عادات غريبة في الأعراس الجزائرية

[*سندوسة*]

السلام1

تمتاز الأعراس الجزائرية بطبوع خاصة توارثتها العائلات جيل بعد جيل وصارت بمثابة الأعراف التي لا تخرج عنها أغلب العائلات في كامل ربوع الوطن ورأت أن الخروج عنها يجلب النحس للعروسين معا لذلك ألزمت نفسها بها. ومن يقف عليها في الأعراس يلاحظ أنها تتراوح بين الأعراف العادية وأخرى تخرج عن المألوف حتى أن بعضها تدخل من باب الخرافة إلا أننا نجد العائلات تحرص على إتيانها في الأعراس خوفا من تعرض العروسين إلى النحس.
تقول نسيمة خباجة
تتنوع العادات والأعراف من ولاية إلى أخرى إلا أننا نقف على بعض العادات التي تأخذ طابع الغرابة في بعض الأحيان ونجدها أعرافا ملزمة لدى العائلات لا تخرج عنها مهما كلفها الأمر، فالخروج عنها هو خروج عن عادات الأجداد ويمس وقار العائلة ونجدها أنها عادات في أغلبها تمس العروس أكثر من العريس وتتنوع من ولاية إلى أخرى تبعا للعادات المتداولة على مستواها.
وإذا وقفنا على بعضها بولايات الغرب نجدها عادات تخرج عن المألوف نوعا ما، فمثلا العروس الوهرانية تلزم عند نهاية (التصديرة) على رمي ملاعق تكون على حسب عدد إخوة زوجها من ورائها وهي تمشي في القاعة لكي يذهب طفل صغير إلى جمعها وتكون عادة ملزمة لا تخرج عنها العروس الوهرانية في غالبية الأحيان تيمنا بإنجاب عدد من الأطفال حسب عدد الملاعق.
أما إذا نظرنا إلى العروس الجيجلية فنجدها أنها تصفع من طرف أخ زوجها الصغير أثناء زيارتها إلى أقرب شلال في المنطقة وهي عادة تخرج نوعا ما عن المألوف إلا أنها تتكرر في أي بيت جيجلي في الأعراس خاصة، ومن يخرج عنها فقد خرج عن عرف القبيلة. أما في العاصمة وفي ولايات الوسط كالبليدة فتحزم العروس صبيحة اليوم الموالي لزفافها وتكون التحزيمة بالفوطة القبائلية التي تمتلئ بالحلويات لتوزعها العروس على المدعوين في تلك الفوطة، وهناك من يذهب بالعروس إلى الحديقة وهي تحمل إنائين لتغرس نبتة هناك تعد نبتتها في بيت العائلة كفأل خير عليها وعلى زوجها.
ولو ذهبنا إلى أعراف سيدي أمعمر الولي الصالح بولاية الشلف فإننا نجد أن أعرافه متعددة ومتنوعة، فمثلا العروس تزف حافية إلى جانب عدم تذوق أكل بيت زوجها في تلك الليلة كعادات متوارثة لدى العائلات الشلفية.
تلك الأعراف التي طبعت الأعراس الجزائرية منذ القديم وهي على الرغم من خروجها عن المألوف في بعض الأحيان إلا أنها تبقى عادات راسخة في أغلب الأسر تستمد منها الأعراس الجزائرية رونقها وخصوصيتها.
وعلى الرغم من العادات الدخيلة التي تبعد عنا على غرار استعمال العمارية من طرف بعض العائلات تلك العادة المغربية المحضة التي توحي بإبعاد العروس عن عين الحاسدين إلا أن العادات القديمة أو الأصيلة لازالت تنافس تلك العادات الجديدة وأبت بعض العائلات إلا التقيد بها في الأعراس وجعلها الحاضرة الأولى كونها تضرب في أعراق مجتمعنا ومبادئه المترسخة التي لا يمكن الخروج عنها في أي حال من الأحوال.

[staifia]

سلامو ياسمين
فعلا هي عادات غريبة و لكنها تبقى متوارثة عبر الاجيال
احنا في سطيف في اليوم الموالي لزفافها ياتي اخو العريس الاصغر ويحزمها بحزام ويضربها ضربة خفيفة على ظهرها ههه
وكاين بمجرد ما تدخل العروس لبيت زوجها تأتي ام الزوج وتعطيها دهان او زبدة وتضعها على الحائط هههههههه
عادات مضحكة صراحة
شكرا

[eBuziness]

هناك عادات لا نفهمها وأحتسبها من التخريف لكن صراحة عادات زمان فيها الرحمة مقارنة بعادات اليوم من صالات وسيارات وتطلب طويل عريض... يعني يا ريث لو لازلنا نقوم بالخرافات أحسن من الجهل الذي نحن فيه هههههه

[*سندوسة*]

سلامو ياسمين
فعلا هي عادات غريبة و لكنها تبقى متوارثة عبر الاجيال
احنا في سطيف في اليوم الموالي لزفافها ياتي اخو العريس الاصغر ويحزمها بحزام ويضربها ضربة خفيفة على ظهرها ههه
وكاين بمجرد ما تدخل العروس لبيت زوجها تأتي ام الزوج وتعطيها دهان او زبدة وتضعها على الحائط هههههههه
عادات مضحكة صراحة
شكرا

وعليكم السلام اختي سطايفية
حنا عندنا الحزام يديره في اخر السهرة يعني يدوري كلش في نهار واحد ويتهناو يعني يتقاسمو المصاريف نتاع الصالة
كيما ختي دارت الحنة نتاعهامع عرس زوجها والمصروف لي فالعادة يجيبوهلنا لحاج قالهم دوه للصالة هاكذا باش خيفف عليه المصاريف
والحمد لله كلش تم بخير

[*سندوسة*]

هناك عادات لا نفهمها وأحتسبها من التخريف لكن صراحة عادات زمان فيها الرحمة مقارنة بعادات اليوم من صالات وسيارات وتطلب طويل عريض... يعني يا ريث لو لازلنا نقوم بالخرافات أحسن من الجهل الذي نحن فيه هههههه


زمان تاني كانو يديرو الاعراس سبعة ايام وليالي وكانت مصاريف بزاف بصح الحاجة لمليحة لي كانت فيهم هي المعاونة والنية والقلب صافي

وكاين واحد العادة شفتها هي لعروسة كي يجيبوها لبيت زوجها تعفس على حبة بيض :confused: :confused:

[ouissamak]

هههه عادات غريبة عجيبة حقيقة
حنا عندنا في منطقة القبائل يديرو العرس يومين اليوم للحنة ويوم وين تدخل ولا تروح فيه العروسة واليوم الثالث يديرو قهوة صباح للجيران والمقربين ويجيو دار العروسة يفطروهم ومور الفطور يحزموها ويديوها لشجرة كبيرة وتغسل تما يديها وتجوز على قاع الغاشي وتديرلهم شوية ريحة هههه
وكي تلخق العروسة يعطوها تشرب ماء من يد عجوزتها وغربال معمر بالسكر والحلوى ترفد وترمي موراها وعند باب الدار يديرولها سنسلة تاع ذهب تجوز عليها وكسرولها بيضة تحت رجليها ههههههه
وكاين اللي يدير شوية عجينة ترميها العروسة في السقف اداااا لصقت يعني راح تعمر تما وادا طاحت يعني راح تتطلق العروسة
وكاين وين لعروسة في صباح عرسها تطيب البغرير ادا خرج مثقب يعني العروسة مليحة ويربحو عليها وادا خرج بيطون هههه يا ويلها مسكينة

المهم قاع خرافات ويبقاو عادات اجدادنا انا نهار عرسي مادرت حتى عادة من هاد العوايد ولا واحدة ودرت عرسي في الدار يعني تقشف حتى لتم هههههههه وجاز من اروع ما يكون الحمد لله

[*سندوسة*]

هههه عادات غريبة عجيبة حقيقة
حنا عندنا في منطقة القبائل يديرو العرس يومين اليوم للحنة ويوم وين تدخل ولا تروح فيه العروسة واليوم الثالث يديرو قهوة صباح للجيران والمقربين ويجيو دار العروسة يفطروهم ومور الفطور يحزموها ويديوها لشجرة كبيرة وتغسل تما يديها وتجوز على قاع الغاشي وتديرلهم شوية ريحة هههه
وكي تلخق العروسة يعطوها تشرب ماء من يد عجوزتها وغربال معمر بالسكر والحلوى ترفد وترمي موراها وعند باب الدار يديرولها سنسلة تاع ذهب تجوز عليها وكسرولها بيضة تحت رجليها ههههههه
وكاين اللي يدير شوية عجينة ترميها العروسة في السقف اداااا لصقت يعني راح تعمر تما وادا طاحت يعني راح تتطلق العروسة
وكاين وين لعروسة في صباح عرسها تطيب البغرير ادا خرج مثقب يعني العروسة مليحة ويربحو عليها وادا خرج بيطون هههه يا ويلها مسكينة

المهم قاع خرافات ويبقاو عادات اجدادنا انا نهار عرسي مادرت حتى عادة من هاد العوايد ولا واحدة ودرت عرسي في الدار يعني تقشف حتى لتم هههههههه وجاز من اروع ما يكون الحمد لله

رانا نكتاشفو فالمزيد من العادات والتقاليد الله يبارك

والله نتوما قاسيين على لعروسة بزااااف:1: كيفاش هادي لعروسة فنهار الزاوج تنوض دير البغرير هههه والله عقاب للمسكينة مع سبق الاصرار والترصد
ونتاع لعجينة لي تلصق ويلا مالصقتش :1: تتأزم المسكينة وتقعد مهددة بأي لحظة انها راح تطلق تعيش في كابوس :1:

نتي تهنيتي ههه لا بغرير ولا راها لاصقة ولا ماراهاش لاصقة


ربي يهنيك ختي ويدوم لهنا والستر عليكم

[eBuziness]

هل أنا في الزازاير أو راني حاير؟؟؟ ههههههه كاين هناك صدقا خرافات كبيرة في هذا البلد... أعجبتني فكرة العجينة التي تلصق في السقف ههههههه ربما كان على الزوجة أن تخلط الغراء اللاصق مع العجينة حتى تتأكد من أنها ستلتصق بالسقف هههههه والله كوارث...

[ام فروحة]

نقوللكم عادة في ولاية شلف تاع سيدي معمر لي ذكرتها الاخت ولكن ماكملتش حاجة ان المهر رخيص لدرجة لا تتوقع اي في سيدي معمر لازم مايديرهاش شرط غالي 8 ملاين او 9 وخاتم العرس فقط مكان لا جهاز ولا حنة لي يرافقها الطبق ولا فطورها يعني الكبش ونسيت الشرط تاع الذهب لي حنا نقولوا لازم 4 صوالح يعني بالمختصر المفيد لي حاب يتزوج وماعندوش نصيحة من عندي غير يجيبها من شلف واش رايكم في هاذه العادة وكاين حاجة لازم مايديرهاش لاخطرش اذا فوق هاذا تصرا كريثة لا يحمد عقباها

[Simassim]

هههه اغرب عادة سمعتها صحبتي تزوجت فتيات او البيض مارانيش متاكدة نهار لي راحت فيه لدار راجلها داوها وحدها لواحد الوالي تطوف ومرمدوها (عام هي بلي ماسك وقوماج والحالة باش توجد روحها للعرس فالأخير مرمدوها بالتراب وااااعععع ). فالطين البنت من الخلعة ماقدرتش تتكلم. ولا تهدر ماكانش علاباها بهاد العادة الغريبة حتى بقات تبكي وتقولهم رجعوني لدارنا بطلت مانتزوجش. مسكينة مرضت

[*سندوسة*]

هل أنا في الزازاير أو راني حاير؟؟؟ ههههههه كاين هناك صدقا خرافات كبيرة في هذا البلد... أعجبتني فكرة العجينة التي تلصق في السقف ههههههه ربما كان على الزوجة أن تخلط الغراء اللاصق مع العجينة حتى تتأكد من أنها ستلتصق بالسقف هههههه والله كوارث...



ماشي غير خرافات بل كوارث
ولكن لا تنسى ان هناك غراء بمجرد ملامسته بالهواء يصبح صلبا يعني تجي تكحلها تعميها

:1:

[*سندوسة*]

نقوللكم عادة في ولاية شلف تاع سيدي معمر لي ذكرتها الاخت ولكن ماكملتش حاجة ان المهر رخيص لدرجة لا تتوقع اي في سيدي معمر لازم مايديرهاش شرط غالي 8 ملاين او 9 وخاتم العرس فقط مكان لا جهاز ولا حنة لي يرافقها الطبق ولا فطورها يعني الكبش ونسيت الشرط تاع الذهب لي حنا نقولوا لازم 4 صوالح يعني بالمختصر المفيد لي حاب يتزوج وماعندوش نصيحة من عندي غير يجيبها من شلف واش رايكم في هاذه العادة وكاين حاجة لازم مايديرهاش لاخطرش اذا فوق هاذا تصرا كريثة لا يحمد عقباها

شكووووووووووووووووووووووون لي تشكر لعروسة اكيد امها وخالتها:1: :1:

هههه امزح معك اختي فقط لاتغضبي
يا بنتي الله يهديك بغيتي تبوريلنا السلعة هههه

كاين تاني نواحي تلمسان والغرب والقبائل مايشرطوش بزاف :1: :1:


وسررت بمرورك

[*سندوسة*]

هههه اغرب عادة سمعتها صحبتي تزوجت فتيات او البيض مارانيش متاكدة نهار لي راحت فيه لدار راجلها داوها وحدها لواحد الوالي تطوف ومرمدوها (عام هي بلي ماسك وقوماج والحالة باش توجد روحها للعرس فالأخير مرمدوها بالتراب وااااعععع ). فالطين البنت من الخلعة ماقدرتش تتكلم. ولا تهدر ماكانش علاباها بهاد العادة الغريبة حتى بقات تبكي وتقولهم رجعوني لدارنا بطلت مانتزوجش. مسكينة مرضت

ماعلاباليش الحكمة في هاد العادات الغريبة
خلاو الاهم وقعدو يتبعو فالامور الخرافية
الله يهديهم ويصلح الاحوال

[eBuziness]

كاين تاني نواحي تلمسان والغرب والقبائل مايشرطوش بزاف :1: :1:

وين هذه في تلمسان يرحم والديك؟؟؟ :confused::confused::confused:

[Simassim]

وين هذه في تلمسان يرحم والديك؟؟؟ :confused::confused::confused:


انا واحدة منهم وكل قريباتي تبارك الله عليكم الواحد لي ناوي الخير من البداية ربي يكتبلوا الخير ولي من الاول نيتو ماشي صافية ربي يبعدوا على بنات الخير

[*سندوسة*]

وين هذه في تلمسان يرحم والديك؟؟؟ :confused::confused::confused:


كاين في صبرة وفالخميس وسبدو وووووو

يعني مارانيش نقولك كلهم مايشرطوش ولكن حاجة معقولة
وكاين لي تشرط بزاف بصح الاغلبية لي نعرفهم تزوجو من هاديك النواحي كان الشرط نتاعهم غير لي كتبه ربي
وكاين واحد العائلات لي يجي يخطبهم الاول يمدوله بنتهم
والغرب كيما وهرن وبلعباس ومعسكر وسعيدة ووو مايشرطوش كيما فالشرق يعني لمقياس والحزامة نتاع الذهب ووووو
فهمتني :rolleyes:

[eBuziness]

انا واحدة منهم وكل قريباتي تبارك الله عليكم الواحد لي ناوي الخير من البداية ربي يكتبلوا الخير ولي من الاول نيتو ماشي صافية ربي يبعدوا على بنات الخير

إذن أنت أيضا من تلمسان... يا بنت بلادي أنا أيضا من تلمسان وراني أسأل عن أي منطقة في تلمسان فيها المهر رخيص هذا ما في الأمر أما عن بنات بلادي تلمسان فليس مثلهن في البلدان رب يستركم ويحفظكم ويرزقكم الخير والخمير :dj_17:

[*سندوسة*]

انا واحدة منهم وكل قريباتي تبارك الله عليكم الواحد لي ناوي الخير من البداية ربي يكتبلوا الخير ولي من الاول نيتو ماشي صافية ربي يبعدوا على بنات الخير

هاهي وحدة منهم بانت
البقية هيا اظهروا وبانوا عليكم الامان:1::1:

اكيد اخي لواحد والوحدة كي يكونو ولاد اصل كلش يهون
وربي يوفق الجميع

[eBuziness]

كاين في صبرة وفالخميس وسبدو وووووو

يعني مارانيش نقولك كلهم مايشرطوش ولكن حاجة معقولة
وكاين لي تشرط بزاف بصح الاغلبية لي نعرفهم تزوجو من هاديك النواحي كان الشرط نتاعهم غير لي كتبه ربي
وكاين واحد العائلات لي يجي يخطبهم الاول يمدوله بنتهم
والغرب كيما وهرن وبلعباس ومعسكر وسعيدة ووو مايشرطوش كيما فالشرق يعني لمقياس والحزامة نتاع الذهب ووووو
فهمتني :rolleyes:

شوف يا سيدي راكي تعرفي صبرة والخميس وسبدو... ليكن في علمك أن بنات الخميس الأصليين التي تتحدثين عنهن أغلى من بنات وسط مدينة تلمسان نفسها هههههههه ربما أنت أصولك خميستية أو من صبرة أو سبداوية لهذا راكي تشكري في بنات بلادك ههههههه
المهم ماعليش بنات تلمسان كلهن الله يبارك خموس عليهن والله يحفظ كامل بنات الزازاير :19:

[الكـ الطيبة ـلمة]

كاين في صبرة وفالخميس وسبدو وووووو

يعني مارانيش نقولك كلهم مايشرطوش ولكن حاجة معقولة
وكاين لي تشرط بزاف بصح الاغلبية لي نعرفهم تزوجو من هاديك النواحي كان الشرط نتاعهم غير لي كتبه ربي
وكاين واحد العائلات لي يجي يخطبهم الاول يمدوله بنتهم
والغرب كيما وهرن وبلعباس ومعسكر وسعيدة ووو مايشرطوش كيما فالشرق يعني لمقياس والحزامة نتاع الذهب ووووو
فهمتني :rolleyes:

شكون قال ليك في الشرق يشرطو كما هاك


سبحان الله "ما شهدنا الا بما علمنا " و زيد من فوق اذا كاين راهم مش كلهم

لا حول و لا قوة الا بالله العلي العظيم كل واحد يقول فولي طياب

ربي يرزقكن الازواج الصالحين و يرزقكم الزوجات الصالحات

و يرزقني الذرية الصالحة يارب العالمين

[om hind]

رسولنا الكريم صلى الله عليه وسلم كان يحب التفاؤل بالخير كموقفه صلى الله عليه وسلم عندما وجد النسوة عند عائشة رضي الله عنها يمرحن و يغنين فتركهن دون ان يزعجهن وعند يوم الغلة حيث انه كان يعطي اول ثمرة لطفل صغير تفاؤلا به و لكن ما نرى اليوم ان هاته العادات دخلت في البدع والشرك فمثلا كما تقول الأخت في بعض المناطق يجب على العروس غرس نبتة حيث انه ان لم تكبر النبتة يقال عليها نحس وهي تتشائم من نفسها حنا عندنا في سطيف لعروس كي يجيوهاا القفافة كي يبغاو يخرجو تملا فمها بالحليب و ترشو عليهم والله حشاكم ديقولاس وحدة حظرنالها لعرسها ودارتها وحدة من مالين لعروس سبتها وبهدلت بيها عيب

[*سندوسة*]

شكون قال ليك في الشرق يشرطو كما هاك


سبحان الله "ما شهدنا الا بما علمنا " و زيد من فوق اذا كاين راهم مش كلهم

لا حول و لا قوة الا بالله العلي العظيم كل واحد يقول فولي طياب

ربي يرزقكن الازواج الصالحين و يرزقكم الزوجات الصالحات

و يرزقني الذرية الصالحة يارب العالمين

يا اختي بأحتكاكنا بناس الشرق هنا فالمنتدى ومن خلال برامج تلفزيونية عرفنا هاد المعلومات وحنا كي نهدرو ماراناش نعمموا يعني كاين وكاين بصع نتكلموا على الاغلبية :1:

واللهم امين اختي

وربي يفرحك ويرزقك بالذرية الصالحة

[ام فروحة]

سندوسة انا منيش من ولاية شلف تزوجت في شلف وطبق عليها هذا العرف صح مهري قليل لدرجة لا تتصور ولكن وجدت السعادة الزوجية بمعنى الكلمة لي طفلان الله يحفظهملي ويخليلي تاج راسي زوجي الغالي ونتمناها لاي بنت صح اقلهن مهرا اكثرهن بركة والله يفرح كل بنت

[الكـ الطيبة ـلمة]

يا اختي بأحتكاكنا بناس الشرق هنا فالمنتدى ومن خلال برامج تلفزيونية عرفنا هاد المعلومات وحنا كي نهدرو ماراناش نعمموا يعني كاين وكاين بصع نتكلموا على الاغلبية :1:

واللهم امين اختي

وربي يفرحك ويرزقك بالذرية الصالحة


آمين شكرا لكِ

ربي يرزقنا اتباع كتاب الله و سنة رسوله و يسترنا

[*سندوسة*]

رسولنا الكريم صلى الله عليه وسلم كان يحب التفاؤل بالخير كموقفه صلى الله عليه وسلم عندما وجد النسوة عند عائشة رضي الله عنها يمرحن و يغنين فتركهن دون ان يزعجهن وعند يوم الغلة حيث انه كان يعطي اول ثمرة لطفل صغير تفاؤلا به و لكن ما نرى اليوم ان هاته العادات دخلت في البدع والشرك فمثلا كما تقول الأخت في بعض المناطق يجب على العروس غرس نبتة حيث انه ان لم تكبر النبتة يقال عليها نحس وهي تتشائم من نفسها حنا عندنا في سطيف لعروس كي يجيوهاا القفافة كي يبغاو يخرجو تملا فمها بالحليب و ترشو عليهم والله حشاكم ديقولاس وحدة حظرنالها لعرسها ودارتها وحدة من مالين لعروس سبتها وبهدلت بيها عيب

عليه افضل الصلاة والسلام


والله يا اختي راني ميتة بالضحك على الكلام لي لونتهلك بالاحمر

والله غريب امرهم
ههههه:1: :1:
مالقيت مانقول غير الله يهديهم

[*سندوسة*]

سندوسة انا منيش من ولاية شلف تزوجت في شلف وطبق عليها هذا العرف صح مهري قليل لدرجة لا تتصور ولكن وجدت السعادة الزوجية بمعنى الكلمة لي طفلان الله يحفظهملي ويخليلي تاج راسي زوجي الغالي ونتمناها لاي بنت صح اقلهن مهرا اكثرهن بركة والله يفرح كل بنت

اللهم امين
ونتي ربي يحفظلك زوجك واولادك وربي يبقي عليكم الستر والهنا

[*سندوسة*]

آمين شكرا لكِ

ربي يرزقنا اتباع كتاب الله و سنة رسوله و يسترنا

اللهم امين
والعفو اختي

[*سندوسة*]

ما نشكر حتى شخص أنا نظمن نفسي فقط :1:

هذا واقع لأنو صوابع يدك ما يتشابهوش فما بالك بمنطقة بأكملها

ربي يصلح الحال

هذا لكلام زين

وكل واحد مسؤول غير على روحه
مشكووووووووووووووووورة اختي

[eBuziness]

ما نشكر حتى شخص أنا نظمن نفسي فقط :1:

هذا واقع لأنو صوابع يدك ما يتشابهوش فما بالك بمنطقة بأكملها

ربي يصلح الحال

هذه هدرة نتاع لكبار رب يرزقك الخير أختي الفاضلة :)

[eBuziness]

ياو نتوما ما تصلي وش الظهر

الله يقبل منا ومنكم يا بنت الأكابر... شكرا على التذكير الطيب....

[ivaoran]

السلام عليكم

لدي بعض التعقيبات
بالنسبة لوهران في الحزام بالحايك يحزمها ذكر من عائلة العريس
تعطيه العروسة دراهم 200 دج مثلا
و يعمرولها حايكها حلوى و ترميها للموجودين

اما بالنسبة للملاعق يديروها ناس ارزيو فقط
انا من وهران

اما انا تزوجت في تيارت
في الحزام صبحة العرس
جات جدات زوجي داريتلي خمار فوق راسي
و عصبتلي بفولارة و داريتلي في القنوتة تاع الخمار
حبة حلوة من جيهة و حبة من جيهة و حزمت عليهم و داتني للصالون
لقيتهم موجدين قهوة و قاطو و طارت
قطعت لاطارت و قسمو هما القهوة و مارافق على الحاضرين
من بعد دارتلي جداته الحلوى في الخمار و بديت نرمي فيها في كل
ارجاء البيت و بعدها داوني للكوزينة طيبت القهوة

ماللول قالوهالي
راكي جاية تقضي هههههه

[Simassim]

آسفة لصاحبة الموضوع راح نخرج

مشكلتكم تسمعوا واحدة طلبت الغالي سما كامل البلاد تطلب الغلا
انا حكيت عن نفسي وأقاربي ولنفس الوقت نعرف لي طلبوا بعشرين مليون
اخ لي يحكي على بنات الخميس مهارتهم غالي روح سقسي لي عرسها هاد الصيف شحال طلبت ماتعمممش
نفس الكلام راه ينطبق على بنات بلعباس الجلفة ووووو والعاصمة ووووووو.

[الاء هبة الله]

موضوع غريب يعطيك الصحة

[*سندوسة*]

السلام عليكم

لدي بعض التعقيبات
بالنسبة لوهران في الحزام بالحايك يحزمها ذكر من عائلة العريس
تعطيه العروسة دراهم 200 دج مثلا
و يعمرولها حايكها حلوى و ترميها للموجودين

اما بالنسبة للملاعق يديروها ناس ارزيو فقط
انا من وهران

اما انا تزوجت في تيارت
في الحزام صبحة العرس
جات جدات زوجي داريتلي خمار فوق راسي
و عصبتلي بفولارة و داريتلي في القنوتة تاع الخمار
حبة حلوة من جيهة و حبة من جيهة و حزمت عليهم و داتني للصالون
لقيتهم موجدين قهوة و قاطو و طارت
قطعت لاطارت و قسمو هما القهوة و مارافق على الحاضرين
من بعد دارتلي جداته الحلوى في الخمار و بديت نرمي فيها في كل
ارجاء البيت و بعدها داوني للكوزينة طيبت القهوة

ماللول قالوهالي
راكي جاية تقضي هههههه



وعليكم السلام اختي
اهلا بيك هاذي غيبة

ان شاءالله راكي بخير
كاين عادات نقدروا نستوعبوها كيما قلتي نتاع ناس تيارت

بصح ماشي كيما لي تبزق على الناس بالحليب:1::1:
ربي يهنيك ختي

[*سندوسة*]

آسفة لصاحبة الموضوع راح نخرج

مشكلتكم تسمعوا واحدة طلبت الغالي سما كامل البلاد تطلب الغلا
انا حكيت عن نفسي وأقاربي ولنفس الوقت نعرف لي طلبوا بعشرين مليون
اخ لي يحكي على بنات الخميس مهارتهم غالي روح سقسي لي عرسها هاد الصيف شحال طلبت ماتعمممش
نفس الكلام راه ينطبق على بنات بلعباس الجلفة ووووو والعاصمة ووووووو.

لماذا تتأسفين اختي
فأنت لم تخطئي

اكيد الواحد مايعممش وحنا هنا رانا نهدروا على الاغلبية
ربي يرزقك ختي كل خير

[*سندوسة*]

موضوع غريب يعطيك الصحة

شكرا لمرورك اختي
نورت

[ivaoran]

وعليكم السلام اختي
اهلا بيك هاذي غيبة

ان شاءالله راكي بخير
كاين عادات نقدروا نستوعبوها كيما قلتي نتاع ناس تيارت

بصح ماشي كيما لي تبزق على الناس بالحليب:1::1:
ربي يهنيك ختي



يسلمك اختي
الله لا يغيبك

اللي تبزق قاع وحدها هههه

[رجل الخفاء]

آسفة لصاحبة الموضوع راح نخرج

مشكلتكم تسمعوا واحدة طلبت الغالي سما كامل البلاد تطلب الغلا
انا حكيت عن نفسي وأقاربي ولنفس الوقت نعرف لي طلبوا بعشرين مليون
اخ لي يحكي على بنات الخميس مهارتهم غالي روح سقسي لي عرسها هاد الصيف شحال طلبت ماتعمممش
نفس الكلام راه ينطبق على بنات بلعباس الجلفة ووووو والعاصمة ووووووو.

أختي لا تنزعجي يا بنت الأصول فالأخ الكريم لم يكن ينوي الإساءة
بنات الخميس على العين والراس وهن من خيرة ناس تلمسان بل الخميس بني سنوس هي أقدم منطقة في شمال إفريقيا كلها... ربما اليوم تغير الوضع لكن من المعروف أن مهور بنات الخميس في الماضي كن أغلى النسوة وهن يستاهلن ذلك وبما أنك من المنطقة أكيد تعرفين ذلك وتاريخها العريق وتقاليدها أصلا معروف عنهم الشرف والكرامة... بخصوص المهور أكيد تغيرت الأمور وربما هن لا يشترطن كما في الماضي... رب يرزقك الخير أختي الفاضلة :dj_17:

[ivaoran]

اه تفكرت عادة هنا في عين تموشنت

كي يجيبو الكب للعروسة ولا في الرفود
يجي براح و يمدوله دراهم و يبدا يبرح

هادي من فلان في خاطر العريس و و و و
يبرح في الزنقة عا ا ا ا ا ا ا ا دي

[*سندوسة*]

يسلمك اختي
الله لا يغيبك

اللي تبزق قاع وحدها هههه




هههه الله يهديهم والله تبهديلة

تروحي تعرسي يعشو بازقين عليك ههه
:1::1:

[ام نهوله]

ياو نتوما ما تصلي وش الظهر

بارك الله فيك

[*سندوسة*]

ههههههه
وحدك انت و الله





والله راني ميتة بالضحك

ختي حنا والله قاع هاد العادات فتناهم من غير الحنة والحزام وكلش يندار في ليلة وحدة ومع صباح كل واحد يروح لحالو
انا ختي درنالها العرس فالفندق مع صباح كل واحد راح لدارو وهي وزوجها بقاو فالفندق
مكان صباح لا بغرير ولا عجينة لاصقة هههه

:1:
عندنا هنيني ونهنيك

[ام نهوله]

حنا في الباب تاع بيت الزوج تشربي حليب و تاكلي شوية عسل و يجيبولك طبق فيه المكسرات و التمر و القمح ترفدي بيدك و ترمي موراك اومباعد ديري يدك في الزبدة و تدهني في الحيط تاع الدخلة

[Simassim]

عادة تموشنت سمعت بيها ومرة حظرت عرس كنت صغيرة قالولهم مالازمش يكون صغار معاهم مافهمتش بقينا عند الباب وتسمعوا فيهم يبرحوا بالصوالح والدراهم !!!!!

[*سندوسة*]

حنا في الباب تاع بيت الزوج تشربي حليب و تاكلي شوية عسل و يجيبولك طبق فيه المكسرات و التمر و القمح ترفدي بيدك و ترمي موراك اومباعد ديري يدك في الزبدة و تدهني في الحيط تاع الدخلة



لحليب والعسل حاجة مليحة بصح ضياعة نتاع لي نرمو نعمة ربي فالارض ماشي مليحة

انا نساوين خوالي كي جبناهم لدار جدي راهي في مدة عطيناهم التمر والحليب ووحدة من اهل لعريس تستقبلها بالسكر يعني ترميه عليها ههههه
ترجعها معسلة ديرها وجبة سهلة للنمل
اما عن قصة الزبدة لم اسمع عنها

مشكورة على الافادة

[*سندوسة*]

عادة تموشنت سمعت بيها ومرة حظرت عرس كنت صغيرة قالولهم مالازمش يكون صغار معاهم مافهمتش بقينا عند الباب وتسمعوا فيهم يبرحوا بالصوالح والدراهم !!!!!

يمكن بل اكيد يقولو فيها كلام مالازمش يسمعوه الصغار :1: :1:

[ivaoran]

حنا في الباب تاع بيت الزوج تشربي حليب و تاكلي شوية عسل و يجيبولك طبق فيه المكسرات و التمر و القمح ترفدي بيدك و ترمي موراك اومباعد ديري يدك في الزبدة و تدهني في الحيط تاع الدخلة





فكرتيني في الحليب و التمر عند الباب

بين وهران و تيارت 4 ساعات
و راكم عارفين كورتاج يدير روطار
امالا جاو داوني 8 تاع صباح و وصلنا 1 ضهرا
مت في الطريق و عند الباب في عز شهر اوت
وقفوني عند الباب دمرولي في فمي تمرة و الحليب
وانا قريب نتغاشا عند الباب حتى اخته فاقتلي و بعدت الناس لي
باغيين يسلمو عليا و فوتتني للشمبرا ديراكت
ههههه
كي نتفكر عرسي نبغي نبكي هههه

[ivaoran]

يمكن بل اكيد يقولو فيها كلام مالازمش يسمعوه الصغار :1: :1:


نيتك كي دايرآآآآآآآآ

مايقولو والو غي يبرحو
هههههه

[Simassim]

فكرتوني بالصغر وين مايكون العرس نستناو عند الباب مين يجيبوا العروسة يمدولها الحليب والتمر تشرب يقولوا مالازمش تقطع حبة تمر تأكلها مرة واحدة
ومنبعد يمدولها طبق فيه حلويات وسكر قطع وترمي خلفها واحنا تهجموا باش نرفدوهم. الغبرة تنوض لول

كاين عادة تاني وقت اللي يديرو الحنة العروسة تاني تشرب الحليب من الكأس ولي يبقا يوزعوه على البنات العازبات بنية يجي مكتوبهم من بعدها. مين داروهالي البنت الاولى لي مدولها الكأس وقالولها اشربي هههه شربت الكأس كامل. هي اصلها من واد سوف ماعندهمش هاد العادة ومافهمتش قالتلهم انا حشمت من المرأة والغريب انها فنفس النهار مين راحت للدار صابت الخطابة فالدار وغرسها هاد اليامات.
مارانيش نقول انه. لي تشرب راح تتزوج كلها خرفات

[Simassim]

يمكن بل اكيد يقولو فيها كلام مالازمش يسمعوه الصغار :1: :1:

لآلا مايقولولكش والوا كنا نسمعوا
هم يحطوا طبق فوق راس العروسة فيه الصوالح لي يديروهم دار راجلها من ذهب ومهر وقش ومنبعد هدايا تاع اهلها

[*سندوسة*]

فكرتيني في الحليب و التمر عند الباب

بين وهران و تيارت 4 ساعات
و راكم عارفين كورتاج يدير روطار
امالا جاو داوني 8 تاع صباح و وصلنا 1 ضهرا
مت في الطريق و عند الباب في عز شهر اوت
وقفوني عند الباب دمرولي في فمي تمرة و الحليب
وانا قريب نتغاشا عند الباب حتى اخته فاقتلي و بعدت الناس لي
باغيين يسلمو عليا و فوتتني للشمبرا ديراكت
ههههه
كي نتفكر عرسي نبغي نبكي هههه





ماعليش انساي وعيشي حياتك ضرك
واتفكري غير لحاجة لمليحة لي صرات

انا نقولك حاجة كاين ناس غالطين لعروسة مسكينة كي يجو مدخلينها لدار لعريس يهجمو عليها هوما الله غالب مالفرحة بصح لازم يراعو ظروفها خاصة كي تكون طريق طويلة

والاخص كي تكون لابسة الشدة التلمسانية
مسكينة شايقدها صبر
http://www.rjeem.com/up/images/t0y1rb7fkc3csnjyamkc.jpg

والصغار مساكين كلهم باغيين يسلمو عليها



يسلمك اختي
العقوبة ليك جارتي





اللهم امين :o



نيتك كي دايرآآآآآآآآ

مايقولو والو غي يبرحو
هههههه





ااااااه قلت بلاك سبحان الله
:1: :1:

[ivaoran]

ماعليش انساي وعيشي حياتك ضرك
واتفكري غير لحاجة لمليحة لي صرات

انا نقولك حاجة كاين ناس غالطين لعروسة مسكينة كي يجو مدخلينها لدار لعريس يهجمو عليها هوما الله غالب مالفرحة بصح لازم يراعو ظروفها خاصة كي تكون طريق طويلة

والاخص كي تكون لابسة الشدة التلمسانية
مسكينة شايقدها صبر
http://www.rjeem.com/up/images/t0y1rb7fkc3csnjyamkc.jpg

والصغار مساكين كلهم باغيين يسلمو عليها



اللهم امين :o



ااااااه قلت بلاك سبحان الله
:1: :1:



الحمد لله
بعد 4 ايام من عرسي طرت انا و زوجي الى عشنا في عين تموشنت
نغرد كالعصافير :d
و نسيت قاع العيا و التعب و التمرميد و الهضرة هههه

[*سندوسة*]

فكرتوني بالصغر وين مايكون العرس نستناو عند الباب مين يجيبوا العروسة يمدولها الحليب والتمر تشرب يقولوا مالازمش تقطع حبة تمر تأكلها مرة واحدة
ومنبعد يمدولها طبق فيه حلويات وسكر قطع وترمي خلفها واحنا تهجموا باش نرفدوهم. الغبرة تنوض لول

والله ضحكتيني

كاين عادة تاني وقت اللي يديرو الحنة العروسة تاني تشرب الحليب من الكأس ولي يبقا يوزعوه على البنات العازبات بنية يجي مكتوبهم من بعدها.
ايا تما يقعدو لبنات يتخازو ويقولو لبعضاهم ياك انا عطيتك تشربي لحليب في عرس بنت خالت ولد عم جدي ونتي مابغيتيش صحا اعقلي فيها هههههههه والله ماتتزوجي تقعدي بايرة وها وجهي يلا تزوجتي ههههههه
غرائب وعجائب فالاعراس الجزائرية


مين داروهالي البنت الاولى لي مدولها الكأس وقالولها اشربي هههه شربت الكأس كامل.

هي اصلها من واد سوف ماعندهمش هاد العادة ومافهمتش قالتلهم انا حشمت من المرأة
:1: :1: :1:
ربي رزقها على نيتها المسكينة حشمت ومابغاتش ترد ديك لمرا علابيها ربي جازاها يالبنات الحليب ماشي هو لي يزوج مكتوب ربي :1: :1:

والغريب انها فنفس النهار مين راحت للدار صابت الخطابة فالدار وغرسها هاد اليامات.
مارانيش نقول انه. لي تشرب راح تتزوج كلها خرفات

شكرا ربي يحفظك على الافادة

[*سندوسة*]

لآلا مايقولولكش والوا كنا نسمعوا
هم يحطوا طبق فوق راس العروسة فيه الصوالح لي يديروهم دار راجلها من ذهب ومهر وقش ومنبعد هدايا تاع اهلها

انا قلت بلاك كاين صوالح كبار مالازمش يسمعوهم الصغار

طلع مافي شي
:1: :1:

[*سندوسة*]

الحمد لله
بعد 4 ايام من عرسي طرت انا و زوجي الى عشنا في عين تموشنت
نغرد كالعصافير :d
و نسيت قاع العيا و التعب و التمرميد و الهضرة هههه





ربي يدوم الستر والهنا حبيبتي
ويرزقك كل خير

والله فرحت برودودكم
وهكدا زدنا تعرفنا على عادات كتر وكتر

[ivaoran]

فكرتيني في الشدة و ثقلها

انا خرجوني من دارنا و فوقي برنوس تيارتي اصلي
ثقيييييييييل و خشيييييييين الحمان يصرع
و حشمت نقلعه قدام حمايا قعدت بيه 5 ساعات تاع الطريق

[*سندوسة*]

فكرتيني في الشدة و ثقلها

انا خرجوني من دارنا و فوقي برنوس تيارتي اصلي
ثقيييييييييل و خشيييييييين الحمان يصرع
و حشمت نقلعه قدام حمايا قعدت بيه 5 ساعات تاع الطريق





تبقى هاد الصوالح غير ذكريات
الناس لازم يراعوا ظروف مثلا ماشي شرط البرنوس تقيل يعني تقدري تخرجي بالحايك
http://www.bnatsoft.com/up/bnatsoft2/bnatsoft.com13783844290511.jpg
هو خفيف على خاطرش الصيف والحمان لازم لكل حاجة نلقاولها الحل والبديل
كاين لي متمسك ومتعصب في صوالح كيما هادو كي يقولك البرنوس برنوس لانقاش هههه قوليله ارواح نتا والبسه ههه

[ivaoran]

تبقى هاد الصوالح غير ذكريات
الناس لازم يراعوا ظروف مثلا ماشي شرط البرنوس تقيل يعني تقدري تخرجي بالحايك
http://www.bnatsoft.com/up/bnatsoft2/bnatsoft.com13783844290511.jpg
هو خفيف على خاطرش الصيف والحمان لازم لكل حاجة نلقاولها الحل والبديل
كاين لي متمسك ومتعصب في صوالح كيما هادو كي يقولك البرنوس برنوس لانقاش هههه قوليله ارواح نتا والبسه ههه




هو لبسه بالصح في الليل هههه
انا اللي نشويت


كما قالت احدى البنات في ردها
هاد العادات طايحة على راس العروسة مسكينة
العريس سلك


فكرتيني ف راجلي
توحشته و الله

[ام نهوله]

فكرتيني في الحليب و التمر عند الباب

بين وهران و تيارت 4 ساعات
و راكم عارفين كورتاج يدير روطار
امالا جاو داوني 8 تاع صباح و وصلنا 1 ضهرا
مت في الطريق و عند الباب في عز شهر اوت
وقفوني عند الباب دمرولي في فمي تمرة و الحليب
وانا قريب نتغاشا عند الباب حتى اخته فاقتلي و بعدت الناس لي
باغيين يسلمو عليا و فوتتني للشمبرا ديراكت
ههههه
كي نتفكر عرسي نبغي نبكي هههه




مين داك ربي يهديهم و الله ما يديرو حساب التعب من طول المسافة المهم العادات و خلاص مزية اللي طحتي في واحده فاقتلك لوكان راكي طحت طيحه تبقالك في التاريخ ربي يهنيك

[*سندوسة*]

هو لبسه بالصح في الليل هههه
انا اللي نشويت


كما قالت احدى البنات في ردها
هاد العادات طايحة على راس العروسة مسكينة
العريس سلك


فكرتيني ف راجلي
توحشته و الله



الله يجمعكم عن قريب اختي
وربي يحفظكم

[ivaoran]

مين داك ربي يهديهم و الله ما يديرو حساب التعب من طول المسافة المهم العادات و خلاص مزية اللي طحتي في واحده فاقتلك لوكان راكي طحت طيحه تبقالك في التاريخ ربي يهنيك



ربي ستر :d

[بشيرة 13]

هههههههه يا ياسمين ومواضييييييييييييعك الجميييييييييييييييييييييلة
صح عادات تضحك
حنا معندناش
كاين وحدة نتاع حزام العروس
نهار العرس يحزمها اخ الزوج وصايي ما يضربها ما تضربه ههههههههه
هههههههه عييييييييييييش تشوووووووووووووف

[*سندوسة*]

هههههههه يا ياسمين ومواضييييييييييييعك الجميييييييييييييييييييييلة
صح عادات تضحك
حنا معندناش
كاين وحدة نتاع حزام العروس
نهار العرس يحزمها اخ الزوج وصايي ما يضربها ما تضربه ههههههههه
هههههههه عييييييييييييش تشوووووووووووووف


اهلا اختي بشيرة

هذا من لطفك

كاين ناس بداتها من نهار اللول بالضرب :1:

[وصال سلام]

هههههههههههههههههههههههههههههههههههههههههههههههههه هههههههههههه

اضحك الله سنكم

اللي تبزق هاذي دونجي ههههههههههههههههههههههههههههههه واللي تمرمدت بالترااب

قتلتوني بالصحك

حنا في دار جداتي عاداتهم اللي تدخل تلبز على حبة بيض ماعرف علاه وقيلا عين وتفقست هذا المقصووود ولا ترشق موس في الحيط

مش كل منطقة كيما هكا على حساب تاريخ العائلة وعاداتها وتقاليدها فهمتووني

[om hind]

ثاني تفكرت عادة يديروها هنا الراجل يمد مع الصداق زوج كباش و قبل العرس يذبحوهم و يقسمو بقلوب ويقولو للراجل و لمرا كل واحد يأكل منو باه يوكلو قلوب بعضاهم. ههههههههه و كاين حتى اللي يسحروا فيهم هاذي وحدة تقرب لامي نهار عرسها تحمت والماء اللي تحمت بيه لماتو و نصبو بيه البرما (وقيلا سحر وفيه)قتلي أمي هي لحد لان ما ضناتش

[*سندوسة*]

هههههههههههههههههههههههههههههههههههههههههههههههههه هههههههههههه

اضحك الله سنكم

اللي تبزق هاذي دونجي ههههههههههههههههههههههههههههههه واللي تمرمدت بالترااب

قتلتوني بالصحك

حنا في دار جداتي عاداتهم اللي تدخل تلبز على حبة بيض ماعرف علاه وقيلا عين وتفقست هذا المقصووود ولا ترشق موس في الحيط

مش كل منطقة كيما هكا على حساب تاريخ العائلة وعاداتها وتقاليدها فهمتووني

اهلا اختي وصال
الله يدوم ضحكتك اختي
يعني نقدرو حنا مع مرور الوقت نتخلاو على هاد العادات خصوصا اذا ماكانتش عندها معنى
:1: :1:

[*سندوسة*]

ثاني تفكرت عادة يديروها هنا الراجل يمد مع الصداق زوج كباش و قبل العرس يذبحوهم و يقسمو بقلوب ويقولو للراجل و لمرا كل واحد يأكل منو باه يوكلو قلوب بعضاهم. ههههههههه و كاين حتى اللي يسحروا فيهم هاذي وحدة تقرب لامي نهار عرسها تحمت والماء اللي تحمت بيه لماتو و نصبو بيه البرما (وقيلا سحر وفيه)قتلي أمي هي لحد لان ما ضناتش

شابة هادي نتاع يوكلو قلوب بعضاهم ايا وشا خلاو :1:

يا لطيف واش هذا تتحمم ومن بعد ينصبو بيه يعععععععععععع
الله يهديهم
ان الله يمهل ولا يهمل

الله يجيب لخير

[مسك القعدة]

وحد العادات تقول ماراناش في بلاد وحدة الله يسترنا
حنا ندخلو العروس ببرنوس الجدود وتلاقيها يمات العريس بالحليب والسكر يعني يشربو بعضاهم في زوج
وفي الصباح يعطوها تحرك القهوة ويحزمها سلفها الصغير ولا وليد سلفها المهم عازب مش راجل

[*سندوسة*]

وحد العادات تقول ماراناش في بلاد وحدة الله يسترنا
حنا ندخلو العروس ببرنوس الجدود وتلاقيها يمات العريس بالحليب والسكر يعني يشربو بعضاهم في زوج
وفي الصباح يعطوها تحرك القهوة ويحزمها سلفها الصغير ولا وليد سلفها المهم عازب مش راجل

اللهم امين

اغلبية العادات لي ذكرتيهم ناس متوافقين عليها
ولكن الغرائب والعجائب لي سمعناهم ليوم كوارث

[رجل الخفاء]

بكل إختصار عادات تضحك وأخرى تبكي وأغلبها يدهش !!!

[*سندوسة*]

بكل إختصار عادات تضحك وأخرى تبكي وأغلبها يدهش !!!


والله العظيم يا اخي من وقت ليوضعت فيه الموضوع وانا نضحك :1:
لم اتمالك نفسي حتى في الشارع
الله يجيب لخير

[رجل الخفاء]

والله العظيم يا اخي من وقت ليوضعت فيه الموضوع وانا نضحك :1:
لم اتمالك نفسي حتى في الشارع
الله يجيب لخير


صدقتي يا سندوسة بنت الأكابر... يا ما تحت السواهي دواهي وياما الحيطان راهي ساترة... نحن في 2015 ولا تزال هناك خرافات وتخريف طويل عريض والأعوص أننا نستهل حياتنا الزوجية ونبدأها بخرافات وفي بعض الحالات بشرك عويص فأي بركة ننتظر وأي مستقبل يحتضر :19:

[*سندوسة*]

صدقتي يا سندوسة بنت الأكابر... يا ما تحت السواهي دواهي وياما الحيطان راهي ساترة... نحن في 2015 ولا تزال هناك خرافات وتخريف طويل عريض والأعوص أننا نستهل حياتنا الزوجية ونبدأها بخرافات وفي بعض الحالات بشرك عويص فأي بركة ننتظر وأي مستقبل يحتضر :19:


فعلا اخي معك حق

فالاخت من قبل ذكرت ان العروسة تستحم وبعد ذلك يجمعون ذلك الماء ونظن يطيبوا بيه لاهل لعريس :1: :1: ويديرو فيه السحر يالطيف ناس كيفاش ولات تخمم

اخي انصحك ان لا تأكل في الاعراس

[رجل الخفاء]

فعلا اخي معك حق

فالاخت من قبل ذكرت ان العروسة تستحم وبعد ذلك يجمعون ذلك الماء ونظن يطيبوا بيه لاهل لعريس :1: :1: ويديرو فيه السحر يالطيف ناس كيفاش ولات تخمم

اخي انصحك ان لا تأكل في الاعراس

أنا هذا العام تزوج إبن خالي (مبروك عليه المشاكل هههه) والعادة أنه يتم تشريب العزاب من قدح الحليب الذي شرب منه العرسان والأكل من نفس طبق التمر... يا سيدي بحثوا عني بالقصد وقالوا أين هو عبد المجيد وحينما وجدوني أشربوني من الحليب والتمر غصبا عني هههههه يظنون أنني سأتزوج هذا العام يعني حينما تشرب الحليب تتزوج هههههه المشكلة ليس في الحليب نتاع 50 دينار للتر ولكن في المهر نتاع مليار وقبل ذلك بمن تتزوج أصلا يرحم باباكم... ناس تؤمن بالخرافات هههههه

[*ام عبد الكريم*]

شوفي يا اختي يسمين انا اصلي من ولاية سكيكيدة و عادتنا ما تفرقش بزاف:1: ..عند باب بيت العريس تشرب لعروس لحليب و اجيبولها صحن فيه الحلوى و القمح تهز منو 3 حفنات و ترميهم وراءها و بعد ذلك تدخل لدار بالرجل الايمن :19: ...ثاني يوم يديو لعروس للمطبخ و يعطيوها تروي اللغرايف (البغرير)و كي يعجنوه البنات لازم لعروس الي طيب الزوج لولين واحد ليها و الاخر للعريس :cool: ...و في لعشية يديرو القهوة و يعرضو الجيران ...و في اليوم الثالث يديوها خارج البيت و يغصللها طفل من العائلة (لازم ذكر) رجلها (اكرمكم الله) و يعيطها كف (قلم) على وجها و هي تعطيلو شوية دراهم و في هذيك اللحظة تحزملها عجوزتها بحزمتها ..هذه العادة الاخيرة اصبحت في الارياف فقط ....و اليوم الخامس يبدلو غرفة نوم لعرايس من les draps حتى الزرابي و يسيقولها البيت :1: ...و في بعض العائلات في اليوم 7 يعرضو الاقارب و لعروس هي الي دير لعشاء و يعطيوها هدايا بسيطة ..شفتي يا يسمين عادات لقيناها في مجتمعنا و كل واحد و تفكيره ..شكرا لك على الموضوع :19:

[*سندوسة*]

أنا هذا العام تزوج إبن خالي (مبروك عليه المشاكل هههه) والعادة أنه يتم تشريب العزاب من قدح الحليب الذي شرب منه العرسان والأكل من نفس طبق التمر... يا سيدي بحثوا عني بالقصد وقالوا أين هو عبد المجيد وحينما وجدوني أشربوني من الحليب والتمر غصبا عني هههههه يظنون أنني سأتزوج هذا العام يعني حينما تشرب الحليب تتزوج هههههه المشكلة ليس في الحليب نتاع 50 دينار للتر ولكن في المهر نتاع مليار وقبل ذلك بمن تتزوج أصلا يرحم باباكم... ناس تؤمن بالخرافات هههههه


مبروك عليه لهنا وراحت البال ان شاء الله بلاك ربي راه رزقه ببنت اصل لي تهنيه وتفرحه
المهم يعني نتوما تاني عندكم هاد العادة كنت حاسبة غير نسا لي يديروها
ماعليش نتا نوي لخير وربي ان شاء الله يجيبها فالصواب

[staifia]

صحيح كنت سمعت بيها تاع الما يطيبوا بيه في الاعراس وانا جامي ناكل في الاعراس يععع
غير في عرس تاع ثقة. ناس جاهلة

[رجل الخفاء]

أنا والله صراحة العادة التي أعجبتني هي صفع الزوجة وأنا أموت في الصفع والأجمل أنها حينما تصفعها تعطيك بعض المال والله هايلة هذه... أظنني سأتزوج من تلك المدن التي فيها الصفع مع دفع المال... كم أحب صفع زوجتي المسقبلية ههههههه

[staifia]

يا جماعة. تعرفوا الصراوي!!
لما يبداو النساء الكبار يغنيو. !! انا نطيح لرض بالضحك

[*سندوسة*]

شوفي يا اختي يسمين انا اصلي من ولاية سكيكيدة و عادتنا ما تفرقش بزاف:1: ..عند باب بيت العريس تشرب لعروس لحليب و اجيبولها صحن فيه الحلوى و القمح تهز منو 3 حفنات و ترميهم وراءها و بعد ذلك تدخل لدار بالرجل الايمن :19: ...ثاني يوم يديو لعروس للمطبخ و يعطيوها تروي اللغرايف (البغرير)و كي يعجنوه البنات لازم لعروس الي طيب الزوج لولين واحد ليها و الاخر للعريس :cool: ...و في لعشية يديرو القهوة و يعرضو الجيران ...و في اليوم الثالث يديوها خارج البيت و يغصللها طفل من العائلة (لازم ذكر) رجلها (اكرمكم الله) و يعيطها كف (قلم) على وجها و هي تعطيلو شوية دراهم و في هذيك اللحظة تحزملها عجوزتها بحزمتها ..هذه العادة الاخيرة اصبحت في الارياف فقط ....و اليوم الخامس يبدلو غرفة نوم لعرايس من les draps حتى الزرابي و يسيقولها البيت :1: ...و في بعض العائلات في اليوم 7 يعرضو الاقارب و لعروس هي الي دير لعشاء و يعطيوها هدايا بسيطة ..شفتي يا يسمين عادات لقيناها في مجتمعنا و كل واحد و تفكيره ..شكرا لك على الموضوع :19:

اهلا اختي
ومتشرفين بناس سكيكدة
لعادة نتاع لحليب والتمر وماشابه كلنا متافقين عليها

اما البغرير يا ختي في نهار الزاوج بزاف من تعب نتاع لعرس للتعب نتاع لكوزينة والله مسكينة تغيض لمرا عندكم حنا لعروسة ماتدخلش حتى 15 يوم للكوزينة

ويعني نتوما لازم حبة نتاع البغرير الاولى ليها وللعريس فالاغلب الحبة اللولة تجي مكرفصة هههه

خاصة اذا كانت خايفة ومقلقة :1:
بصح علاه مافهمتش علاه طفل يغسلها رجلها اكرمكم الله والضرب علاه :confused: :confused: عندكم الكف بدراهم مليحة هادي :1:
وفيما يخص العرضة حنا تاني عندنا اهل لعريس بعد اسبوع او 10 ايام على حسب الظروف يعرضو اهل لعروسة وبعد ايام اخرى تجي بنتهم ضيفة مع اهل زوجها

[*سندوسة*]

صحيح كنت سمعت بيها تاع الما يطيبوا بيه في الاعراس وانا جامي ناكل في الاعراس يععع
غير في عرس تاع ثقة. ناس جاهلة

حنا الحمد لله ماعندناش لعراس لي نروحو ليهم

لافامي خاطينا وخاطيهم

اخر عرس حضرته راني في عام و6 اشهر

الله يهدي هاد الناس الجاهلة

[*سندوسة*]

أنا والله صراحة العادة التي أعجبتني هي صفع الزوجة وأنا أموت في الصفع والأجمل أنها حينما تصفعها تعطيك بعض المال والله هايلة هذه... أظنني سأتزوج من تلك المدن التي فيها الصفع مع دفع المال... كم أحب صفع زوجتي المسقبلية ههههههه


ياسي محمد ماشي نتا لي تصفع راهم لبزاوز نتاع لافامي هوما لي يصفعوهالك " المدام يعني"ههههه
وهي تدفع يا حرام المسكينة :1:

[staifia]

وعليكم السلام اختي سطايفية
حنا عندنا الحزام يديره في اخر السهرة يعني يدوري كلش في نهار واحد ويتهناو يعني يتقاسمو المصاريف نتاع الصالة
كيما ختي دارت الحنة نتاعهامع عرس زوجها والمصروف لي فالعادة يجيبوهلنا لحاج قالهم دوه للصالة هاكذا باش خيفف عليه المصاريف
والحمد لله كلش تم بخير

بنت عمي تزوجت لبلعباس دارو كيما راكي تقولي
بصح يا اختي الشدة هاديك ماجات تلبسها حتى كرهت حياتها قريب تبكي هههه

[*سندوسة*]

يا جماعة. تعرفوا الصراوي!!
لما يبداو النساء الكبار يغنيو. !! انا نطيح لرض بالضحك

واش معنتها الصراوي اختي

بلاك تقصدي الغناء بالبندير والصف:1:

[*سندوسة*]

بنت عمي تزوجت لبلعباس دارو كيما راكي تقولي
بصح يا اختي الشدة هاديك ماجات تلبسها حتى كرهت حياتها قريب تبكي هههه

عندك الصح اختي والله تقتل بالعيا
انا خطرة لبستها في عرس نتاع وحدين حبابنا قالولي لازم نتي تجيبيلنا لعروسة جبناها من معسكر والله مت بالعيا وقالولي تقعدي بيها حتى تستقبلي لعريس فليل بالتمروالله قاع نهار وانا بيها كي نحيتها حسيت بروجي كنت لابسة جبل بصح والله غير حشمت قالولي رانا ناويين فيك لخير ماتخيبيناش

[*ام عبد الكريم*]

انا يا عزيزتي البغرير انتاعي حرقتهم :rolleyes: و قالت لي عجوزتي معليهش كلوهم مم محروقين بصح مقدرناش ناكلوهم ...هما ناس الريف بهذه العقلية و انا تصوري تزوجت مريضة ب la conjonctivite ما نشوف والو قدامي :mad::mad: اما عن الما و الصفعة ما علاباليش نصقصي لك عجوزتي و التحزيمة باش تجيبي نفس عدد اولاد اعجوزتك :1::1: لهاذا السبب ولدت طازينة هههههه:rolleyes:

[*سندوسة*]

انا يا عزيزتي البغرير انتاعي حرقتهم :rolleyes: و قالت لي عجوزتي معليهش كلوهم مم محروقين بصح مقدرناش ناكلوهم ...هما ناس الريف بهذه العقلية و انا تصوري تزوجت مريضة ب la conjontivite ما نشوف والو قدامي :mad::mad: اما عن الما و الصفعة ما علاباليش نصقصي لك عجوزتي و التحزيمة باش تجيبي نفس عدد اولاد اعجوزتك :1::1: لهاذا السبب ولدت طازينة هههههه:rolleyes:

ماعليش محروقين خير من لي يكونو ناقصين طياب
فطرتي على المحروق في صبحية عرسك ماعليش تكبري وتنسيها
ما عن لحزام حنا كانت لعجوزة هي لي تحزم بغرض مرت ولدها تجيب لولاد كيفها بصح ضرك راه يحزمها حماها ولا ولد اخت او اخ العريس

ربي يحفظلك وليداتك وتفرحي بيهم ان شاء الله

[*سندوسة*]

المهم كي قبلت الصفعة نتاع طفل صغير لا يعني لها شيئ بكل تأكيد ستقبل الصفعة نتاع راجلها لعزيز اللي هو أنا بسلامتي ههههههه المهم كاين عادات الله يبارك يفرحو وكاين عادات تحكمك الغصة منهم :confused:




خاصة العادة لي قتلتني بالضحك نتاع لعروسة لي تبزق بالحليب على الناس :1: :1:

[staifia]

خاصة العادة لي قتلتني بالضحك نتاع لعروسة لي تبزق بالحليب على الناس :1: :1:

صحيح اختي حنا عندنا لي يديروها. تعرفي هوما يجو القفافة اهل العريس. وهي تعمر فمها بالحليب وتجي من مكان عالي شوي وتبزق عليهم بالشوي تموتي بالضحك والله تبهديلة تختي نهار تزوجت قاتلهم والله مانديرها وبالفعل مادارتهاش

[*ام عبد الكريم*]

والله ياختي ضحكتيني

وش كان شعورك كي حرقتيهم عيشك!

انا درت حالة عليهم على خاطر مكانش هذه العادة في عائلتي و كنت لاهية بروحي عينيا مرمدين و يوجعو فيا و زيد حرقتهم بزاف ميش شوية :1::1: بصح متلهيتش بيهم :mad::mad::mad: كانت غيضتني روحي مريضة و نوضوني :mad::mad::mad::mad:

[*سندوسة*]

انا درت حالة عليهم على خاطر مكانش هذه العادة في عائلتي و كنت لاهية بروحي عينيا مرمدين و يوجعو فيا و زيد حرقتهم بزاف ميش شوية :1::1: بصح متلهيتش بيهم :mad::mad::mad: كانت غيضتني روحي مريضة و نوضوني :mad::mad::mad::mad:

والله ناس غريبة عجيبة لواحد مريض وهوما مايتنازلوش على امر ماهو مكتوب لا فالقران ولا فالقانون
الله يهديهم

[staifia]

يا ام عبد الكريم معليش المهم فاتت بخير وض ك تعرفي ديريهم !!

احنا عندنا تاع الغريف طيب وحدة ولا زوج برك


يا رجل الخفاء انت سي العمري لا!
والله عادة مش مليحة صح تبهدايل لكن الان عوضوها ورجوعو يديرو بيديهم برك يطرشوهم
اما الصفعة ماعندناش. عندنا يضربها للظهر ضربة خفيفة برك وتعطيلو الدراهم ههه

[*ام عبد الكريم*]

شفتي يسمين ما يردهم والو المهم عادتهم تفوت و لو فيها بدع و تفاهات بالعرام ....الله يهديهم ...

[staifia]

شفت يا اخي عبد المجيد يعرضوك باش تعرس وتنحي ضيقة لخاطر
تروح مستيكي روحك ولابس غاية
حتى تلقاهم يديرو الري العشوائي وبالحليب

لكن مش على المعاريض كامل :1:
يعني اهل العريس كي يجيبو الجهاز يعني في زوج ولا ثلاثة برك ترش عليهم الحليب هههه
كي نتزوج ارواحو للع س ماتخافوش مانديرهاش :1:

[*سندوسة*]

يا ام عبد الكريم معليش المهم فاتت بخير وض ك تعرفي ديريهم !!

احنا عندنا تاع الغريف طيب وحدة ولا زوج برك


يا رجل الخفاء انت سي العمري لا!
والله عادة مش مليحة صح تبهدايل لكن الان عوضوها ورجوعو يديرو بيديهم برك يطرشوهم
اما الصفعة ماعندناش. عندنا يضربها للظهر ضربة خفيفة برك وتعطيلو الدراهم ههه

يعني الضرب فيها فيها :confused: :confused::confused:

[*ام عبد الكريم*]

يا ام عبد الكريم معليش المهم فاتت بخير وض ك تعرفي ديريهم !!

احنا عندنا تاع الغريف طيب وحدة ولا زوج برك


يا رجل الخفاء انت سي العمري لا!
والله عادة مش مليحة صح تبهدايل لكن الان عوضوها ورجوعو يديرو بيديهم برك يطرشوهم
اما الصفعة ماعندناش. عندنا يضربها للظهر ضربة خفيفة برك وتعطيلو الدراهم ههه
انا غاضني الحال علي كنت مريضة و ماتنازلوش على عادتهم :1::1::1: عينيا يعلم بهم غير ربي :mad::mad::mad::mad: و لمزية ما تعجنوش لعروس و الا كاريثة ..حتى هما طيب زوج برك ماشي كامل

[*سندوسة*]

شفتي يسمين ما يردهم والو المهم عادتهم تفوت و لو فيها بدع و تفاهات بالعرام ....الله يهديهم ...

اللهم امين
وماديريش في بالك اختي ماعليش لي فات فات

[رجل الخفاء]

يا رجل الخفاء انت سي العمري لا!
والله عادة مش مليحة صح تبهدايل لكن الان عوضوها ورجوعو يديرو بيديهم برك يطرشوهم
اما الصفعة ماعندناش. عندنا يضربها للظهر ضربة خفيفة برك وتعطيلو الدراهم ههه

إيه أنا هو السي عمري والسي الدايم ههههه وهل هناك غيره :19:
الحليب ربما إشتروا تلك المسدسات المائية وإملئوها بالحليب بدل الماء ولعبو على راسكم بصح البصق مامعناش ههههه وهل يمكن أختي الفاضلة أن تغيروا عادة الضرب للظهر إلى الصفع سيكون أحسن ههههه ثم الضرب إلى الظهر يعتبر غدر كالطعن في الظهر ونحن الحمد لله خاطينا الغدر :mh31:

[staifia]

انتم عندكم النقافات هادوك ولا وش تقولولهم لي يقولو الصلااااة والسلاااام على رسول الله. .......واحنا عندنا الصراوي مي العجايز يغنوهم واحد الكلام تاع بكري يخلطو برك ههه
انا في عرس بنت عمي في بلعباس عجبوني هادوك تاع القرقابو ولا وش اسمهم ههههه تشطحي بلا ما علابالك

[*سندوسة*]

انتم عندكم النقافات هادوك ولا وش تقولولهم لي يقولو الصلااااة والسلاااام على رسول الله. .......واحنا عندنا الصراوي مي العجايز يغنوهم واحد الكلام تاع بكري يخلطو برك ههه
انا في عرس بنت عمي في بلعباس عجبوني هادوك تاع القرقابو ولا وش اسمهم ههههه تشطحي بلا ما علابالك

كاين نسا نتاع بكري لي كانو يديرو الصف ويغنو بالبندير

وكاين المداحات هاذو خطييييرين :1:
وكاين نقافات بصح ماشفتهمش في بلعباس شفت غير لعمارية لي يرفدو فيها لعروسة وتجي معاها فرقة نتاع قرقابو
ختي خدمولها في عرسها دارولها 3 رفدات مع تلات دخلات نتاع فرقة قرقابو كل مايرفدوها بالعمارية تدخل الفرقة نتاع قرقابو

[Kawthar77]

هههها فكرتوني بعرس حضرته في الغرب ولاية معسكر والله عجاءب وغرائب الجزائريين والعروس دارولها الحنة في يديها في اليوم الجمعة وبعد ما يلبسوها الحزامة وتروح تمشي بالزغريد الى الكوزينة وتلصق الحنة في باب كوزينة يعني تضع يدها في باب ههها مسكينة الكنة وهدي عادتهم باش تعيش في الكوزينة كامل اليوم غير الليل تروح ترقد هههها تحسب العروس تزوجت كوزينة مشي راجل
وفي العرس امراءة سالت عني اسكو عزبة ههها قلتلها ادا ندير الحنة في الكوزينة نقعد بلا زواج خير لي

[*سندوسة*]

هههها فكرتوني بعرس حضرته في الغرب ولاية معسكر والله عجاءب وغرائب الجزائريين والعروس دارولها الحنة في يديها في اليوم الجمعة وبعد ما يلبسوها الحزامة وتروح تمشي بالزغريد الى الكوزينة وتلصق الحنة في باب كوزينة يعني تضع يدها في باب ههها مسكينة الكنة وهدي عادتهم باش تعيش في الكوزينة كامل اليوم غير الليل تروح ترقد هههها تحسب العروس تزوجت كوزينة مشي راجل
وفي العرس امراءة سالت عني اسكو عزبة ههها قلتلها ادا ندير الحنة في الكوزينة نقعد بلا زواج خير لي

هههههه اول مرة نسمع بيها نتاع الحنة فالكوزينة
وعجبني الرد نتاعك اختي تحصيلها اختي تعرفي تخمي:19:

[*سندوسة*]

يو يو يو يو يو يو يو مبروك عليكن دافونس... ما تنسوش تعرضونا للعرس بصح بدون بصق الله يرحم والديكم ههههههه


الله يسلمك خيي ولعقوبة ليك
وحنا خاطينا لعادة نتاع البصق

[رجل الخفاء]

:sdf::sdf: الله يخليك فهمني معناها

والله يا أختي لخميستية حتى أنا أسمعها كثيرا لكن في حياتي لم أفهمها... حينما أفهمها نفهم أختي هههههه

[رجل الخفاء]

كاينة شوي. Circulation في الطريق برك كي تفرى راهم يجو
المشكل مكانش لي يعجب :1:
كي شغل انت لقيت وخلاص

دوك تفوت حياتك أنت والعباسية تستنو في اللي يعجب حتى يفوتكم القطار هههههههه واش يخصكم زعمة أنطونيو بونديراس أو جورج كلوني؟؟؟ هههههه
أنا ما لقيت ما راني نحوس... راني هاني في راسي والحمد لله :rolleyes:

[Simassim]

من قال خمسينية !!!!!! انا تكلمت عن معارفي


كل عادة اغرب من ختها ربي يجيب الخير ويهدي الجميع

[staifia]

دوك تفوت حياتك أنت والعباسية تستنو في اللي يعجب حتى يفوتكم القطار هههههههه واش يخصكم زعمة أنطونيو بونديراس أو جورج كلوني؟؟؟ هههههه
أنا ما لقيت ما راني نحوس... راني هاني في راسي والحمد لله :rolleyes:


عادي انا علابلي نهار يكتبلي. ربي الزواج نتزوج
لاالا نحوس واحد طويل ومقبول شكلا و عقلا و تفكيرا :rolleyes:

[*سندوسة*]

دوك تفوت حياتك أنت والعباسية تستنو في اللي يعجب حتى يفوتكم القطار هههههههه واش يخصكم زعمة أنطونيو بونديراس أو جورج كلوني؟؟؟ هههههه
أنا ما لقيت ما راني نحوس... راني هاني في راسي والحمد لله :rolleyes:


ونا يا خويا علاه دخل فيا ياك قتلك راني قاضية اموري :1:
ومارانيش نستنى في انطونيو وماتخافش لقطار مايفوتنيش بإذن الله
نقولك علاه
انا نحس روحي مميزة ومانرضاش بلي يقلل من قيمتي على خاطرش نعرف روحي قداه نسوى الحمد لله ومايستاهلني غير لي يعرف قيمتي
واكيد حياته معايا راح تكون اروع من الخيال

[*سندوسة*]

من قال خمسينية !!!!!! انا تكلمت عن معارفي


كل عادة اغرب من ختها ربي يجيب الخير ويهدي الجميع

اللهم امين

[*سندوسة*]

عادي انا علابلي نهار يكتبلي. ربي الزواج نتزوج
لاالا نحوس واحد طويل ومقبول شكلا و عقلا و تفكيرا :rolleyes:

ربي يرزقك على حساب مراكي متمنية خيتو :1:

[رجل الخفاء]

من قال خمسينية !!!!!! انا تكلمت عن معارفي


كل عادة اغرب من ختها ربي يجيب الخير ويهدي الجميع

المهم الخميس نعرفها مليح مليح شارع شارع زنقة زنقة :19:
اللهم امين... الله يهدي ما خلق...

[رجل الخفاء]

عادي انا علابلي نهار يكتبلي. ربي الزواج نتزوج
لاالا نحوس واحد طويل ومقبول شكلا و عقلا و تفكيرا :rolleyes:

طويل يعني مثل الزرافة :confused: مقبول شكلا يعني مهند :confused: مقبول عقلا يعني أينشتاين :confused: تفكيرا مثل إبن خلدون :confused:
دائما هناك غموض في طلبات النساء... المهم والله كلكن أخواتي العضوات الكريمات أحترمكن كثيرا وأتمنى لكن أسياد الرجال...

[nonoi]

ما نستعرف بحتى عادة

[رجل الخفاء]

ونا يا خويا علاه دخل فيا ياك قتلك راني قاضية اموري :1:
ومارانيش نستنى في انطونيو وماتخافش لقطار مايفوتنيش بإذن الله
نقولك علاه
انا نحس روحي مميزة ومانرضاش بلي يقلل من قيمتي على خاطرش نعرف روحي قداه نسوى الحمد لله ومايستاهلني غير لي يعرف قيمتي
واكيد حياته معايا راح تكون اروع من الخيال

رب يكملك بألف خير أختي سندوسة العباسية وتعيشي هانية مهنية مع سيد الرجال...

[staifia]

ربي يرزقك على حساب مراكي متمنية خيتو :1:

اللهم امين خيتي وانتي تاني ربي يكملك


يا سي العمري يخي مش حرام نحوس واحد طويل مش زرافة لكن مليح برك مش مهند لاني نكره الزين السامط
المهم راجل نرتاحلو وصاي
الله زرقنا كامل بالازواج الصالحة
شكرا

[*سندوسة*]

ما نستعرف بحتى عادة

نستعرف بيك اختي

بصح مالازم نلغوهم كلهم على خاطرش باش يبان لعرس بلي عرس ولكن مانبالغوش بزاف كيما التصديرة والاسراف
وكاين عادة نتاع البارود لوكان مايديروش لبارود فاعرس ينجنوا

وهوما يخلعو فناس مايعرفو لي فيه لخلعة مايعرفو مريض

[*سندوسة*]

رب يكملك بألف خير أختي سندوسة العباسية وتعيشي هانية مهنية مع سيد الرجال...


اللهم امين

اللهم امين خيتي وانتي تاني ربي يكملك


يا سي العمري يخي مش حرام نحوس واحد طويل مش زرافة لكن مليح برك مش مهند لاني نكره الزين السامط
المهم راجل نرتاحلو وصاي
الله زرقنا كامل بالازواج الصالحة
شكرا

امين يارب العالمين

[رجل الخفاء]

يا أختي العمرية من حقك إختيار ما ترغبه النفس... المهم في الأخير الصفى والنية... رب يسترنا ويستركم :)

[سوستال]

ربي يهدينا.. عادات غريبة

[ivaoran]

السلام عليكم
تفكرت عادة مليحة

من صبحة العرس في تيارت
يجو الجوارين و الاحباب ابتداء من المقيل يجيبو الفطور
هاد الفطور هو بغرير او مسمن طايب و براد شاي و يجو يحمدو

و راكم عارفين سطارة التيارتيات بغرير روعة
سيمانة و هوما يجيبولي في المسمن و البغرير نعشوي بيه هههه

[ivaoran]

نستعرف بيك اختي

بصح مالازم نلغوهم كلهم على خاطرش باش يبان لعرس بلي عرس ولكن مانبالغوش بزاف كيما التصديرة والاسراف
وكاين عادة نتاع البارود لوكان مايديروش لبارود فاعرس ينجنوا

وهوما يخلعو فناس مايعرفو لي فيه لخلعة مايعرفو مريض




على ذكر البارود

مره حضرت عرس في احد ولايات الغرب
من جيهة العريس
و اخ العريس رئيس الفدرالية الولائية لرياضة الرماية
و بدا le tire
يا de vrais balles

[*سندوسة*]

ربي يهدينا.. عادات غريبة

اللهم امين
بارك الله فيك اختي

[*سندوسة*]

السلام عليكم
تفكرت عادة مليحة

من صبحة العرس في تيارت
يجو الجوارين و الاحباب ابتداء من المقيل يجيبو الفطور
هاد الفطور هو بغرير او مسمن طايب و براد شاي و يجو يحمدو

و راكم عارفين سطارة التيارتيات بغرير روعة
سيمانة و هوما يجيبولي في المسمن و البغرير نعشوي بيه هههه





وعليكم السلام ورحمة الله وبركاته
الله يبارك
هاذي عادة ماشاء الله
بصحاتكم يا خيتي :1:

[*سندوسة*]

على ذكر البارود

مره حضرت عرس في احد ولايات الغرب
من جيهة العريس
و اخ العريس رئيس الفدرالية الولائية لرياضة الرماية
و بدا le tire
يا de vrais balles





بغا يقتل عباد ربي :1: :1:

للفرحة حدود وهادي ناس لي ماتعرفهاش وماديرش حسابها

[alkalima tayiba]

نقوللكم عادة في ولاية شلف تاع سيدي معمر لي ذكرتها الاخت ولكن ماكملتش حاجة ان المهر رخيص لدرجة لا تتوقع اي في سيدي معمر لازم مايديرهاش شرط غالي 8 ملاين او 9 وخاتم العرس فقط مكان لا جهاز ولا حنة لي يرافقها الطبق ولا فطورها يعني الكبش ونسيت الشرط تاع الذهب لي حنا نقولوا لازم 4 صوالح يعني بالمختصر المفيد لي حاب يتزوج وماعندوش نصيحة من عندي غير يجيبها من شلف واش رايكم في هاذه العادة وكاين حاجة لازم مايديرهاش لاخطرش اذا فوق هاذا تصرا كريثة لا يحمد عقباها
9 ملايين+ 4 صوالح ذهب + طبق (كسوة و ريحه ووووو)
واش خلات الحي و الني داتوا
انا سمعت سيدي معمر ربعة دورو تاع ذهب فقط ماش ملايين وووووو
و الله أعلم

[*سندوسة*]

9 ملايين+ 4 صوالح ذهب + طبق (كسوة و ريحه ووووو)
واش خلات الحي و الني داتوا
انا سمعت سيدي معمر ربعة دورو تاع ذهب فقط ماش ملايين وووووو
و الله أعلم

السلام عليكم

هي تقصد على ما اظن انه مقارنة بشروط التعجيزية التي يطلبها الفتيات فهذه رحمة شوية

[imane khaled]

الله يبارك ماشاء الله عليـــــكي على الموضوع رائع

[*سندوسة*]

الله يبارك ماشاء الله عليـــــكي على الموضوع رائع

شكرا اختي
وبارك الله فيك
نورت الموضوع

[ام فروحة]

9 ملايين+ 4 صوالح ذهب + طبق (كسوة و ريحه ووووو)
واش خلات الحي و الني داتوا
انا سمعت سيدي معمر ربعة دورو تاع ذهب فقط ماش ملايين وووووو
و الله أعلم

لا لا سيدي معمر غير 9 ملاين وخاتم وبس هاذوك تاع 4 صوالح والطبق وغيره في بلادي يدروه

[*سندوسة*]

لا لا سيدي معمر غير 9 ملاين وخاتم وبس هاذوك تاع 4 صوالح والطبق وغيره في بلادي يدروه

شكرا للتوضيح اختي

[nadia mimi]

سلامو ياسمين
فعلا هي عادات غريبة و لكنها تبقى متوارثة عبر الاجيال
احنا في سطيف في اليوم الموالي لزفافها ياتي اخو العريس الاصغر ويحزمها بحزام ويضربها ضربة خفيفة على ظهرها ههه
وكاين بمجرد ما تدخل العروس لبيت زوجها تأتي ام الزوج وتعطيها دهان او زبدة وتضعها على الحائط هههههههه
عادات مضحكة صراحة
شكرا

[*سندوسة*]

سلامو ياسمين
فعلا هي عادات غريبة و لكنها تبقى متوارثة عبر الاجيال
احنا في سطيف في اليوم الموالي لزفافها ياتي اخو العريس الاصغر ويحزمها بحزام ويضربها ضربة خفيفة على ظهرها ههه
وكاين بمجرد ما تدخل العروس لبيت زوجها تأتي ام الزوج وتعطيها دهان او زبدة وتضعها على الحائط هههههههه
عادات مضحكة صراحة
شكرا

وعليكم السلام اختي

الله يهدينا ويهديهم
ان شاء الله العادات لي معندهاش معنى تزول

موفقة اختي

[face moon]

كاين عادة في مستغانم لطالما استغربتها
وهي ان العروسة قبل ان تدخل المكان الدي يقام فيه الزفاف
تدوس على بيضةو هي حافية

[رَكان]

9 ملايين+ 4 صوالح ذهب + طبق (كسوة و ريحه ووووو)
واش خلات الحي و الني داتوا
انا سمعت سيدي معمر ربعة دورو تاع ذهب فقط ماش ملايين وووووو
و الله أعلم

السلام عليكم
هل يمكنك الإفادة ؟؟؟
أين تقع سيدي معمر هذه ؟؟؟

[ibtihal18]

اهلا يسمين ..............شكرا على الموضوع
العادة المذكورة في جيجل كانت بكري مي دركة القليل القليل اللي مازال يديرها و الحقيقة انو اغلب الاعراس الجيجلية تمنع الاختلاط حتى على اهل البيت يعني حتى اخوان العروسة ما يدخلوش منين النسا فمابالك باخ العريس و هذي العادة كانت تمارس فنهار الثالث تاع العرس يعني لما تروح الزوجة لبيت اهل زوجها و يجيو عندها ماليها ..............لكن اليوم اغلبيتنا تخلى حتى على هذا الثالث و الاعراس ولات تقام في يوم واحد فقط

[*سندوسة*]

كاين عادة في مستغانم لطالما استغربتها
وهي ان العروسة قبل ان تدخل المكان الدي يقام فيه الزفاف
تدوس على بيضةو هي حافية

والله كاين عادات لا علاقة لها بأي شيئ وليس لها معنى
ربي يهدينا

[*سندوسة*]

اهلا يسمين ..............شكرا على الموضوع
العادة المذكورة في جيجل كانت بكري مي دركة القليل القليل اللي مازال يديرها و الحقيقة انو اغلب الاعراس الجيجلية تمنع الاختلاط حتى على اهل البيت يعني حتى اخوان العروسة ما يدخلوش منين النسا فمابالك باخ العريس و هذي العادة كانت تمارس فنهار الثالث تاع العرس يعني لما تروح الزوجة لبيت اهل زوجها و يجيو عندها ماليها ..............لكن اليوم اغلبيتنا تخلى حتى على هذا الثالث و الاعراس ولات تقام في يوم واحد فقط

:dj_17:

العفو اختي
كاين عادات مقبولة وكاين عادات مايتقبلهاش العقل

ربي يجيب لخير
موفقة حبيبتي

[sara nissa]

بارك الله فيك

[وهج الحياة]

بالنسبة لي من لا عادات له لا اصل له ،،، الا انني لا احبذ ابدا ان يتم الاستعانة بعادات غير عادات بلدي ،،،،شكرا على الموضوع

[*سندوسة*]

بارك الله فيك

وفيك بارك الرحمن اختي

[*سندوسة*]

بالنسبة لي من لا عادات له لا اصل له ،،، الا انني لا احبذ ابدا ان يتم الاستعانة بعادات غير عادات بلدي ،،،،شكرا على الموضوع

اهلا اختي
اكيد من لاعادات له لا اصل له اذا كانت هذه العادات ذات معنى

وبارك الله فيك على المرور