اشيروا علي

[مشكلتي]

اريد نصائحكم
انا اعمل بعيدا عن المنزل العائلي ب 400 كم حبيت نتزوج مع العلم ان عمري 30 سنة المشكلة هي انني لا استطيع جلب زوجتي معي بسبب غلاء الكراء قلت في نفسي نتزوج و نخليها مع والديا و نروح ونجي كل اسبوع الى ان اجد عملا قرب مكان اقامتي
ارجو نصائحكم

[ابتسام smile &hope]

اسال عن فتاة قد تقبل بشروطك

[ماريـام]

هناك من يقبل بهذه الشروط و هناك الذي لا يقبل

الاحسن مصارحتها و الكرا يقسم الضهر توليو تخدمو على الكرى فقط

بالتوفيق

[كلنا راحلون]

اين هو مشكل تقدر حتى يفرجها ربي

[نور الرحمة]

ربي يسرلك امرك ان شاء الله شرط متقبل يمكن ان تجد فتاة تتقبل

[عين الصقر]

في الحقيقة هذي ماشي عيشة حسب رأيي
ولكن أعرف بعض الناس يخدمو في سونطراك ومتزوجين بهذا الطريقة
شهر في البيت وشهر في العمل
المهم تلقى الفتاة التي ترضى بهذه الشروط وقليل من تقبل

الله يرزقك ببنت الحلال

[houda_jijel]

ربي يسهلك اخي انا لي قريب يعمل قرابة الشهرين في الصحراء و عند رجوعه للشمال يمكث على الاكثر 15 يوما صراحة الامر صعب جدا عليه وزجته لكن صابران المهم تجد الفتاة المتقبلة للوضع و ربي يفرجها عليك

[زينة نور]

ربي يسرلك امرك وين المشكل في ذلك
احكي مع البنت الي ناوي تتزوجها من قبل وخلاص

[عسولة1987]

واراه المشكل انا زوجي نشوفو مرة كل 4 أشهر وما بالك مرة في الاسبوع كي تخطب اعلمها بالوضع تاعك ومنا لدخول بلاك افرج ربي ويسهلك ان شاء الله

[عائشة 88]

السلام عليكم. عادي وين راه المشكل انا لا اراه مشكلا ابدا ياك رايح تخليها مع والديك مش وحوش الله يهديكم تفكرو بهذه الطريقة اهلك هم اهلها ربي يرزقك بالزوجة الصالحة

[nawel26]

السلام عليكم. عادي وين راه المشكل انا لا اراه مشكلا ابدا ياك رايح تخليها مع والديك مش وحوش الله يهديكم تفكرو بهذه الطريقة اهلك هم اهلها ربي يرزقك بالزوجة الصالحة

لست ادري لما التسرع و الحكم المسبق على الاشخاص سؤاله واضح هو يريد نصائح حول هل توجد من تقبل بهذه المعيشة واش دخل الوالدين و الوحوش
اتمنى ان لا ياتي يوم و اضع مشكلة هنا لاتفاجا بمثل هاته الردود

[ام رضوان]

جيبها خدامة اكري بشهريتك واصرفو شهريتها واتفقو على هذا قبل الزواج وربى يوفقك.

[Hana 67]

علاه تعذب في بنت الناس معاك هي تتزوجك باش تبقي مع والديك

[سوسو95]

اخي كل وحدة وطباعها كاين اللي تقبل واين اللي لا المهم انت خبرها من قبل

[جويرية الإيمان]

عادي جدا

كاين لي تقبل و علاه لالا .

أنا زوجي كان يخدم في الصحراء بصح هو أصر بأن أذهب معه

و بالفعل قضينا 5 سنوات و فرج ربي و رجعنا لمدينتنا .

[سيرين 5]

جاني مرة خاطب يخدم في الصحراء شهرين و يجي يقعد عشرين يوم و طبعا نعيشو في دارهم أنا خممت و رحت ليما قلتلها لالا راني رافضة ما نقدرش لهاذ المعيشة ، لوكان نعيشو مع دارهم و هو معايا ماعليش بصح هو ماكاشو و أنا نروح نعيش مع ناس غريبة في وسطهم ما نقدرش ؟ أبسط حاجة لما نحتاج نشري كاش حاجة شكون نستأذن باباه ولاّ يماه ولاّ أخته ولاّ خوه ؟؟؟؟ كل شخص و كيفاه كاين لي تقبل و كاين لي ما تقبلش ؟

[fella111]

اسمحلي اخي ................................هذا زواج مع وقف التنفيذ ..................كاين اللي تقبل ..............انا شخصيا ما نقبلش .................الراجل اذا ما يروحش كل ليلة عند الزوجة نتاعو ما تحسش نفسها متزوجة انها الحقيقة .......................ابحث عن عمل قرب سكناك ثم تزوج ..............او خذها معك و لو حتى تتمرمد معاك ارحم من تركها عند والديك .................اكرر كاين اللي تقبل .

[oum imane83]

خطيبتك يمكن تقبل المشكل لا يكمن هنا ......... لكن اساس العلاقة الزوجية انهم يكونو مع بعض تحت سقف واحد.. يتعاونو ويتشاركو الحلو والمر معا .........

نعيش بشهرية قليلة وراجلي بجانبي افضل من انه يجيب لي الملايين وهو بعيد علي.............

على كل حال كل واحد وظروفه .............

ربي يسهل لك

[fati 47]

كاين بزاف يقبلوا يا خويا توكل على ربي
انا يخدموا معايا 3 اشخاص وهم من منطقة تبعدنا ب حوالي 700 كيلو
متزوجين و كل اسبوع يروحوا لديارهم

[happy luck butterfly]

هي ما فيها والو بصح تقبل بلي قادر يحدث تصادم لانها ماشي بنتهم وهوما ماشي والديها
اذا الامر مؤقت تقدر تصبر ولا كان حيطول اتوقع كلش

[حبيبة زوجها]

شوف يااخي اكيد تلقى واحدة تقبل بشرطك
ربي معاك

[اريج الامومة]

اذا قبلت بسكن مع والديك عﻻه ﻻ ﻻ
كاين ياسر لي يخدمو.بعاد ويجو مرة في الوقت ونساهم يكونو عن والديهم
كون نفسك اوﻻ و دير قاعدة مادية مليحة ومن بعد اذا حبيت اديها معاك