حابة نتعلم الخياطة

[nesrinwarda]

السلام1



أخواتي راني حابة نتعلم الخياطة مانعرف واالو او في دارنا مكانش لي يعرف و يعلمني، من فضلكم قولولي كيفاش نبد او وين نروح نتعلم،
وانتما قولولي كيفاش تعلمت، باش نستفادو منكم ربي إخليكم ماتبخلوش علي بالنصائح

[همس الحروف]

حتى انا حابة نتعلم شاركت قبل في ورشة مي جتني ظروف ما كملتش وما لحقتش بها

[nesrinwarda]

إنشاء الله إعاونونا البنات بالنصائح

[تقوى اماني]

يا ريت من المسؤولين كي يكملو الورشات احطونا الدروس لتعم الفائدة اكتر

[دفى الضياء]

يا ريت من المسؤولين كي يكملو الورشات احطونا الدروس لتعم الفائدة اكتر

هذا إقتراح مليح

[الصفحة البيضاء]

انا تاني راني كيفك :sdf:

[djamilach23]

السلام عليكم
روحي لعندقوقل واكتبيلو ابرة وفتلة وراح يعطيك رد. بالتوفيق.

[conductrice]

أختي تقدري تدخلي للتكوين راهم يعلموا الماكثات بالبيت هذي فرصة عمرها ما تعاود 3 أشهر وانت وشطارتك
انا خدامة ولعشية على 4:30 راني نروح نتعلم ما طيريش الفرصة عندنا يومين في سمانة
واذا حبيت نعلمك واش راني نتعلم مرحبا وسهلا

[ام ورود]

أختي تقدري تدخلي للتكوين راهم يعلموا الماكثات بالبيت هذي فرصة عمرها ما تعاود 3 أشهر وانت وشطارتك
انا خدامة ولعشية على 4:30 راني نروح نتعلم ما طيريش الفرصة عندنا يومين في سمانة
واذا حبيت نعلمك واش راني نتعلم مرحبا وسهلا

سلام اختى ،حبيت فقط نسقسيك التكوين وين ،وكم المدة والوقت لتقراو فيه وشكرا

[الخروبية]

السلام عليكم
صباح الخير ختى لكان حبا تتعلمى لخياطة صح لازمك تتعبي وتحوسي
بزاف كاين ورشات ساهلين للمبتدئين وانا بربي معولا نديرموضوع فيه طريقة التفصال
بلا بترون للمبتدءات نشالله تستفيدى منو وزيدى حوسى
انا متاكدة لكان ملقيتيش غرضك فى المنتدى مايش رايحا تلقايه
فى بلاة اخرى
سلام

[conductrice]

سلام اختى ،حبيت فقط نسقسيك التكوين وين ،وكم المدة والوقت لتقراو فيه وشكرا


وعليكم السلام في اي بلدية من بلديات الوطن كاين التكوين المهني
نقراوا يومين في السمانة عندنا 3 أشهر
العفو حبيبتي

[ام ورود]

وعليكم السلام في اي بلدية من بلديات الوطن كاين التكوين المهني
نقراوا يومين في السمانة عندنا 3 أشهر
العفو حبيبتي

شكرا اختي مركز التكوين قريب مني ومنيش عارفة شكرا للمعلومة

[conductrice]

شكرا اختي مركز التكوين قريب مني ومنيش عارفة شكرا للمعلومة

العفو اختي تمانياتي لكـ بالتوفيق