راك باغي تركن سيارتك تفضل هنا باركينغ

[*سندوسة*]

السلام1

عندما تتحول الارصفة ومداخل العمارات وامام المنازل الى اماكن لركن سيارات "باركينغ"


أهذا امر عادي؟


أليس لكل امر حقه فأين يمشي المارة اذا كانت الطرقات مسرحا او حلبة سباق السيارات والارصفة مملوئة بالمتفرجين اقصد السيارات المركونة :1:
http://www.elkhabar.com/ar/img/article_large_img/encombrement___Kh_392042554.jpg

http://blog.amin.org/hibalama/files/2010/09/parking2.jpg

http://blog.amin.org/hibalama/files/2010/09/parking3.jpg

http://www.elkhabar.com/ar/img/article_large_img/ph_15_parking_255265415.png

اصبحوا بعض الشباب يستغلون كل مساحات الطريق وكأنها ملكهم فيتخذ بعض المترات من الرصيف امام محلين او ثلاث ويترصد كل من يريد ان يشتري ولو قارورة ماء

احيانا شخص ينزل ليشتري وزوجته تبقى في السيارة فيطالبه الشاب بي الدفع بالرغم من انه لم يكن يحرسها لان عائلة الشخص كانت فيها وقد يكون صاحب السيارة غاب لثوان لقضاء غرض فقط



مارأيكم في هاته الظاهرة ؟

[رابحي نـائل]

أحنا (أحيانا ) نشتاقوا سماع صوت سيارة ...
وجيد..على اتاحة لنا هكذا ومضات اشهارية
صراحة لم يسبق لي وان رأبت مثل هذا الظاهرة
ويبدوا أنها منتشرة في المدن الكبرى... والسواحل ...أين تكثر حركة المرور
حينها تدغدغ أصحاب النفوس والانتهازيين والنفوس الامارة بالسوء لهذه الظاهرة
ويأخذه الطمع والجشع وانتفاخ البطن من غير قناعة...ليأخذ دراهم معدود وبخس الدراهم
ليتقوت بغير عرق جبين ..وويل له من عذا السعير... ان كانت لقمة من حرام
لكن حسب علمي ان مثل هذا ( الباركينغ ) يكون بطريقة رسمية ...
تتوقف السيارة يخلص مقابل وصل أو وثيقة
أعتقد انهم انتهازيين... ارادوا ان يستسلموا للحرام
سلمت الانامل وجاد الفكر

[*سندوسة*]

أحنا (أحيانا ) نشتاقوا سماع صوت سيارة ...
وجيد..على اتاحة لنا هكذا ومضات اشهارية
صراحة لم يسبق لي وان رأبت مثل هذا الظاهرة
ويبدوا أنها منتشرة في المدن الكبرى... والسواحل ...أين تكثر حركة المرور
حينها تدغدغ أصحاب النفوس والانتهازيين والنفوس الامارة بالسوء لهذه الظاهرة
ويأخذه الطمع والجشع وانتفاخ البطن من غير قناعة...ليأخذ دراهم معدود وبخس الدراهم
ليتقوت بغير عرق جبين ..وويل له من عذا السعير... ان كانت لقمة من حرام
لكن حسب علمي ان مثل هذا ( الباركينغ ) يكون بطريقة رسمية ...
تتوقف السيارة يخلص مقابل وصل أو وثيقة
أعتقد انهم انتهازيين... ارادوا ان يستسلموا للحرام
سلمت الانامل وجاد الفكر


اهلا بك اخي
نحن في سيدي بلعباس مع بدء في اشغال الترمواي كثرت حركة المرور وتأزمت حركة السير
فعند ذهابك لقضاء امر اختر ان تمشي على رجليك بدل السيارة لانك حتما ستتعطل وتتأخر

اخي ألم ترى مثل هذه الظاهرة ألم يتسنى لك زيارة احدى المدن الكبرى؟

اما بخصوص اصحاب النفوس الاستغلالية فيكون "باركيغ " هو الشارع بأكمله ولا يوجد لا وصل ولا هم يحزنون الا بعض الاماكن


الله يهديهم

شكرا لمرورك اخي
وقد اخترت مكان مناسب لركن سيارتك فهي بأمان هنا :1:

[*ام عبد الكريم*]

شكرا يسمين على الموضوع واعععععع :mad::mad: :mad: :mad: اروحي هنا في قسنطينة رانا نعانيو و لا حياة لمن تنادي ..كي نحوسو على بلاصة باه نركنو السيارة مكان حتى واحد و بمجرد وضع المفتاح باه مروحين تلقاه فوقك ...سعات زوجي يغضب و قل لهم وان كنتو كي كنت نحوس على بلاصة ؟؟؟؟؟ و الله يا اختي كاين اماكن يخلصو عليهم 100 دينار و بدون تسريح من البلدية ..و الله غير كرهنا مجاتش على الدراهم بصح زودوها بزاف ...صرتنا شحال من خطرة نبقى مع الاولاد في السيارة و يجيو يخلصو بسيف عليك ...شوفي قبال داري كاين فرع انتاع وزارة الناس تنزل من السيارة بضع دقائق و هكيك لازم يخلصو و شحال من خطرة يتقبضو على جال هدوك الدراهم مرة و الله جاء الاسعاف و الشرطة من هول الشجار ...ما فهنا والو بلاد سايبة بدون قوانين صارمة و حتى ان كانت هذه القوانين دائما نلقاو وليد عمو و جارو و...و...

[*سندوسة*]

شكرا يسمين على الموضوع واعععععع :mad::mad: :mad: :mad: اروحي هنا في قسنطينة رانا نعانيو و لا حياة لمن تنادي ..كي نحوسو على بلاصة باه نركنو السيارة مكان حتى واحد و بمجرد وضع المفتاح باه مروحين تلقاه فوقك ...سعات زوجي يغضب و قل لهم وان كنتو كي كنت نحوس على بلاصة ؟؟؟؟؟ و الله يا اختي كاين اماكن يخلصو عليهم 100 دينار و بدون تسريح من البلدية ..و الله غير كرهنا مجاتش على الدراهم بصح زودوها بزاف ...صرتنا شحال من خطرة نبقى مع الاولاد في السيارة و يجيو يخلصو بسيف عليك ...شوفي قبال داري كاين فرع انتاع وزارة الناس تنزل من السيارة بضع دقائق و هكيك لازم يخلصو و شحال من خطرة يتقبضو على جال هدوك الدراهم مرة و الله جاء الاسعاف و الشرطة من هول الشجار ...ما فهنا والو بلاد سايبة بدون قوانين صارمة و حتى ان كانت هذه القوانين دائما نلقاو وليد عمو و جارو و...و...

العفو حبيبتي

واه كي تكوني تحوسي على بلاصة ماتلقيهمش وكي تجي مروحة ماتعرفيش قاع منين يخرجلك هههه

الله يجيب لخير
نورت الموضوع

[eBusiness]

https://chivethethrottle.files.wordpress.com/2013/02/lambo-aventador-miami-920-53.jpg?w=500

[ام نهوله]

احنا في العاصمة هاد الامر حدث و لا حرج ما كاش كان نروحو ليه ما نلقاوش واحد عند راسنا يطالبنا بثمن الركن كيما قالت الاخت مين داك زوجي يتنرفز لكن نحاول نهدنو لاني نخاف الموضوع يكبر و الله غير مشكلة حقيقية

[oum imane83]

ما يقدرش الواحد يخرج سيارته متهني وين يحبس يقولولك باركينغ ومكانش حتى لائحات تدل انه موقف .. ..... والمشكل تخاف ادا ما خلصتش يتجمعو ويتعداو عليك ..

كنت مع راجلي توقف باش يمضي ورقة في اللبدية.. ما لحقتش 5 دقائق خرج وغير شافو هداك الشاب جاء يجري.. رغم اني كنت في السيارة يعني ماشي بحاجة لحارس..

[*سندوسة*]

https://chivethethrottle.files.wordpress.com/2013/02/lambo-aventador-miami-920-53.jpg?w=500


http://www.ma.sogarab.com/photos/6092.jpg

http://img.turbo.fr/04562270-photo-essai-mercedes-ml-250-bluetec-204-ch-2012.jpg

كانو عندنا هادو زوج والله كنا كي نروحو لوهرن مانلقاوش بلاصة نركنوهم فيها لبلاصة لي تجي تركن فيها يقولك السيارة كبيرة

قولو يرحم بوك نتا واش دخلك ويخلصو علينا لكل وحدة سومة زوج هههه

[*سندوسة*]

احنا في العاصمة هاد الامر حدث و لا حرج ما كاش كان نروحو ليه ما نلقاوش واحد عند راسنا يطالبنا بثمن الركن كيما قالت الاخت مين داك زوجي يتنرفز لكن نحاول نهدنو لاني نخاف الموضوع يكبر و الله غير مشكلة حقيقية


واه اختي تخافو يلا يكونو ضاربين لحلوة والله وجوهم معبسة ويجي يقعد يتكسل عليك وياكل في روحه
:1: :1:

[*سندوسة*]

ما يقدرش الواحد يخرج سيارته متهني وين يحبس يقولولك باركينغ ومكانش حتى لائحات تدل انه موقف .. ..... والمشكل تخاف ادا ما خلصتش يتجمعو ويتعداو عليك ..

كنت مع راجلي توقف باش يمضي ورقة في اللبدية.. ما لحقتش 5 دقائق خرج وغير شافو هداك الشاب جاء يجري.. رغم اني كنت في السيارة يعني ماشي بحاجة لحارس..

واه اختي راهم يتبلاو حنا تاني فصيف كي كنا نروحوا نحوسو كان الاب ينزل يشري غير 5 د وحنا نكونو فلوطو ايا غير يشوفه ركب يجي يجري تقولي الارض راه مخلصها بدراهم والله في بلايص فالشارع عاديين متعرفيش قاع منين يخرجلك

[eBusiness]

http://www.ma.sogarab.com/photos/6092.jpg

http://img.turbo.fr/04562270-photo-essai-mercedes-ml-250-bluetec-204-ch-2012.jpg

كانو عندنا هادو زوج والله كنا كي نروحو لوهرن مانلقاوش بلاصة نركنوهم فيها لبلاصة لي تجي تركن فيها يقولك السيارة كبيرة

قولو يرحم بوك نتا واش دخلك ويخلصو علينا لكل وحدة سومة زوج هههه

أختي ياسمين تحبي الصراحة ولا بنت عمها؟؟؟ هههههههه صراحة Evoque و Mercedes ML عندهم الحق ونورمالمو تخلصو بدون نقاش أختي... أنت راكبة في سيارة نتاع 600 مليون وستخسرتي 50 دينار في العساس مسكين ههههههه ديري بلي واحد مسكين وإعطيتيه صدقة وخلاص هههههههه
حنا الحمد لله كانت عندنا السيارة التي في الأسفل ووين ما تحطها ماكاش اللي يقربها تقول محضية من عند رب سبحانه :19: وواش نقولك يا أختي ياسمين شحال شابة الركبة من الخلف في 404 باشي سيرتو كي تكون بلا باش كنا ندابزو شكون يركب من الخلف... والله تحس روحك طاير في السما... يا حسراه على ديك الأيام... يا ريث الـ 404 باشي تعود يوما هههههه

http://quivieres.com/dbimg/1467.jpg

[*سندوسة*]

أختي ياسمين تحبي الصراحة ولا بنت عمها؟؟؟ هههههههه صراحة evoque و mercedes ml عندهم الحق ونورمالمو تخلصو بدون نقاش أختي... أنت راكبة في سيارة نتاع 600 مليون وستخسرتي 50 دينار في العساس مسكين ههههههه ديري بلي واحد مسكين وإعطيتيه صدقة وخلاص هههههههه
حنا الحمد لله كانت عندنا السيارة التي في الأسفل ووين ما تحطها ماكاش اللي يقربها تقول محضية من عند رب سبحانه :19: وواش نقولك يا أختي ياسمين شحال شابة الركبة من الخلف في 404 باشي سيرتو كي تكون بلا باش كنا ندابزو شكون يركب من الخلف... والله تحس روحك طاير في السما... يا حسراه على ديك الأيام... يا ريث الـ 404 باشي تعود يوما هههههه

http://quivieres.com/dbimg/1467.jpg


ههههه
اخي والله العظيم ماتغيض بصح لي توجع قلبك هي يستغلوك
والله لحاج واخي كي ينزلو مالواطاهم باش يشرو كانش حاجة والله اصحاب المحلات كي يشوفو لواطا يقوملهم السومة على حساب واش راه راكب فهتني خيي :1:

وتغيضك تاني واحد مدروغي وجهه بلاك قاع ماشي مغسول يقعد يتكسل عليك
مرة بغينا نشرو غير لما من بلاصة قريبة من البحر حسبولنا القرعة نتاع لما ب 150 دج ولوكان غير باردة ههه

شكرا لمرورك

[مريم الصابرة]

السلام عليكم اختي يسمين اهلا وسهلا
لقد سبق وناقشت نفس الظاهرة من قبل والحقيقة من وقت مناقشتي لها والآن اظنها زادت اكثر وبنسب كثيرة ولكن اظن البلديات تكفلت بتصريح عمال المواقف بلباس رسمي ويكون مرخص من الدولة وفي العاصمة سوف يتم القضاء على هاته الظاهرة فتسحب رخصة السياقة من كل من يركن سيارته فوق الرصيف او في مكان يزعج المارة بدأت بالتطبيق
نتمنى فقط توفير مناصب عمل لهؤلاء الشباب يعني وبكل صراحة يظطر لمد يده وانتظار دنانير بسيطة ولو عمل شريف لكنني لا اراهم يغنون بهاته الاموال بل هي مصاريف يومية وهناك من هو متزوج ويعيل اسرة بتلك النقود البسيطة
شكرا لك وبارك الله فيك

[*سندوسة*]

السلام عليكم اختي يسمين اهلا وسهلا
لقد سبق وناقشت نفس الظاهرة من قبل والحقيقة من وقت مناقشتي لها والآن اظنها زادت اكثر وبنسب كثيرة ولكن اظن البلديات تكفلت بتصريح عمال المواقف بلباس رسمي ويكون مرخص من الدولة وفي العاصمة سوف يتم القضاء على هاته الظاهرة فتسحب رخصة السياقة من كل من يركن سيارته فوق الرصيف او في مكان يزعج المارة بدأت بالتطبيق
نتمنى فقط توفير مناصب عمل لهؤلاء الشباب يعني وبكل صراحة يظطر لمد يده وانتظار دنانير بسيطة ولو عمل شريف لكنني لا اراهم يغنون بهاته الاموال بل هي مصاريف يومية وهناك من هو متزوج ويعيل اسرة بتلك النقود البسيطة
شكرا لك وبارك الله فيك


وعليكم السلام ورحمة الله وبركاته

اهلا حبيبتي مريم
كيف الحال :1:

نعم اختي زادت بشكل رهيب هذاك اللباس ماعلاباليش قاع منين جابوه ;)

هذا شعب يبغي غير الصرامة باش يستف روحه
انا حبيبتي مريم هدرت على لي يخدمو هاد الخدمة غير بينه وبين روحه يعني مكان لا تيكي لا والو في وجوهم باينين غير نتاع حلوة
ولي راهم يخدمو على العايلات ربي يكون معاهم وفي عونهم

مشكورة اختي
نورت الموضوع

[عابد لله]

يعطيك الصحة ياسمين على الموضوع. سبقتينا كالعادة. الحقيقة في غياب الدولة من حق اي شخص ان يتخذ قوانين كما يريد. لم يبق إلا أن تدفعي ثمن مرورك في الشارع أو استنشاق الاكسجين. هذه الظاهرة التي تغض الدولة الطرف عنها بينما مسحت الاساواق الفوضوية. لكن الشعب أيضا يسكت على حقه ويستحق ما يحدث له.

[*سندوسة*]

يعطيك الصحة ياسمين على الموضوع. سبقتينا كالعادة. الحقيقة في غياب الدولة من حق اي شخص ان يتخذ قوانين كما يريد. لم يبق إلا أن تدفعي ثمن مرورك في الشارع أو استنشاق الاكسجين. هذه الظاهرة التي تغض الدولة الطرف عنها بينما مسحت الاساواق الفوضوية. لكن الشعب أيضا يسكت على حقه ويستحق ما يحدث له.

العفو اخي رياض :1:

ليس بالضرورة رقابة فديننا اعطى لكل ذي حق حقه
https://fbcdn-sphotos-b-a.akamaihd.net/hphotos-ak-xpf1/v/t1.0-9/s480x480/11058402_866846330005279_5891531234114372585_n.jpg ?oh=10072b508293a5548a5e02a40333c305&oe=5584727B&__gda__=1434186694_5369ff61ff6a2e1dbba520248fbc3b3 7

ولينا كي نتمشاو نلقاو طوابل نتاع لقهاوي معمرين برجال فالرصيف ولا باركينغ وتروح تمشي فطريق تلقى سباق السيارات هههه
راك تتشفى فينا يا رياض يـــــــــــــــأك
ضرك تشري سيارة ونولو نضحكوا عليك كي ماتلقاش بلاصة وين تgاريها
شكرا لمرورك

[عابد لله]

من قال لك ليس لدي سيارة؟ هه عموما لدي سيارة وكنت مع الولدة والوالد في الجلفة وتركتهما عند الطبيب وذهبت ولما رجعت لاخذهما جائني فتى يريد ثمن ركن السيارة فرفضت فقالت لي الوالدة : حرام عليك مسيكين اعطيهالو معروف ههههه" فاخد مني 30 دينارا ولك انم تتصوري استاذا يخسر 600 دج وقودا ويخسر 30 دينارا إضافية في نفس اليوم ههههههههه

[*سندوسة*]

من قال لك ليس لدي سيارة؟ هه عموما لدي سيارة وكنت مع الولدة والوالد في الجلفة وتركتهما عند الطبيب وذهبت ولما رجعت لاخذهما جائني فتى يريد ثمن ركن السيارة فرفضت فقالت لي الوالدة : حرام عليك مسيكين اعطيهالو معروف ههههه" فاخد مني 30 دينارا ولك انم تتصوري استاذا يخسر 600 دج وقودا ويخسر 30 دينارا إضافية في نفس اليوم ههههههههه

مكانش لي قالي غير انا قلت بلااااااااااااااااااك

ربي يحفظك الوالدين

وماتكونش مشحاح بزاف:1: ديرها معروف كيما قالت الوالدة
ياك نتا لي كنت تقول الشعب ساكت مليح واش يصرى فيه ايا اشرب من الكأس الذي شربنا منه ولازلنا

نحن السابقون وانتم اللاحقون :1:

[عابد لله]

فكرتيني في واحد شرقي في استراليا، حب يركن سيارته في مكان وحب يسقصي شرطي غذا يمكن يركن سيارته في ذلك المكان. قاله بالالنجليزية ? Can I bark hereوهو قصده ?Can I park here فعل bark تعني ينبح اكرمك الله. وفعل park تعني يركن. الشرطي قال له: you can bark here, you can bark there, you can bark everywhere.
قالهك تقدر تنبح هنا، تنبح هناك، تنبح في أي مكان

[*ام عبد الكريم*]

و الله يا اخت يسمين المشكل ما جاش في الدراهم ...شوفي ساعات يجيو في زوج و كل واح يقولك ليا و نبقوو حايرين لمن نمدو ؟؟؟؟ مرة نزل زوجي يشري علبة عصير لوليدنا ...ما قعدش دقيقة كي ركب السيارة جاء يجري و صرات مشادات بينو بين زوجي و في الاخير اعطيناه ....و كيما قتلك سابقا سعات تلقي عصابات و يتعركو شكون الي يحكم الدراهم وصلو حتى للمستشفيات ؟؟؟؟ و لكن اذا قامت الدولة بدورها و وفرت parking منظم و لم يتم فيه استغلال الناس هنا اهلا و سهلا ...

[*سندوسة*]

فكرتيني في واحد شرقي في استراليا، حب يركن سيارته في مكان وحب يسقصي شرطي غذا يمكن يركن سيارته في ذلك المكان. قاله بالالنجليزية ? Can i bark hereوهو قصده ?can i park here فعل bark تعني ينبح اكرمك الله. وفعل park تعني يركن. الشرطي قال له: You can bark here, you can bark there, you can bark everywhere.
قالهك تقدر تنبح هنا، تنبح هناك، تنبح في أي مكان

شكرا لمرورك اخي رياض
موفق

[*سندوسة*]

و الله يا اخت يسمين المشكل ما جاش في الدراهم ...شوفي ساعات يجيو في زوج و كل واح يقولك ليا و نبقوو حايرين لمن نمدو ؟؟؟؟ مرة نزل زوجي يشري علبة عصير لوليدنا ...ما قعدش دقيقة كي ركب السيارة جاء يجري و صرات مشادات بينو بين زوجي و في الاخير اعطيناه ....و كيما قتلك سابقا سعات تلقي عصابات و يتعركو شكون الي يحكم الدراهم وصلو حتى للمستشفيات ؟؟؟؟ و لكن اذا قامت الدولة بدورها و وفرت parking منظم و لم يتم فيه استغلال الناس هنا اهلا و سهلا ...

هادي حالة من حالات التسيب
كل واحد قعد يدير الحاجة لي توالمه

مكان لاتربية واخلاق ومكان حتى رقابة كيما قال الاخ

الله يصلح الامور ويجيب لخير

[eBuziness]

والله يا جماعة المشكل الكبير أن المواطن لا يقوم بدوره... الحل ساهل تطلب رخصة العساس وإن لم يكن له رخصة من البلدية تقول له إنتظرني هنا وتدهب إلى الشرطة تأتي بشرطي وفرات وتم يربوه مليح... أنتم لا تقومون بواجب التبليغ وتريدون من الدولة أن تتدخل !!! وهل مثلا الدولة راهي لاهية بالباركينغ هههههههه يا جماعة الدولة راهي لاهية في ليزافار الكبار والكبير رب سبحانه ونحن كمواطنين مطالبون بالتبليغ... أنا العبد الضعيف لله البارح مثلا مساءا ركبت حافلة وما إن ركبتها حتى وجدت الروسوفور يتحدث مع عجوز ويقول لها الحاجة سامحينا لا يمكننا أن نمر بالمكان التي تريدين لم أفهم جيدا القصة لكن غاضتني الحاجة المسكينة فنزلت من الحافلة وقلت في نفسي والله هذا الخسيس ما يستاهلش دراهمي ثم ركبت حافلة أخرى لنجد نفس المشكل إمرأة تطلب منهم تكميل طريقهم المعتاد والرسمي وهو يقول لها لا !!! يعني لا يريد أن يكمل circuit ديالو ويريد إختصار الطريق غير قانوني هنا لم أصبر وتدخلت وقلت له أنت طريقك واضح لماذا لا تحترم طريقك فرد عليا أنا لا أمر بتلك الطريق فرددت عليه بعبارة واحدة وهي : ما هو المسار الذي أعطته لك "الدولة" ؟؟؟ حينما سمع كلمة "الدولة" سكت وتغير لونه وظنني حكومة بالرغم من أنني زاوالي فجلس في مكانه وأوصل المرأة إلى مكانها وتابع مساره دون نقضان بل حتى في سياقة الحافلة كان يسوق بهدوء وليس بطيش كما تعودوا والكل يعرف طيش الحافلات الجزائرية... عبارة واحدة جعلت منه ينظم إلى الصف... يا جماعة هناك قانون يحكم لصالح من يعرف حقوقه أما جل الشعب هو سبب تخلف البلاد والعباد وصراحة أنتم الذين تدفعون أنتم من دليتونا وخسرتو علينا الحالة هههههه لأنه هؤلاء الصعاليك إن لم يجدو من يدفع لهم لما طغوا في البلاد والحديث قياس يا قوم :)

[staifia]

لوكان ماجاوش محتاجين ما يجيوش تما
اعلم انهم طريقة غير قانونية للبعض لكن ساعفوا وخلاص

[*سندوسة*]

والله يا جماعة المشكل الكبير أن المواطن لا يقوم بدوره... الحل ساهل تطلب رخصة العساس وإن لم يكن له رخصة من البلدية تقول له إنتظرني هنا وتدهب إلى الشرطة تأتي بشرطي وفرات وتم يربوه مليح... أنتم لا تقومون بواجب التبليغ وتريدون من الدولة أن تتدخل !!! وهل مثلا الدولة راهي لاهية بالباركينغ هههههههه يا جماعة الدولة راهي لاهية في ليزافار الكبار والكبير رب سبحانه ونحن كمواطنين مطالبون بالتبليغ... أنا العبد الضعيف لله البارح مثلا مساءا ركبت حافلة وما إن ركبتها حتى وجدت الروسوفور يتحدث مع عجوز ويقول لها الحاجة سامحينا لا يمكننا أن نمر بالمكان التي تريدين لم أفهم جيدا القصة لكن غاضتني الحاجة المسكينة فنزلت من الحافلة وقلت في نفسي والله هذا الخسيس ما يستاهلش دراهمي ثم ركبت حافلة أخرى لنجد نفس المشكل إمرأة تطلب منهم تكميل طريقهم المعتاد والرسمي وهو يقول لها لا !!! يعني لا يريد أن يكمل circuit ديالو ويريد إختصار الطريق غير قانوني هنا لم أصبر وتدخلت وقلت له أنت طريقك واضح لماذا لا تحترم طريقك فرد عليا أنا لا أمر بتلك الطريق فرددت عليه بعبارة واحدة وهي : ما هو المسار الذي أعطته لك "الدولة" ؟؟؟ حينما سمع كلمة "الدولة" سكت وتغير لونه وظنني حكومة بالرغم من أنني زاوالي فجلس في مكانه وأوصل المرأة إلى مكانها وتابع مساره دون نقضان بل حتى في سياقة الحافلة كان يسوق بهدوء وليس بطيش كما تعودوا والكل يعرف طيش الحافلات الجزائرية... عبارة واحدة جعلت منه ينظم إلى الصف... يا جماعة هناك قانون يحكم لصالح من يعرف حقوقه أما جل الشعب هو سبب تخلف البلاد والعباد وصراحة أنتم الذين تدفعون أنتم من دليتونا وخسرتو علينا الحالة هههههه لأنه هؤلاء الصعاليك إن لم يجدو من يدفع لهم لما طغوا في البلاد والحديث قياس يا قوم :)


كيف لك ان تطلب رخصة العساس وهل البلدية تمنحهم رخص
وشرطي راه قاعد مقابلك غير نتا غير يشوفك راكب في سيارة كبيرة يقعد يتمسخر بيك يقولك نتا ستخسرت فيه 50دج هي مابيناش 50دج ياو التسيب هو لي ضيع لبلاد

وتلقى الشرطة اصلا متواطئة مع امثال هاد الاشخاص خصوصا اذا كانت عندهم سوابق
يعني نتا تروح ويبقى الشرطي وهنا الشرطي يربح زينته مع العساس فهمتني

امر تبليغ غير انساه ماراناش في بلاد قانون حنا سرقونا محل فيه 3 كلغ ذهب وكاين الدليل شكون لي سرقنا والشرطة تقولنا لالا حنا نعرفو خدمتنا
اما عن اصحاب الحافلات فهاديك كارثة كبرى لوكان ماتدخلش الدولة تزيد تتفاقم الكارتة

[*سندوسة*]

لوكان ماجاوش محتاجين ما يجيوش تما
اعلم انهم طريقة غير قانونية للبعض لكن ساعفوا وخلاص

تساعفي نتي واحد يدي عليك دراهم
ويروح يشريهم
زطلة
الله يهديك اختي سطايفية :1:

[ouissamak]

سلام
موضوع ممتاز يسمين متالقة كالعادة

الشيء الذي يقلقني هو هذا كيتجي تركني السيارة حتى واحد مايبان وكيتجي تخرجي يبانولك عند راسك
انا اقسم بالله اني مرات عديدة لا ادفع مرة جئت اركن السيارة ماكان حتى واحد رحت قصيت شغلي في 5دقائق لا اكثر جيت راكبة فالسيارة وقف واحد عند راسي مادام مادام باركينغ قتلو اااااااااااااه باركينغ وين كنت كيجيت نgاري قتالي لا لا كنت قاعد لهيه قتلو ايه حتى انا دوك نخلصك طلعت الكارو ورحت ماستخسرتش فيه ولكن حاب يخدم في الباركينغ على الاقل يعس اللي داخلين باش يعرفو بللي باركينغ ماشي يقعدو يتشمسو كيتجي خارج يطلبك في دراهم
مؤخرا اصبحت اطلب رخصة البلدية وراهالي شد دراهمك قالي اني خدام برك ماعنديش رخصة جيب رخصة نخلصك

بارك الله فيك اختي على الموضوع

[staifia]

تساعفي نتي واحد يدي عليك دراهم
ويروح يشريهم
زطلة
الله يهديك اختي سطايفية :1:


ربي يسهل عليه وش يشريهم
لكن البلاد راهي مخلطة تحوسي اني ع الباركينغ هههه

[*سندوسة*]

سلام
موضوع ممتاز يسمين متالقة كالعادة

الشيء الذي يقلقني هو هذا كيتجي تركني السيارة حتى واحد مايبان وكيتجي تخرجي يبانولك عند راسك
انا اقسم بالله اني مرات عديدة لا ادفع مرة جئت اركن السيارة ماكان حتى واحد رحت قصيت شغلي في 5دقائق لا اكثر جيت راكبة فالسيارة وقف واحد عند راسي مادام مادام باركينغ قتلو اااااااااااااه باركينغ وين كنت كيجيت نgاري قتالي لا لا كنت قاعد لهيه قتلو ايه حتى انا دوك نخلصك طلعت الكارو ورحت ماستخسرتش فيه ولكن حاب يخدم في الباركينغ على الاقل يعس اللي داخلين باش يعرفو بللي باركينغ ماشي يقعدو يتشمسو كيتجي خارج يطلبك في دراهم
مؤخرا اصبحت اطلب رخصة البلدية وراهالي شد دراهمك قالي اني خدام برك ماعنديش رخصة جيب رخصة نخلصك

بارك الله فيك اختي على الموضوع

وعليكم السلام ورحمة الله اختي
شكرا ليك على الاطراء هذا من لطفك

والله عندك الحق اختي مدام هو يطالب بالدفع انت طالبي برخصة
وربي يوفقك لكن حذاري كانش نهار واحد يشريهالك ويتبلاك مكانش لامان :1:

[*سندوسة*]

ربي يسهل عليه وش يشريهم
لكن البلاد راهي مخلطة تحوسي اني ع الباركينغ هههه

كل خطرة نجيبلكم حاجة ليوم باركينغ وغدوة ربي برحمته
ههه :1:
كملي نتي دراهم قاع باركينغ وحلي فمك ياو لبلاد هنا لي يشوفوه كريم ياكلوه " يهموه"همهمهمهم

[eBuziness]

كيف لك ان تطلب رخصة العساس وهل البلدية تمنحهم رخص
وشرطي راه قاعد مقابلك غير نتا غير يشوفك راكب في سيارة كبيرة يقعد يتمسخر بيك يقولك نتا ستخسرت فيه 50دج هي مابيناش 50دج ياو التسيب هو لي ضيع لبلاد

وتلقى الشرطة اصلا متواطئة مع امثال هاد الاشخاص خصوصا اذا كانت عندهم سوابق
يعني نتا تروح ويبقى الشرطي وهنا الشرطي يربح زينته مع العساس فهمتني

امر تبليغ غير انساه ماراناش في بلاد قانون حنا سرقونا محل فيه 3 كلغ ذهب وكاين الدليل شكون لي سرقنا والشرطة تقولنا لالا حنا نعرفو خدمتنا
اما عن اصحاب الحافلات فهاديك كارثة كبرى لوكان ماتدخلش الدولة تزيد تتفاقم الكارتة

أختي الكريمة نقولك حاجة وما تزعفيش مني يا سندوسة ههههههه ربما أنتم من لا يتقن كيفية التعامل مع الشرطة... حينما تتصل بالشرطي لا تتحدث له عن 50 دينار وإنما قل له أهانني وما عرفش كيفاش يتحدث معايا وقولها وأنت واثق من نفسك.... ثم نقولك حاجة أنا زوالي وحينما أقصد شرطي ندوخوا بالهدرة وهنا الأمر لا يتعلق بـ 50 دينار ولكن بكرامة المرء... أنا لوكان جات عندي Evoque كيما ديالكم نقولك حاجة الوالي بذاثه ويخاف مني... تصرف كما يجب يهابك البشر ومن قال لك التبليغ لا ينفع فراكي غالطة إعرفي كيف تتكلمين مع الشرطي هو وحدو سيخاف من أن تصل الأمر إلى من هم أعلى منه رتب وتطير بلاصتو.... أنتم لا تقومون بواجبكم وتشتكون هههههههههههه أختي الشرطة إن أنت عرفت كيف تتصرف معها ستأخد حقك إما إن لم تشتكي لا أحد سيهتم لأمرك ثم نعم هناك بعد البراكينغ لهم رخصة من البلدية... أنا نخلص نورمال حينما أركن السيارة لكن مثلا إن توقفنا فقط لشراء جريدة والله ما يدي فرنك وإذا كا عشجبوش الحال رانا هنا :19:
نحكيلك شوية قصص كيف تتعاملين مع الشرطة أو لا داعي؟؟؟ هههه
شوفي في يوم من الأيام كنت مبحوث عنه لدى مصالح الأمن (لست مجرم ولكني كنت عاص لم أقبل بالخدمة الوطنية) المهم كنت عائدا من العاصمة إلى تلمسان ووجدت صديق لي غاضب فقلت له ما بك أخي قال لي ذلك الظابط الشرطي طرده من المكان الذي كا يقف فيه وقال له إذهب من هنا ولا تناقشني (المكان أمام ملعب كانت فيه مقابلة ساخنة والشرطة كانت تبعد الناس لتفادي المشاكل) رددت على صديقي أي مكان فقال لي ذلك المكان قلت له تعالى معي ووقفنا في ذلك المكان متعمدين وللصدفة كنت ألبس البدلة التي تخرجت بها من الجامعة هههههه مع نظارات روبوزنت... وأخرجت هاتفي النقال الذي كانت به تلك التسجيلة لطولكي ولكي نتاع الشرطة وأطلقتها وكل من يمر بجانبي سيظننا شرطة لكننا خرطة ههههههه المهم وقفت مباشرة أمام الظابط الذي كان معه 4 أعوان وأنظر إليه وأحمر فيه (حذار القيام بهذا لأنكم يتغرقون وتعشعشون في السجون، هذه ما يديرها إلا طويل العمر) وهو يقترب مع أعوانه لكن حينما سمع صوت هاتفي وراني أحمر فيه وقف في مكانه البعيد عنا حوالي 10 أمتار وبقي هناك ولم يستطيع أن يأتي كي يحركنا من مكاننا لأنه خاف بالرغم من أنه ظابط شرطة ههههههه المهم قلت لصديقي لا عليك رانا هنا وكأنني جنرال ههههههه والمشكل أنني زاوالي وأكثر من ذلك مبحوث عنه من طرف الشرطة (لتأدية الخدمة الوطنية لا غير، كان ذلك منذ زمين بعيد اليوم الحمد لله سلكناها وفاتت دون تأدية الخدمة طبعا) يعني لو مسكوني كانوا سيمرمدوني شر تمرميدة ههههههه أردت أن أقول لأختي الكوراج ومعرفة التصرف هي من تحل المشاكل ليس دائما لكن على الاقل مرات تسلكها :19:
ثم نعم هناك أعوان شرطة لا يقومون بواجبهم لكن هناك سلطة فوقهم وهم يخافون منها إن أحسوا بأن الأمور ستتجاوزهم...

[*سندوسة*]

أختي الكريمة نقولك حاجة وما تزعفيش مني يا سندوسة ههههههه ربما أنتم من لا يتقن كيفية التعامل مع الشرطة... حينما تتصل بالشرطي لا تتحدث له عن 50 دينار وإنما قل له أهانني وما عرفش كيفاش يتحدث معايا وقولها وأنت واثق من نفسك.... ثم نقولك حاجة أنا زوالي وحينما أقصد شرطي ندوخوا بالهدرة وهنا الأمر لا يتعلق بـ 50 دينار ولكن بكرامة المرء... أنا لوكان جات عندي evoque كيما ديالكم نقولك حاجة الوالي بذاثه ويخاف مني... تصرف كما يجب يهابك البشر ومن قال لك التبليغ لا ينفع فراكي غالطة إعرفي كيف تتكلمين مع الشرطي هو وحدو سيخاف من أن تصل الأمر إلى من هم أعلى منه رتب وتطير بلاصتو.... أنتم لا تقومون بواجبكم وتشتكون هههههههههههه أختي الشرطة إن أنت عرفت كيف تتصرف معها ستأخد حقك إما إن لم تشتكي لا أحد سيهتم لأمرك ثم نعم هناك بعد البراكينغ لهم رخصة من البلدية... أنا نخلص نورمال حينما أركن السيارة لكن مثلا إن توقفنا فقط لشراء جريدة والله ما يدي فرنك وإذا كا عشجبوش الحال رانا هنا :19:
نحكيلك شوية قصص كيف تتعاملين مع الشرطة أو لا داعي؟؟؟ هههه
شوفي في يوم من الأيام كنت مبحوث عنه لدى مصالح الأمن (لست مجرم ولكني كنت عاص لم أقبل بالخدمة الوطنية) المهم كنت عائدا من العاصمة إلى تلمسان ووجدت صديق لي غاضب فقلت له ما بك أخي قال لي ذلك الظابط الشرطي طرده من المكان الذي كا يقف فيه وقال له إذهب من هنا ولا تناقشني (المكان أمام ملعب كانت فيه مقابلة ساخنة والشرطة كانت تبعد الناس لتفادي المشاكل) رددت على صديقي أي مكان فقال لي ذلك المكان قلت له تعالى معي ووقفنا في ذلك المكان متعمدين وللصدفة كنت ألبس البدلة التي تخرجت بها من الجامعة هههههه مع نظارات روبوزنت... وأخرجت هاتفي النقال الذي كانت به تلك التسجيلة لطولكي ولكي نتاع الشرطة وأطلقتها وكل من يمر بجانبي سيظننا شرطة لكننا خرطة ههههههه المهم وقفت مباشرة أمام الظابط الذي كان معه 4 أعوان وأنظر إليه وأحمر فيه (حذار القيام بهذا لأنكم يتغرقون وتعشعشون في السجون، هذه ما يديرها إلا طويل العمر) وهو يقترب مع أعوانه لكن حينما سمع صوت هاتفي وراني أحمر فيه وقف في مكانه البعيد عنا حوالي 10 أمتار وبقي هناك ولم يستطيع أن يأتي كي يحركنا من مكاننا لأنه خاف بالرغم من أنه ظابط شرطة ههههههه المهم قلت لصديقي لا عليك رانا هنا وكأنني جنرال ههههههه والمشكل أنني زاوالي وأكثر من ذلك مبحوث عنه من طرف الشرطة (لتأدية الخدمة الوطنية لا غير) يعني لو مسكوني كانوا سيمرمدوني شر تمرميدة ههههههه أردت أن أقول لأختي الكوراج ومعرفة التصرف هي من تحل المشاكل ليس دائما لكن على الاقل مرات تسلكها :19:
ثم نعم هناك أعوان شرطة لا يقومون بواجبهم لكن هناك سلطة فوقهم وهم يخافون منها إن أحسوا بأن الأمور ستتجاوزهم...


وعلاه نزعف اخي ياك رانا نتناقشوا ونتحاورو بكل احترام
اما بخصوص امر التبليغ فالاب والاخ عندهم عقلية خسر وفارق
وضيق الوقت لايسمح بالبحث عن شرطي راك فاهم العقلية كيفاش

وتاني نزيدلك حاجة الوالدة الكريمة قلبها كبير وكريمة كي يجو نتاع الباركينغ ولحاج يحمر عينيه فيهم صراحة لحاج يفرحك في صوالح كيما هادو هي تبقى تقوله ماعليش غير عطيه يشفوها :1:

مرات هي تخلصهم هههه


اما بخصوص انتحالك لشخصيات انت وصديقك فهذا الامر سينكشف :1: وتخلصها غالية

[eBuziness]

وعلاه نزعف اخي ياك رانا نتناقشوا ونتحاورو بكل احترام
اما بخصوص امر التبليغ فالاب والاخ عندهم عقلية خسر وفارق
وضيق الوقت لايسمح بالبحث عن شرطي راك فاهم العقلية كيفاش

وتاني نزيدلك حاجة الوالدة الكريمة قلبها كبير وكريمة كي يجو نتاع الباركينغ ولحاج يحمر عينيه فيهم صراحة لحاج يفرحك في صوالح كيما هادو هي تبقى تقوله ماعليش غير عطيه يشفوها :1:

مرات هي تخلصهم هههه


اما بخصوص انتحالك لشخصيات انت وصديقك فهذا الامر سينكشف :1: وتخلصها غالية


يا أختي هذه كلمة خسر وفارق هي التي خلات المجتمع روطار هههههه
ثم يبدو أنك لم تفعمي مقصودي... أنا في الغالب لا تصل الشرطة أصلا لكن تصرفي يوقف الشخص عند حده في غالب الأحوال... أنا قلت لك أحسنوا التصرف يهابكم الصعاليك... ثم بالله عليك إن كنتم تدفعون فلماذا تشتكون :confused::confused::confused: إيا خلصو وخلاص هههههههه
ثم من قال لك أنني إنتحلت شخصية الغير... هل مثلا أنا قلت لهم أنني ظابط :confused: أبدا لم أفعلها ولن أفعلها قط وإنما تصرف بالطريقة التي تجعل الناس تهابك ولست أحمقا حتى أنتحل شخصية الغير لأن شخصيتي تكفيني هههههههه
أختي خلصو وما تزيدوش تشكو الدولة لأننا نحن كمواطنين لم نقوم بواجبنا كما ينبغي لهذا نحن مشاركون في الجريمة كلنا :19:
أختي تبيعولي la Evoque بالتقسيط الممل؟؟؟ ههههههههه

[*سندوسة*]

يا أختي هذه كلمة خسر وفارق هي التي خلات المجتمع روطار هههههه
ثم يبدو أنك لم تفعمي مقصودي... أنا في الغالب لا تصل الشرطة أصلا لكن تصرفي يوقف الشخص عند حده في غالب الأحوال... أنا قلت لك أحسنوا التصرف يهابكم الصعاليك... ثم بالله عليك إن كنتم تدفعون فلماذا تشتكون :confused::confused::confused: إيا خلصو وخلاص هههههههه
ثم من قال لك أنني إنتحلت شخصية الغير... هل مثلا أنا قلت لهم أنني ظابط :confused: أبدا لم أفعلها ولن أفعلها قط وإنما تصرف بالطريقة التي تجعل الناس تهابك ولست أحمقا حتى أنتحل شخصية الغير لأن شخصيتي تكفيني هههههههه
أختي خلصو وما تزيدوش تشكو الدولة لأننا نحن كمواطنين لم نقوم بواجبنا كما ينبغي لهذا نحن مشاركون في الجريمة كلنا :19:
أختي تبيعولي la evoque بالتقسيط الممل؟؟؟ ههههههههه


شكرا لنصائح اخي
اما بخصوص السيارة خويا دار بيها حادث وبعناها الايام لي فاتت وجاب سيارة صغير قتلونا بالعين:1:

[staifia]

كل خطرة نجيبلكم حاجة ليوم باركينغ وغدوة ربي برحمته
ههه :1:
كملي نتي دراهم قاع باركينغ وحلي فمك ياو لبلاد هنا لي يشوفوه كريم ياكلوه " يهموه"همهمهمهم
ايه جيبي خليني نستفيد :1:
انا مانمدش دراهمي ، بابا لي يمدلهم واحيانا يتهاوش معاهم يقلقوه ، مثلا تلقاي شاب قاعد لا شغل لا مشغل يجيك يقلك خلص
بابا احيانا مايهدرش معاهم خلاص يروح ويخليهم واحيانا يمدلهم
اكيد في الوقت هذا لي يكون مليح والله مش ياكلوه بركـ

[ouissamak]

وعليكم السلام ورحمة الله اختي
شكرا ليك على الاطراء هذا من لطفك

والله عندك الحق اختي مدام هو يطالب بالدفع انت طالبي برخصة
وربي يوفقك لكن حذاري كانش نهار واحد يشريهالك ويتبلاك مكانش لامان :1:


شكرا على النصيحة اختي
عندي كارت خطيييييييييييييييرة نوريهالو يجمد في مكانو هههه

انا اغلب الاوقات لا اركن السيارة وين ماجات الا في الاماكن المعروفة واللي مافيهاش الفلوش واغلب اللي يلعبوها حراس باركينغ دراري صغار فقط راهم يتعلمو الثنعة هههه

خطرة في الجامعة انا فمي ماشي ليا هههه كانت ماما معايا طلعنا في السيارة واختي قعدنا الداخل ماشعلتش الموتور قعدنا هربتنا مالسخانة تاع برا وقف واحد عند راسي ماما خاااافت ههههههههههههههه قاعدة غير تقولي شوفي هاداك راه يخزر فيك واش يسحق انا ماعلباليش بللي عساس باركينغ زعما قعد واحد 10 د فتحت الباب قتلو غير الخير واش تسحق قالي باركينغ بهدلتو مسكين غسلتو غسيل الدوارة انيني ضميري موراها قتلو ماحشمتش على عرضك كينشعل ونجي خارجة ارواح حوس على دراهمك سقسيتو على الرخصة قالي ماعنديش قتلو كينجي خارجة نخلصك

كيخرجت قتلو اشفا على وجهي كيتجيب الرخصة نخلصلك 2 بلايص

[*سندوسة*]

ايه جيبي خليني نستفيد :1:
انا مانمدش دراهمي ، بابا لي يمدلهم واحيانا يتهاوش معاهم يقلقوه ، مثلا تلقاي شاب قاعد لا شغل لا مشغل يجيك يقلك خلص
بابا احيانا مايهدرش معاهم خلاص يروح ويخليهم واحيانا يمدلهم
اكيد في الوقت هذا لي يكون مليح والله مش ياكلوه بركـ

ربي يحفظلك باباك يا مدللته
وان شاء الله كي نتفكر حاجة ولا نشوف حاجة كوني اكيييييييييييييييييييدة اننا لن ابخل بطرحها هناااااااااااااا

[*سندوسة*]

شكرا على النصيحة اختي
عندي كارت خطيييييييييييييييرة نوريهالو يجمد في مكانو هههه

انا اغلب الاوقات لا اركن السيارة وين ماجات الا في الاماكن المعروفة واللي مافيهاش الفلوش واغلب اللي يلعبوها حراس باركينغ دراري صغار فقط راهم يتعلمو الثنعة هههه

خطرة في الجامعة انا فمي ماشي ليا هههه كانت ماما معايا طلعنا في السيارة واختي قعدنا الداخل ماشعلتش الموتور قعدنا هربتنا مالسخانة تاع برا وقف واحد عند راسي ماما خاااافت ههههههههههههههه قاعدة غير تقولي شوفي هاداك راه يخزر فيك واش يسحق انا ماعلباليش بللي عساس باركينغ زعما قعد واحد 10 د فتحت الباب قتلو غير الخير واش تسحق قالي باركينغ بهدلتو مسكين غسلتو غسيل الدوارة انيني ضميري موراها قتلو ماحشمتش على عرضك كينشعل ونجي خارجة ارواح حوس على دراهمك سقسيتو على الرخصة قالي ماعنديش قتلو كينجي خارجة نخلصك

كيخرجت قتلو اشفا على وجهي كيتجيب الرخصة نخلصلك 2 بلايص

العفو اختي

لي يجيك بالحلاوة ويبينلك انه محتاج والله تمديلو بزيادة انا عندي خويا والله كي يشوف واحد هاكذا جاي غير بالعقل وكلامه زين والله يتهلى فيه ويعطيه كتر من لي يطالب بيه

بصح كاين لي يتعرض ويبغي يفرض روحه هذاك يستحق تتعاملي معاه بصرامة


والله ضحكتيني على لي يخلص زوج بلايص:1:

[eBuziness]

شكرا لنصائح اخي
اما بخصوص السيارة خويا دار بيها حادث وبعناها الايام لي فاتت وجاب سيارة صغير قتلونا بالعين:1:
لا شكر على واجب أختي سندوسة المسندسة هههههه
بسلامة خوك رب يحفظو لأن السيارة روح وتجي أخرى ومبروك عليكم ماروتي هههههههههه
أنتوما كنتو تخصلو c'est normal تضربكم العين يقولو هذو عندهم الدراهم بزاف.... المهم أختي كي راكم تخلصو ليس لكم الحق في الشكايات :1:

[*سندوسة*]

لا شكر على واجب أختي سندوسة المسندسة هههههه
بسلامة خوك رب يحفظو لأن السيارة روح وتجي أخرى ومبروك عليكم ماروتي هههههههههه
أنتوما كنتو تخصلو c'est normal تضربكم العين يقولو هذو عندهم الدراهم بزاف.... المهم أختي كي راكم تخلصو ليس لكم الحق في الشكايات :1:


العفو اخي وراك غالط ماشي ماروتي نتا في ميزك لي يكون موالف بإيفوك يرضى بماروتي :1:
نتا درت هبوط اظطراري خطيييييييييييييييييييييييييير
وربي يحفطك اخي و الحديد يتعوض والسلامة في خويا ربي يخليه ليا