عاجل لي حابين يبداو يوكلو ولادهم على 6 أشهر

[oprah]

السلام عليكن خياتي
الموضوع لي فات قتلكم على وليدي لي كانت حاكماتو لادياري حاشاكم و قوات عليه شويه على هادا ديتو اليوم لبيدياتر و مركاتلي أملاح و دوا الوجع و قاتلي ممكن لادياري كي شربتي اللبن بويسك برضع صدري
أدعولي يريح بلخف
المهم راهو باقي 8 أيام و يقفل 5أشهر و أنا كنت حاباتو حتى يكمل 6 و نبدالو الاكل بويسك قريت هنا في المنتدى و في الت بلي مليح يستفاد برك من حليب الام و أحسن أنو حتى السادس يبدا ياكل
المهم قاتلي الطبيبه لازم دروك تبدايلو الماكله و تبدايلو بشويه
قاتلي مالازمش تبدايلو قبل 3 أشهر و تاني مالازمش تخليه حتى 6 أشهر بويسك قاتلي شفنا كامل لي طولو في الماكله يرقاقلهم المصران و تكون عندهم حساسيه و يولو كيما هادوك لي ياكلو برك الروز و مياكلوش القمح
أنا حبيت ننصحكم بواش قاتلي الطبيبه بويسك شفت بزاف بنات كيفي
ربي يكون في العون و كل وحده تعرف تنصح أختها في أي حاجه خاصة الامهات الجدد لي ميعرفوش و قادرين يضرو ولادهم بالنيه نتاعهم برك
مع العلم ماما قاتلي و مديتش رايها زعما النت تعرف خير منها أأأأععععععع
شكرا على المرور
و أدعولي ربي يشفيلي وليدي

[kikimnarim2]

بالاك ما فهمتيش مليح على الطبيبة لانو الطفل على قد ما تبدايلو الماكلة بكري على قد ما يكون معرض لحساسية الامعاء المزمنة ويبقى طول حياتو مسكين بالريجيم نصيحتي الصبر حتى يكمل ست شهور وبالتدريج دخلي الاطعمة وما تنوعيلوش بزاف

[oprah]

بالعكس الطبيبة قاتلي كيما حكيتلك
قاتلي مادامك تطولي متمديلوش الماكله يرقاق مصرانو و تجيه الحساسية كي تمديلو الماكله بعد 6 أشهر
و قاتلي دوكا تبدايلو الماكله تولفيه بشويه
قاتلي مديلو زرودية و بطاطا بشويه في الفطور تم فواكه مطبوخه ولا مفوره مرحيه
و كي يوالف الماكله ابدايلو لابلامين

[oprah]

والله مفهمت علاش أنت طبيبه؟ طبيبة أطفال؟
نتمنى البنات يشاركونا بتجاربهن

[kikimnarim2]

والله حبيبتي انا هكذا نعرف الطفل حتى ست شهور حليب زائد ماء فقط والعلم هكذا يقول
نهار يمرض ولدك بعيد الشر واحد ما علابالو بيك غير الام تعاني معاه حتى الطبيب اللي دبر عليك ما يقدر يديرلك والو

[touta :)]

أنا مرة سمعت في الأخبار ان منظمة الصحة العالمية و يونيسف ان من الأفضل الرضيع يبلغ 6 أشهر باش تدخليلو الماكلة

[سؤدد الجنة]

مشكوورة على النصيحة على حسب تجربتي وتجربة عائلتي وصديقاتي كل طبيب واش يقول
انا الطبيبة نتاع وليدي هذا واش قاتلي وأكدتلي بلي هذا الى توصلولو العلماء ووو وشفت كلامها منطقي والله أعلم
الى الرضيع يرضع غير حليب الام لازم حتى يكمل 6 اشهر باه تبدايلو الماكلة واحتمال قلييل نبداولو 5اشهر ونصف فقط اذا كان مايقنعش بزاف وقاتلي غيير شوية فاكهة
اما اذا كان المولود يشرب الحليب الصناعي ثمة تقدري تبدايلو الماكلة حتى كيكمل 4 أشهر لأنه الامعاء نتاعو تعودت على الصناعي ولكن اكيد كل حاجة في وقتها وباللتنظيم وكينوكلوه حاجة جديدة نستناو 3 أيام باه نتأكدو أنه ماعندوش حساسية منها وهكذا حتى عام أكيد يرجع ياكل كلشيء
ربي يشفيلك وليدك ويحفظه

[soussou engel]

انا نقلك بلي راكي غالطة
انا بنت اختي مرضت بمصارنها كلاة في 6 شهر و معندهاش بزاف بنت عمتي محبش يبيعلها الصيدلي الفرينة قالها الاولاد بزاف لي مرضوا منعونا نبيعوا
مصير ولدك في يدك اختي

[*أم جابر*]

بارك الله فيك اختي انا ولادي بين 2في4 اشهر نبدالهم الماكلة

[خديجة 1010]

ana benti bedit newekelha fi 3 mois bach toualef les gouts ou heta moseranr taheha yahekom oho tebiba andeha hek k kaletlek wekliha

[DIDA34]

والله الواحد يحير انا الطبيب قالي ماتوكليهش حتى يقفل 5 اشهر و كيما كان الحال قفل 5 اشهر بديت نوكلو باشوية و ذوقتو كلش كنت كل خضرة نمدهالو وحدها باش نعرف الي توالمو والي تضرو ومن بعد وليت نخلطها مع بعض و تاني لبلامين بديتهالو في 5 اشهر

[ام رقية74]

[quote=سؤدد الجنة;3992962179]مشكوورة على النصيحة على حسب تجربتي وتجربة عائلتي وصديقاتي كل طبيب واش يقول
انا الطبيبة نتاع وليدي هذا واش قاتلي وأكدتلي بلي هذا الى توصلولو العلماء ووو وشفت كلامها منطقي والله أعلم
الى الرضيع يرضع غير حليب الام لازم حتى يكمل 6 اشهر باه تبدايلو الماكلة واحتمال قلييل نبداولو 5اشهر ونصف فقط اذا كان مايقنعش بزاف وقاتلي غيير شوية فاكهة
اما اذا كان المولود يشرب الحليب الصناعي ثمة تقدري تبدايلو الماكلة حتى كيكمل 4 أشهر لأنه الامعاء نتاعو تعودت على الصناعي ولكن اكيد كل حاجة في وقتها وباللتنظيم وكينوكلوه حاجة جديدة نستناو 3 أيام باه نتأكدو أنه ماعندوش حساسية منها وهكذا حتى عام أكيد يرجع ياكل كلشيء
ربي يشفيلك وليدك ويحفظه[/quot


كما قالت الاخت ....و هذا ما انصح به

[happy luck butterfly]

اهل زوجي يوكلو اولادهم نن يزيدو
يعطيوهم الدهان انتاع الماعز ولا البقر وحدو او مع الكمون او يديرو الحريرة دقيق القمح الدهان الغرس
ولاهم لاباس عليهم
انا ندير روحي قارية وفاهمة ولادي دايما مراض
بصح انا في الشهر الثالث نبدا اندوقها لابلامين مع الحليب 120 ماء 3 حليب 1 لابلامين مرة في النهار

[*عائشة*]

ربي يهديك اختي اوبرا جيتي تكحليها عميتيها ................ الاطفال مالازم ياكلو قبل 6 اشهر سقسي اي طبيب ولا حوسي وحدك في الكتب مثل الدفتر الصحي تاع لولاد ولاا في النت .......من المستحسن يبدا على 6 اشهرر لانو معرض لبعض الامراض كييي يكبر مثل مرض السكري ........او امراض اخرى .... صححي معلوماتك

[*سيرين نور عيني *]

chofi hanouna ana benti fi 4 mois bdit nzidlha bledina f bberon w 5 mois bditlha pt suisse w frommage w 6 mois bditlha bouyon w les compotes

[حياة نور الدين]

السلام عليكن تقدر تمدي الاكل للطفل من اربع شهور وهذا موجود في الدفتر الصحي للطفل وزيد كاين فرينة اطفال في الصيدليات من اربع شهور وكل واحدة تعرف الطفل نتاعها