لو كان هذا صالونكِ فكيف ستقومين بتأثيثه ؟

[نهلةن]

السلام عليكم اخواتي كيما قلت من قبل رحلت جديد وهذا هو الصالة ممكن تنصحوني بديكور يكون عصري مليت من فراش عرب بصح نحب فوتايات يكونو ماشي وساخين وفي نفس الوقت يتماشاو مع لون الصالة والصور توضح بشكل جيد ماطولوش عليا جزاكم الله كل خير

[سميرة10]

يا اختي لم ارى جيدا كل شيء بالمقلوب حتى دخت

[abdelhamid33]

السلام عليكم اختي.صالونك رائع جدا لكن الصور تظهر بالمقلوب حبذا لو تقومين بتدويرها وارسالها مرة اخرى وسنكون في الخدمة دائما.

[اليسا محبوبتي]

خاطر الساميل ولا هو الدارج وانت صالون غامق لازم تكسري اللون كيما هذه الصورة بالمخاد باج وتزيدي زربية باج

[omselma]

حبيبتي من فضلك زيدي صورينا مليح الصالون تاعك واان شاء الله رايحين نفيدوك بافكارنا اذا عاد الصلون تاعك كبير تقدري تڨسميه على زوج بكاشريدو باهي وتزيدي تحطي ليفينڨ تكون نوار و بلون و طابل بلون وفوتايات اونتي تاش
يكونو نوار وبلون انا راني عطيتك الفكرة تاع الصالو نتاعي

[*أم جابر*]

لو كان انا ندير الفوتايات تحت التاقة مع الزربية و مائدة شابة
و الطابلة من الجهة لوخرا

[fadi02]

والله غير نفس المشكل غير كيما رحلت و ما حطيت فيه والو راني حايرا هو كبير8 م في الطول و 5 م في العرض من بعد انصور و نحط يمكن تساعدوني

[نهلةن]

ان شاء الله تعالى يكونو بانو الصور راني قسمتو علی زوج كي صبغتو جهة بالرمادي والباج كلاغ والجهة وحدة بالذهبي و الغوز أن شاء الله بيان في الصورة عجبتلي فكرة أم أسيد لكن ممكن دبرو عليا في لون الفوتايات والطالبة والريدوات والتلفاز تخليه معلق في الحيط ولا نشريلو كاش حاجة نحطو فيها وجزاكم الله كل خير اختي فادي تبعي الموضوع بلاك تلقي تدبيرة هنا والبركة عليك السكنة

[نهلةن]

اختي أم سلمة ممكن تصوريلي الفوتايات تاعك اذا أمكن واسفة علی الإزعاج

[*سندوسة*]

السلام عليكم

انا نحطلك صور وانتي اختاري

http://www.mstaml.com/imagesData/%D9%83%D9%86%D8%A8_%D8%BA%D8%B1%D9%81%D8%A9_%D8%B5 %D8%A7%D9%84%D9%88%D9%86-i138488239003250025.jpg

http://www2.0zz0.com/2012/02/05/17/978128790.jpg

http://www.primousse.com/produits/small/salon-marocain-rossilio_243.jpg

[*سندوسة*]

http://opensooqmedia.os-cdn.com/posts/w700/tmb/S_thumb_20517351_adaptiveResize_700_1000.jpg

http://www.ambiance-et-deco.fr/galerie/salon-rouge-gris-noir-moderne.JPG

http://www.anaqamaghribia.com/pic/images/iteqvsgokwwmqd3kgnjz.jpg

[الدر المكنون 7]

هاهي الصور حتى ما دوخوش
http://cdn.top4top.net/i_b188956aa01.jpg
http://cdn.top4top.net/i_b188956aa02.jpg
http://cdn.top4top.net/i_6c89a5576a3.jpg
http://cdn.top4top.net/i_6c89a5576a4.jpg
الأساس في صالونك ما شاء الله ان شاء الله تكسيه بطريقة عصرية تتماشى مع الستيل تاعو

[نهلةن]

بارك الله فيك اختي الدر المكنون وأيضا سندوسة ياسمين

[*سندوسة*]

بارك الله فيك اختي الدر المكنون وأيضا سندوسة ياسمين

وفيك بارك الرحمن اختي تحتاجي اي حاجة رانا هنا

[omselma]

انا راني صورتهم بصح معرفتش كيفاش نبعثهم

[scorpionoir]

صباح الخير
مبروك عليك الدار والوسع هههههههههه تسكنيها بالصحة والراحة ان شاء الله
انا رايي مدام الالحيوط فيهم الالغوز الرمادي بزاف والارضية رمادي وزتي الريدو رمادي ديري صالون يكون لون اخر باش تكسري اللون
وبعدي على الابيض والاسود راهو يجيك ظلمة
مثلا ديري فوتايات في الون غوز ولا فوشيا مع شوي رمادي ولا شوي ابيض والا في الازرق او الاحمر يجي تحفة مع الرمادي وزربية تاني في لون اخر

[سميرة10]

يا اختي الصالون نتاعك جاي بالطول اذا كنت تريدين رايى اقسميه على 2 الجيهة لي الفوق ديري فيها فوتايات يكون لونهم فاتح باش تكسري لون الحيط لانه لونه كئيب وعلقي صورة طبيعية تكون ماهي كبيرة ماهي صغيرة والزربية ديري الون نتاعها قريب للفوتايات اما الريدو ديريه نوع كاش ريدو باش تبان الفخامة في الصالون نتاعك اما الجيهة الثانية ديري فيها طاولة اكل تكون من الخشب الاحمر ودري تحتها زربية مدورة _افال_وفي الكوانات ديري واش تحبي انت فزات كبار او شيء اخر _بالتوفيق ان شاء الله

[omselma]

انا شفت الصالون تاعك مليح حبيبتي الطابلة بانتلي بللي ماهيش تاع صالون اما بالنسبة للفوتايات تحت التاقة انا منحبذش الفكرة على جال الغبرة ونتي مش حابتهم يوسخو اما بالنسبة للتلفاز معلق خير حتى ما يديلكش المساحة وما يجيكش المشكل تاع الخيوط

[نهلةن]

بارك الله فيكم اخواتي كيما قلت في نفسي محطيتش يكون هناك اهتمام من طرفكن ربي يجزيكم كل خير على كل شيء

[نائلة]

http://store2.up-00.com/2015-02/1424952505974.gif

ماشاء الله اساس رائع لازمله لمسه ديكورية مليحه
نظن يكون لون فاتح مع قليل من الرمادي
مثل وردي مع رمادري
او ازرق تركوازي مع الرمادي

[نهلةن]

راني نشكركم ونجمع افكاركم وان شاء الله تعالى كي نشري الفوتايات راني نصورهملك بصح ممكن تقولولي شكون الي خير تاع الكوير ولاناعالقماش

[omselma]

صباح الخير حبيبتي نهلة انا راني تفاعلت معاك لاني نحب الديكور وعجبني الصالون نتاعك ان شاء الله بالربح اما فيما يخص الفوتايات انا يعجبوني تاع الجلد اذا تقدري شوفي فالبليدة و مدابيك يكونو اونتي تاش عزيزتي كي تكملي حابة نشوفو كيفاش ولا

[نهلةن]

أم سلمة بارك الله فيك اختي الكريمة على تفاعلك معي وربي يهنيك ونوعدك نصور أي جديد في الصالة تاعي اما البليدة بعيدة انا من الشرق

[سميرة10]

السلام عليكم
اختي الفوتيات اشريهم نتاع الكوير لانهم ساهلين في التنضيف وشوفي اللون لي يكون فاتح شوية او امزجي بين لونين مثلا ابيض و رمادي او باج امهم ما يكونوش داكنين باش الصالون نتاعك يبان ضاوي بالتوفيق ان شاء الله

[omselma]

اختي نهلة انا ايضا من الشرق لكن زوجي وصا واحد فالبليدة هو لي يخدمولو لانو البليدة معرفة بالموبل اللي يخدموه]

[بعيدة المنال]

ربي يباركلك

[Yacine T]

شكرا بارك الله فيك