المدرسة التطبيقية للهندسة بجاية دفعة ماي 2015

[tifa 04]

خويا السطايفي رانب مالقيتش الفايسبوك تاعك
Tifa mehdi هاذا تاعي اجوتيني
شكراا

[mmtr]

kifech tet3emel l'école de béjaia m3a motawi3ine et wech mel les spécialités eli thewes??

[imad20]

على حساب ماشفنا ، المدرسة تركز على إختصاصات الهندسة لكن ليس بشكل كلّي ...
متطوعين ولا عاديين ، لا فرق ... هذا اللي شهدنا عليه في سبتمبر الماضي رغم أنهم يقولوا أن
الأولوية للمتطوعين ربما في دفعات أخرى ... أيضا لاطاي تلعب دور ..أصحاب القامات الطويلة والبنية القوية ...

هذا بشكل عام ... ومباعد تتخلط وتولّي شالا بالا متفهم والو :)

ما تشدش المتزوجين و اللي قاريين شريعة

[mmtr]

على حساب ماشفنا ، المدرسة تركز على إختصاصات الهندسة لكن ليس بشكل كلّي ...
متطوعين ولا عاديين ، لا فرق ... هذا اللي شهدنا عليه في سبتمبر الماضي رغم أنهم يقولوا أن
الأولوية للمتطوعين ربما في دفعات أخرى ... أيضا لاطاي تلعب دور ..أصحاب القامات الطويلة والبنية القوية ...

هذا بشكل عام ... ومباعد تتخلط وتولّي شالا بالا متفهم والو :)

ما تشدش المتزوجين و اللي قاريين شريعة

baraka Allah'o fik khoya
"awlawiya fi motawi3ine", hebit tkol beli yehekmo surtout motawi3ine wla l3eks ?

[imad20]

في الدفعة تاع سبتمبر مكاين حتى فرق بين المتطوعين و العاديين ، ناس بزاف متطوعة خرجوا فائض
دفعة جانفي معلاباليش ...

مكتوب ربي يا خويا كيما راني نشوف

[mmtr]

في الدفعة تاع سبتمبر مكاين حتى فرق بين المتطوعين و العاديين ، ناس بزاف متطوعة خرجوا فائض
دفعة جانفي معلاباليش ...

مكتوب ربي يا خويا كيما راني نشوف

merci khoya
wech reyek fi hed l'école ki kont ltem fi septembre (mo3amala etc)
khrejt faiid wla dossier

[imad20]

المدرسة من أحسن المدارس ، المعاملة جيدة وواحد مايوصلك
الماكلة مليحة لكن بعد ما يكثر الغاشي تنقص شوي وتولي فيها معاناة باش تطلع للريسطو وتولي ...
الماء متوفر ولا ينقطع ، المراحيض مقبولة ومتوفرة بكثرة ، الدوش كاين كل يومينن أو ثلاث إذا ما نسيتش وتحب
حتى تتدوش كل يوم في المراحيض خاطر كاين واحد ليصباص معزولة شوي ونظيفة ( أنا دوشت فيها هههه) ..

المهم حتى ولو حكموك مش راه تعاني بزاف بالمقارنة مع ثكنات ومدارس أخرى

احنا رحنا في سبتمبر وخرجنا بسورسي .. ورانا راجعين ليهم

[imad20]

السلبيات : الطبيب مزيّر شوي ، الهاتف ممنوع والتفتيش مزير ، النادي ممنوع علينا ومتقدرتش تشري العصائر أو القهوة ....
إلا إذا دار فيك واحد من المؤطرين ثمّة مزية وشرالك ... إذا لحقت روطار راح تتمرمد شوي في الرقاد باسكو الشاليات يتعمروا ..


ملاحظة : تقدر تدخل معاك الماكلة (تمر أو القاطو ، الحلوى ... ) أيضا الكتب والمصاحف مسموحة ، والصلاة أيضا ....

[mmtr]

المدرسة من أحسن المدارس ، المعاملة جيدة وواحد مايوصلك
الماكلة مليحة لكن بعد ما يكثر الغاشي تنقص شوي وتولي فيها معاناة باش تطلع للريسطو وتولي ...
الماء متوفر ولا ينقطع ، المراحيض مقبولة ومتوفرة بكثرة ، الدوش كاين كل يومينن أو ثلاث إذا ما نسيتش وتحب
حتى تتدوش كل يوم في المراحيض خاطر كاين واحد ليصباص معزولة شوي ونظيفة ( أنا دوشت فيها هههه) ..

المهم حتى ولو حكموك مش راه تعاني بزاف بالمقارنة مع ثكنات ومدارس أخرى

احنا رحنا في سبتمبر وخرجنا بسورسي .. ورانا راجعين ليهم

baraka Allah'o fik khoya 3la kol hed lme3lomat , wekil lhekt ki keflet l'école apres medolek surcis

[imad20]

لا أنا مشيت في 22 سبتمبر وضربت سمانة ثمة ... صرات وحد العفسة ، لضرك مانيش فامهها مليح .. خلاتنا نخرجو بسورسي
كل واحد وسبتو على أي حال .. دوسي ميديكال ناقص ، كاين الي شكى بمرض و معندوش دوصي .... كاين اللي مادار حتى حاجة ولقى روحو سورسي ميديكال ... كنا فئة قليلة جدا ... جماعة بزاف كانت خارجة كيفنا بسورسي ميدكال مي هوما قلبوهم آبت وخرجوهم فائض وحنا قالك مقدرناش نديروكم معاهم لأن ملفاتكم بقات في قسنطينة ووحد لحكاية هكذا ....

تأجيل 6 شهر وهاحنا راجعين وعلى ربي تاكلين :)

[mmtr]

السلبيات : الطبيب مزيّر شوي ، الهاتف ممنوع والتفتيش مزير ، النادي ممنوع علينا ومتقدرتش تشري العصائر أو القهوة ....
إلا إذا دار فيك واحد من المؤطرين ثمّة مزية وشرالك ... إذا لحقت روطار راح تتمرمد شوي في الرقاد باسكو الشاليات يتعمروا ..


ملاحظة : تقدر تدخل معاك الماكلة (تمر أو القاطو ، الحلوى ... ) أيضا الكتب والمصاحف مسموحة ، والصلاة أيضا ....


al hamdo li Allah, merci khoya

, lwehed reyeh vers 3alamate istifhmae, smehli khoya reni seksitek bezef
3lech kherjokom surcis

[imad20]

اللي حبو ربي... يحكموه يعقبها ولا يخرج فائض
السورسي هذا كارثة خاصة إذا ضربت ثمة سمانة ولا عشر أيام ...

كاين واحد معانا خرج من بوسعادة بسورسي ، خلاص السورسي بعثوه لبجاية وزاد خرج معانا بسورسي مسكين ههههه راح عام
كون عقبها كون تهنى منها .... مكاتيب ...

[mmtr]

اللي حبو ربي... يحكموه يعقبها ولا يخرج فائض
السورسي هذا كارثة خاصة إذا ضربت ثمة سمانة ولا عشر أيام ...

كاين واحد معانا خرج من بوسعادة بسورسي ، خلاص السورسي بعثوه لبجاية وزاد خرج معانا بسورسي مسكين ههههه راح عام
كون عقبها كون تهنى منها .... مكاتيب ...

ah ok, meskine, Allah yehsen 3ono
wech derto kho comme tâche fi hedok lyemet, corvet...?

[mostafagha]

بارك الله و جزاك الله الجنة .

[mmtr]

شحال ترفد المدرسة؟؟
هل 340 طالب ضابط إحتياطي+320 طالب صف؟؟

[سطايفي19]

شحال ترفد المدرسة؟؟
هل 340 طالب ضابط إحتياطي+320 طالب صف؟؟

تشد من 250 الى 300طاب ضابط احتياطي
السارجان من 300 الى 400
كل مرة وكيفاش

[lokmane lok]

اللي حبو ربي... يحكموه يعقبها ولا يخرج فائض
السورسي هذا كارثة خاصة إذا ضربت ثمة سمانة ولا عشر أيام ...

كاين واحد معانا خرج من بوسعادة بسورسي ، خلاص السورسي بعثوه لبجاية وزاد خرج معانا بسورسي مسكين ههههه راح عام
كون عقبها كون تهنى منها .... مكاتيب ...

ana aussi madouli sourcis medicale ana hsseb ma sa9site yzidou ymadoulna sourcis medicale hatta yfoutou 12


ch'har w tokhroj douf3a ta3ak li dkhoolte fiha w ymadoulak la carte jaune brabi nchallah hakka ki sa9ssit


galouli brabi mayzidouch yhakmoukom saçssite bezef galouli tkamalha b sourci hatta tadi la carte 6 mois 6 mois

[mmtr]

تشد من 250 الى 300طاب ضابط احتياطي
السارجان من 300 الى 400
كل مرة وكيفاش

merci khoya
tsema l'école terfed!! 300+300=600!!

[imad20]

ana aussi madouli sourcis medicale ana hsseb ma sa9site yzidou ymadoulna sourcis medicale hatta yfoutou 12


ch'har w tokhroj douf3a ta3ak li dkhoolte fiha w ymadoulak la carte jaune brabi nchallah hakka ki sa9ssit


galouli brabi mayzidouch yhakmoukom saçssite bezef galouli tkamalha b sourci hatta tadi la carte 6 mois 6 mois

كل واحد كيفاه يهدر
ليصونسيال أنا رايح ومداير في بالي كل الإحتمالات ...

[mmtr]

djama3a jidid rayha à béjaia nchlh ??

chkone eli yekder ikolena moktach et wech keyen fi tedribate ?

[mmtr]

chkone eli yekder ikolana kifech tadribate eli idirohomfi l'école et lwekt ??

yebdew menhar elewel, wla tebda corvé heta teghlek lbab l'école ?

[benhenn02i]

من الشلف الى بجاية ان شاء الله
بملف طبي
لدي كسر في اليد اليسرى واجريت عليها عملية جراحية بتثبيت العظم

[سطايفي19]

من الشلف الى بجاية ان شاء الله
بملف طبي
لدي كسر في اليد اليسرى واجريت عليها عملية جراحية بتثبيت العظم

اهلا بك اخي الملاقاة لتما ان شاء الله
الرتبة تاعك ويوم الالتحاق

[nasro05dz]

السلام عليكم ورحمة الله وبركاته
عندي سؤال خاوتي
شحال تقدر دير الروطار مع العلم انو الاستدعاء بتاريخ 15 ماي
وهل عمر المترشح يلعب دور في الفائض؟

[سطايفي19]

السلام عليكم ورحمة الله وبركاته
عندي سؤال خاوتي
شحال تقدر دير الروطار مع العلم انو الاستدعاء بتاريخ 15 ماي
وهل عمر المترشح يلعب دور في الفائض؟

اولا الى اين متوجه
ثانيا ماهو تاريخ الالتحاق المدون في امر الاستدعاء
كم تبلغ من العمر
وماهي رتبتك
جاوني دوك نجاوبك

[سطايفي19]

هذي صورة فيها معلومات عن مكان المدرسة


http://s21.postimg.org/kjpsc8pp3/12_04_2015_12_47_49.jpg

لكل الملتحقين في ماي ان شاء الله وقصد تعميم المعلومة ومعرفة المكان جيدا

[khossy07]

راني مشوش التفكير بعدما تقدمت لمسابقة التعليم و تم اعطائي استدعاء مقابلة يوم 27 ماي 2015؟
هنا كل الحسابات راحتلي خاصة اني متقدم على منصب استاذ لرياضيات مهندس دولة في الية قسم هندسة كهربائية
و عندي استدعاء متطوع يوم 15 ماي
دولة عوجة الله غالب يا تريسكي بلارمي يا بالمسابقة

تعبونا الله لا تربحهم

[benhenn02i]

اهلا بك اخي الملاقاة لتما ان شاء الله
الرتبة تاعك ويوم الالتحاق
العمر 22
الرتبة سرجان
يوم الالتحاق 15/05/2015

[سطايفي19]

راني مشوش التفكير بعدما تقدمت لمسابقة التعليم و تم اعطائي استدعاء مقابلة يوم 27 ماي 2015؟
هنا كل الحسابات راحتلي خاصة اني متقدم على منصب استاذ لرياضيات مهندس دولة في الية قسم هندسة كهربائية
و عندي استدعاء متطوع يوم 15 ماي
دولة عوجة الله غالب يا تريسكي بلارمي يا بالمسابقة

تعبونا الله لا تربحهم

خمم مع روحك مليح
ماتنساش كي تكون لاكارت جون فيﻻلجيب مسابقة متغيبلك
على كل حال الثكنة تغلق حوالي 30 ماي
بالتوفيق

[سطايفي19]

العمر 22
الرتبة سرجان
يوم الالتحاق 15/05/2015

شاء الله تدي اعفاء ادي معاك كل الوصفات والراديوهات التي تثبت انك اجريت عملية جراحية وكل شيء بمكتوب رب العالمين

[mmtr]

من عنده أرقام عن دفعة جانفي 2015 طالب ضابط إحتياطي ؟؟

[سطايفي19]

من عنده أرقام عن دفعة جانفي 2015 طالب ضابط إحتياطي ؟؟

والارقام من اين لك ان تاتي بها
مستحيل

[mmtr]

والارقام من اين لك ان تاتي بها
مستحيل

بالتقريب، من الإخوة الذين خرجوا أو أكملوا التربص من جانفي 2015

[سطايفي19]

آسف حطيتك تهدر على دفعة ماي
جانفي حكمو 250
خرجو 600 على ما اظن

[mmtr]

آسف حطيتك تهدر على دفعة ماي
جانفي حكمو 250
خرجو 600 على ما اظن

راحوا غاشي!!!
كنت أضن أن المدرسة ترفد 350
أخي ماهي الأعمال في فترة الإنتقاء؟

[سطايفي19]

راحوا غاشي!!!
كنت أضن أن المدرسة ترفد 350
أخي ماهي الأعمال في فترة الإنتقاء؟

اخي الفاضل كل دفحة وشحال يشدو خطرة 250 خطرة 300
بالنسبة للخدمات طيلة مدة الانتقاء اذا لبست لكومبا رايح تخدم محيط كرفي وخدمات في المطعم
اذا مزال ملبستش لكومبا تلقاها راقدة وتممونجي

[mmtr]

اخي الفاضل كل دفحة وشحال يشدو خطرة 250 خطرة 300
بالنسبة للخدمات طيلة مدة الانتقاء اذا لبست لكومبا رايح تخدم محيط كرفي وخدمات في المطعم
اذا مزال ملبستش لكومبا تلقاها راقدة وتممونجي

بارك الله فيك
ماهي الدبلومات التي يركزون عليها (طالب ضابط إحتياطي) : قبل التدرج (ليسانس، ماستر،مهندس دولة) أو بعد التدرج (ماجستر، دكتوراه) ؟؟

[imad20]

التقرعيج داير حالة ههههـ

أيا الناس اللي هزت الإستدعاء وماشية لبجاية سمعونا صوتكم :)

[tifa 04]

راني هنا 20 ماي ههههههههههههه

[black flag]

السلام عليكم واش حوالكم الاخوة ........نتلقاو في بجاية ان شاء لله

[mmtr]

السلام عليكم واش حوالكم الاخوة ........نتلقاو في بجاية ان شاء لله

inch'Allah akhi
ch3el fi 3omrek et wech krite ?
hal motatawi3 ?

[mmtr]

ماهي الدبلومات التي يركزون عليها (طالب ضابط إحتياطي) في بجاية : قبل التدرج (ليسانس، ماستر،مهندس دولة) أو بعد التدرج (ماجستر، دكتوراه) ؟؟

[tifa 04]

khawti manakderch nab3ath msg
li rayah l bejaia ykhalili fb te3ou nahkiw

[رابح فاروق]

اللي عندو تخصص جيني سيفيل او ماشابه يعيش احسن حياة في المدرسة

[tifa 04]

و لي عندو تخصص علوم اقتصادية

[سطايفي19]

khawti manakderch nab3ath msg
li rayah l bejaia ykhalili fb te3ou nahkiw

ابعثلي فيسبوك تاعك

[dragone noir]

انا انشاء الله في 23 ماي نمشي
حاب نسقسي راني رح ندير الروطار سمانة يعني نورمالمو نمشي في 15 واتش رايكم اهل الخبرة

[سطايفي19]

انا انشاء الله في 23 ماي نمشي
حاب نسقسي راني رح ندير الروطار سمانة يعني نورمالمو نمشي في 15 واتش رايكم اهل الخبرة

jتقدر تمشي عادي في 23
المهم قبل ما تغلق الثكنة في حدود 30 مكاي
سنك والرتبة تا عك والولاية من فضلك

[جلال فدرر]

السلام عليكم
جلال من باتنة
انا داهب متطوع ليسانس هندسة معمارية
من الدي سوف يمشي يوم الجمعة؟
وهل يوم الجمعة نفوتو عند الطبيب ولا يوم الاحد؟

[mmtr]

السلام عليكم
جلال من باتنة
انا داهب متطوع ليسانس هندسة معمارية
من الدي سوف يمشي يوم الجمعة؟
وهل يوم الجمعة نفوتو عند الطبيب ولا يوم الاحد؟

ana rayeh vendredi 15 nchlh

[سطايفي19]

السلام عليكم
جلال من باتنة
انا داهب متطوع ليسانس هندسة معمارية
من الدي سوف يمشي يوم الجمعة؟
وهل يوم الجمعة نفوتو عند الطبيب ولا يوم الاحد؟

اهلا بك اخي معنا
الثكنة تكون مفتوحة ان شاء الله بالجمعة
وتقدر بالجمعة تفوت عند الطبيب المهم كي يلمو 50 شخص يفوتوهم ديراكت عند الطبيب
انا ان شاء الله بالسبت او الاحد التحق وزميل لي آخر 20 ماي يلتحق
بالتوفيق للجميع

[جلال فدرر]

ان شاء الله اخي بارك الله فيكم

[رابح فاروق]

الاخ جلال انت قاري هندسة معمارية

[tifa 04]

خويا السطايفي هدا هو الفيسبوك تاعي tifa mehdi

[سطايفي19]

راني اجوتيتك خويا

[جلال فدرر]

prince di maria
هدا فايسبوك الخاص بي
لمن يريد الدهاب يوم الجمعة
نعم انا قاري هنسة معمارية

[nasro05dz]

السلام عليكم ورحمة الله وبركاته
عندي سؤال خاوتي
شحال تقدر دير الروطار مع العلم انو الاستدعاء بتاريخ 15 ماي
وهل عمر المترشح يلعب دور في الفائض؟
نصرو من باتنة
متطوع 27 سنة لسانس علاقات عامة
ظابط احتياط الاستدعاء بتاريخ 15 05

[mmtr]

السلام عليكم ورحمة الله وبركاته
عندي سؤال خاوتي
شحال تقدر دير الروطار مع العلم انو الاستدعاء بتاريخ 15 ماي
وهل عمر المترشح يلعب دور في الفائض؟
نصرو من باتنة
متطوع 27 سنة لسانس علاقات عامة
ظابط احتياط الاستدعاء بتاريخ 15 05

ana ten ya akhi istid3a 15 et rayeh fi nefs anhar nchlh
hadi hiya walek mocharektek fi hed safha te3 béjaia ?
keyen eli te3refhom rehom mechyine liha ?

[nasro05dz]

لالا خويا راني براسي
نتا ثاني من باتنة؟

[mmtr]

لالا خويا راني براسي
نتا ثاني من باتنة؟

non ana men boumerdes

[nasro05dz]

الله يبارك نتلاقاو ثم ان شاء الله

[mmtr]

الله يبارك نتلاقاو ثم ان شاء الله

iberek fik merci
nchlh, ana nawi nroh le 15 wenta ?

[nasro05dz]

انا نورح روطار شوي معنديش ملف طبي صحيح
نروح 23 ان شاء الله

[mmtr]

انا نورح روطار شوي معنديش ملف طبي صحيح
نروح 23 ان شاء الله

ah ok
me3endi ni milaf tibi shih ni d3if
netwekel 3la Allah et nroh

[سطايفي19]

السلام عليكم ورحمة الله وبركاته
عندي سؤال خاوتي
شحال تقدر دير الروطار مع العلم انو الاستدعاء بتاريخ 15 ماي
وهل عمر المترشح يلعب دور في الفائض؟
نصرو من باتنة
متطوع 27 سنة لسانس علاقات عامة
ظابط احتياط الاستدعاء بتاريخ 15 05

مممرحابيك اخي
نعم السن يلعب دور كبير للخروج معفى من الثكنة لانهم يبداو بصغار السن
المهم تقدر دير روطار لمهم متخليش الثكنة تسكر اظن في 28 ماي تغلق الثكنة
الا الملاقاة ان شاء الله
صحاب بجاية لي رايحين راهم بداو بزيدو الله يبارك حظ موفق للجميع

[سطايفي19]

ah ok
me3endi ni milaf tibi shih ni d3if
netwekel 3la allah et nroh

اخي اتوكل على ربي وروح متعمرش راسك بزاف لحاجة لي كاتبة من عند ربي ماكش رايح تهرب منها

[سطايفي19]

prince di maria
هدا فايسبوك الخاص بي
لمن يريد الدهاب يوم الجمعة
نعم انا قاري هنسة معمارية

اهلا بك اخي

[جلال فدرر]

شكون لي راهو رايح من باتنة بنهار الجمعة؟

[mmtr]

اخي اتوكل على ربي وروح متعمرش راسك بزاف لحاجة لي كاتبة من عند ربي ماكش رايح تهرب منها

c vrai, baraka Allah'o fik

[جلال فدرر]

مكانش لي رايح ب الجمعة؟

[سطايفي19]

اخي الفاضل
كاينة صفحة في الفيسبوك خاصة يهدا الشيء تسمى
المدرسة التطبيقية للهندسة بجاية
انا كنت رايح بالجمعة لكن نزيد ايام ونروح

[pedro troykoviç]

salamo alikom khawti..cv...khokom men batna... 28 ans... master finance... jabt L'ordre Appelle le 15 bijaya je pense dimanche wroh.. dat motatawi3... rabi jib lkhir khawti.

[raouf blk]

اهلا بك اخي معنا
الثكنة تكون مفتوحة ان شاء الله بالجمعة
وتقدر بالجمعة تفوت عند الطبيب المهم كي يلمو 50 شخص يفوتوهم ديراكت عند الطبيب
انا ان شاء الله بالسبت او الاحد التحق وزميل لي آخر 20 ماي يلتحق
بالتوفيق للجميع
شكون لي يفوت عند الطبيب!لي عندهم دوسي ميديكال !!

[ayoub55]

عندى سؤال العصاة كيفاش يفوتوها يعنى يخفظولهم الرتبة فقط او فيها حبس او ماذا بالظبط

[سطايفي19]

salamo alikom khawti..cv...khokom men batna... 28 ans... Master finance... Jabt l'ordre appelle le 15 bijaya je pense dimanche wroh.. Dat motatawi3... Rabi jib lkhir khawti.

اهلا بك اخي وحظ موفق رانا نتلاقاو في الثكنة ان شاء الله
الى جلال فدرر
اليك الاخ ايضا من باتنة ورايح لبجاية تقدرو تنسقو مع بعضكم لانو راك تحوس على واحد من باتنة

[سطايفي19]

شكون لي يفوت عند الطبيب!لي عندهم دوسي ميديكال !!

واحد يدخل الى الثكنة سواء مريض او غير مريض لازم يدير لافيزيت عند طبيب الثكنة باه يديرو مؤهل او غير مؤهل

[سطايفي19]

عندى سؤال العصاة كيفاش يفوتوها يعنى يخفظولهم الرتبة فقط او فيها حبس او ماذا بالظبط
العاصي يفوت على المحكمة العسكرية في الحقيقة هناك عقوبة في حقه لكن القاضي العسكري لا يطبقها
وعليه تخفض رتبته الى ادنى رتبة ويقتاد الى ثكنة موجودة في الصحراء يعني راح يفوتها ماساكر

[عاشق العدالة]

السلام عليكم خاوتي
أني جبت أمر الإلتحاق إلى المدرسة التطبيقية مدفعية الميدان بوسعادة
15/05/2015
1-واش رايكم في هذه المدرسة، فيها فائض و لا ما فيهاش.
2- هل أستطيع الإلتحاق يوم 15/05/2015 ولا نقدر ندير روطار ونروح يوم 19 ولا 20 .
3 خاوتي أنا تقني سامي و 1جامعي ، لكن هما دارولي 3ثانوي.

[raouf blk]

السلام عليكم خاوتي
أني جبت أمر الإلتحاق إلى المدرسة التطبيقية مدفعية الميدان بوسعادة
15/05/2015
1-واش رايكم في هذه المدرسة، فيها فائض و لا ما فيهاش.
2- هل أستطيع الإلتحاق يوم 15/05/2015 ولا نقدر ندير روطار ونروح يوم 19 ولا 20 .
3 خاوتي أنا تقني سامي و 1جامعي ، لكن هما دارولي 3ثانوي.

المدرسة جيدة من ناحية المعاملة و الاكل ,الفائض مكاش بزاف مقارنة مع المدارس الاخرى المتطوع يحكموه 100%

[سطايفي19]

السلام عليكم خاوتي
أني جبت أمر الإلتحاق إلى المدرسة التطبيقية مدفعية الميدان بوسعادة
15/05/2015
1-واش رايكم في هذه المدرسة، فيها فائض و لا ما فيهاش.
2- هل أستطيع الإلتحاق يوم 15/05/2015 ولا نقدر ندير روطار ونروح يوم 19 ولا 20 .
3 خاوتي أنا تقني سامي و 1جامعي ، لكن هما دارولي 3ثانوي.

اخي روح واتكل على ربي لانو كل شيء بيد رب العالمين

[raouf blk]

واش نديو معانا ف الكابا!!

[سطايفي19]

واش نديو معانا ف الكابا!!

تفضل اخي رابط الموضوع سيفيدك كثيرا
www.djelfa.info/vb/showthread.php?t=1790636

[جلال فدرر]

هل يوم الجمعة يتم الفحص الطبي؟
وهل عندما لا يقبلك الطبيب شحال نهار تريح تما؟

[bob000]

السلام عليكم خاوتي انا من الجزائر بعثولي لعين لمقل -تمنراست الله يعافيكم هههههههههه المهم انا ديسيديت ما نروحش مانيش مجرم باش يبعثوني ثما .........هذه الثالثة خاوتي الله يستركم هل نقدر نروح نشارع مقبل ما يخرج روشارش ؟ نصيحة لوجه الله شكرا

[سطايفي19]

هل يوم الجمعة يتم الفحص الطبي؟
وهل عندما لا يقبلك الطبيب شحال نهار تريح تما؟
يا اخي سبق وان جاوبت هدا السؤال شوف
يلمو 50 شخص يدوهم ديراكت للطبيب بغض النظر عن الايام جمعة او سبت
وكي تدي اينابت مكسيوم تريح 3 ايام وتروح

[سطايفي19]

السلام عليكم خاوتي انا من الجزائر بعثولي لعين لمقل -تمنراست الله يعافيكم هههههههههه المهم انا ديسيديت ما نروحش مانيش مجرم باش يبعثوني ثما .........هذه الثالثة خاوتي الله يستركم هل نقدر نروح نشارع مقبل ما يخرج روشارش ؟ نصيحة لوجه الله شكرا

اصبر 3 اشهر باه تقدر تروح لامجكمة اخي

[جلال فدرر]

بارك الله فيك

[mmtr]

في رايكم كاين بزاف طالب ضابط إحتياطي اللي رايحين إلى مدرسة بجاية ؟؟

[bob000]

شكرا اخي العزيز

[سطايفي19]

في رايكم كاين بزاف طالب ضابط إحتياطي اللي رايحين إلى مدرسة بجاية ؟؟

متعمرش راسك بزاف اخي وهدا السؤال لي طرختو يعلم بيه ربي صبحانو برك
نقلك انا ان شاء الله نكون في الثكنة وحاب نتلاقى معاك

[mmtr]

متعمرش راسك بزاف اخي وهدا السؤال لي طرختو يعلم بيه ربي صبحانو برك
نقلك انا ان شاء الله نكون في الثكنة وحاب نتلاقى معاك

oui inch'Allah ya akhi
nta eli rek fteht la page fb te3 lmadrassa ?

[عاشق العدالة]

اخي روح واتكل على ربي لانو كل شيء بيد رب العالمين

بارك الله فيك أخي سطايفي 19

[سطايفي19]

وفيك بركة اخي

[mmtr]

جماعة بجاية كي لحق الوقت راكم ساكتين !!!!!!!!!!!!!!!!!!!!!

[mehdii09]

انا من باتنة ، نهار السبت نروح ان شاء الله

[mehdii09]

عندي ملف طبي ، و منعرف يقبلولي و لالا
ان شاء الله يقبلوه و يطلقونا قبل 26 ماي

[mmtr]

عندي ملف طبي ، و منعرف يقبلولي و لالا
ان شاء الله يقبلوه و يطلقونا قبل 26 ماي

inch'Allah ya akhi
hadi hita awel mocharektek fi la montada te3 béjaia ?
ana reyeh ghedwa nchlh

[هارون الزقم]

السلام عليكم جماعة الخير

******************شكون اللي سامع بعثولو للقليعة*****************



راني نسقسو باش نعرفو احتمال وجود فائض

[mehdii09]

inch'allah ya akhi
hadi hita awel mocharektek fi la montada te3 béjaia ?
Ana reyeh ghedwa nchlh

لالا يا أخي انا من الاوائل لي مشاركين فالمنتدى ، شوف الصفحات الاولى
ان شاء الله نتلاقاو لهيه

[جلال فدرر]

انا غدوى رايح من باتنة 8 نكون هيت ان شاء الله

[جلال فدرر]

ياخي نديو غير الاستدعاء و الكارت ناسيونال برك؟

[raouf blk]

bejaia here we go

[imad20]

أنا من جماعة الروطار ..
ربي يوفق جماعة الايام الأولى ... إذا قدرتو تخرجولنا شوي اخبار ... مذابيكم

[imad20]

bejaia here we go

" you mean " here we come

:)

[mmtr]

bejaia here we go

غدا إنشاء الله يا جماعة

raouf blk من أين أنت، واش قريت و سنك؟
راك الداي معاك ملف طبي؟

[جلال فدرر]

يا اخي نديو الاستدعاء و الكارت ناسيونال برك؟
غدا ان شاء الله نتلاقاو هيت

[سطايفي19]

اخي كي تروح ادي معاك لاكارت والاستدعاء و كي تدخل الثكنة يفركتولك كابا من بعد يعطوك اوراق تعمرها وكي تخلص تمدها من بعد يعطوك الرقم التسلسلي تاعك لازم تحفظو من بعد يدوكم للشاليات قبل ما تدخلو الشالي يزيدو يفركتو لكابا من بعد يعطوكم وسادة وبطانية وملعقة وكاس من بعد تطلع للشالي

[raouf blk]

نقدر ندي معايا ساكودو وكابا!!

[سطايفي19]

نقدر ندي معايا ساكودو وكابا!!

ايه تقدر تدي
بصح ننصحك متكثرش حوايج بزاف
ادي معاك كادنة صغيرة ورقيقة باه تسكر بيها لخزانة تاعك

[mehdii09]

السطايفي كاش عفسة نخبيو بيها البورتابل ؟

يفتشونا حنا تاني و لا غير الكابة

[سطايفي19]

السطايفي كاش عفسة نخبيو بيها البورتابل ؟

يفتشونا حنا تاني و لا غير الكابة

شوف انت والوضعية نتاعك المهم ادي زوج بورطابلات واحد ادفعو وكي تدفعو يعطوك رقم اشفى عليه
واحد خبيه سواءا على مستوى الخصية او مكان في الكابا كاش بلاصا فرغانة وزيد خيطها باه متبانش
الا كنت انسان حيلي راك تكلحم
موفق

[imad20]

حذاري من الكابران بلحمر أثناء التفتيش ههههههـ ، يشم البورطابلات المخبيين

[taghi farid]

Salem alikoum ana farid mal bordj le 20 nchallah rani fi bejaia

[imad20]

salem alikoum ana farid mal bordj le 20 nchallah rani fi bejaia

بالتوفيق أخي فريد
راجع باقي الصفحات والمواضيع لمعلومات أكثر حول الثكنة

ممكن السن والتخصص وهل ستأخذ ملف طبي أم لا

[taghi farid]

3andi licence fi télécommunication wrani rayeh
mandiche dossier médicale nrouh wnkhaliha 3la rabi kima jate mrhba biha

[mehdii09]

تفتيش شخصي حتى فالمناطق الحساسة :v خخخخخخخخ ؟؟

[mehdii09]

خاوتي كي يقبلك الطبيب تاع الثكنة واش لازم تدير ، باش تفوت contre visite !!!

[سطايفي19]

salem alikoum ana farid mal bordj le 20 nchallah rani fi bejaia

ان شاء الله اخي
حظ موفق

[سطايفي19]

خاوتي كي يقبلك الطبيب تاع الثكنة واش لازم تدير ، باش تفوت contre visite !!!

أشكي وبكي وقدم الملف تاعك

[khossy07]

جماعة 24..25. ماي شكون راه معول خالد من بسكرة لي مديسيدي 24..25 يتصل بيا

عبر صفحة المدرسة التطبيقية للهندسة بجاية

و شكرا

بالتوفيق لناس الكل

[nasro05dz]

السلام عليكم
كاش أخبار يا الخاوة

[issam-hmd]

عصام من ولاية سطيف 25 سنة شهادة مهندس معماري وصلني استدعاء ليوم 20 ماي لكن الذهاب في 23 ان شاء الله
في الإستدعاء مكتوب الإلتحاق بمركز العبور بقسنطينة ... واش يكون ثما ؟

واش نديو معانا فالكابة راني في حيرة :confused:

لي رايح فنفس التاريخ ماذا بيه يتفاعل معانا :19:

[imad20]

عصام من ولاية سطيف 25 سنة شهادة مهندس معماري وصلني استدعاء ليوم 20 ماي لكن الذهاب في 23 ان شاء الله
في الإستدعاء مكتوب الإلتحاق بمركز العبور بقسنطينة ... واش يكون ثما ؟

واش نديو معانا فالكابة راني في حيرة :confused:

لي رايح فنفس التاريخ ماذا بيه يتفاعل معانا :19:

أهلا بيك

اخطيك من مركز العبور ، الذهاب مباشرة للثكنة أفضل ، قليل اللي يمشي لمركز العبور تمرميدة كبيرة

فيما يخص محتويات الكابة ، راجع موضوع الاخ حسان
http://www.djelfa.info/vb/showthread.php?t=1790636

وزيد اضرب طلة على الصفحات السابقة من هذا الموضوع لمعلومات اكثر

[سطايفي19]

عصام من ولاية سطيف 25 سنة شهادة مهندس معماري وصلني استدعاء ليوم 20 ماي لكن الذهاب في 23 ان شاء الله
في الإستدعاء مكتوب الإلتحاق بمركز العبور بقسنطينة ... واش يكون ثما ؟

واش نديو معانا فالكابة راني في حيرة :confused:

لي رايح فنفس التاريخ ماذا بيه يتفاعل معانا :19:

اهلا بك اخي نتلاقاو لتم ان شاء الله
بالنسبة للالتحاق متروحش لقسنطينة احكم حتفلة سطيف بجاية ب 100 دج راهي جاية في تووال تيشي راجع الصفحة ستجد الصورة
بالنسبة واش تدي في لكابا تفضل الرابط هدا www.djelfa.info/vb/showthread.php?t=1790636
حظ موفق اخي

[سطايفي19]

السلام عليكم
كاش أخبار يا الخاوة

مزال مكان حتى خبر اخي
ان شاء الله خير في هدي الدفعة

[raouf blk]

انا غدوة نلتحق بالثكنة
بارك الله فيكم الاخوة على الارشادات نتلقاو لهيه باذن الله

[minou alg]

نسقسيكم جماعة الخير كم العدد المطلوب في هده المدرسة و هل يوجد فيها فائض

[djamelgadba]

السلام عليكم
كاش جماعة من عنابة رايحين لبجاية 20/05

[سطايفي19]

نسقسيكم جماعة الخير كم العدد المطلوب في هده المدرسة و هل يوجد فيها فائض

دفعة وقداش
خطرة 240 ظابط خطرة 300
والفائض ان شاء الله وباذن الله يكون في هدي الدفعة

[سطايفي19]

انا غدوة نلتحق بالثكنة
بارك الله فيكم الاخوة على الارشادات نتلقاو لهيه باذن الله

بلا مزية اخي ان شاء الله يستفاد الجميع
نتلاقاو لتما ان شاء الله

[سطايفي19]

السلام عليكم
كاش جماعة من عنابة رايحين لبجاية 20/05

انتضر مشاركة الاخوة لعل تلقى سعفة
عنابة سطيف بجاية هكا ؟
تقدر تنسق مع الاخ minou alg اظن كن عنابة ايضا

[djamelgadba]

تشكر الاخ سطايفي19 ضرك نشوف معاه
حاب نسقسيك انا عندي 2 ثانوي اداب من مواليد 1989 هذا الاستدعاء الاخير الاول عملت سورسي و الثاني ما رحتش و هذا الثالث جاء مع ورقة بيضاء تسمي لخرى راني مبحوث كون ما نروحش

[سطايفي19]

تشكر الاخ سطايفي19 ضرك نشوف معاه
حاب نسقسيك انا عندي 2 ثانوي اداب من مواليد 1989 هذا الاستدعاء الاخير الاول عملت سورسي و الثاني ما رحتش و هذا الثالث جاء مع ورقة بيضاء تسمي لخرى راني مبحوث كون ما نروحش

نعم اخي كون متروحش تصبع عاصي في ظرف ثلاثة اشهر
رتبتك ضابط صف ؟

[djamelgadba]

سطايفي19
طالب رتيب احتياطي

[سطايفي19]

سطايفي19
طالب رتيب احتياطي

الله يبارك حظ موفق اخي

[issam-hmd]

يعطيكم الصحة على المعلومات ان شاء الله نتلاقاو لتم
هل لفوايي ممنوع علينا في الأيام الأولى ولا طيلة فترة التدريب ؟ في هذه الحالة هل مسموح ادخال مأكولات ؟ وبالنسبة للتوقيت المناسب للإلتحاق ؟
شكرا

[سطايفي19]

يعطيكم الصحة على المعلومات ان شاء الله نتلاقاو لتم
هل لفوايي ممنوع علينا في الأيام الأولى ولا طيلة فترة التدريب ؟ في هذه الحالة هل مسموح ادخال مأكولات ؟ وبالنسبة للتوقيت المناسب للإلتحاق ؟
شكرا
لفوايي تقدر تلقى جماعة لي متعاقدين يشرولك هما
ننصحك ادي معاك شوي قاطو ومتكترش بزاف لينحوهلك
في فترة التدريب وكي تلبس الكومبا يكون عندك الحق تروح لفوايي عادي
التوقيت المناسب للالتحاق قبل 28 ماي وخير كيما تحب
حظ موفق

[nounoumissi]

السلام عليكم
كاش جماعة من عنابة رايحين لبجاية 20/05

يا اخي وكتاش جاك الاستدعاء

[ibrahim21]

أنا أخوكم من ولاية سكيكدة أريد أن أعرف هل أنا لدى ملف طبي سألتحق يوم الإثنين ان شاء الله بالمدرسة التطبيقيى بجاية كضابط صف وأنا ملتحي فهل ينزعون لحيتي فور دخولي المدرسة أو ماذا أفيدوني بارك الله فيكم

[ibrahim21]

يعني أنا عندي ملف طبي أريد أن أعرف مدة المكوث في المدرسة وماذا عن اللحية أفيدونا جزاكم الله كل خير

[imad20]

أنا أخوكم من ولاية سكيكدة أريد أن أعرف هل أنا لدى ملف طبي سألتحق يوم الإثنين ان شاء الله بالمدرسة التطبيقيى بجاية كضابط صف وأنا ملتحي فهل ينزعون لحيتي فور دخولي المدرسة أو ماذا أفيدوني بارك الله فيكم


إذا كان ملفك الطبي قوي التحق مبكرا ، إذا حطوك غير مؤهل تروح لداركم مباشرة
بخصوص اللحية ، ممنوعة وما يخلوكش تدخل حتى تنحيها ...

[nasro05dz]

راك معفي اللحية نتاعك خويا ولا جيست جيست برك

[nasro05dz]

انا عندي نظر ضعيف شوي 3/10 وعندي سرتافيكا من مختص ونمشي بالنواظر وش راكم يا الخاوة

[imad20]

انا عندي نظر ضعيف شوي 3/10 وعندي سرتافيكا من مختص ونمشي بالنواظر وش راكم يا الخاوة

اتوكل على ربي و بالتوفيق في الفحص المضاد

[nasro05dz]

بارك الله فيك خويا عماد
لخميس ولا السبت نمشي بإذن الله

[ibrahim21]

أخي الكريم هل أنت متأكد من أن اللحية ممنوع واللحية تااعي ماش طويلة بزافشويا برك ما رأيك ولقد سمعت أن اللحية ما يقصوهاش حتى تكون مقبول باه تفوت الخدمة من فضلكم أريد الرد

[The Genius]

أخي الكريم هل أنت متأكد من أن اللحية ممنوع واللحية تااعي ماش طويلة بزافشويا برك ما رأيك ولقد سمعت أن اللحية ما يقصوهاش حتى تكون مقبول باه تفوت الخدمة من فضلكم أريد الرد
في تلمسان واح دخل باللحية نورمال حتى قبلوه ورايحين يلبسوه نحاولو اللحية

[سطايفي19]

أخي الكريم هل أنت متأكد من أن اللحية ممنوع واللحية تااعي ماش طويلة بزافشويا برك ما رأيك ولقد سمعت أن اللحية ما يقصوهاش حتى تكون مقبول باه تفوت الخدمة من فضلكم أريد الرد

يا اخي راني حاس بيك هذي لحية الله يبارك وحاجة مليحةفي الانسان بصح الا حبيت يشروهالك ويلبسوكانت الاول خليها
ننصحك نحيها لانوالثكنة رايحين يقلبوك من الباب حتن ترازيها
حظ موفق

[ibrahim21]

والله أنا متوكل على الله ولا أريد أن أقصها والله هو الموفق وحده وربي يوفق الجميع (يا أخي السطايفي هل أنت متأكد لأن صديقي دخل في باتنة الدفعة السابقة وقالى اللحية ما يقصوهاش حتى تكون apt

[سطايفي19]

نعم أخي متاكد والله ولي التوفيق

[imad20]

اللحية متأكد منها في بجاية ممنوعة لأنو واحد ملتحي هبط معايا من الحافلة و مشينا حتى الباب الثكنة ورجعوه
مزية كاين حلاق قريب راح نحاها ورجع

أما اللحية الخفيفة تاع 3 أيام او حتى اسبوع مكانش مشكل في الدخلة حسب ما شفت ، بصح مباعد يهدرولك عليها
في الروصومبل وكذا

أنا واحد من الناس منشتيش نرازيها على الزيرو وديما نخليها خفيفة ، الله غالب
رازيها شوي و ما تتلاحش ليها طول فترة الإنتقاء ثمة

[black flag]

ibrahim21
...................
راني من سكيكدة او غدا ان شاء لله نتوكل على ربي لكان نروحوا كيف كيف

[سطايفي19]

لخاوة بداو يلتحقو

[djamelgadba]

يا اخي وكتاش جاك الاستدعاء

جاني البارح لعشيا

[nounoumissi]

جاني البارح لعشيا
ربي اسهللك
انا راني نسنا ماجاني والو

[سطايفي19]

السلام عليكم اخواني
الساعة تشير الى 20.18 اتصلت باحد معارفي Appeler الذي اكد لي ان عدد الملتحقين في المدرسة التطبيقية للهندسة وصل الى الآن وبالظبط 111 أسبيرون ظـــابط احتياطي
نهار الجمعة اي 15 ماي دخل حوالي 80 ظابط اما اليوم 17/05/2015 وصل العدد الى 111 ظابط احتياطي
خاوتي ربي يجيب الخير ان شاء الله

[ayoub210]

ana machi fel le 24 yakhi normal

[سطايفي19]

نورمال يا اخي لمهم قبل 28 ماي

[ayoub210]

wach men youm mach fih anta khoya

[سطايفي19]

wach men youm mach fih anta khoya

22ماي أن شاء الله

[ayoub210]

ان شاء الله

[imad20]

السلام عليكم اخواني
الساعة تشير الى 20.18 اتصلت باحد معارفي appeler الذي اكد لي ان عدد الملتحقين في المدرسة التطبيقية للهندسة وصل الى الآن وبالظبط 111 أسبيرون ظـــابط احتياطي
نهار الجمعة اي 15 ماي دخل حوالي 80 ظابط اما اليوم 17/05/2015 وصل العدد الى 111 ظابط احتياطي
خاوتي ربي يجيب الخير ان شاء الله

إقبال جيد يقدرو يوصلوا 800 أو اكثر في هذه الدفعة ان شاء الله
شكرا على المعلومة

[سطايفي19]

إقبال جيد يقدرو يوصلوا 800 أو اكثر في هذه الدفعة ان شاء الله
شكرا على المعلومة
ان شاء الله راح يكون فائض في هذه الدفعة على حساب الشوفة

[ابراهيم داود]

عسكر بجاية الجال والمراية هههههههههه

[slimeline]

عسكر بجاية الجال والمراية هههههههههه

آيهاي !!!!!

[bouba24]

khawti ana mn guelma w rayah le 24 wach lhala tem

[سطايفي19]

khawti ana mn guelma w rayah le 24 wach lhala tem

اخيمرحبا بك اخي وماهي رتبتك وسنك
الحالة راهي مليحة في بجاية الجو راه مليح
عدد الملتحقين البارحة بلغ 111 ضابط
العدد مليح بالنظر مع الايام الاولى

[bouba24]

انا بوبكر من قالمة
26 سنة
ليسانس تاريخ
الرتبة ضابط

[سطايفي19]

انا بوبكر من قالمة
26 سنة
ليسانس تاريخ
الرتبة ضابط
مرحبا بيك اخي
حظ موفق ان شاء الله نورمالمو جي من قالمة سطيف بجاية
من سطيف الى بجايةفي محطة نقل المسافرين راه متوفر النقل متحيرش روحك
راجع الصفحة الاولي منالموضوع تجد الصورة التي تبين لك موقع المدرسة

[bouba24]

آيهاي !!!!!

مرحبا بيك اخي
حظ موفق ان شاء الله نورمالمو جي من قالمة سطيف بجاية
من سطيف الى بجايةفي محطة نقل المسافرين راه متوفر النقل متحيرش روحك
راجع الصفحة الاولي منالموضوع تجد الصورة التي تبين لك موقع المدرسة

شكرا خي ممكن fb تاعك

[imad20]

هذا هو موقع المدرسة


http://s21.postimg.org/kjpsc8pp3/12_04_2015_12_47_49.jpg

[سطايفي19]

شكرا خي ممكن fb تاعك

هذا موقع المدرسة على الفيسبوك انضم اليه تلقاني تما تفضل
المدرسة التطبيقية للهندسة بجاية

[سطايفي19]

هذا هو موقع المدرسة


http://s21.postimg.org/kjpsc8pp3/12_04_2015_12_47_49.jpg
مشكور اخي عماد

[imad20]

عسكر بجاية الجال والمراية هههههههههه

المرايا ممنوعة يدوهالك في الدخلة والشعر يحفولك بولا زيرو
قلي وشمن جال ووشمن مرايا :1:

[imad20]

العفو حسان ، هذا شيئ بسيط مقارنة بالمجهودات تاعك

[z!ko]

السلام عليكم انا رايح لثم نهار الاربعاء ان شاء الله
هل الهاتف مسموح؟
+ يوزنوك ولا لا؟
وماهو اقل وزن واقصى وزن لي عندو معلومات يفيدنا ربي يخليكم

[سطايفي19]

السلام عليكم انا رايح لثم نهار الاربعاء ان شاء الله
هل الهاتف مسموح؟
+ يوزنوك ولا لا؟
وماهو اقل وزن واقصى وزن لي عندو معلومات يفيدنا ربي يخليكم

ما هي رتبتك اخي ؟

[z!ko]

طالب ضابط صف

[z!ko]

عندي امر بالالتحاق.. اني حاب نعرف فالدخلة ادا ينحولك البرتابل ولا لالا

[z!ko]

e.g.a
hada howa yek

[سطايفي19]

e.g.a
hada howa yek
اخي الفاضل نعم المدرسة التطبيقية للهندسةو هي eag
بخصوص الهاتف مينحوهلكش في الدخلة لكن عند دخولك للبطايو يفركتوك مليح وينحوهلك
ننصحك ادي زوج واحد ادفعو ولاخر اعرف كيفاش تخبيه
الوزن مايوزنوكش لكن عند دخولك الثكنة يعطوك اوراق تعمرها وتكتب فيها وزنك
الوزن الاقصى الغير المسموح به يفوق 100 كغ اما الادنى فالله اعلم

[z!ko]

ok
بارك الله فيك

[z!ko]

المدرسة مليحة؟ نقية؟ الحقرة كاين ولا مكاش؟

[z!ko]

+تقدر تقولي وقتاش يبدء التدريب على السلاح؟

[hocine119]

السلام عليكم و رحمة الله
آخر الاخبار من مصادرنا الخاصة من الثكنة
عدد الملتحقين لحد الآن لحق 180 شخص
الخبر بلغولي العضو سطايفي19راهو خارج
نطاق التغطية و يبلغكم السلام

[سطايفي19]

السلام عليكم اخوتي
عدد الملتحقين الى المدرسة التطبيقية للهندسة بجاية حتى تاريخ 18.05.2015
بلغ 180 ضابط احتياطي
وحسب المصدر مازال حتى واحد ملبس الكومبا سلام
في انتصار مزيد من المعلومات

[taghi farid]

ana roudwa nchallah rani fi bejaia

[سطايفي19]

ana roudwa nchallah rani fi bejaia

حظ موفق اخي
ما هي رتبتك

[taghi farid]

طالب ضابط احتياطي

[nasro05dz]

السلام عليكم
وين وصل عدد ضباط خاوتي افيدونا

[سطايفي19]

البارحة كان 180 ضابط اليوم الله اعلم لكن يقدر يكون تخطي 250

[slimeline]

الله يسترك كاش خبر على السراجن شحال راهم و شحال يحكمو خووو سطايفي 19

[z!ko]

انا غدا ان شاء الله رايح
تقدر تقولي متى يبدا التدريب على السلاح؟

[سطايفي19]

اظن بعد شهرين اخي
طريق السلامة

[سطايفي19]

المدرسة التطبيقية للهندسة بجاية عدد الملتحقين اليوم 19.05.2015 حوالي 210 ضابط احتياطي
في انتظار المزيد اخوتي سلام

[z!ko]

الله يسلمك راني نروح ثم غدوة ان شاء الله باسكو عندي امر بالالتحاق اخر اجل 20
ياحبيبي وش نقعدو نديرو شهرين؟؟؟؟؟؟؟؟؟؟

[سطايفي19]

الله يسلمك راني نروح ثم غدوة ان شاء الله باسكو عندي امر بالالتحاق اخر اجل 20
ياحبيبي وش نقعدو نديرو شهرين؟؟؟؟؟؟؟؟؟؟

صح عندك الحق خويا في شهرين هدو ديرو فوتينغ تتعلمو التحية العسكرية ومختلف الحركات العسكرية

[ayoub210]

kifah hadi ta3 akhir ajal 20 !!!!

[z!ko]

والله غير نعرف ندير فوتينق وحدي خخخخ تبا

[ayoub210]

الله يسلمك راني نروح ثم غدوة ان شاء الله باسكو عندي امر بالالتحاق اخر اجل 20
ياحبيبي وش نقعدو نديرو شهرين؟؟؟؟؟؟؟؟؟؟

kifah hadi ta3 akhir ajal 20 !!!!

[z!ko]

والو صحبي متنخلعش
الامر بالالتحاق مكتوب فيه 20 ماي برك

[z!ko]

اني رايح الان
طريق السلامة للجميع

[سطايفي19]

kifah hadi ta3 akhir ajal 20 !!!!

ماشي آخر اجل هديك يوم الالتحاق اما آخر اجل لازم نلتحقو قبل قفل ااثكنة في 28 ماي

[nasro05dz]

سلام عليكم
كي يلحقو العدد المطلوب نتاع الضباط ومبعد يلحقو أوخرين يكونو فايض ديراكت ولا ليلبس قادر يعاود ينحي؟

[سطايفي19]

الثكنة تستقبل برك لشتا فاتو العدد المطلوب وكل مرة يلبسو 50 ضابط وخلي لي يروحو يديرو فحص مضاد وكي يخلصو يلحقو العدد المطلوب يسرحو البقية فائض

[سطايفي19]

اني رايح الان
طريق السلامة للجميع

ربي يسهلك خويا

[adoula89]

السلام عليكم
ان متوجه الى تقنيات المعتمدية يوم الاحد ان متخوف ان تغلق قبل هذا اليوم كما حدث معي في مدرسة بجاية
ان شاء الله لايتم الغلق

[سطايفي19]

يا اخي بالاحد مازال الحال الثكنة تغلق في 28 ماي يعني مازالت سمانة

[adoula89]

اخي هناك عدد معين تلحق له الثكنة يتم غلق الثكنة والجماعة لي تلحق يتم الختم بانه حضر بعد عملية الغلق على االورد بال ويقلو امشي تروح الدفعة القادمة كما حدث لي في سبتمبر الماضي في بجاية

[ayoub210]

اخي هناك عدد معين تلحق له الثكنة يتم غلق الثكنة والجماعة لي تلحق يتم الختم بانه حضر بعد عملية الغلق على االورد بال ويقلو امشي تروح الدفعة القادمة كما حدث لي في سبتمبر الماضي في بجاية

wach men youm rohti anta

[adoula89]

تاخرة حتى 25

[ayoub210]

ana rayah youm 24

[moazri]

من عنده معلومات عن عدد الملتحقين يالاغواط dca

[سطايفي19]

من عنده معلومات عن عدد الملتحقين يالاغواط dca

الله اعلم اخي
تفائل خير ان شاء الله

[nasro05dz]

السلام عليكم
غدوة ماشي ان شاء الله دعيولنا خاوتي

[سطايفي19]

السلام عليكم
غدوة ماشي ان شاء الله دعيولنا خاوتي

ربي يثبتك ويصبرك ملاقاة الخير ان شاء الله

[ayoub210]

هل من جديد

[سطايفي19]

هل من جديد

مازال اخي الجديد يكون في السعات القادمة ان شاء الله

[ayoub210]

مازال اخي الجديد يكون في السعات القادمة ان شاء الله

ان شاء الله

[hamitdmx]

السلام عليكم
انا داهب غدا انشاء الله
نتلاقاو في المدرسة انشاء الله

[سطايفي19]

السلام عليكم
انا داهب غدا انشاء الله
نتلاقاو في المدرسة انشاء الله

موفق اهخي من فضلك
السن تاعك الولاية والرتبة

[ayoub210]

الفحص المضاد غدا يديوهم لقسنطسنة

[سطايفي19]

السلام عليكم اخوتي اليوم 20.05.2015 عدد الملتحقين الى المدرسة التطبيقية للهندسة بجاية بلغ 300 ضابط احتياطي
غدا ان شاء الله رايحين 45 يديرو فحص مضاد في قسنطينة
واحد ملبس الكومبا الى غاية الآن
في انتظار المزيد سلام

[ayoub210]

mandonch koun fayed almra hadi

[سطايفي19]

لا لا يا اخي المنطق يقول بلي فيها فائض ايام الالتحاق مزالت والعدد راهو متوسط واحسبها كيما حبيت
نتكلو على ربي وربي يجيب لخير خاوتي
تفائل خير يا اخي

[أبحث عن النجاح]

جماعة وينت يغلقوا ثكنة بلعباس للمشاة ؟لوكان نروح يوم الاحد ندخل نورمال ؟

[سطايفي19]

نرمال ايه الاحد مازال الحال متحيرش روحك

[أبحث عن النجاح]

هيا الحمدلله ان شاء الله نروحوا ويطلقونا فائض ولا سبب طبي

[سطايفي19]

السلام عليكم اخوتي
الجميع المتوجه لثكنة بجاية ان يتقدم اليها في غضون الايام القليلة هدي لانها بالاكيد ستغلق ابوابها قبل الاوان
اظن 25 او 26 والله اعلم

[houtarou]

هل من أخبار عن عدد ضباط الصف الإحطياطيين (السرجن) الملتحقين إلى حد الآن بالمدرسة التطبيقة للهندسة بجاية ؟

[ayoub210]

هل الخبر رسمي

[سطايفي19]

هل من أخبار عن عدد ضباط الصف الإحطياطيين (السرجن) الملتحقين إلى حد الآن بالمدرسة التطبيقة للهندسة بجاية ؟


العدد الله اعلم تاع ضباط الصف لكن الخبر المؤكد انه ليوم طلقو سراح عدد من ضباط الصف خرجو اينابت

[سطايفي19]

هل الخبر رسمي

الخبر شبه رسمي اخي لكن باه منوليوش في سورسي ....والتحق بعد عملية التجنيد......والثكنة مغلقة نلتحقو قبل 25 هدي احسن طريقة
انا 99 بالمائة غدا ان شاء الله التحق

[ayoub210]

ana machi nhar 24

[imad20]

السلام عليكم اخوتي
الجميع المتوجه لثكنة بجاية ان يتقدم اليها في غضون الايام القليلة هدي لانها بالاكيد ستغلق ابوابها قبل الاوان
اظن 25 او 26 والله اعلم

ان شاء الله ، أنا معوّل نهار الأحد بإذن الله

[imad20]

حسان ، بالاك تخليها للسبت ونمشيو كيفكيف ؟؟ :)

[houtarou]

العدد الله اعلم تاع ضباط الصف لكن الخبر المؤكد انه ليوم طلقو سراح عدد من ضباط الصف خرجو اينابت

بارك الله فيك أخي الكريم على الرد، مشكور على المعلومة، أي جديد على عدد ضباط الصف فلا تبخلو عليا، مشكورين.

[issam-hmd]

حسان ، بالاك تخليها للسبت ونمشيو كيفكيف ؟؟ :)

السبت ان شاء الله من سطيف نتلاقاو ثما

[imad20]

أيا طاحت الكلمة :)

[سطايفي19]

السبت ان شاء الله من سطيف نتلاقاو ثما

سارى ان شاء الله ان تمكننني الذهاب برفقتكم

[henning]

Kache khbare 3la contre visite jma3a ta3e lyoume

[dragone noir]

انا انشاء الله نروح نهار الاحد للثكنة بجاية
متزوج لدي طفل و التاني انشاء الله راهو في الطريق
عمري 29 سنة مواليد 1985
هل لي حظ في الفائض

[سطايفي19]

انا انشاء الله نروح نهار الاحد للثكنة بجاية
متزوج لدي طفل و التاني انشاء الله راهو في الطريق
عمري 29 سنة مواليد 1985
هل لي حظ في الفائض


30 سنة ام 29
اخي ان شاء الله مبروك عليك الاعفاء

[henning]

اعطونا اخبار جديدة عل المدرسة التطبيقية لبجاية شحال راهم وشكون لي تلقوهم صباح

[سطايفي19]

اعطونا اخبار جديدة عل المدرسة التطبيقية لبجاية شحال راهم وشكون لي تلقوهم صباح
يا اخي المشكل تاعنا اننا مانقراوش
روح راجع الصفحة السابقة في نفس الموضوع تجد عدد الملتحقين الى غاية 20.05.2015

[henning]

العدد الله اعلم تاع ضباط الصف لكن الخبر المؤكد انه ليوم طلقو سراح عدد من ضباط الصف خرجو اينابت

يا خويا سطايفي قولنا شكون لي طلقو سراحهم ليوم وشمن سبا ؟؟؟؟؟؟؟؟؟؟؟؟؟؟؟؟

[سطايفي19]

يا خويا سطايفي قولنا شكون لي طلقو سراحهم ليوم وشمن سبا ؟؟؟؟؟؟؟؟؟؟؟؟؟؟؟؟

السراجن هما لي طلقوهم اما لي اسبيرون في الساعات القليلة القادمة يبان خبرهم

[henning]

السراجن هما لي طلقوهم اما لي اسبيرون في الساعات القليلة القادمة يبان خبرهم

شكرا خويا سامحني الا قلاقتك والله راني عل اعصابي ربي يفارج عليكم كامل وماتنساناش كشما يبان خبرنا

[issam-hmd]

أيا طاحت الكلمة :)

يا اخي خليلي الفايس بوك ماذا بيك :19:

[سطايفي19]

شكرا خويا سامحني الا قلاقتك والله راني عل اعصابي ربي يفارج عليكم كامل وماتنساناش كشما يبان خبرنا

مكانش مشكل اخي مدا بينا يستفاد الجميع
راجع الصفحات السابقة من الموضوع