احمرار المنطقة الحساسة عند الأطفال

[om_hammam]

السلام عليكم و رحمة الله و بركاته
حياكن الله أخواتي.عندي بنتي 5 أشهر و نصف ظرك عندها حوالي 15 يوم و هي تعاني من التخداد.يعني احمرار شديد في المنطقة الحساسة و بين فخاذها.درتلها ميكوسيد ما دارتلها والو.و كي درتلها فازلين تاع الاولاد زاد عليها الحال و راهي ظرك مهرية تاع الصح و دارولها جراح و يسيحو بالدم.راني ظرك من البارح و أنا نديرلها في دواء لحمر و oxyplastine لكن ما لاحظت حتى تحسن.باش تنصحوني.و الله مسكينة حتى كي نهزها و نقيسها جهة التخداد تولي تبكي.بارك الله فيكن أخواتي.

[*عائشة*]

بالنسبة لي أنا نستعمل الفازلين pur يكون اللون تاعها بالزرق وممكن دوا الاحمر ينفع في حال الجراح باش يشيحو مليح و لكن لازم على الاقل الطريقة اللي دريها تكون لمدة يومين وبما انو بنتك صغيرة كي يشيح دوا الاحمر الستعملي بودر باش يرطابو و يتنحا عليها الوجع ونحيلها لي كوش شويا خلال النهار
و كاين بوماد اسمها dermocuiver مليحة بزاااف

[amira19]

احنا يديرو زيت سانقو للتخداد

[maria77]

الدواء الاحمر فهو من ساعدني مع ابنائي طبعا بعد غسل المنطقة بصابون حجرة جيدا ثم المسح الجيد ثم نضع الدواء الاحمر وهكدا حتى تشفى ان شاء الله

[Simassim]

ربي يشافيهالك انا نخدم بميتوزيل
غسليلها مليح وديرلها Iosine وخليها تتهوا وغيريلها الكوش كل مرة باش ماتزيدش

[*عائشة*]

http://www.m5zn.com/newuploads/2015/03/10/jpg//m5zn_8dcb4bf8a24ff80.jpg

[OM ALAA AMINA]

Diri dwa lahmar bsah diri had la maroue mercurochrome aoueux 2 pourcent w khatra ala khatra micocide w dirilha couche ketane w plastioue ta3 bekri

[zohour]

لازم تستعملي حاظات من النوع الجيد مع التهوية

[حور العين 83]

ما تديريش ميكوسيد مش مليحة في المناطق المغلقة وديري زيت عادي انتاع الطبخ في علبة وخلطي معاه نشاء يولي كريمة كل ما تغيري لي كوش ديريلها وجامي تمسحيلها بلانجات في هذه الفترة اما اذا كان الاحمرار مسببلها حكة ديريلها
pevaryl
واي سؤال راني موجودة ربي يشفي بنتك وملاحظة على دوا اللي قتلك عليه شري الساءل مش رشاشة

[elmili999]

Salam dirilha mayzinza katrirlha khaliha tenchef mkih bedli les couches direlha can bebe o bien moulfiks

[elmili999]

Mayzina yaeni necha

[sabi foufa]

اختي ديريلها بومادة زيت كبد الحوت ضربة ضربة

[ابداع جزائرية]

النشا اختي على النظافة حل سحرييييي
من درته اول مرةوانا نفرغ علبةالتالك نرميه ونعمرها نشا
صدقيني سحري
ربي يحفظها

[kikimnarim2]

oxyplastine لمخيرة فالتخداد ديري حتى 4 مرات في اليوم بعد ما تغسلي المنطقة مليح بصايون الطرف زيدي وراه الدواء الاحمر ومن بعد ديري كمية معتبرة من الاوكسيبلاستين بدلي نوعية الحفاظات والى عندك زيت الضرو مفيد جدا للالتهابات وربي يجيب الشفاء

[أم شروفة]

اغسليلها بصابون الجيراف .وفي النهار نحي الكوش غير في الليل ديريلها النوع الغالي .......وكذلك زيت الحوت كل مرة ديريه...........ربي يشفيها

[oprah]

السلام عليكم أختي العزيزة ربي يشفيهالك يا رب
أنا كي كان صغير نديرلو اوكسيبلاستين بصح بيها و كان مرات يحمار بطلتها
دوكا ندير بوماد زيت كبد الحوت يا أختي غير ضربه بصح نتبع معاها هاد الطرق لانو وحدها ما تدير والو:
أنا في كل وقت نبلاصيلو لاكوش نديرلو البوماد جامي ننسا يعني كل وقت
غير يوسخ في لاكوش نحيهالو ديراكت بويسك روماركيت التبول حاشاك ميضرش بصح الوسخ لوكان يريح بيه برك نص ساعه يحمار
التهويه لازم يعني عندي تقريبا 3 ليكوش في النهار بلا نتاع الليل وحده لي يرقد بيها و بين كل كوش نخليه حتى نص ساعه متهاوي و نديرلو فراش نتاعو في الوسط فيه نيلون باش ميشمخليش الفراش و نخليه يلعب
و منكدبش عليه دراهمي راحو غير في ليكوش و مزيه نرضعو صدري و مهنيه من الحليب مي غير نحس لاكوش تعمرت بول حاشاك نحيهالو
و هكدا الحمد لله ماهوش يحمار مالغري عندو جلد حساس
ياربي نكون أفدتك و ربي يشافيهالك

[lotfi mounib]

مشكووووووووووور

[lotfi mounib]

مشكووووووووووور مشكووووووووووور

[أم همام 2015]

oxyplastine هايلة و إلا ما ساعدتكش إشري دوس وهي نفسها زيت الحوت ماشاء الله ضربة ضربة و ربي يشافيهالك و يسعدك بيها دنيا و آخرة

[تيماء الله]

سلامي اختي الكريمة نقلك ادا دخلتيلها الاكل ممكن يدير الاحمرار ادا عندها حساسية من حاجة و ننصحك بالنشاء علا نطافة راو روعة ربي يشفيها والله وجعني قلبي عليها

[ام ايـاد]

ولدي كان يدير السنين ومسكيييين جاه اسهال قوي بزااااااف ونااض فالليل يبكي والله ماقدرت نشوووف فييييييه جبت الزيت اللي نطيبوو بيه ودرتله بعد ماغسلتله ونشفتله والله كي ناض الصباح مالقيييت والووو سبحان الله من هديك النهار وانا نديره نحطها منا يروووح هداااك الاحمراار جربيها مرة ورجعيلي لخبرررر

[بعيدة المنال]

ننصح أخواتي يتجنبوا الفازلين خاصة في حالة كيما هذي راه من مشتقات البترول ويسبب التسمم على المدي البعيد في الغرب منعوهالمهتمين بالصحة حتى ليدين الكبار وين يا الصغار وفي المنطقة الحساسة
جربي زيت الزيتون مع البودر إن شاء الله ترتاح وأهم شيء نحيلها الكوش في النهار وحطيلها بين أفخاضها قماش حنين

[om_hammam]

بارك الله فيكن أخواتي و الله راكم كفيتو و وفيتو و استفدت منكن كثيرا.و الله راهي مسكينة مسلوخة.هههه.و الله الدم عاد يسيح ساعة على ساعة .ولالها الاحمرار كي شغل جراح و في بلايص كي شغل تشلفيط و يسيح بالماء

[كاتي حياة]

بارك الله فيكن أخواتي و الله راكم كفيتو و وفيتو و استفدت منكن كثيرا.و الله راهي مسكينة مسلوخة.هههه.و الله الدم عاد يسيح ساعة على ساعة .ولالها الاحمرار كي شغل جراح و في بلايص كي شغل تشلفيط و يسيح بالماء


اختي خفي وديريلها دواء لحمر وخليه ينشف شوية ومن بعد دريلها طلك رح تحس باراحة وتخليك تمسيها وتديرلها اي زيت

[زينب 83]

شوفي حبوبة نشاء الذرة ضربة ضربة هايل انا معنا مدياتو لاولادي و الله روعة جربيه و رديلي الخبر، يعني النشاء اللي نديروه في القاطو

[الفارسية]

السلام عليكم
اختي انا عن تجربة درت التايدا وهي نافعة جدا وسحرية روحي عند العشاب قوليلو اعطيني التايدا وهو يعطيهالك جايا كيما خشبة تيبسيها وتطحنيها وذرذريها فوق الجرح والله غير يشفى في يومين باذن الله وانا جربتها لوليدي كان عندو شهرين مانفعتني لاميكوسيدلا والو
اتمنى نكون افدتك

[كلاك]

السلام اختي انا ابنتي كانت تعاني من نفس المشكل لمدة عام ونصف احدتها الى عدة اطباء لكن دون جدوى وفي هذه الفترة كانت لاتستعمل الحفاضات(تعبت من الغسيل كل دقيقة) لكن الان الحمدلله شفيت لحطرش كنت نغسلها بصابون ابيض واسمو صابون مارساي تلقايه في الصيدليات مع ماء يكون فاتر ثم نشفها مليح ونستعمل ميكوسيد نتاع الحارج ماشي نتاع الجزاير مدة يومين واختفى كل شئ

[أم ياسين الزهراء]

نضن ليكوش ماوالموهاش بدليلها وديريلها زيت الطياب نافع ومليح

[نور97]

استخدمي Biafine بيافين هي أحسن حل دك تلاحظي تحسن ملحوظ و رجعيلي الخبر

[slabdali]

شكرا:dj_17:الخاتمة1الخاتمة1

[om_hammam]

بارك الله فيكن أخواتي
و الله راني كل مرة نجربلها حاجة من نصائحكم.ان شاء الله يا رب تزرب ترتاحلي

[OUM DANIA]

عزيزتي ان لم تجدي oxyplastine نفعا معليك الا ب dermofixعن تجربة وبوصفة طبيب .

[mon mari]

السلام عليكم

اختي انا تاني بنتي عندها 6 اشهر و صرالها هاكذاك ديتها عند الطبيب اعطاني هاذ la pomade من الضربة الاولى يروح كلش وهي kétoskin

لخاطر الطبيب فالي في الحقيقة هاذو عبارة على فطريات وحنا نقولولها تهرية وكل منطقة كيفاش يسموها

[ام فروحة]

ماعليك غير بزيت كبد الحوت بسرعة فائقة يزيل كل شيء ديريه غير مرة فقط وشوفي النتيجة

[zahra rose]

نتمنى الامهات مايتركوش البيبى بالكوش مدة طويلة بزاف والاحمرار شديد يطور لازم تبعيه من البداية باه تقدري تعالجيه وربي يحفظهالك ان شاء الله

[malak mimi star]

انا ولدي ساعداتو ميكسا بيبي الحمد لله منين درتهالو تنحا التخداد

[ياسمينة18]

حاولي تنحيلها ليكوش باه تتهوى اوديريلها ليكوش نوعية مليحة لوزيت الحوت اوحتى الدوا لحمر مليح للجراح ربي يشفيها عادي ماتخافيش لولاد كامل هاكذا

[ام وسامة]

يا أختي ديريلها التايدة اتباع عند العطار تشريها مطحنة
ديري شويا زيت عادي و ديري التايدة و راح تشوفي النتيجة
أنا بنتي درتلها ورهي مليحة

[soumay12]

اختي احسن حاجة هي الاوكسيبلاستين اعتقد السبب انك اهملت ابنتك لفترة معينة لهذا مع بشرتها حساسة تسبب في ما حدث

حاليا عليك التغيير لها باستمرار او اتركيها هكذاك

ان لم تنفع الاوكسبلاستين حاجة وحدة تنفعها هي la graisse des voitures منعرف كفاش يسموه بالعربية وهو المادة المستخدمة لتشحيم السيرات


تباع عند الكنكنري

هي مادة مفيدة جدا وعن تجربة لانها من مخلفات البترول ولا خطر على الاطلاق على بنتك وبامكانك استخدامها بشكل دائم والا ستغناء على الاوكسبلاستين

بالتوفيق اختي

[jasmin roses]

ديريلها بوماد زيت الحوت ضربة ضربة
ربي يشفيها

[walid46]

انصحك بالدواء لحمر مليبح او النشاء مع الزيت العادي

[hanane 48]

انا ندير لولادي الدوا لحمر عن تجربو ولادي دروك راه عندهم 07 شهر مي هادي حساسية من الماكلة ديفوا ماخرجش عليهم

[الطائعة لزوجها]

الدوا الاحمرقولي للصيدلي يعطيك eosine aceuse من النوع الجيد ثم ذري النشا نصييييييييييييييحة من ذهب

[lina23]

احسن دواء عن تجربة زيت الضرو جربيه ورجعيلي

[ام خليل المصطفى]

اختي بدليلها نوعية ليكوش وخليها فترة هكداك

[sinda]

ديريلها بوماد تاع زيت الحوت

[immunobiologie]

زيت كبد الحوت، زيت زيتون و تغيير الحفاضات يمكن تكون حساسية
عليك بالطبيب

[raghado]

اختي بدلي نوعية الكوش بلاك ماخرجتش عليها بشرتها حساسة وديري الدواء الاحمر وحطرة وخطرة زيت ولافازلين المهم دهن وبعدي كل على لينجات هي تسبب الحساسية وحاولي تخرجها للشمس لازم المنطقة تضرب فيها الشمس مرة في النهار

[miquanta]

thankssssssssssssssss

[miquanta]

شكرؤااااااااااااااااا

[أم شهد*]

شوفي انا بنتي درتلها لعجب و مفادش فيها انهار لي روحت لطبيب يحياوي ربي يحفظو اعطاني واحد المرهم عندو فعالية من اول استعمال
فنازول ب 12 الف و فعالية منحكيلكش ضرب بضربة جربيه و ادعيلي

[hadjer17000]

سلام
هذا البوماد فنازول مجرباتو ضربة بضربة بصح يصلح لبيبي عدو 40 يوم راه بني يعاني من الاحمرار

[دعاء القلوب]

سلام كاين بوماد مدهالي الفارماسي مع الدوا لحمر والله غير هايلة وسمها كتوسكين ketoskin

[أم شهد*]

سلام
هذا البوماد فنازول مجرباتو ضربة بضربة بصح يصلح لبيبي عدو 40 يوم راه بني يعاني من الاحمرار

لا مش شرط 40يوم انا بنتي ملي درتهالها كانت عندها 4 اشهر ومن اول مرة شفت مفعولها

[أم شهد*]

سلام
هذا البوماد فنازول مجرباتو ضربة بضربة بصح يصلح لبيبي عدو 40 يوم راه بني يعاني من الاحمرار

شوفي نقولك حاجة انا بنتي من شهر حتى 4 اشهر وانا نجربلها في كلش مخليتلها والو لي نسمع بيها نجربهالها كنت ديمنا نهوي فيها و نغسلها بصابون الحجرة و والو
ملي رحت لطبيب كيما قتلك قتلو على طياب لي فيها قالي على هذا المرهم وتقدري اديرهلو في رقبتو كي يكون طايب منها
المهم تقدري تديرهلو و ننصحك بدواء الاحمر ثاني مليح حتي وراه المرهم يدير مفعول جربي واش قتلك وادعيلي

[houssem zizou]

Biafine أفضل حل للتخداد و الإحمرار
سال المجرب و ما تسالش الطبيب
و الشفاء بيد الله

[houssem zizou]

http://im50.gulfup.com/O97rmw.jpg (http://www.gulfup.com/?Zf0IMG)

[heba dz]

ديري زبدة ستار ونشا وادعيلي انا نفعني في بنتي

[سهام1]

ديريلها مرهمم ميكوتين مدهالي صيدلي ررررررررررررروعة لرضيع

[hajour]

خليها تتهوى و متخليش الحفاظ لفترة طويلة بدلي لها، أغسلي بالما و الصابون و أعملي زيت الحوت و البودر. و إذا كانت مضرورة حطيها في بسينة تاع ماء دافي و حطي نصف قرص تاع برمنغنات البوتاسيوم مدة 10 د هذا مضاد للبكتيريا نشفيها مليح و ادهنيها ببوماد وسمو كيتوسكين و هذا مضاد للفطريات و ربي يشفيهالك

[المتحدي]

الزيت نتاع الطياب حتى هو مليح

[مجدى بدوى]

جزاك الله بكل خير على هذا المجهود الرائع

أسأل الله أن يجعله في ميزان حسناتك
ونسئل الله العلي القدير ان يرفع شانكم ويعينكم على عمل الخير