مقسوم و قدرك محسوم ..... فقط توكل على الله....... ربي يوفق

[عابدين زينو]

وكتاش يجو الاستدعاءات

[جلال_باتنة]

السلام عليكم خاوتي انا رحت لمكتب الخدمة الوطنية فالولاية تاعي باتنة وخرجت امر الالتحاق بدفعة ماي 2015 وخيرت مدينة البليدة مدرسة التقنيات المعتمدية ن ع 1 مواليد 1988 انشاء الله تفوت على خير ...... المهم كاش نصيحة واش ندي معايا ووين جات الثكنة فالخريطة نتاع البليدة وشكرا

[riadhadji]

dhadji;3993276641]
salam alikoum khawti andi istifssar
ana rouhte fi douf3a ta3 janvier 2015 mais raj3ouna lkina thakana complet es que nakdar marouheche motatawi3 fi dof3a ta3 mai 2015 normal ? + j'ai pas de sourcil[ + andi milaf tibi/QUOTE]

[سطايفي19]

السلام عليكم خاوتي انا رحت لمكتب الخدمة الوطنية فالولاية تاعي باتنة وخرجت امر الالتحاق بدفعة ماي 2015 وخيرت مدينة البليدة مدرسة التقنيات المعتمدية ن ع 1 مواليد 1988 انشاء الله تفوت على خير ...... المهم كاش نصيحة واش ندي معايا ووين جات الثكنة فالخريطة نتاع البليدة وشكرا

لماذا اخترت البليدة ؟

ياا اخي ربي يحسن عونك هدي مهيش مدرسة
منطيحلكش لمورال ربي يكون معاك

[riadhadji]

mon frère setifien 19 ton numéro stp

[سطايفي19]

حذف ..............

[أنور]

رزقك مقسوم و قدرك محسوم ..... فقط توكل على الله....... ربي يوفق

ونعم بالله أخي الكريم

[adoula89]

السلام عليكم

[adoula89]

السلام عليكم تم جلب الاستدعاء من عند الدرك الوطني

[adoula89]

مدرسة المعتمدية البليدة

[adoula89]

هل من رفيق الى المدرسة

[zouzoudj3]

السلام عليكم خاوتي لي وصلو الاستدعاء لبلعباس مشاة يعطينا شوي معلومات

[raouf bba madrid]

لماذا اخترت البليدة ؟

ياا اخي ربي يحسن عونك هدي مهيش مدرسة
منطيحلكش لمورال ربي يكون معاك

خويا كل واحد واش يهدر انا قالولي لبليدة تعقبها بانكس وكاين وحد خرين يقولك ميزيلرية مافهامت والوا

[azzoun abdelouahab]

السلام عليكم
لي لحقاتو المحزونة، يقولنا وين باعتوه.

[سطايفي19]

السلام عليكم
لي لحقاتو المحزونة، يقولنا وين باعتوه.

واش حبيت تقول بالمحزونة

[أنور]

جابلي ربي قصدو ordre d'appel

[walid guelmi]

أنا جاتني باتنة مدرسة تطبيقية لسلاح المدفعية راح نروح 15 ماي

[azzoun abdelouahab]

واش حبيت تقول بالمحزونة
واش حت نقولك الدزاير فيها بطيمات
أو راهي باينة واش معناتها المحزونة

[سطايفي19]

واش حت نقولك الدزاير فيها بطيمات
أو راهي باينة واش معناتها المحزونة

ولمحزونة وين رايحة تديك.؟

[مسعود1]

السلام عليكم و رحمة الله تعالى وبركاتة

أنا من مواليد 1992 , والحمد لله بعد 3 سنوات من الأخذ و الرد من قبل نفسي و عقلي و تعرفون التخمام ههه قررت ماي بحول الله المضي قدما نحو نزع مشكل على عاتقي أمام الله عز وجل و هي حماية البلاد و أمام النضام خدمته برغم أننا أصبحنا عبيد بدون مقابل فاللهم ما أفرج على كل من لم يذهبو و اللي حابين يقرو باش يروحو

المهم راني رايح 20 ماي بحول الله تعالى الوجهة بوسعادة رمانة ‘‘ بشعار : بوسعادة تحكحك و العقرب تلدغ ههه ربي يكون في العون ديالنا و ربي يقدركم هادا و ش نقول

[Seif La Fiesta]

الحمد لله ماخرجتليش اوردابال

[ma-vie]

وش رح نقلكم خاوتي ...... ركم تحطو رجلكم بعد باب الثكنة ركم تندمو عل النهار لجيتو فيه برجليكم هههه بصح لله غالب يلزم يفوت لارمي

[fpr-gaicem]

انا من المواليد 1996 و جاتني ورقة فحص الانتقاء بعد تاريخ المكتوب فيها ...
وعندي مستوى ثالثة ثانوي يعني ضابط صف على ما اعتقد
و تجند دفعة المستوى اللي عندي في 15 سبتمبر...
والله ماني عارف وش ندير نروح ولا نأجلها

[smaily]

انا من المواليد 1996 و جاتني ورقة فحص الانتقاء بعد تاريخ المكتوب فيها ...
وعندي مستوى ثالثة ثانوي يعني ضابط صف على ما اعتقد
و تجند دفعة المستوى اللي عندي في 15 سبتمبر...
والله ماني عارف وش ندير نروح ولا نأجلها

راني كيفك خويا ممكن تفهمني واش معنتها ضابط صف

[sofi1193]

انا لم اذهب الى الفحص الطبي 18 او 19 سنة
انا من مواليد 1990 ولقد جاءني استدعاء الاول فقط في 20 جانفي 2015
ولدي اوراق تثبت اني مريض بالداء السكري certeficat + analyse
اوقفت الدراسة في 2008 ثم اكملت بالمراسلة الى 2012 وصلت الى الباكالوريا وماكملتش
سؤالي هل اذهب الى ولايتي ام اذهب الى الولاية المبعوث اليها في الاستدعاء ؟