تصوروا ما فعلت زوجتي

[مشكلتي]

السلام عليكم

انا شاب طول عمري لم أقم علاقات مع الجنس الآخر ..مع اني كنت معجب بيني وبين نفسي ببنت الجيران دون إخبارها وبعد رحيلنا أنهيت دراستي وتوظفت وتعدلت اموري طلبت من أمي خطبة تلك الفاتاة (مع شكي في قبولهم) لكن أهلها قبلوا ورحبوا بي
حتى باباها فرح بيا وجاني للجامع وهدر معايا وزاخ بيا كيما يقولو قدام الناس وقدمني على اني نسيبوا قدام المصليين المهم حشمني تصوروا حتى انو جابلي رقم بنتو هدرت معاها وكانت تحدثني لوقت قصير . انا قلت راها حشمانة ولا مش موالفة وانا زعما قلت نهدر معاها باه نتفاهموا

المهم تجاوزنا الامر وبديت استعدادي للزواج وجمع المهر والمشاغل هادي ... وتعبت لأجل ذلك
وليلة زواجنا وجدت زوجتي بحالة حزن وبكاء ... انا تفاجئت وسألتها عن السبب فلم تجبني
حاولت مرارا دون فائدة وكنت على وشك اخبار أهلها لكني خشيت الفضيحة فصبرت للغد

تصورو أنها قالت: انت مش الشاب الي نحوس عليه وانها عندها واحد متمنياتو بصح باباها فرض عليها الزواج بيا وانها رافضتني رفضا قاطعا وانها مش متصورة روحها زوجة ليا انا غضبت وصرخت وكسرت الاثاث وكل شي وبعد قتلها راني رايح نطلقك بصح بمزية باباك راجل زين رايح نخليك تقعدي على الاقل شهر ...... الصراحة غاضتني عمري

بعد فاتت الايام ونحن منفصلين وكي نجيب المصروف نحطو في الكوزينة ونجي خارج لا احدها الا للضرورة
وبعد عشرين يوم بدات تتغير ولات تتزين وتحب تهدر وتسقسي ووتهتم بي كما لو لم يحدث شيئ
وطلبت أن نعيش كزوج وزوجة لكني رفضت وهي ترفض الطلاق ووعدت بالوفاء

الصراحة أريد الطلاق خاصة اننا الامور بيننا على حالها كما لو كنا لسنا زوجين وخشيت كلام الناس ان طلقتها لكني أصبحت لا أطيقها من جراء ما حدث

فما نصيحتكم؟

[dahmane42]

لا يا أخي تصرف بالهدوء و انعل ابليس هذا الشيطان راه اوسوس لك و اصبر و استعن بالصلاة و الدعاء
ربما هذه هي الزوجة الصالحة و ان شاء الله ربي ابارك لك فيها
لا تتسرع أخي

[ام رضوان]

بسم الله الرحمان الرحيم

اولا يا اخي قبل ماتبدأ اي خطوة صلي صلاة الاستخارة وادعي ربي من قلبك باه يبين لك طريقك .

ثانيا اعطيها فرصة مادام بدأت تتقرب منك وماتلومهاش لانهم ضغطو عليها اهلها وربما خافت منك وهاذا شىء عادي

راه كاين ازواج يعرفوا بعضعم وفي ليلة الدخلة يرتابكو ويخافو .

بينلها بلي راك نعم الزوج بطريقتك كن لها رحيما حليما عطوفا .........الخ حتى تندم على كي فكرت فيك هذا التفكير الخاطئ .

وربي يجمع بيناتكم غير بالخير أأأممممممميييين.

[tahar_baron]

يا اخي كان الله في عونك الامر لا يحس به الا من ابتلي
هذه بنات اليوم و نسبة كبيرة منهم عافانا الله
تتقدم لها في الحلال و تفعل المستحيل و في الاخير ههههه ماذا تربح
يحبون الذي يرخسهم و يمسح شرفهم في الارض حاشا فئة قليلة
لهذا السبب افضل دائما معرفة عقلية و طباع الفتاة قبل الزواج
هذه عبرة لمن يقول دقدق الباب مباشرة
للاسف اختلط الحابل بانابل
انا اقول ابغض الحلال عند الله الطلاق
زد ماخسرته في العرس يعني كل ما جنيته في حياتك
انا اقول لك اخي لا تطلقها لاكن عاملها معاملة جافة
حسسها بالذنب الذي ارتكبته
اياك ان تكون عاقلا او رومنسيا معها
لا تقيمها كثيرا لا تبالي بها و لا تتخلى عنها
كما قال الاخوة صلي صلاة استخارة لا تعلم الخير اين
علي الاقل هذه احبت .... ما خفي اعظم

[abdellah36]

من الواضح أنك شخص طيب كان يجب عليك أن تأخذ حقك الشرعي من أول ليلة ثم تخيرها بين البقاء او الرحيل

[ابتسام smile &hope]

قصتك مشابهة لقصة قراتها لكاتب يدعى توفيق الحكيم
في نهاية القصة عاشا معا بسعادة وهناء

[oprah]

السلام عليكم
ربي يكون في العون ننصحك صلاة الاستخارة و الدعاء و ربي هو يوجهك بادن الله
مي هي تاني علاش مقاتلكش كي هدرت معاك في التلفون قبل ماتجي الفاس في الراس

[ام رضوان]

ياناس الخير خليوكم محضر خير السيد راهو ابن اصل وفاميلا وحاكم في ربي ويستنا في لي يوجهو لبر الامان وحاسب للقصة الف حساب ونتوما تزيدو في الزيت على النار ربي يهديكم وانت يا اخى ربي يكون في عونك لانو الشيء اللي راك تمر بيه ماهوش قليل ربى يوجهك للي فيه الخير .

[بنت لبحر]

ربي يكون في عونك اخي

صلي استخارة و خليها على ربي فعلا انت في موقف لا تحسد عليه .ربي يكون في عونك

[بنت الجزائرية]

اخي ارجوك فهمني لوكان اهلك فرضو عليك بنت ونتا تحب اخرى رايح تتفاهم معاها من اول نهار مستحيل عادي بدا معاها صفحة جديدة وخليك من راي ناس لي يدي للواد

[عين الصقر]

أنت في الأخير نويت تطلقها
لن تخسر شيء أعطيها فرصة وشوف ممكن الطفلة ندمت أو كانت خائفة
لم تذكر كم عمر زوجتك ؟ ربما هي مازالت مراهقة أو غير ناضجة؟
إذا ماتفاهمتوش طلقها
لكن للأسف راح يبقى دائما عندك شك فيها وهذا لا يمكن إنكاره

[sarl02]

انت بتصرفك بهاته الطريقة ابنت عن اصالة معدنك ومعدن عائلتك واحييك على رزانتك وحكمتك ...لكن تاكد انه قضاء الله وقدره ولا مفر منه وما اصابك شيء ليخطئك خليك مؤمن اخي الكريم....المهم انا لا انصحك بالاستمرا في هاته الزيجة لانك ستعيش في هم وغم كبيرين مستقبلا ولا مجال للعواطف والنظر لاهلها في هذا الامر بالذات...لان الامر يتعلق برجولتك وشخصيتك وكانت تستطيع ان تخبرك بالامر قبل الدخول بها وكل واحد اروح لحالو قبل العرس وهذا خطا يحسب عليها ..اما باعترافها لك بان هناك شخص اخر تتمناه فهنا نقطة الى السطر فوالله لا ارضى لنفسي ولاي شخص كريم اخر ان يتزوج بواحدة لا يكون هو الكل في الكل عندها .....لذا اقول دائما لانصار دق البيوت مباشرة هذه هي النتيجة لهذا وهي بالطبع ليست حتمية ومطلقة ....وخاصة في هذا الزمان وجب التعارف الجاد قبل الارتباط ...وفقك الله اخي.

[hodayena]

اخي الكريم لوكان تبع هدرت الناس ياو تطلقها من نهارها
اخي انظر الى ربي قبل كلشي
الطفلة تبانلي صغيرة ومش عارفة واش هدرت وانت تبان رزين
مش ساهل تكمل مع انسان جرحك في اول ليلة والي هي الليلة الي يستنها اي اثنين وليلة العمر
المهم اخي ديرها لوجه الله وقول راح نكمل معاها رضا لربي فقط مش لاي انسان وراح ربي يطيح عليك رضا متتوقعوش انت ربي ابتلاك وراه يشوف في قوتك ومدى ايمانك الكبير بربي خليك من الي يقول رجولت ووووووووووووووووووووووووووووووووووووو مكاش منها الامر بينك وبينها وبين ربي سبحانو صلي وادعي وحنن قلبك وخليها تتاسف وتحس بغلطها لكن لا طلاق كيما نقولو عاقبها بما شرعه الله تعالى حتى تحس بواش دارت ومتعاودهاش ومن بعد ادا صبرت على عقابك وشفتها متمسك بيك حنن قلبك وابدا معاها بداية جدية كانكم تطلقتم ورجعتم
ربي دار لرجل طرق باه يربي مرتو بعيدا عن الطلاق
وانا في راي راك في ابتلاء اما تصبر وتحتسب اما تكفر وتنكر وتطلقها
اسيدي ادا مغضتكش هيا شوف لوالدها من كلامك باين بلي طيب وانسان محترم اتفكر كلمتك معاه وقلها بابك راجل وعلى جالو وعلى جال الكلمة راح نسيو نبداو من جديد فقط كعقاب اخي ومن بعد ربي راح يفتح عليك من باب واسع وراح تتغير وتزيد تحبها وهي تحبك وتجيبولنا اولاد وبنات حلوين وطمنا عليك اخي الكريم وعلى الزوجة الكريمة

[shams7]

يا ولد الناس نصيحتي ليك نصيحة ما تتعوضش
الا هي كانت ناوية واحد وانت كنت من المكتوب راح تخسرها هذي المرة مرتين
خليك مع مرتك وحاول تنسى لي فات وهذاك عقل مرا صغيرة
معاك انت تكبر

[محمد جديدي التبسي]

الأمر يحتاج إلى عقل لا إلى عاطفة ويعتمد على شخصيتك
موقف صعب جدا ربي يفتح عليك

[سوستال]

الخير فيما اختاره الله.. ربي يكون في عونك

[tahar_baron]

هذا كان خطاك من الاول على القل كنت تعرفت بها و هل هي قابلة بيك او لا
قبل ما يطيح الفاس في الراس
عكس نظرية اصحاب دقدق الباب
انا نقول ان هذه الفتاة خدعتك و جرحاتك
لا احب الطلاق لما فيه من اذى للطرفين
لكن الى متي الرجل لازم هو اللي يتحمل و يعاني و تلقى بنات حاشا ان يكونو من جنس الانسان يلعبو برجال ولاد فاميليا
لما لم تصارحك من قبل .... لما كل هذا الاذي ..... لماذا كل هذا الغباء من النساء
القرار صعب اتخاذه لاكنك رجل
و الله يصلح الاحوال و يرزقك بافضل منها

[رَكان]

لو عندي مشكلة ما لما غامرت بطرحها هنا ..الكل ينصح ويوجه ..يا الله .الصمت أحسن .

["جنة فردوس"]

ربي يسهل امورك اخي

[الكـ الطيبة ـلمة]

لا لخراب البيوت

استعن بالله و ادعه ان يختار لك الاصلح لك و لها

ربي يستر عوراتنا جميعا و يهدينا الى سواء السبيل

[ولد الشاوية]

ما كانش منها .. انا يا اخي لو جيت في مكانك نفرق السوق
رايح تعيش حياتك موسوس
و الحياة الزوجية فيها المشاكل و اول ما يحدث مشكل رايحة تتفكر صاحبها
ما دام الامر في البداية لانه بعد راح يكون فيها اولاد وتتعقد الامور
الزواج في و قتنا هو بحث عن الكنز المفقود..
و لي يقولك معرفة البنت قبل الزواج قولو كون ماكاش هذه المعرفة ما يحدثش لي هذا المشكل لان زوجتي عرفت واحد قبل الزواج و هذه هي النتيجة
و تذكر يا اخي مادامك طيب ربي يرزقك طيبة

[ababoumed]

صلي استخارة و خليها على ربي ف .ربي يكون في عونك
اعطيها فرصة

[تينا ماريا]

اخي صلي صلاة الاستخارة و شوف اذا ارتاحت نفسك ليها فبها ونعم اما اذا بقيت تخمم في الطلاق و ماقدرش تسامحها فتسريح باحسان

و ربي ينوب عليك بوحدة تستهلك صح

[مناد بوفلجة]

السلام عليكم


على الأرجح أن زوجتك مريضة نفسيا

لهذا إسأل جيدا أباها أو أفراء عائلتها

ربما تحتاج للعلاج


ربي يكون في عونك

[(( هبة الرحمن ))]

ما لم أستوعبه أنك ثلت : والدها أعطاك رقم الهاتف - هل الأب الصالح له الجرأة على فعل ذلك وأنتم في فترة خطوبة -
ثم لماذا لم تصارحك في الهاتف قبل الزواج.............
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
إذا صدقت القصة
شغل مخك.....وحافظ على رجولتك ..........
أنا امرأة ولو قال لي الزوح أحب أخرى والله العظيم لن أنظر في وجهه ما حييت ...........

[ماريـام]

السلام عليكم

انت تقول انك تحبها فلا تفرط في حبك

النساء تتغير ممكن شافتك احسن من الذي احبته اصلا راه سمح فيها


متهولش الحالة اهدر معاها و ادي حقك الشرعي و انسى و ادعي اللهم اصلحها و احببها في و مبروك عليك انا صراحة راني نشوف فيها بداية قصة حب رائع ههههههههههه يشبه لقصص حب الروايات