لقريتلية (او الدويدة )

[اماني البتول]

السلام1
اليوم حبيت انقدملكم شيء من تقاليد منطقتنا وهو من نوع العجائن ونسميه (لقريتلية )نعملوه في المنزل بالسميد والماء فقط نبله ونعجنوه اميليح وكي نخدموه ندهنو يدينا بالزبدة وهذا العجين تعمل المراة في البيت ومن اسسيات الخزين مثل الكسكس وشخشوخة الضفر والتريدة نعملوه في المنسبات مثل الافراح ونقدمه لضيوف ورغمى انه يشد اليد والوقت فانه شيء تقليدي ولذيذ جدا اليوم وضعت لكم طريقة العمل والمرة الاخرى سوف اضع كيف انطيبوه ونقدموه فارج ان يعجبكم

http://www.3rbz.com/uploads/083f970542781.jpg

http://www.3rbz.com/uploads/dca0243abeef2.jpg

http://www.3rbz.com/uploads/6edab3c9ef552.jpg

http://www.3rbz.com/uploads/057feaf274614.jpg
هذه العجائن نعملها فوق الغربال بالحبة ولها مثل في منطقتنا انقلوه تتعمل بالحية وتتكل بالمغرف فارجو ان تعجبكم شكرا

[linda-b]

على اسمها ماتشهيش

[اماني البتول]

شكرا اختي على ردك وكيما قلتي اسمها ميشهيش ولاكن عندما تحضر ما تتشبعش ولكل منطقة لها مصطلحتها في الكلمات كما تعرف الجزائر غنية في كل الشيء من اكلات ولباس وحتى في اللغات شكرا نورت صفحتي

[ام ايمان16]

يعطيك الصحة
ماصورتيناش العجينة
لعقوبة تصوريلنا كيفاش تطيبوها
في الشربة تديروها؟

[اماني البتول]

شكرا اختي تفاحة على مرورك نورت صفحتي اما بالنسبة للعجينة فهي تشبه عجينة الشخشوخة اي شخشوخة الضفر وتاتي ناشفة عليها شوي ونعملوها في الشربة وانطيبوها مثل اتليتلي بالجاج والا اللحم وتزين بالبيض والحمص شكرا

[ام ايمان16]

يعطيك الصحة

[سلمى البوسعادية]

يعطيييييييييييييييييييييك الصحة

[ام الهضاب]

إيه نعرفها لكن حسب معرفتي أنها تكون مكربعة اي نأخذ العجينة و نبدأ نكربعها بين اصابعنا و نضعها تنشف و ليس بالطول مثل هذه و إلا راني غالطة

[*أم جابر*]

بارك الله فيك اختي ربي يجازيك كل خير حنا نقولولها "المقطفة"و نديروها في الشربة فقط مانديروهاش طبق وحدها و كانت جدتب ربي يرحمها دايما تخدمها و تخبيها
والان ولاو يديرو في بلاصتها الفرميسال

[اماني البتول]

شكرا اختي ام هضاب على مرورك نعم هي تتعمل بين الاصابع في منطقتنا نعملها هكذا وفي مناطق اخرى يعملوها مثل حبات التليتلي شكرا نورت صفحتي

[اماني البتول]

شكرا لكي اختي ام اسيد1على ردك الجميل نعملها في الشربة ونعملها طبق مثل التليتلي ونعملها كذالك بتمر والزبدة تجي هايلة وفي كل منزل من منطقتي يعملوها وينشفوها وخبوها هي شيء تقليدي ولذيذ شكرا

[linda-b]

شكرا اختي على ردك وكيما قلتي اسمها ميشهيش ولاكن عندما تحضر ما تتشبعش ولكل منطقة لها مصطلحتها في الكلمات كما تعرف الجزائر غنية في كل الشيء من اكلات ولباس وحتى في اللغات شكرا نورت صفحتي


مشكورة حبيبتي كنت نضحك معاك يعطيك الصحة مبصح تبان تعيي في خدمتها لالا؟

[tokio hotel]

يعطيك الصحة اختى هايلة كى كانت ماما على ديدانها تفتلها و تبعتلى
سخفتينى حقة تقرعيجة على الخفيف وين بالضبط فى القل

[اماني البتول]

يعطيك الصحة اختى هايلة كى كانت ماما على ديدانها تفتلها و تبعتلى
سخفتينى حقة تقرعيجة على الخفيف وين بالضبط فى القل اتقرعيجة امليحة في المدينة وبطبط من الجردة اذا كنت تسمع بيها اي (شبه الجزيرة )وربي يحفضلك الوالدة ان شاء الله وكن جتيني قريبةنبعتلك شكرا

[اماني البتول]

مشكورة حبيبتي كنت نضحك معاك يعطيك الصحة مبصح تبان تعيي في خدمتها لالا؟
شكرا لكي اختي على مرورك العطر احنا ولفنا خدمتها تجينا سهلة هي امقيتى ولاكن النتيجة مشجعة شكرا

[tokio hotel]

عرفتها من صور الدار قلت اكيد من الجردة حقة عجبتنى كوزينتك روععععععععععععععععة واش رايك تكريلى دارك فى الصيف هههههههه

[اماني البتول]

مرحبة بيك في كل وقت واذا مهزتكش الدار انهزك فوق راسي ولي سؤال ا امكن وانت من اي منطقة شكرا

[مريم منصوري]

منعرفهاش قبل بارك الله فيك