واش طيبتي لزوجك اول مرة ...

[دموع الورد2]

السلام اخواتي :dj_17: حبيت نعرف واش نطيب لزوجي اول مرة :rolleyes:و كي نعرض اهلو واش نديرلهم :confused:

خاطر راح نسكن وحدي

حبيت تعطوني menu من الالف الى الياء


سلام....;)

[ام انفال الاء لجين]

و عليكم السلام و رحمةى الله .....اختي ربي يتمم لك بالخير ......بالنسبة لزوجك لازم تعرفي الاشياء لي يحبها ....و بالنسبة لاهل زوجك لازم تكون قائمة كافية و وافية و المنتدى راه مملوء بالوصفات الرائعةو كاين لي راهم حاطين عرضات ....ربي يوفقك اختي.

[سيرين 5]

عصرت مخي باش تفكرت اليومين الاولين كنا ناكلوا مع دارهم ما خلاونيش نطيب، واحد العشيا سمعت العجوزة تقول للبنات نوضو طيبو العشاء وحدة ما حبت تنوض كامل طايحين مع المسلسلات، فهمت روحي و قلت نطلع نطيب عشايا على روحي ، طلعت و واش صبت حاظر طيبت درت تشكشوكة تاع بصل و طوماطيش و طرشي بالبيض ، العجوزة قاتلي علاش طيبتي تاكلو معانا ؟ أنا كي كملت هبطت عشايا و كلينا كيف كيف هذيك الدقيقة ما علقتليش على التشكشوكة حتى جاز وقت باش قاتلي جات بنينة . تسما أول حاجة كلاها راجلي بعد العرس هي التشكشوكة و قبل العرس نهار داولي الجهاز بعتلو مع خياتي المحاجب.
مور التشكشوكة نهار وحداخر درت المحاجب لكامل الدار تعشاو و من داك الغدوا درتلهم باذنجال غراتان و من داك الغدوا درت بسبوسة بالبيسكوت و اللوز و طيبت لاتاي و طلعو مور العشاء كلاوها عندي

مع الاول قلت لراجلي نديرلهم عرضة بصح هوما بزاااااف في غاشي و يكلفو و حنا مور العرس كنا نسنترو علابيها جاتني الفكرة تاع المحاجب من داك الغدوا قالي إذا طيبينا نتيا تان قلتلو لمن للدار كامل ؟ قالي إيه / قلتلوا إيه اليوم مادام قلتلي نطيبو للدار كامل بصح خلاص ما لازمش نطيح خشينة كل يوم عرضة و نهار ما نقدرش يقولو تبدلت ؟ قالي صح عندك الحق .
بصح أنا ناس داري تحتي ماشي بعاد عليا كل ما نطيب كاش حاجة مليحة و لا كاش حاجة تاع العجين نبعتلها لعجوزتي ننويها صدقة تدف علينا البلاء ان شاء الله.

[دموع الورد2]

شكرا على تفاعلكم معي ربي يوفقكم و يهنيكم

[دموع الورد2]

و عليكم السلام و رحمةى الله .....اختي ربي يتمم لك بالخير ......بالنسبة لزوجك لازم تعرفي الاشياء لي يحبها ....و بالنسبة لاهل زوجك لازم تكون قائمة كافية و وافية و المنتدى راه مملوء بالوصفات الرائعةو كاين لي راهم حاطين عرضات ....ربي يوفقك اختي.

ربي يوفقك انت تاني و يرزقك بولد ذكر ...امين

[fareh 45]

شكرا على الموضع انا تاني بقالي 16 يوم على عرسي و بداري وحدي و راني حايرة باش نبدا وخايفة ندير كوارث و تبهدايل مع الراجل

[دموع الورد2]

شكرا على الموضع انا تاني بقالي 16 يوم على عرسي و بداري وحدي و راني حايرة باش نبدا وخايفة ندير كوارث و تبهدايل مع الراجل

عفوا اختي انا تاني راني مرتبكة و خايفة من ردة فعلهم

الله يكون في العون

سلام

[ام انفال الاء لجين]

ربي يعنكم اخواتي.......اختي دموع بارك الله فيك على هده الدعوة اللهم امين

[أم تسنيم 2017]

سلام عليكم اختي متتقلي موالو كل شيء يجي بشوي
اول اكل درتو لزوجي جابلي بطاطا و كورجات قليتهم كل وحده وحدها ودرتلهم بيض نهارها دار خالو كي قليت بعثولي العشاء
من بعد بديت نطيب لي يبغيهم و مره على مره ندير حاجه جديده نشوفها في منتدى وهو يحب القاطو بزاف دائما نصنعلو غير بدايه من بعد توالفي حسب مصروف طيبي
اما كي يجوني دارهم لي كاينه نديرها اما اول عرضه ليهم درت طعام
ربي يهنيكم

[marina esprit]

ربي يوفقك اختي

[ام عبدو و ملاك]

السلام عليكم اختي انا نشفى اول حاجة طيبتها هي قراتان الباتنجان مع كنت في دار العايلة كنت نحسب راجلي ياكلها ظهر ما ياكل والو لا باتنجان و لا زيتون ولا روز لا لحم مرحي يعني فريت و العجاين طاحو فيها دارهم و انا تقلقت هذاك التعب كامل وفي الاخر يقولي ما ناكلوش نستاهل بصح ماتخافوش مع الوقت رجعتو ياكل كلش كيما يقولو ولدك على ما تربيه وراجلك على ما تعوديه بصح اول حاجة كلاها من يديا فريت و مطلوع خير من والو

[hayette82]

انا طيبت كسكس بعد اسبوع من العرس كانو خاوتو في 3 ورجالهم وولادهم والحق اختو عاونتني

[sousoufati]

السلام عليكم انا والله ماني شافيا واش طيبت اول مرة بصح راجلي يحب طيابي نسيتو في طياب دارهم ولا مايحبش ياكل ماكلت دارهم

[دموع الورد2]

ربي يعنكم اخواتي.......اختي دموع بارك الله فيك على هده الدعوة اللهم امين

و فيكي بارك الله

[دموع الورد2]

http://img04.arabsh.com/uploads/image/2014/12/05/0c3f434a6df507.jpg

[nesrinwarda]

السلام عليكم ، أول حاجة طيبتها كانت قراتان باتنجال و الحمد لله خرج منيح راجلي دوبلا الطبسي، أما ناس داري مزال ماطيبتلهم حتى حاجة ، عايشة في الغربة غير تزوجت سافرت إنشاء الله مازالو اليامات،

[عسولة1987]

انا أول حاجة طيبتها سرديين مقلي و فريت و سلاطة بعد مارجعنا من شهر العسل جبنا معنا سرديين راجلي أحب السرديين وعجوزي وحدانيا ماطيبوش خلاص فرحوا بالعشاء الحمد لله

[سارة 1122]

ربي يوفقك اختي

[*فاتن*]

ربي يهنيك انشاء الله /انا طيبتلوجاج محمر مع فريت و سلاطة حاجة خفافي لانو كانت الحالة سخونة اما. عجوزتي و شيخي ربي يرحمهم .و ربي يدوم الافراح

[دموع الورد2]

ربي يهنيك انشاء الله /انا طيبتلوجاج محمر مع فريت و سلاطة حاجة خفافي لانو كانت الحالة سخونة اما. عجوزتي و شيخي ربي يرحمهم .و ربي يدوم الافراح


شكرا اختي ربي يهنيك انت تاني
ربي يوفقك اختي


شكرا اختي ربي يوفقك و يهنيك
انا أول حاجة طيبتها سرديين مقلي و فريت و سلاطة بعد مارجعنا من شهر العسل جبنا معنا سرديين راجلي أحب السرديين وعجوزي وحدانيا ماطيبوش خلاص فرحوا بالعشاء الحمد لله

شكرا اختي ربي يوفقك و يهنيك
السلام عليكم ، أول حاجة طيبتها كانت قراتان باتنجال و الحمد لله خرج منيح راجلي دوبلا الطبسي، أما ناس داري مزال ماطيبتلهم حتى حاجة ، عايشة في الغربة غير تزوجت سافرت إنشاء الله مازالو اليامات،

شكرا اختي انا نموت على باتنجال ربي يهنيكم

[*وردة الشرق*]

اول مرة طيبت من ورا تزوجت درت 120 وجه تاع الغرايف (القرصة احنا نقولولهم ) راكي تتخيلي كمية العجين اللي درت

[imane khaled]

انا اول طياب يا هو قراتان بسباس عجبو بزاف هذاك الوقت
اما دارهم بعد 10 ايام من العرس عملتلهم عرضة درت فيها الشربة و الحلو و البوراك و الاوردوفر و شلاطة مشوية و الطبق الرئيسي درت اللحم رولي بالبيض المغلي و سلاد فروي عجبهم الحال الحمد لله كان هذا قبل 4 سنين