انصحوني ربي يجازيكم

[rabah ag]

خاوتي وش رايكم في امضاء عقود ماقبل التشغيل عند القطاع الخاص؟؟؟ لقيت مكتب دراسات بريفي .انصحوني ايجابيات والسلبيات اذا تقدرو .

[rabah ag]

ياشباب النصيحة ربي يحفظكم راهي تالفة انتاع الصح

[rabah ag]

ماتنساونيش الله يحفظكم

[wahida23000]

انت والبريفي الي رايحة تخدمي عندو كاين الي يحرت عليك وخلاص قليل وكاين الي فيه الرحمة لازم تسقسي مليح قبل متبداي وحطي في بالك لكان بديتي لازم تكملي ترما تروحلك contrat

[hasni88]

بالوتفيق ان شاء الله

[rabah ag]

انت والبريفي الي رايحة تخدمي عندو كاين الي يحرت عليك وخلاص قليل وكاين الي فيه الرحمة لازم تسقسي مليح قبل متبداي وحطي في بالك لكان بديتي لازم تكملي ترما تروحلك contrat
بارك الله فيك خيتي على النصيحة ربي يجازيك بالخير ان شاء الله

[rabah ag]

بالوتفيق ان شاء الله
امين يارب التوفيق لي ولكم ان شاء الله

[سلمات مصطفى]

لان مكانش قيرها اتكلي على الله وابداي

[bech_hamza]

بريفي راهو ميرحمش زوج دورو تاع لانام ويطمعلك فيهم الللللللوووووور اذا عدتي محتاجة و الخبرة روحي واذا لباس حالتك اجتماعية اصبري وشاركتي في مسابقات او ادخلي نظام كلاسيكي بيلتا مشب عقود ادماج والله اعلم

[rabah ag]

لان مكانش قيرها اتكلي على الله وابداي
للتصحيح انا شاب... شكرا خويا على النصيحة وربي يجازيك خيرا ان شاء الله

[rabah ag]

بريفي راهو ميرحمش زوج دورو تاع لانام ويطمعلك فيهم الللللللوووووور اذا عدتي محتاجة و الخبرة روحي واذا لباس حالتك اجتماعية اصبري وشاركتي في مسابقات او ادخلي نظام كلاسيكي بيلتا مشب عقود ادماج والله اعلم
للتصحيح انا شاب ...... شكرا خويا على النصيحة ربي يجازيك خير .انا راهو عندي ديبلوم مهندس فلاحة من 2008 ومالقيتش كامل وين نخدم بيه وين نروح يقلك والو وزيد المسابقات ناقصة بزاف في هذا المجال

[bech_hamza]

ربي معاك من 2008 وانت قاعد؟؟؟؟؟ لازمك تخدم والله اعلـــــــــــــــــــــــــــــــــــم ربي يكون معاك ومع الجميع رابح

[rabah ag]

ربي معاك من 2008 وانت قاعد؟؟؟؟؟ لازمك تخدم والله اعلـــــــــــــــــــــــــــــــــــم ربي يكون معاك ومع الجميع رابح
ايه خويا والله من 2008 وماكان والو... امين ياربي

[abdallah21000]

توكل على الله

[rabah ag]

توكل على الله
شكرا خويا عبد الله ربي يجازيك خير

[silverstar]

من مساويء العمل عند بريفي
انو شهادة العمل تاعها تحسب فقط 0.5 نقطة لكل سنة في المسابقات على اساس الشهادة التابعة للوظيف كما انه يشترط فيك ان تكون مسوري اي مؤمن
خلاف ان المستخدم : التشناف ويحس روحو داير فيك مزية

[rabah ag]

من مساويء العمل عند بريفي
انو شهادة العمل تاعها تحسب فقط 0.5 نقطة لكل سنة في المسابقات على اساس الشهادة التابعة للوظيف كما انه يشترط فيك ان تكون مسوري اي مؤمن
خلاف ان المستخدم : التشناف ويحس روحو داير فيك مزية
بارك الله فيك خويا على النصيحة ...صح ماكنتش عارف بحكاية التنقيط ربي يحفظك انك نبهتني عليها

[sabine 1988]

اكيد القطاع العام افضل ولكن راهو متوقف الان ومن المستحيل انك تحصل على عقد عمل فيه و بالتالي نصف نقطة عند القطاع الخاص احسن من لا شى و السنوات تمر هكذاك بلا فايدة و بلا ما تستفيد من خبرة تشارك فيها بمسابقات التوظيف

[souad abdelkebir]

انا الان عندي من2010 و انا نخدم عند بريفي و الحمد لله ....الله غالب ماكنش مسابقات توظيف لي قدرت نشارك فيها بحكم التخصص لي قريتوا مي معنديش واش نديير لازم نخدموا و نكتاسبوا خبرة و كل واحد كيفاش داير سوءا الشخص اللي يخدم لازم يقوم بخدمتوا و البريفي كي يلقا واحد خدام مستحيل يسمح فيه.هذا رايي يا اختي و انتي زيدي خممي و بالتوفيق انشاء الله

[rabah ag]

اكيد القطاع العام افضل ولكن راهو متوقف الان ومن المستحيل انك تحصل على عقد عمل فيه و بالتالي نصف نقطة عند القطاع الخاص احسن من لا شى و السنوات تمر هكذاك بلا فايدة و بلا ما تستفيد من خبرة تشارك فيها بمسابقات التوظيف
بارك الله فيك خيتي على الرد .. المشكل خايف البريفي عامين ويقلك تربح بعدها ماتستفيد لامن العقود ولا من لانام

[rabah ag]

انا الان عندي من2010 و انا نخدم عند بريفي و الحمد لله ....الله غالب ماكنش مسابقات توظيف لي قدرت نشارك فيها بحكم التخصص لي قريتوا مي معنديش واش نديير لازم نخدموا و نكتاسبوا خبرة و كل واحد كيفاش داير سوءا الشخص اللي يخدم لازم يقوم بخدمتوا و البريفي كي يلقا واحد خدام مستحيل يسمح فيه.هذا رايي يا اختي و انتي زيدي خممي و بالتوفيق انشاء الله
للتصحيح انا شاب... كيفاه من 2010 عند البريفي ياك عقد لانام مع البريفي غير عامين؟ وشكرا خيتي على الرد ربي يجازيك الخير

[canada_13]

اتكل على ربي و اليك بعضالنصائج .................
يا أخي انا داير عقد cta عند البريفي
1- ادا كانت هادي هي المرة الاولى اللي تخدم باعقود انصحك ب daip و هادي عن تجربة انا صراتلي حشاهالي بريفي ب cta و درك حبست منقدر نجدد العقد منقدر ندير daip
2-cta لانام تخلص 12000 تدخل عند البريفي ماشي عندك و هو يخلصك و لازم ماشي تحت 18000 مي يامات و يدور علييك
3-daip لانام تخلص 15000 تدخل عندك و ادا قدر ربي او حبست تقدر اديير cta مي العكس لالا
4- هادي نصيحو مجربة و راني فيها ... البريفي مادابيه يديرك cta و ممبعد يحاوزك يبدا يسينيي في بلاصتك لو يخلص الا من رحم ربي
نشاء تكون فهمت ....ادا كاش م تسحق سقسيني

[rabah ag]

اتكل على ربي و اليك بعضالنصائج .................
يا أخي انا داير عقد cta عند البريفي
1- ادا كانت هادي هي المرة الاولى اللي تخدم باعقود انصحك ب daip و هادي عن تجربة انا صراتلي حشاهالي بريفي ب cta و درك حبست منقدر نجدد العقد منقدر ندير daip
2-cta لانام تخلص 12000 تدخل عند البريفي ماشي عندك و هو يخلصك و لازم ماشي تحت 18000 مي يامات و يدور علييك
3-daip لانام تخلص 15000 تدخل عندك و ادا قدر ربي او حبست تقدر اديير cta مي العكس لالا
4- هادي نصيحو مجربة و راني فيها ... البريفي مادابيه يديرك cta و ممبعد يحاوزك يبدا يسينيي في بلاصتك لو يخلص الا من رحم ربي
نشاء تكون فهمت ....ادا كاش م تسحق سقسيني
ربي يجازيك خويا على الرد والنصيحة والله فهمت مليح ردك ..الله يرزقك خويا بكل ماتتمناه ان شاء الله