ساعدوني لإيجاد حل

[ماريا 19]

السلام عليكم
مشكلتي هي أن إبني ذو الاربعة أشهر وأسبوع يحب اللهاية (السوسات) كثيرا وهذه الحالة عندها حوالي أسبوع، لدرجة أنه يرضعها ولا يتقبل الرضاعة مني، فما الحل ؟؟؟
ساعدوني من فضلكن

[*عائشة*]

http://www.shmmr.net/vb/uploaded/24734_01296875676.jpg

[samirovich]

انا اعرف ولد بقى حتى وصل سنة
ثانية ابتدائي يمص السوسات
وفي الليل لا ينام الا اذا كانت في فمه

[*وردة الشرق*]

انا ننصحكي نحيهالو في الاول رايح يبكي وما يحبش لكن في الاخير يستسلم ما ضعفيش انت فقط
وكوني قوية والله هي ما هيش حاجة مليحة وتفسد شكل الفم وتعقم الطفل على الاكل تاكلي على ربي ونحيهالو

[ماريا 19]

انا ننصحكي نحيهالو في الاول رايح يبكي وما يحبش لكن في الاخير يستسلم ما ضعفيش انت فقط
وكوني قوية والله هي ما هيش حاجة مليحة وتفسد شكل الفم وتعقم الطفل على الاكل تاكلي على ربي ونحيهالو

بارك الله فيك أختي
أنصحيني كيفاه نحيهالو إذا كانت عندك خبرة، لأنه هذا هو مولودي الأول ولا أدري كيف اعتاد عليها
لأنني بعد ولادتي قعدت مدة من الوقت في المستشفى، وبالتالي وجدته اعتاد على البيبرونة والسوسات، وبديت أرضعه رضاعة طبيعية لكن بعد شهر ونصف أصبح يرفضها بشدة ويبكي وتوقف على رضاعتي لمدة عشرون يوما، وبعد محاولات صعبة رجع يرضع نتع محتم، والان مشكلتي أنه يفضل السوسات على رضاعتي منين نجي نرضعو يبدى يبكي ويسكر فمو
ساعدوني من فضلكن مع العلم أنني أعمل وسوف اتركه عند عجوزتي (لا أعمل كثيرا في الاسبوع يعني معظم عملي في البيت).

[ماريا 19]

http://www.shmmr.net/vb/uploaded/24734_01296875676.jpg

هذي هي مشكلتي
شكرا على مرورك

[ماريا 19]

انا اعرف ولد بقى حتى وصل سنة
ثانية ابتدائي يمص السوسات
وفي الليل لا ينام الا اذا كانت في فمه


ربي يستر أنا خمسة اشهر وقلقني بيها
شكرا على مرورك

[*أم جابر*]

الحل الوحيد انك تنحيهالو و خليه يجوع شوية امبعد رضعيه الله يكون معاك اختي

[(( هبة الرحمن ))]

لوكان تنحيها نهائيا راح تنغبني في تربيته
وكليها ومبعد رجعيها ..انت راكي غير يبكي تخافي منه
لأنها تسكته كي تكوني مشغولة...ويلهى فيها ..وما تنسايش راح يبدا يخرج الأسنان يظل نهار كامل يبكي
وليد أخي حتى دخل التحضيري رماها غير وحده وماشاء الله راه في الجامعة وذكي جدا .....

[ماريا 19]

لوكان تنحيها نهائيا راح تنغبني في تربيته
وكليها ومبعد رجعيها ..انت راكي غير يبكي تخافي منه
لأنها تسكته كي تكوني مشغولة...ويلهى فيها ..وما تنسايش راح يبدا يخرج الأسنان يظل نهار كامل يبكي
وليد أخي حتى دخل التحضيري رماها غير وحده وماشاء الله راه في الجامعة وذكي جدا .....
شكلتي انه اصبح لا يحب ان يرضع حليبشي, والببرون بالسيف يرضع شوشي فقط, وكل همه السوسات, انصحوني ما افعل من فضلك.

[oprah]

ربي يكون في العون
معنديش خبره بصح أنا تاني وليدي حاكم السوسات و ساعدتني بزاف يعني كي يجي يرقد نديرهالو ينعس
هي مليحه و تعاون بصح كي عافلك صدرك هنا المشكل
ان شاء الله البنات يساعدوك

[kikimnarim2]

انا نقولك الطفل كما تسيريه يسير برك تصبري عليه كثري من صدرك كي يرقد يرقد على صدرك وكي ينوض ينوض على صدرك حتى يكره بصح انت ما تكرهيش انا هكذا درت لبنتي باش نسات البيبرون

[(( هبة الرحمن ))]

شكلتي انه اصبح لا يحب ان يرضع حليبشي, والببرون بالسيف يرضع شوشي فقط, وكل همه السوسات, انصحوني ما افعل من فضلك.

شوفي حنونة
كي يجوع يرضع .. كاين أطفال شهيتهم قليلة
أو ممكن المشكل ماشي في السوسات .. شوفي مع الطبيب ربما مريض من الحلق ومايقدرش يبلع يلهى فالسوسات يرتاح
ثاني كاين أطفال يخرجوا الأسنان بكري شوية على 5 أشهر ،، ربما اللثة توجعه يحب يكدد السوسات
هذه احتمالات فقط
شوفي اديه للطبيب باش يوزنه ويفحصه ويقولك أفضل ..هكذا ترتاحي .
ربي يريح قلبك

[ماريا 19]

الحل الوحيد انك تنحيهالو و خليه يجوع شوية امبعد رضعيه الله يكون معاك اختي

شكرا لك اختي, لكن كيفها نحيهالو وبطول بها ينساها

[ماريا 19]

شوفي حنونة
كي يجوع يرضع .. كاين أطفال شهيتهم قليلة
أو ممكن المشكل ماشي في السوسات .. شوفي مع الطبيب ربما مريض من الحلق ومايقدرش يبلع يلهى فالسوسات يرتاح
ثاني كاين أطفال يخرجوا الأسنان بكري شوية على 5 أشهر ،، ربما اللثة توجعه يحب يكدد السوسات
هذه احتمالات فقط
شوفي اديه للطبيب باش يوزنه ويفحصه ويقولك أفضل ..هكذا ترتاحي .
ربي يريح قلبك


شكرا, هو كل العلامات تقول بلي راح ينبت اصبح يخرج لسانه

[Simassim]

اختي مادام ماراهش يرضع لا حليبك لا بيبرون شوفي بالاك يكون مريض من فمه او حلقه او ادا كانت اللثة منتفخة قادر يكون يسنن

السوسات نصيحة ماتنحيهاش الان تنفعك فالمستقبل
بصح ماتطوليش بيها بزاف متلا فعام او عام ونص كأقصى حد

باش تنحيها ديريلو فيها حاجة مرة او حاجة ذوق تاعها مايحبوهش الصغار يعيفها او ممكن تقصي الرأس تاعها وتمديهالوا مايقدرش يمصها تقعد تطيح حتى يبطل وحدوا

[ماريا 19]

اختي مادام ماراهش يرضع لا حليبك لا بيبرون شوفي بالاك يكون مريض من فمه او حلقه او ادا كانت اللثة منتفخة قادر يكون يسنن

السوسات نصيحة ماتنحيهاش الان تنفعك فالمستقبل
بصح ماتطوليش بيها بزاف متلا فعام او عام ونص كأقصى حد

باش تنحيها ديريلو فيها حاجة مرة او حاجة ذوق تاعها مايحبوهش الصغار يعيفها او ممكن تقصي الرأس تاعها وتمديهالوا مايقدرش يمصها تقعد تطيح حتى يبطل وحدوا

شكرا لك اختي, تعرفي دورها وندمت عليها لانه يفضلها على صدري والحل الي راكي نتبع فيه هو كي ينعس نرضعو

[فرح حياتي]

شوفي ماتخليهش يغلبك
مزية لي تولهتي معاه وتقدري تنحيهالو وهو صغير
خليه يجوع ويبكي ويبكي ومديلو صدرك
سوسات لاوالفها وهو كبير صعيبة عليك تنحيهالو
كوراج برك

[amani38]

نصيحتي ليك من واقع تجربتي المتعبةجدا مع ابني و إياكي تنحيلو السوسات و ترجعي صدرك هو السوسات هذا اكبر خطأ انا ندمت الي مولفتلوش السوسات تخيلي انو كلما راه يكبر و راه يتعلق صدري اكثر فأكثر و يبات ليل كامل يرضع و قرن الرضاعة بالنوم معناها كلما ينعس او يخسر رقادو تعاني معاه صدقيني مانيش نرقد في الليل خلاص
معناها ابقاي اعطيلو صدرك للرضاعة و السوسات للنوم و ممكن جداةيكون في فترة تسنين و شهيتو ناقصة و ادا حبيتو دخليلو رضاعة واحدو قبل النوم و ربي يعينك و يعينا اجمعين

[ماريا 19]

لكل أخت جاوبتني نقلها ربي يسترك دنيا وآخرة
وربي يعطيك ما تتمناي

[hichamcameraman]

الحل الوحيد انك تنحيهالو و خليه يجوع شوية امبعد رضعيه الله يكون معاك اختي