مشكلة التسوق

[أمّ علي]

كثيرا ما اود التسوق مع زوجي لاكن في كل مرة اجده يصبح عصبيا والكثير من المرات لاأفهم لماذا يستعجل الأمر وفي الوقت الذي اكون انامستمتعة أجده مشوش التفكير هل الرجل لا يحب التسوق ام ماذا و هل يحدث هذا معكم.

[*سندوسة*]

ربما نظرات الشباب في الشارع لا تعجبه لان كل رجل اصيل يغير على اهله

او ربما انشغالاته وضيق الوقت
او يخاف من ان يعجبك التسوق ترجعي جيوبه فارغة ههه
كاين عدة اسباب ونتي قريبة من زوجك نتي هي لي تعرفي

وتبقى كلها فرضيات جالت بخاطري
موفقة

[يوسف برياني]

مي هكا حنا الرجال مانحبوش التفلسف بزاف ....- الخروج كثيرااااا .
1 وكذلك لا تعجبا تصرفات الشارع في الوقت الحاضر

....................

[hadjer17000]

السلام عليكم
انا تاني راجلي يكره بسرعة

[ibtihal18]

اغلب الازواج لا يفضلون التسوق مع زوجاتهم و اغلب الزوجات يشتكين مرارة التسوق مع الازواج ...................انا نقول ممكن راه يشوف حوايج فالشارع ماهيش تعجبو و راهي تقلقو ............ممكن ما تعجبوش طريقة تسوق النساء و انت تعلمين اننا ندخلو 10 حوانت باع نقررو نشريو حاجة و ساعات ندخلو نسقسيو على الثمن و حنا ماناش اصلا رايحين نشريو و تعرفي حنا النسا ملي نخرجو من الدار و حنا نسلمو و كم اكره هته اللقطة و اظن هاذو الحوايج الزوج ما يصبرش عليهم .............و كاين اسباب عديدة
بالنسبة ليا انا راني فالغربة و نخرج غير مع الزوج تاعي و كي نخرج نكون علابالي واش رايحة نشري و اغلب الاشياء نجيبهم من بلادي كي نرجع ....................ولا اخفي عنك اني انا اللي نتقلق من التسوق اما زوجي فلا.
سلام

[كنزة88]

وش نقولك انا خطيبي نفس الشي ولمشكل انا تاني مانيعجبنيش الحال نحوس مع صاحبتي خير

[عائشة07]

هدي هي عقليتهم الرجال ما يحبوش التسوق حتى انا زوجي هكدا بسرعة يمل ولما نلاحظ انا تاني نكره ونخرج حتى بلا مانشوف واش حبيت اصلا هم مزعجين في التسوق
يبقو يطلعو فالحسابات ويتسببو بامور اخرى ههههه
لما يكون وحدو يتسوق مايحسش بالوقت كيف يمر ولما تكوني معاه يبقى يشوف فالساعة وتجيه السخانة وادا كاين المكيف راسه يدره ويولي يحشم من النساء المتواجدين بالمحل ويتعب من الوقوف و اكدا كان المحل خاص بامور النساء مايدخلش اصلا . و. و ههههه وقائمة الاسباب طوييييلة هههههه الي تجبرك على التخلي عن التسوق وتستسلمي وتروحي لدار
تبانلي انه يزعجهم مثل مايزعجنا حنا النساء المبارات تاع كرة القدم واخواتها من تحليلات و وبرامج هههه
مشكورة على الموضوع

[سوستال]

ربما لايحب التسوق

[نسيبة2012]

التسوق في وقتنا اصبح عفن !!!!!!!!!!!!!!!!!!!!!!!!!
انا شخصيا زوجي يكره بشدة التسوق وكي نجي نخرج معاه طبعا للسوق نجيب اسبوع و انا نحاول فيه وهو يتجاهل فالموضوع ......
ويا ويلي في الطريق من السماطة والسكات والتنهمير واش نحكي ...............وكي نوصلو للسوق من محل او اثنين ما نزيدش وبين الخرجة والثانية من شهرين وروحي.......المهم اخواتي رانا كامل كيفكيف ........................تقبلن مروري..

[أمّ علي]

ربما نظرات الشباب في الشارع لا تعجبه لان كل رجل اصيل يغير على اهله

او ربما انشغالاته وضيق الوقت
او يخاف من ان يعجبك التسوق ترجعي جيوبه فارغة ههه
كاين عدة اسباب ونتي قريبة من زوجك نتي هي لي تعرفي

وتبقى كلها فرضيات جالت بخاطري
موفقة
شكرا أختي طلعتيلي المرال

[أمّ علي]

مي هكا حنا الرجال مانحبوش التفلسف بزاف ....- الخروج كثيرااااا .
1 وكذلك لا تعجبا تصرفات الشارع في الوقت الحاضر

....................
شكرا أخي لكن من الضروري شراء ا المستلزمات الخاصة بالمنزل انا لا اقصد سوق الخضر وهو ليس بالخروج الكثير بل مرة في 15 يوم .

[أمّ علي]

السلام عليكم
انا تاني راجلي يكره بسرعة
شكرا أختي ربي يصبرنا على كل حال كل واحد وهواه

[أمّ علي]

وش نقولك انا خطيبي نفس الشي ولمشكل انا تاني مانيعجبنيش الحال نحوس مع صاحبتي خير
شكرا أختي لكن عندما تتزوجا توجد أشياء تحبي يكون معك مثل لباس العيد للاطفال او أفرشة للمنزل الى غير ذلك.

[أمّ علي]

هدي هي عقليتهم الرجال ما يحبوش التسوق حتى انا زوجي هكدا بسرعة يمل ولما نلاحظ انا تاني نكره ونخرج حتى بلا مانشوف واش حبيت اصلا هم مزعجين في التسوق
يبقو يطلعو فالحسابات ويتسببو بامور اخرى ههههه
لما يكون وحدو يتسوق مايحسش بالوقت كيف يمر ولما تكوني معاه يبقى يشوف فالساعة وتجيه السخانة وادا كاين المكيف راسه يدره ويولي يحشم من النساء المتواجدين بالمحل ويتعب من الوقوف و اكدا كان المحل خاص بامور النساء مايدخلش اصلا . و. و ههههه وقائمة الاسباب طوييييلة هههههه الي تجبرك على التخلي عن التسوق وتستسلمي وتروحي لدار
تبانلي انه يزعجهم مثل مايزعجنا حنا النساء المبارات تاع كرة القدم واخواتها من تحليلات و وبرامج هههه
مشكورة على الموضوع
والله اشكرك كثيرا اختي لأن اذا عمت خفت
صدقيني لا اقصد محلات خاصة بالنساء لان أكيد سينزعج لاكن أقصد التسوق الخاص بالمنزل .

[أمّ علي]

ربما لايحب التسوق
شكرا أخي لاكن في كل مرة أقول له ان كنت غير راغب في الذهاب قل لي فقط فيقول لا. ثم نخرج كالعادة......

[أمّ علي]

التسوق في وقتنا اصبح عفن !!!!!!!!!!!!!!!!!!!!!!!!!
انا شخصيا زوجي يكره بشدة التسوق وكي نجي نخرج معاه طبعا للسوق نجيب اسبوع و انا نحاول فيه وهو يتجاهل فالموضوع ......
ويا ويلي في الطريق من السماطة والسكات والتنهمير واش نحكي ...............وكي نوصلو للسوق من محل او اثنين ما نزيدش وبين الخرجة والثانية من شهرين وروحي.......المهم اخواتي رانا كامل كيفكيف ........................تقبلن مروري..
أكيد أختي اتقبل مرورك العطر ويسرني رأيك .طلبت رأيكم حتى افهم و أتجنب احراج زوجي أكثر.

[وصال سلام]

اخرجي مع امك ولا الوالدة نتاعو ولا واحدة من القراب ليك وهني رووحك من التخرنين تاعو يالطييييييييييييف ربي يكون في عونك

كي علابالو بروحو مايحملش علاه يخرج معاك

شوفي كي تدخلي للحانوت خليه يقعد مع مول الحانوت يقصر معاه شوي دوكا ينسى كلش هذا الحل اذا صمم يخرج معاك

[anfal10]

اغلبية الرجال ان لم اقل كل الرجال لا يحبون التسوق لانهم رجال :1::1::1:
لا يمكنهم التجوال من محل الى آخر و البقاء كثيرا خاصة ان بعض
الفتيات ذوقهن صعب جدا فهي تقوم ب الف دورة و ربما لن تجد ما ترغب به
الرجل لا يمكنه ابدا ان يفعل ذلك في بعض الحالات يفضل الذهاب الى مكان محدد و ينتظر فيه
اظن ان الازواج كلهم لا يحبون لاتسوق ليس كما تعتقد المراة انه ينزعج منها هي بالذات بكل بساطة لا يستهويه التسوق و التجوال على عكس المراة.......
من الاحسن التسوق مع الام او الاخت او الصديقة :1:

[chouchou w]

سلام عليكم انا انحس راجلي مزروب او متقلق سقسيتو قالي كيكون الغاشي بزاف و احيانا اتكون مناضر غير لا اقة حنا انساء مننتابهوش ليها تعرفي كي نشوفو لحوايج نعماو هههههه سلام:19::19::19::19::19:

[samirovich]

يا اختي هذه اللقطة نكره عندما تفعلها معنا النساء في الشارع
هل سنطير مثلا؟؟
http://www12.0zz0.com/2015/03/13/01/903207978.jpg

بالتوفيق