المساعد الشخصي الرقمي

مشاهدة النسخة كاملة : Pate

meriem beldjoudi
2015-03-09, 22:27
Es ce que la pate ta3 sable o ta3 jelajlania kif kif
إلهام07
2015-03-10, 08:45
لالا اختي ماشي كيف كيف عجينة الجلجلانيات او أي صابلي يطيب في مول السيليكون تكون طرية وجارية شوية وتلصق في اليد شوية اكثر من عجينة الصابلي يعني لو كان تحاولي ديري عجينة الجلجلانيات بالطابع رايحة تسيح لانها جارية شوية وناقصة فرينة على هذي الجلجلانيات يجيو خفاف ومبسسين مليح لانو عجينتها ناقصة فرينة
لكن تقدري ديري عجينة صابلي عادي في مول السيليكون وطيبيها نورمال لكن فقط لازم ماتنشفيش العجينة نتاعك خليها شوية طرية وماتحمريهاش في الطياب باش تبقى طرية كي يطيب ويخلص إذا تحبي باش مايجيش ناشف عسليه في عسل متوسط لاهو ثقيل لاهو خفيف دخلي الحبة في العسل وخرجيها وهي سخونة والعسل بارد ماتخليهاش طول دخليها وخرجيها وزينيها بالمعجون او لاجولي او كيما حبيتي وقدميها
اي أسئلة انا في الخدمة :mh31:
meriem beldjoudi
2015-03-10, 10:38
Merci rabi ya3tik ma fi kalbel stp es ce que takadri tahatili la recette ta3 sable o jalajlania
إلهام07
2015-03-10, 14:21
وصفة الجلجلانية انا تعجبني وصفة حلوة التاج ندير نفس الوصفة ونشكل كريات ونرمدهم في الجلجلانية ثم نقرصهم في مول السيليكون أي شكل تحبي وطيبيهم على نار ماتكونش قاوية وحذاري يتحرقو بسرررررررعة :

400غ فرينة +150غ نوادكوكو مرحي +150غ سكر قلاصى +250 غ مرغرين +2بيضات+شكارة خميرة+فانى+قشور حبة قارص تديريها في المول طيب زينيها حسب الرغبة وممكن إذا حبيتي تعسليها وهي سخونة كيما شرحتلك




الصابلي كاين بزاف وصفات ملاح نعطيك هذي معتمدتها للصابلي العادي ( وصفة ام إسلام وآية ) :

250غ مارغارين طرية ،
5 ملاعق كبيرة معمرة مليح سكر ناعم
فنجان صغير زيت
2 ملاعق كبار نشاء
2 صفار بيض
فاني
نص كاس كاوكاو محمص
1 كيس خميرة
نلم العجينة بالفرينة




هذي ثاني جربتها تخرج روعة بنينة تهبل ( وصفة لينا11):


250غ مرقرين،5ملاعق كبار عسل،5ملاعق كبار حلوة الترك،5ملاعق كبار كاوكاو مقلي او لوز ومرحي غبرة،مغرف صغيرة خميرة الحلوى ،فرينة .


للتزيين :
معجون+ حلوة الترك+ الكوكاو المرحي او لوز +ملعقة عسل ، شكولة
الطريقة :
نمزج المرقرين مع العسل جيدا ثم نضيف حلوة الترك ونحرك ثم الكوكاو والخميرة ونضيف الفرينة حتى نتحصل على عجينة متماسكة
(ممكن تديري شكل قلب ممكن دائرة الشكل اختياري )نبسطها بالرولو على شكارة باش نحافظو على شكلها وبواسطة طابع مربع نشكل مربعات ونحطها تطيب


على 180° راقبيها مليح باش ماتتحرقش
بالنسبة للحشو :
نخلط المعجون مع القليل من حلوة الترك والكوكاو المرحي وملعقة عسل ونحرك جيدا ونلصق كل زوج حبات من الحلوى بالخليط
نذوب الشكولة على حمام مائي مع القليل من الحليب والزبدة ونغطس الحلوى من فوق فيها ونحطها على مشبك ونحط فوقها حبة لوز
وندير شكولا في ابرة وندير زيقزاق ونخليها تنشف

هذا تطبيقي للوصفة الاخت لينا11 حذفت الوصفة من المنتدى :
http://www.up.djelfa.info/uploads/142599364895411.jpg