ارجوكم اريد راي رشيد

[ام براء عبيدة]

بارااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااك الله فييييييييييييييييييييييييييييييييييييييييييييييييي ييييييييييييييييييييييييييييييييييييكممممممممممممم ممممممممممممممممممممممممممممم

[ام براء عبيدة]

وين راكم ؟.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[hodayena]

اكبر خطاء وحتي لداركم قعدتي شهرين وين صرات اختي
قبل ما تفكري في الطلاق انتي وهو مازلتو صغار هو 23 وانتي 19سنة
حاولي تجبدي زوجك ليك مش تخمي في الطلاق حاولتي تبعثي نفس جديدة لروحك غيري من نفسك ارجعي عروسة جديدة ومتخميش في الطلاق تروحي انتي تجي غيرك
زوجك الان راه في مرحلة مخلكة عليه كنتي ليه ومن بعد جاء طفل صغير ياخد كامل الاهتمام ديالك صافي اهتمي به
وصلي وادعي لربي وصدقي
تروحو تجرو تخمو في الطلاق

[LILI MINA]

اصبري وناقشيه لتعرف سبب تغيره ليكن في علمك الطلاق ليس هو الحل الزمي الصلاة و الدعاء و اكثري من الاستغفار وربي يفرج عليكي

[عابد لله]

السلام عليكم
19 سنة راكي مزال صغيرة وزيدي أي رجل يجيه شعور بالنوفر بعد اول ولادة ولكن سرعان ما تذهب. عموما لا تستعجلي اجعليه اولا يحب الطفل لانه سوف يكون يضحي باي شيء من اجل طفله كما انه يجب ان ترجعي صغيرة لان الرجل يكره الكبيرة ويحب تصرفات المراهقة ويدبو انك اصبحت تتصرفين كعجوز وهذا يجعله ينفر منك. جربي انك تلبسي كما كنت من قبل ، ما تعانديهش لي قلك عليها قوليل حاضر ورايحة تشوفي انه رياح يتغير. ونعاودلك الولادة وبقاؤك شهرين جعل العلاقة تبرد من جيهتو وهذي الكثير من النساء ما يديروش حسابها.
انسي موضوع الطلاقو وربي يصلح الاحوال

[ام براء عبيدة]

بارك الله فيكم

[أم ريتاج زهرة]

يا أختي إياك إياك إياك و الطلاق تندمي حياتك كيما صبري في مشاكلك اصبري شوية و صلي و دعي ربي و إنشاء الله ربي يفرجها و المطلقة متوليش مقبولة عند أهلها كيما كانت قبل الزواج و دارك ستارت عارك و متنسيش بلي عندك ولد وين تروحي بيه و في بداية الزواج دايما يصراو هاذ المشاكل و قعادك شهرين عند أهلك متعاوديهاش خليك مع راجلك أحسن

[dark star]

شدي لسانك تنجحي لي قولك ديريها حين حاضر واذا غضب اطلبي السماح ولو كنان ظالمك والسحر الحلال وما ادراك ما السحر الحلال

[chouchou w]

اقعتي شهرين ياختي ربي يهديك انا هنا في فرنسا كي نروحو لبلاد انروح انبات عند امي ليلة كل 4 ايام باه ميحسش بالفراغ كاين حاولي ترجعي ليام لولين تاع زواجك وتهلاي في راجلك اودارك اوحاولي متغضبيش اومتروحيش الداكوم دايما حسسيه هو كل حياتك او هو ليتعتامدي عليه سلام

[ايمان 200]

ابغض عن الله الطلاق حاولي تقرب اليه ومعرفة السبب وطلبي منو السماح

[رندة نهاد]

استهدي بالرحمن وحاولي حل المشكل بعيدا عن موضوع الطلاق مازلتي صغيرة خمي في ابنك رح تندمي طول عمرك على الحل الخطا رجعي ايامات زمان وعمرك حلو ما ضيعيهش راكي في احلى عمر ردي بالك ربي يصلح احوالكم ان شاء الله

[ام براء عبيدة]

بارك الله فيكم راني بيكم تشجعت شوية والحمد لله وراح نجربه الطريقة وراني متفائلة خيرا ان شاء الله جزاكم الله كل خير احبابي

[أريج لرجام]

الله يجمع شملكم وأكثري من الاستغفار فان فيه الفرج

[alkalima tayiba]

[

السلام عليكم
اصبري حبيبتي اكيد زوجك يمر بمحنة لم يخبرك عنها ,مهما كان لا تتركي بيت زوجك
و استقري في عشك هيئي له الظروف كي يسترخي ,لا تكثري النقاش معه حتى تمر العاصفة ،فالحياه الزوجيه لا بد أن تمر بفصول ,و هيئي العدة لكل فصل,صدقيني تعابير وجهك و عدم رضاك هي عبارة عن رد صامت فحاولي الابتسام و ابداء رضاك على هذا الحال لان زوجك يفهم لة عينيك ,اكيد يرى تذمرك لعدم امتلاكك خزانة,

لا تنسي صلاتك و الدعاء الدائم

ربي يفرج كربتك و يرجعلك المياه لمجاريها



[/quote]

[رَكان]

لكن قبل أن تفكري بالطلاق ..
اين موقف ..أهلك وأهله ؟؟؟؟
أعتقد أن قرار الطلاق يجب أن يفكر به الجميع قبل اتخاذه ..يعطيك طريحة توصلك للفراش هذا تهديد فإن وقع ..فاشتكي لأهلك ..

[*أم جابر*]

الحمد الاخوات و الاخوة كفاو ووفاو
لكن انا راييانك تقعدي معاه وحدكم و تفهميه انك حابة تهدري معاه و انو يوعدك لا عياط لا والو لازم انت ثاني تتحكمي في اعصابك و قوليلي ما الشيئ اللي بدلك وقوليلو واشنو هي الحاجة اللي ماراهيش تعجبك فيا نحاول نحسنها ونغيرها الى ما تحي انت
2اياك وتلمحيلو بلي راكي تخمي في الطلاق
والله يعاونك اختي اكثري من الدعاء

[ام براء عبيدة]

شكرا علئ نصائحكم بارك الله فيكم ربي ينوركم كما نورتونيي

[سيرين 5]

إلا الطلاق و أنتم هذا وين قلتو بسم الله و كي شرف وليدكم حبيتو تيتموه و تعقدوه خليو الطفل يكبر في جو أسري ؟ راكم صغار بزاااف لازم تحملو و تخرجو من هاذ الأزمة ان شاء الله سحابة و جوز صدقيني كي اليوم ترجع المياه لمجاريها و يرجع الهدوء و الاستقرار لبيتكم ، ضغط المسؤولية على البكري راهي تضغط عليكم أنتم الاثنين ؟ لازم تصبرو و تقاومو باش ينجح زواجكم ؟ صلي و ادعي باش ينجح زواجكم ان شاء الله

[om yousra]

حنا قبل مانروحو للطلاق دايما نغيبو الحوار اللي هو اساس العلاقة بين الزوجين راني نقول حوار ماشي صراخ وهوشات وربي يجمع بيناتكم ويصلح اموركم اختي قوي صلتك بربي هو مايخيب عبادو

[احمد مبارك]

ارجعو الى الدين في حل مشاكلكم

[a.saouli]

السلام عليكم ورحمة الله وبركاته
فالأول قلت انك كنت خفيفة وذرك رزنتي

الرزانة تكون كيما نقولو تكبري عقلك على المشاكل ما يعودش يجيب عندك الحال
التفكير تاعك في حد نفسو يتغير ولكن ماش تبيني لراجلك بلي راك كثر عليه
مالازمش المرأةتحط من روحها لازم ديما تكوني عروسة في قشك في نظافتك في دنيتك في طبيخك
في كلش كلش كلشش
المهم نوصيك بالصبر ثم الصبر ثم الصبر
عندنا مثل نقولوه ( جميع من صبرت دارها عمرت )
فوتي برك ا ختي او كلش يهون علجال هذااك الملايكة لي في ذراعك ويجي نهار ويكبار راجلك ويرزان ويتحمل المسؤولية
وهذي حاجة عادية ديما المرأة ترزان قبل الراجل خاصة بعد الولادةتولي تحس بمسؤولية عظيمة
ربي يفرج عليك خيتي

[nina1616]

الاخت الان تفرت لوكان خممتي قبل ما تتزوجي ا\ن ماعليك غير تولي لدارك وما تتطلقيش خمي عل روحك راك صغيرة 2سنة ومطلقة في المجتمع الجزائري لا يرحم عزيزتي لازم تولي لدارك وتجوزي لمليحة ولقبيحة مع راجلك وسكتي ما ترديلوش الهدرة وطيعيه وتعرفي مليح راجلك شوفي نقاك ضعفو وضربيه بيهم دوك يعاود يولي الحب والعشرة بيناتكم فهمتي والشمبرا ماشي مشكل ماشي ناس كامل عندهم شنابر وماشي ناس كامل مهنيين الاخت سلام اختي نشاء الله تفهمي قصدي

[سارة البوسعادية]

يا اختي اي راجل تكسبيه عن طريق اهلو خصوصا في موضوع الزوجة الثانية
مهما يبانلك انو مش متعلق باهلو ووو الا ان الزوجة الي تعرف عقلية اهلو وتعرف كيفاش تكسبهم يحبها الراجل خصوصا ادا كان يفكر بالزواج وهوا في هاد السن لازم ترجعي لاهلو وهوما يتعاملو معاه

[saliset]

انسي تماما فكرة الطلاق ، اصعب مرحلة في الزواج هي السنوات الاولى و اصعب الفترات هي بعد الولادة يشعر الزوج بأه خسر مكانته الاولى و قد أكدت له هذا ببقائك شهرين في بيتكم
الرجال بطبعهم طيبون بالكلمة الحلوة و المعاملة اللطيفة سوف يلين و يتراجع
لا تفتحي معه اي نقاش في هذه الفترة و ان حدث و حاول الشجار معك اعترفي بأنك المخطئة و هو على صواب مهما كان
أشعريه بانك محتاجة له اكثر من قبل و اعيدي اللحظات الحلوة يعني كوني عروسة جديدة
قربيه من ابنه بلطف ، اخبريه بأنه يشبهه و أنه نسخة منه ( كم يحب الرجال ان يشبههم اولادهم )
تقربي الى الله بالدعاء و ألحي و بما انك لا ترغبين في الطلاق باذن الله سوف يصلح الله بينكما
كبري عقلك و وسعي خاطرك ، احملي كل حاجة اصبري على كل حاجة و سترين من رحمة الله و فرجه الشيء الكثير

[seridz]

مشاء الله انتي يبغيك ربي اختي و الدليل على ذلك شوفي التعليقات و الله الواحد يفتخر و يفرح لما يشوف فتيات يفكرن بهذا الطريقة الايجابية و اذا حبيتي تنجحي خوذي براي الاخوات و الله نعم الراي و وحدة فيهم ما قصرت و كلهن اعطينك الراي الشباب الله يتاوي عشرتكم و المعاملة الحسنة و الاحترام هو اساس كل بيت ناجح

[أم شروفة]

المراة بعد الولادة يجيها اكتئاب ما بعد الولادة .....ربما أنتي تغيرتي وأصبحتي عصبية وكذلك شهرين وانتي بعيدة ما تعرفي وش صرالو في غيابك .حاولي ترجعي وتنازلي قليلا لترجع المياه لمجاريها