عذابي كل نهار يزيد

[مشكلتي]

السلام عليكم اخوتي الكرام

حابة منكم تعونوني في الحالة لي وصلتلها

انا عذابي كل نهار يزيد وانا نشوف في ماما تتعذب و مريضة مرضها كسرني و رجعت ضعيفة رجعت ديما نبكي ليل نهار حتى كي نشوف فيها تهبطلي دمعة و نحكم في روحي باه مانبكيش قدامها و نحاول اني نبين روحي قوية قدامها نحاول نضحكها نشجعها لكن قلبي من لداخل يتقطع

حاسة روحي وحدي و انا نشوف في ماما تذوب قدامي من نهار عرفت مرضها و انا تغيرت في كلشي رجعت عدوانية مع كل ناس حتى اقرب ناس ليا مارجعوش يتفهمو هاذ الشيء و ملو مني و من طريقة لي نعاملهم بيها رجعت مانحبش نروح نقرا و اذا روحت نبقى نخمم في ماما و نخمم و نتوسوس كل وين يصونيلي تلفون بلي يكون جاني خبر ماشي مليح على ماما
صليت ودعيت لربي سبحانو يشفيها

يا خاوتي كل واحد يقرا هاذ الرسالة نتمنى انكم تدعو لماما ربي يشفيهالي الله يخليكم و لله محتاجة دعاوتكم

و اسمحولي اذا كثرت عليكم

[assia88]

rabi ychafihalak invhallah w ntya katrilha dou3aa
w rabi youmhil wala youhmil
rabi ykawik inchallah

[زينة نور]

ربي يشفيهالك
انا حاسة بيك خاطر جربت هاذ الحاجة مايهمكش المهم ماماك لازم تبينيلها دايما راكي بخير وتضحكي
الباقي راهم يعذروك
ربي يفك همك

[ماريـام]

ربي يشافيها امك

و اعرفي انو امك متحوش تشوفك هكذا و اذا تحبي امك حاولي تتغلبي على ماءنتي فيه لسعادها اكيد تصرفاتك راهي تزيد في مرضها

[ابتسام smile &hope]

حالتك عشتها لخمس سنوات لم استطع فيها فعل شيء لادراسة لاضحك لاامل في الحياة فمرض ابي اثر بي كثيرا

لكن تحسنت حالتي منذ اشهر قليلة

انصحك اختي ببر امك والاكثار من الاستغفار

عانيىت من القلق الارق تساقط الشعر ل5سنوات متواصلة تيزانة البابونج ساعدتني كثيرا اشربيها قبل النوم

[amel nadia]

ربي يشافيلها ان شاء الله شدة و تزول

[وبشر الصابرين]

السلام عليكم

تغيرت تصرفاتك من حبك لامك

لكن تاكدي لي راكي تزيدي عليها و تمرضيها اكثر

ورايحة تحس انك تغيرتي و ضيعتي مستقبلك لي طول عمرها تحلم بيه بسببها و سبب مرضها

نصيحتي ليك هي نصيحة ام مريضة لابنتها

كوني قوية و ارضاي بالمرض لان امك تستمد قوتها منكم كي تعودو ملاح

اما ادا بكبتي قدامها اوانهرتي تاكدي رايحة تزيدي عليها


و زاد خايفة عليها تموت .......بعيد الشر على ميمتك

الموت يا ختي بالاجل عمرو لكان بالمرض

و احنا نقولو ينوض الراشي و يموت الماشي ....مثل قديم

ربي يشفيلك ميمتك و يشفي جميع المرضى

و ربي يعينك و تتجاوزي الحالة هدي

[fadi02]

نفس المعاناة مررت بها راني حاسة بك

[زبدة ذايبة]

رب يشافيها ويعافيها ويشافي مرضى المسلمين

كاين درجات في الجنة مايبلغهاش المؤمن هكاك برك

كيما في الدنيا كاين ناس يتعبوا بزاف ويقراو فيهم اللي يتحصل على الليسانس وفيهم اللي يوصل للدكتوراه وفيهم اللي مايتجاوزش الإبتدائي.

جعل الله هذي الدنيا دار الامتحان والبلاء

وبطبعنا ضعاف وجاهلين ننساو الموت وننساو الآخرة

وهي الدنيا هذي خرطي في خرطي

آخرتها موت أنا وأنت ويماك وكل من هو على وجه هذه الأرض.

المهم هو العمل الصالح اللي يقابل بيه الإنسان رب العالمين

والحياة الحقيقية هي حياة الآخرة ماشي هذ الدنيا اللي فيها الموت

خير خلق الله مات صلى الله عليه وسلم

كوني قوية وتشجعي بالإيمان وتأكدي أن الملاقاة تكون في الجنة

الحمد لله الذي جعلنا مسلمين ومتأكدين أننا نلتقي مع أهلنا هناك ومع الأنبياء والصديقين والشهداء. وحسن أولائك رفيقا

ما تتعذبي ما تخلي الشيطان يقنطك من رحمة الله هذ الدنيا رب العالمين راح يطويها بمافيها ومن فيها

تحزني وتتعذبي لوكان تعرفي يماك رايحة للنار ماصامت ماصلاة ماعبدت ماتعرف القبلة وين. هنا صح أبكي وخافي

لكن أمك كبرت في طاعة الله ماتحزني ماوالو

رب يفرغ عليك الصبر ويشفيلك أمك ويشفي مرضى المسلمين.

انتبهي لدراستك ولمستقبلك وطريق الموت رانا كامل نمشو فيه بدون استثناء مانعرفوش وقتاش يجي برك

رب يحسنلنا الخاتمة

[lhossin]

قالو لي يتيم يتيم من امه وهي اغلى ما في الحياة انصحك بالصبر والدعاء وان كانت النفس تعجز قال ابن عقيل رحمه الله لولا ان القلوب توقن باجتماع ثان لتفطرت من فراق الاحبة اسال الله ان يشفيها ويجمعك بها وبنا في جنته حيث يكون اليقين والصفاء من غير نكد ولا مرض ولا ابتلاء اما الدنيا فما هي دار ذلك انه قريب مجيب

[نور الرحمة]

ربي يشفيها ان شاء الله

[أنيس خير جليس]

قال من لا ينطق عن الهوى صلى الله عليه وسلم :
عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .

وعند الإمام أحمد عن صهيب رضي الله عنه قال : بينا رسول الله صلى الله عليه وسلم قاعد مع أصحابه إذ ضحك ، فقال : ألا تسألوني مم أضحك ؟ قالوا : يا رسول الله ومم تضحك ؟ قال : عجبت لأمر المؤمن إن أمره كله خير ؛ إن أصابه ما يحب حمد الله ، وكان له خير ، وإن أصابه ما يكره فَصَبَر كان له خير ، وليس كل أحد أمره كله له خير إلا المؤمن .

[النرجووسة]

ربي يشفلك يمامك عاجلا غير اجلا

[loubna87]

إن شاء الله يشفيها .

[دعاء المحبوبة]

ربي يشفيها

[aminazy]

سلام عليكم جميعا
اختي ندعوا ليماك الشفاء
وانت عكس كوني قوية وردي بالك على قرايتك
ودعي يماك بالخير
لان يماك تحس بيك حتى واذا ما بينتيلهاش ،هي ام وتحس من داخلها
لذالك كوني على طبيعتك وامني انوا الله هو عالم غيب والسموات ولي فيها الخير
يكتبولنا .............

[loulou1988]

و الله صعيب الحال و وس بغينا قلنا منحوش عليك مي ديري ربي في قلبك و ان شاء الله ترتاح على خاطر كل شيء بيد ربي سبحانو صلي و ابكي و اشكي لربي غير هو اللييقدر على كل سيء

[سارة 1122]

ربي يشافيها امك

[adillo]

ربي يشفيهالك اللَّهُمَّ ربَّ النَّاسِ ، أَذْهِب الْبَأسَ ، واشْفِ ، أَنْتَ الشَّافي لا شِفَاءَ إِلاَّ شِفَاؤُكَ شِفاءً لا يُغَادِرُ سقَماً

[عسولة1987]

ربي يشفيها و يشفي جميع مرضى المسلمين و يعطيك الصبر و القوة امين يا رب العالمين

[melissa lola]

ربي يشافيها ويخفف عليها

[مناد بوفلجة]

و الله ندعوا لوالدك الكريمة الشفاء

عليك بالصبر ، و بشر الصابرين

[ibtihal18]

• اللهمّ اشفها شفاءً ليس بعده سقماً أبداً، اللهمّ خذ بيدها، اللهمّ احرسها بعينيك التّي لا تنام، واكفها بركنك الّذي لا يرام، واحفظها بعزّك الّذي لا يُضام، واكلأها في الّليل وفي النّهار، وارحمها بقدرتك عليه. أنت ثقتها و رجاؤها، يا كاشف الهم، يا مُفرج الكرب، يا مُجيب دعوة المُضطرين. اللهمّ ألبسها ثوب الصحّة والعافية عاجلاً غير آجلاً ياأرحم الراحمين، اللهمّ اشفها، اللهمّ اشفها، اللهمّ اشفها...اللهمّ آمين.

[أمل المستقبل القريب]

ربي يشفيها و يخليها لكم

[owl city]

اللهمّ اشفها شفاءً ليس بعده سقماً أبداً، اللهمّ خذ بيدها، اللهمّ احرسها بعينيك التّي لا تنام، واكفها بركنك الّذي لا يرام، واحفظها بعزّك الّذي لا يُضام، واكلأها في الّليل وفي النّهار، وارحمها بقدرتك عليه. أنت ثقتها و رجاؤها، يا كاشف الهم، يا مُفرج الكرب، يا مُجيب دعوة المُضطرين. اللهمّ ألبسها ثوب الصحّة والعافية عاجلاً غير آجلاً ياأرحم الراحمين، اللهمّ اشفها، اللهمّ اشفها، اللهمّ اشفها...اللهمّ آمين.

[nonoi]

نقولك حاجة صرالي واش صرالك كي كنت فالباك وكانت امي ربي يرحمها تتمنى اني نديه كنت نقعد نحفظ قدامها نخرج مالقراية نجي نقعد بحداها والحمدلله سمعت بلي ديت الباك بصح اليوم هاداك ماتت بكيت و شبعت بكا وما زلت للدرك نبكي على تقصيري في حقها كانت تقولنا ماتخليونيش فالسبيطا بصح كنا نخليوها خاطر كي يحكمها لوجاع ما نلقاوش وش نديرولها ديجا درك قلبي يتعصر ماتخليوهاش وحديها مهما يصرا و ربي يصبركم وكون تشوفكم مثلقين تفيق لازم ديرولها كوراج ربي يعينك

[ام رضوان]

اسأل الله الواحد الاحد الفرد الصمد الذي لم يلد ولم يولد ولم يكن له كفؤا احد ان يشفي امك وان يبارك في عمرها ويطمئن قلبك عليها آمين يارب العالمين وانصحك بنيتي بالدعاء والدعاء.

[MAMISSA]

ربي يشفيلك الغاليه امك ويشفيلي امي الحنونه انشاء الله والله يا اختي واحد ما راه متهني كل واحد و مشاكلو اللهم ارفع عنا الضر و الهم لا اله الا انت سبحانك انا كنا من الظالمين