مجرد إقتراح بخصوص الفول

[صدفات]

البسملة1





اليوم الصباح أخواتي كان عندي الفول خممت كيفاه نطيبه لقيت نفسي نكرر في نفس ألأطباق
فول بصوص طماطم فول ممروس بالزبدة أو سلطة 3 طرق و بس
و بما أنه رانا في موسمه إرتأيت ان أقترح عليكم أنه كل أخت تحط طريقتها في تحضير
الفول و خصوصا أنه منتدانا ماشاء الله راه نقطة تلاقي لكل مناطق بلادنا الحبيبة
و حتى يصبح هذا الموضوع مرجع لكل وحدة تحب تنوع في هذه المادة
أرجو تفاعلكم و إهتمامكم
دمتم في رعاية الله

[douniadiab4]

سلام والله مشكورة على طرح الفكرة
اختي صدفات ماذا بينا يثبت الموضوع
انا وحدة من الناس الي نديرو مرق او بلاصوص
ومادا بيا يفيدونا لبنات

[روح مراد]

صباح النور صدفات
الفول تقريبا ما عندوش بزاف أطباق
أحنا عندنا نديروه بطرق معدودة رايحة نشرحها

أولا طبيخة:
طبيخة هاذي تحضر بطريقتين أو ثلاثة طرق

الطريقة المعروفة:
تنقي الفول و تقطعيه مع البصل و الثوم و تقليه مليح و الفلفل الأسود و قليل من الكمون و طماطم المصبرة و كسبر كي يتقلا مليح نزيدو عليه الجلبانة و حبة جزر و نمرقو غير شوية و نغلقو الكوكطة و نخلوه يطيب غير بالعقل هذا يجي ناشف
كاين اللي يدير الفول وحده و يجي فيه شوية مرقة في الأخير يرمي ملاعق أرز و يخليه يتشرب المرقة
و في الأخير تزيدي عليه كسبر مقطع رقيق

الطريقة الثانية تنقي الفول و تحطيه يتفور في كسكاس
في هذه المدة تحضري صلصة طماطم عادي كيما نتاع المقارون و كي يطيب الفول نرموه في الصلصة و نخلوه يتشربها و نزيد عليه الكسبر في الأخير
كاين اللي يقلي البطاطا و كخطو أخيرة يرمي على الفول البطاطا المقلية و الكسبر و يطفي النار

و نديرو بيه مسفوف إما نزيدو عليه الجلبانة و الجز إما فول وحده و ندهنوه بزيت الزيتون

العجايز في البلاد يطيبو مسفوف الفول
و يطيبو الطبيخة بالفول وحده
يقطعو الفول رقيق و يحطوه في طنجرة و يغطوه يخلوه يطلق كامل الماء نتاعو من بعد يقطعو البصل و الثوم و يخلوه يزيد يتقلى مليح كي يتقلى مليح مليح ديرو عليه الزيت تقريبا فنجان زيت و ملح و فلفل أسود و عكري و فلفل أحمر يابس و يقطعو عليه أوراق النعناع طرية و يقلوه شوية و من بعد يمرقو غير بشوية ماء يجي بزاف ناشف فول و زيت برك في الأخير هذا يجي شوية محرحر

و طريقة أخرى نتاع العجايز يطيبو الفول و يديرو معاه البركوكس في الأخير و يجي بدون مرقة ناشف

[ام انفال الاء لجين]

بارك الله فيك اختي صدفات على الموضوع القيم ......انا نتعملو ممروس بالزبدة و و لا بلاصوص و الكفتة و ادا كانت الحبات كبيرة نفوروه بالملح.

[صدفات]

سلام والله مشكورة على طرح الفكرة
اختي صدفات ماذا بينا يثبت الموضوع
انا وحدة من الناس الي نديرو مرق او بلاصوص
ومادا بيا يفيدونا لبنات
شكرا حبيبتي على الرد و لكن يا حبذا لو تحطيلنا طريقتك أو ربما طريقة الولاية نتاعك شكرا

صباح النور صدفات
الفول تقريبا ما عندوش بزاف أطباق
أحنا عندنا نديروه بطرق معدودة رايحة نشرحها

أولا طبيخة:
طبيخة هاذي تحضر بطريقتين أو ثلاثة طرق

الطريقة المعروفة:
تنقي الفول و تقطعيه مع البصل و الثوم و تقليه مليح و الفلفل الأسود و قليل من الكمون و طماطم المصبرة و كسبر كي يتقلا مليح نزيدو عليه الجلبانة و حبة جزر و نمرقو غير شوية و نغلقو الكوكطة و نخلوه يطيب غير بالعقل هذا يجي ناشف
كاين اللي يدير الفول وحده و يجي فيه شوية مرقة في الأخير يرمي ملاعق أرز و يخليه يتشرب المرقة
و في الأخير تزيدي عليه كسبر مقطع رقيق

الطريقة الثانية تنقي الفول و تحطيه يتفور في كسكاس
في هذه المدة تحضري صلصة طماطم عادي كيما نتاع المقارون و كي يطيب الفول نرموه في الصلصة و نخلوه يتشربها و نزيد عليه الكسبر في الأخير
كاين اللي يقلي البطاطا و كخطو أخيرة يرمي على الفول البطاطا المقلية و الكسبر و يطفي النار

و نديرو بيه مسفوف إما نزيدو عليه الجلبانة و الجز إما فول وحده و ندهنوه بزيت الزيتون

العجايز في البلاد يطيبو مسفوف الفول
و يطيبو الطبيخة بالفول وحده
يقطعو الفول رقيق و يحطوه في طنجرة و يغطوه يخلوه يطلق كامل الماء نتاعو من بعد يقطعو البصل و الثوم و يخلوه يزيد يتقلى مليح كي يتقلى مليح مليح ديرو عليه الزيت تقريبا فنجان زيت و ملح و فلفل أسود و عكري و فلفل أحمر يابس و يقطعو عليه أوراق النعناع طرية و يقلوه شوية و من بعد يمرقو غير بشوية ماء يجي بزاف ناشف فول و زيت برك في الأخير هذا يجي شوية محرحر

و طريقة أخرى نتاع العجايز يطيبو الفول و يديرو معاه البركوكس في الأخير و يجي بدون مرقة ناشف
حبيبتي روح مراد توحشتك بزاف شكرا على الوصفات صدقيني دائما نسمع بالطبيخة و لكن عمري ما جربتها شكرا لأنك فهمتيني بالضبط واش نحوس أطباق للفول ما نعرفهاش

بارك الله فيك اختي صدفات على الموضوع القيم ......انا نتعملو ممروس بالزبدة و و لا بلاصوص و الكفتة و ادا كانت الحبات كبيرة نفوروه بالملح.
شكرا حبيبتي على التفاعل و يا ريت تحطي لنا طريقتك بلكفتة لأني أنا نطيب الفول بدون لحم .

[cheomar23]

حنا نديرو بيه دوبارة

[maram.espoir]

أنا عندي طريقة نطيب بيها الفول و زوجي يموت عليها و هي:
نأخذ حبة الفول بقشره و نقيه من الحواف بالسكين أي ننزعله تلك الخيوط ساير داير على طول الحبة
ثم نضعه فوق اللوحة و نبقي نقطع فيه صغير
ثم نغسله جيدا بالماء و نضعه يفور على الكسكاس و ما ننساش نضع فيه حبات ثوم بدون تقطيع باه يطلق فيه البنة و شوية ملح
كي يقرب ينضج نوجد صوص فينيقرات : زيت أو زيت زيتون كل واحدة واش تفضل ، توم مرابي ملح فلفل اسود خل و نخلطها مليح و نفرغ عليها الفول و هو سخن و نخلطه مليح و الله رووووعة خاصة في الصيف و الله جميع لي أكله عندي سألني على الطريقة

[صدفات]

حنا نديرو بيه دوبارة
صباح النور حبيبتي يا ريت تكتبي و 3 أسطر تشرحي فيها طبخة الدوبارة لأني من الغرب و ما نعرفهاش و الهدف من الموضوع هو التعرف على كل الطرق التي تعتمدها ألأمهات الجزائريات في طبخ الفول شكرا على الرد

أنا عندي طريقة نطيب بيها الفول و زوجي يموت عليها و هي:
نأخذ حبة الفول بقشره و نقيه من الحواف بالسكين أي ننزعله تلك الخيوط ساير داير على طول الحبة
ثم نضعه فوق اللوحة و نبقي نقطع فيه صغير
ثم نغسله جيدا بالماء و نضعه يفور على الكسكاس و ما ننساش نضع فيه حبات ثوم بدون تقطيع باه يطلق فيه البنة و شوية ملح
كي يقرب ينضج نوجد صوص فينيقرات : زيت أو زيت زيتون كل واحدة واش تفضل ، توم مرابي ملح فلفل اسود خل و نخلطها مليح و نفرغ عليها الفول و هو سخن و نخلطه مليح و الله رووووعة خاصة في الصيف و الله جميع لي أكله عندي سألني على الطريقة
مشكورة حبيبتي إن شاء الله نجرب طريقتك تبان لذيذة

[روح مراد]

صباح الخير حبيبتي صدفات يتوحشك الخير راكي هربتي عليا

[دموع الورد2]

السلام عليكم

و الله غير الموضوع جا على قلبي دائما نفكر الفول كيفاش نطيبو


انا نفورو في كسكاس بعد ما نغسلو قبل مليح و من بعد نقطعو و كي يطيب نرمي عليه زبدة و نعصر عليه القارص


وشكرا لروح مراد على كيفياتها


بالتوفيق لكن جميعا

وادا كاين زيت الزيتون تدير يجي بزاف بنين


وراني نستنا الاخت لي قالت تطيبو بالكفته كيفاش طريقته

[meriemalek]

السلام عليكم انا نقي الفول و من بعد فوق لوح التقطيع نقطعو دوائر ونحطو في طنجرة مع ثوم مرابي و فلفل اسود وفلفل عكري وملح ولي يحب يدير ملعقة صغيرة هريسة نقليوهم ثم نمرق في نص الطياب نديرلم كاس ونصف روز ونخليه يطيب الطريقة الثا ونية ننقو الفول ونقطعوه كبير ونفوره كي يفور نقليوه مع سنينات ثوم مرابيين وفلفل اسود وملح وقصبر مقطع ونمرقو بفنجان ماء ونخلوه على نار هادية كي يطيب نزيدولو زيت زيتون ونقدموه

[صدفات]

السلام عليكم انا نقي الفول و من بعد فوق لوح التقطيع نقطعو دوائر ونحطو في طنجرة مع ثوم مرابي و فلفل اسود وفلفل عكري وملح ولي يحب يدير ملعقة صغيرة هريسة نقليوهم ثم نمرق في نص الطياب نديرلم كاس ونصف روز ونخليه يطيب الطريقة الثا ونية ننقو الفول ونقطعوه كبير ونفوره كي يفور نقليوه مع سنينات ثوم مرابيين وفلفل اسود وملح وقصبر مقطع ونمرقو بفنجان ماء ونخلوه على نار هادية كي يطيب نزيدولو زيت زيتون ونقدموه
صباحكم سعيد حبيباتي
شكرا لك أخت مريم ملك عجبتني بزاف طريقتك و تبان بنينة خصوصا ألآن راه الأرز متوفر بكل أنواعه

[ام الخير 05]

حبوبتي صدفات الفول في داري نكلو غير انا اما نفورو ونديرومع بربوشة لحليب او في مرقة الخضرااو نغليالحبات نتاعو ونقليهم مع الزبدة والثوم والدبشة ولا نديرلهم الملح يسميوه مالح وبنين وناكلوه مع الرخساس

[ام انفال الاء لجين]

اختي صدفات .....بالنسبة للفول يكون رقيق يعني صغير و جديد نقطعه رقيق ثم نغسله مليح و نديره يفور .و لما يوصل لنصف الطياب نديرله شوية ملح ثم نخيل يزيد يطيب مليح.واثناء طيابه نوجد الكفتة مقلية و معاها لاصوص بالطماطم نتاع الحبة و معاها شوية المعلبة باش تجي ثقيلة و عاقدة و شوية كمون و شوية حرو و ملح و الثوم اكيد هو شباح الكفتة......لما توجد الكفتة بلاصوص نخلط معاها الفول......يجي شباب لكن المهل انو لاصوص تكون عاقدة و تقيلة......من نديره هده المرة نحط الوصفة بادن الله.

[ام ساجد2]

الفول الاخضر ابنين بزاف انا نديرو تغميسة يعني كيما الشكشوكة طيبيه فالماء والملح وطرف قارص بعد ماتنقيه وتغسليه ووجدي صوص طوماط مع بصل اخضر مقطع وثووووووووم مرابي كمون فلفل اكحل فلفل حار مقطع رند بلا ماننساو شوية زيت وملح طبعا
ارمي فيها حبيبات الفول نتاعك الي طيبتيها نص طياب اغلقي عليها المقلة وخليها تتقلى مليح كيطيب ضيفي عليها عصرة قارص ولا قطرات خل.
ولا نطيبوه وحدو باش ماتزراقلناش المرقة ونحطوه فوق الكسكس مع باقي الخضر يعطيها بنة هااايلة سيرتو نتاع الحليب ممممممم

[ام حمزة22]

يعطيك الصحة صدفات موضوع فالقمة بارك الله فيك
لي عودة بادن الله

[صدفات]

حبوبتي صدفات الفول في داري نكلو غير انا اما نفورو ونديرومع بربوشة لحليب او في مرقة الخضرااو نغليالحبات نتاعو ونقليهم مع الزبدة والثوم والدبشة ولا نديرلهم الملح يسميوه مالح وبنين وناكلوه مع الرخساس
بصحتك حبيبتي يعطيك الصحة بصح لازم تشوفي طريقة باه يأكلوه الأولاد ربي يحفظهم لأنه الفول مفيد صحيا .

اختي صدفات .....بالنسبة للفول يكون رقيق يعني صغير و جديد نقطعه رقيق ثم نغسله مليح و نديره يفور .و لما يوصل لنصف الطياب نديرله شوية ملح ثم نخيل يزيد يطيب مليح.واثناء طيابه نوجد الكفتة مقلية و معاها لاصوص بالطماطم نتاع الحبة و معاها شوية المعلبة باش تجي ثقيلة و عاقدة و شوية كمون و شوية حرو و ملح و الثوم اكيد هو شباح الكفتة......لما توجد الكفتة بلاصوص نخلط معاها الفول......يجي شباب لكن المهل انو لاصوص تكون عاقدة و تقيلة......من نديره هده المرة نحط الوصفة بادن الله.
شكرا حبيبتي ويعطيك الصحة و إن شاء الله نجرب طريقتك و لما لا نحطلك صورة لإثراء الموضوع

الفول الاخضر ابنين بزاف انا نديرو تغميسة يعني كيما الشكشوكة طيبيه فالماء والملح وطرف قارص بعد ماتنقيه وتغسليه ووجدي صوص طوماط مع بصل اخضر مقطع وثووووووووم مرابي كمون فلفل اكحل فلفل حار مقطع رند بلا ماننساو شوية زيت وملح طبعا
ارمي فيها حبيبات الفول نتاعك الي طيبتيها نص طياب اغلقي عليها المقلة وخليها تتقلى مليح كيطيب ضيفي عليها عصرة قارص ولا قطرات خل.
ولا نطيبوه وحدو باش ماتزراقلناش المرقة ونحطوه فوق الكسكس مع باقي الخضر يعطيها بنة هااايلة سيرتو نتاع الحليب ممممممم
شكرا عزيزتي ربي يحفظك أنا شخصيا حبيبتي من عشاق الفول ونحبه مع الطعام باللبن أو الرايب و راح نجرب طريقتك التغميسة تبان لي بنينة بزاف.

يعطيك الصحة صدفات موضوع فالقمة بارك الله فيك
لي عودة بادن الله
أهلا بالغالية أم حمزة أنتظر عودتك بفارغ الصبر يا ملكة ألأطباق اللإقتصادية بدون منازع .

[imane khaled]

انا تاني نفورو بعد ما نقطعو رقيق بيه بالقشرة و نديرلو فينيقغات و نقطع معاه طماطم رقيقة و بصل رقيق و نقدمو بارد مع الزيتون و المايونيز

[djendjab belkacem]

بــــــــــارك الله فيك

[أم الحبايب 26]

صادفات انا فول نديرو قاطعو متواسط نشالو ونديرو فلكوكوط يتقلى معا شويا ثوم مهرس معا حبى طوماطيش مرابيا كياذبال نديرلو عكري او هريسا لمخدوما فدار يجي
بنين مراقلو ونزيد شويا جالبانا لكانت موجودا ويطيب على نار قليلا كيطيب نقاطعلو شويا قصبر وانطافي عليه حنايا نديرلو خل كنكونو ناكلو فيه
واندلروه تبايخا نتع ربيع نفس اطاريقة نزيدلو قارنون كيقارب ايطيب نزيدلو كامشا روز هذا حنايا فبلاصت الخل ندرلو قارص

[ام سوهيل]

صدفات انا عندي كيك بي الفول و الكمون من بعد نحطهالكم

[غزالة الصّحراء]

ماشاء اللّه . ومنكنّ نستفيد. أنا انديرو برك في المقفول. مانعرفش طريقة أخرى. يعني انفورو . ونضيفلو البطاطا قطع صغيرة. ولما ايطيب الكلّ انزيد لو الطعام الي ايكون طاب. ونخلط الكلّ وندهن بزيت الزّيتون. . رايح نستفيد أكيد من هذه الصّفحة ياصدوفتي الغاليّة. تبارك فيك الرحمان .على الموضوع القيّم. :mh31::mh31:

[ام حمزة22]

السلام عليكم
هاانا دا اوفي بوعدي وعدت بوصفاتي
حبيبتي صدفات يصرني ان اشارك بوصفاتي في موضوعك هدا القيم
الوصفة الاولى كنت قدمتها في موضوعي لاكن لابس الا عاودتها
اخواتي في الحقيقة الفول كنا بعد ما نقوه ونغسﻻوه مليح نقلوه وما نكترولوش بزاف الماء
بصح الفول نتاع درك لازملو شوية حيلة
والحيلة هي ان نفور الفول طبعا بعد ما نقيه ونغسلو وعملية التفوار راح تخلي الفول ما يكحالش فالطياب
الوصفة الاولة هي تبيخة نفور الفول ومن جيهة اخرى نحضر الدرسة بفلفل دريس وثوم وملح وكمون نقلي الكل مع بعض وبعد ما يتقل نضيف الفول لي كنا فورناه فوق الفول نضيف الجلبانة والقرنون ونمرق ونخلي الكل يطيب مع بعض وقبل ما نطفي على القدر ب10 دقايق نضيف حفنة نتاع الروز ونخليه يطيب ثم نضيف حشيش مقطفة ونطفي الفرن

اما الوصفة 2 تسمى بروز براطل ما علاباليش علاه يسموه بهاد الاسم مع ان ما يندارلوش الروز
نستعمل نفس الدرسة لي درناها فالتبيخة ونستعمل الفول وحدو وبعد ما يطيب نضيفلو ربطة حشيش مقطفة

وعندنا كدالك المسفوف بالفول انا نموت عليه خاصتا كي يكون الفول شوية مالح يجي روووعة

وفي البركوكس كدالك نديرلو حفنة نتاع الفول يزيدلو بنا على بنا

والوصفة الاخيرة هي بعد ما ييبس الفول كاين وصفة هليلة جي بالفول اليابس والبدنجال و هي نشمع الفول اليابس فاليل فالصبح كي يتشمخ ننزعلو الضفر الاسود ونغسلو ونحطو في طنجرة ونضيفلو الملء ونخليه يطيب بعد ما يدخلو الطياب نضيفلو بدنجال مقطع الحبة على4 الا كانت صغيرة او الحبة على 6 الا كانت كبيرة ثم نضيف الدرسة المتكونا من الثوم وفلفل دريس ولي ما يحبش الحار ما عليش يدير غير الثوم والملح يجي تان روعة ثم نمرق حتى يتغط البدنجال ونضيف نصف ملعقة طماطم مصبرة ونخلي الكل ينسجم ويتلق البنة على بنة وبعد ما يشرب نطفي الفرن
وشهية طيبة
ان شاء الله تعجبكم وصفاتي
كيما قلتلك

[صدفات]

انا تاني نفورو بعد ما نقطعو رقيق بيه بالقشرة و نديرلو فينيقغات و نقطع معاه طماطم رقيقة و بصل رقيق و نقدمو بارد مع الزيتون و المايونيز
شكرا إيمان على السلطة

بــــــــــارك الله فيك
وفيك بركة أخي

صادفات انا فول نديرو قاطعو متواسط نشالو ونديرو فلكوكوط يتقلى معا شويا ثوم مهرس معا حبى طوماطيش مرابيا كياذبال نديرلو عكري او هريسا لمخدوما فدار يجي
بنين مراقلو ونزيد شويا جالبانا لكانت موجودا ويطيب على نار قليلا كيطيب نقاطعلو شويا قصبر وانطافي عليه حنايا نديرلو خل كنكونو ناكلو فيه
واندلروه تبايخا نتع ربيع نفس اطاريقة نزيدلو قارنون كيقارب ايطيب نزيدلو كامشا روز هذا حنايا فبلاصت الخل ندرلو قارص
أم الحبايب ربي يحفضك على الطبخة هناك معلومة تقول أنه الفول ما لازمش معاه الليمون أي القارص لأنه ما يخليش الحديد يثبت و فائدة الفول في غناه بالحديد راح نبحث في هذا الموضوع
و نحطها باه نستفادو الكل.

صدفات انا عندي كيك بي الفول و الكمون من بعد نحطهالكم
هيا أسرعي يا أم سوهيل هذه طبخة جديدة للفول خفي حطيها.

ماشاء اللّه . ومنكنّ نستفيد. أنا انديرو برك في المقفول. مانعرفش طريقة أخرى. يعني انفورو . ونضيفلو البطاطا قطع صغيرة. ولما ايطيب الكلّ انزيد لو الطعام الي ايكون طاب. ونخلط الكلّ وندهن بزيت الزّيتون. . رايح نستفيد أكيد من هذه الصّفحة ياصدوفتي الغاليّة. تبارك فيك الرحمان .على الموضوع القيّم. :mh31::mh31:
أيييييييييييييييييييييييييييييييه يا غزالتي يكفي أني نقرى إسمك في موضوعي مشكورة حبيبتي .

السلام عليكم
هاانا دا اوفي بوعدي وعدت بوصفاتي
حبيبتي صدفات يصرني ان اشارك بوصفاتي في موضوعك هدا القيم
الوصفة الاولى كنت قدمتها في موضوعي لاكن لابس الا عاودتها
اخواتي في الحقيقة الفول كنا بعد ما نقوه ونغسﻻوه مليح نقلوه وما نكترولوش بزاف الماء
بصح الفول نتاع درك لازملو شوية حيلة
والحيلة هي ان نفور الفول طبعا بعد ما نقيه ونغسلو وعملية التفوار راح تخلي الفول ما يكحالش فالطياب
الوصفة الاولة هي تبيخة نفور الفول ومن جيهة اخرى نحضر الدرسة بفلفل دريس وثوم وملح وكمون نقلي الكل مع بعض وبعد ما يتقل نضيف الفول لي كنا فورناه فوق الفول نضيف الجلبانة والقرنون ونمرق ونخلي الكل يطيب مع بعض وقبل ما نطفي على القدر ب10 دقايق نضيف حفنة نتاع الروز ونخليه يطيب ثم نضيف حشيش مقطفة ونطفي الفرن

اما الوصفة 2 تسمى بروز براطل ما علاباليش علاه يسموه بهاد الاسم مع ان ما يندارلوش الروز
نستعمل نفس الدرسة لي درناها فالتبيخة ونستعمل الفول وحدو وبعد ما يطيب نضيفلو ربطة حشيش مقطفة

وعندنا كدالك المسفوف بالفول انا نموت عليه خاصتا كي يكون الفول شوية مالح يجي روووعة

وفي البركوكس كدالك نديرلو حفنة نتاع الفول يزيدلو بنا على بنا

والوصفة الاخيرة هي بعد ما ييبس الفول كاين وصفة هليلة جي بالفول اليابس والبدنجال و هي نشمع الفول اليابس فاليل فالصبح كي يتشمخ ننزعلو الضفر الاسود ونغسلو ونحطو في طنجرة ونضيفلو الملء ونخليه يطيب بعد ما يدخلو الطياب نضيفلو بدنجال مقطع الحبة على4 الا كانت صغيرة او الحبة على 6 الا كانت كبيرة ثم نضيف الدرسة المتكونا من الثوم وفلفل دريس ولي ما يحبش الحار ما عليش يدير غير الثوم والملح يجي تان روعة ثم نمرق حتى يتغط البدنجال ونضيف نصف ملعقة طماطم مصبرة ونخلي الكل ينسجم ويتلق البنة على بنة وبعد ما يشرب نطفي الفرن
وشهية طيبة
ان شاء الله تعجبكم وصفاتي
كيما قلتلك
شكرا حبيبتي أم حمزة على إثراء الموضوع و لو إنه كلمة شكرا قليلة في حقك جزاك الله خير و زادك علما و دينا.

[روح مراد]

صدفات راني تفكرت وصفة أخرى بالفول
و هي فول بالسلق
هذه الوصفة بزاف صحية
تفوري الفول و تحطيه جيه
تقطعي السلق و تغليه و تصفيه مليح
تقطعي حبات بطاطا مربعات صغار + ثوم+ فلف أسود + فلفل أحمر حار ا, هريسة + زيت + ملح و نصف ملعقة طماطم مصبرة تقلي غير شوية و تمرقي بشوية ماء فقط كي قريب الطيب البطاطا نضيفو لها الفول المفور يكون طايب و كي قريب تشنف نحط عليها السلق و نقص للنار و نغطيها و نخليها تتشرب مليح و تنشف
كي ينشف كامل الماء نديرو عليها زيت الزيتون و نطفو للنار راهي بزاف صحية و بنينة

[dahel]

السلا م عليكن حبيباتي انا ام انس و اواب و هذه اول مشاركة لي معاكم بالنسبة للفول انا نحبو كي يعود عندي خضر نديرو حميس كيما تعاع الفلفل و كي عود حب نغسلو ونحطو يطيب في الما و شوية ملح في الوقت نفسه نحمر الجاج مع البصل والثوم والتوابل وقطعة جومبو وزيت و زبدة لما يحمار الجاج مليح نمرقو بالفول وماه لطاب فيه ونغطيه ونخليه يكمل طيابو و احيانا نزيدلو شوية بطاطا مقلية والف صحة وهنا وشكرا

[صدفات]

صدفات راني تفكرت وصفة أخرى بالفول
و هي فول بالسلق
هذه الوصفة بزاف صحية
تفوري الفول و تحطيه جيه
تقطعي السلق و تغليه و تصفيه مليح
تقطعي حبات بطاطا مربعات صغار + ثوم+ فلف أسود + فلفل أحمر حار ا, هريسة + زيت + ملح و نصف ملعقة طماطم مصبرة تقلي غير شوية و تمرقي بشوية ماء فقط كي قريب الطيب البطاطا نضيفو لها الفول المفور يكون طايب و كي قريب تشنف نحط عليها السلق و نقص للنار و نغطيها و نخليها تتشرب مليح و تنشف
كي ينشف كامل الماء نديرو عليها زيت الزيتون و نطفو للنار راهي بزاف صحية و بنينة
شكرا حبيبتي هذه وصفة غير الحديد في الحديد روح مراد حبيبتي راني جربت طريقتك خرجلي روعة

السلا م عليكن حبيباتي انا ام انس و اواب و هذه اول مشاركة لي معاكم بالنسبة للفول انا نحبو كي يعود عندي خضر نديرو حميس كيما تعاع الفلفل و كي عود حب نغسلو ونحطو يطيب في الما و شوية ملح في الوقت نفسه نحمر الجاج مع البصل والثوم والتوابل وقطعة جومبو وزيت و زبدة لما يحمار الجاج مليح نمرقو بالفول وماه لطاب فيه ونغطيه ونخليه يكمل طيابو و احيانا نزيدلو شوية بطاطا مقلية والف صحة وهنا وشكرا
مرحبا بك أم أنس معنا شكرا على الطبق هايل أنا عمري ما ندير اللحم مع الفول .

[روح مراد]

صدفات أنا من النوع اللي يحب بزاف الفول خاصة مسفوف ممممممممممممممممممممممم

[oum imane83]

شكار لك صدفات (مستشارة الطبخ) على الموضوع

انا نحب بزاف الفول ... ونستعملو في وصفات التي دكروها الاخوات.. نحبه مسفوف مع الخضرة (جلبانة + جزر+ بصل+ دجاج مفتوت نفوروهم كامل ) ونقدمو مع بيض مغلي وندنوه بزيت الزيتون ........ وكاين الي يحب مسفوف بالفول مفور ورايب..

نحبه ثاني في صوص مع بطاطا مقيلة الوصفة الي اعطاتها روح موراد ............

[روح مراد]

كاين سلاطة الفول كيما نتاع المصريين
تفورو الفول و ديرو فينيقرات ثوم و قارص و زيت الزيتون
و ندرو عليه من الفوق النعناع اليابس يمد ذوق هايل للفول

[ام سوهيل]

اختي صدفات اسمحيلي على التاخير ولله غير عندي شغل فوق راسي

هيليك الكيك

خدي الفول فوريه وملحيه ومن بعد ارحيه في ارحيوة تع الخضرة الي نطحنو فيها الحريرة

ومن بعد ضيفيله كمون مقدار مغرف تع قهوة او حسب الكمية تع الفول

ومن بعد قسبر مقطع رقيق وحرور وزوج حبات او ثلاث بيض وخلطي كلش وفرغيها في مول تع الكيك بعد متدهنيه بي الزيت او فرشيه بي ورق الطبخ من الاحسن

وطيبيها في الكوشة حتى ينشف البيض وخرجيها كنت حبا انحضرها ونصورهالك بسح الله غالب مكفانيش الوقت

[dahel]

السلام عليكن حبيباتي و يعطيكم الصحة على هذا الوصفات و الله يا اخت ام سوهيل هذا الوصفة راني جربتها وحد النهار و راهي جات هايلة ودزيت منها للعجوزتي وعجبتها بصح راهي عيات تفهم باش اخدمتها و عجزت تفهم حتان قلتلها وثم قلت يعطي الصحة لحراير منتدى الجلفة لخلوني بوصفاتهم دايما متالقة قدام زوجي واهله وقدام صحباتي في الخدمة فالف شكر :dj_17:

[صدفات]

اختي صدفات اسمحيلي على التاخير ولله غير عندي شغل فوق راسي

هيليك الكيك

خدي الفول فوريه وملحيه ومن بعد ارحيه في ارحيوة تع الخضرة الي نطحنو فيها الحريرة

ومن بعد ضيفيله كمون مقدار مغرف تع قهوة او حسب الكمية تع الفول

ومن بعد قسبر مقطع رقيق وحرور وزوج حبات او ثلاث بيض وخلطي كلش وفرغيها في مول تع الكيك بعد متدهنيه بي الزيت او فرشيه بي ورق الطبخ من الاحسن

وطيبيها في الكوشة حتى ينشف البيض وخرجيها كنت حبا انحضرها ونصورهالك بسح الله غالب مكفانيش الوقت
حبيبتي أم سوهيل يا فنانة نعرفك شاطرة يعطيك الصحة تبان هايلة نجربها و نرد لك الخبر عطلة سعيدة حبيبتي و سلمي على ماماك.

السلام عليكن حبيباتي و يعطيكم الصحة على هذا الوصفات و الله يا اخت ام سوهيل هذا الوصفة راني جربتها وحد النهار و راهي جات هايلة ودزيت منها للعجوزتي وعجبتها بصح راهي عيات تفهم باش اخدمتها و عجزت تفهم حتان قلتلها وثم قلت يعطي الصحة لحراير منتدى الجلفة لخلوني بوصفاتهم دايما متالقة قدام زوجي واهله وقدام صحباتي في الخدمة فالف شكر :dj_17:
عندك الحق أختي كامل رانا نتعلمو و نستفادو من المنتدى شكرا على الرد

[روح مراد]

صدفات واش راكي عطلة سعيدة
البارح تفكرت على خاطر درت عشايا فول قلت لوكان غير صدفات راهي هنا

[صدفات]

صدفات واش راكي عطلة سعيدة
البارح تفكرت على خاطر درت عشايا فول قلت لوكان غير صدفات راهي هنا

يتفكرك الخير حنونتي عفوا على تأخر الرد شكرا لك راني طبقت وصفاتك و كامل خرجولي ملاح يعطيك الصحة جربي طريقة أم سوهيل كيك بالفول بنينة بزاف.

[zahrabatna]

thanksssssssssssssss

[bilalbooba]

لم افهم معني