ما هي المكونات المليحة لنجاح المقروط؟

[alae091]

غدا ساجرب المقروط لاول مرة و قرات وصفات المنتدى خا صة وصفات. ماماتنا كامل ام اماني و حبيت نعرف المكونات المليحة وش مالسميد وش مالزبدة انا اسمي صفا وعمري 24 سنة كانت عجوزتي تديرو ضك سكنت وحدي تشهاه راجلي قلت بربي غدو نديرهولو شكرا

[oum hanin]

سبحان الله حتى انا حبيت نجربو غدوة ومحيرني نوع السميد
هي الاخت ام اماني استعملت سفينة متوسط لكن انا خدمت بيه العيد لي فات مقروط وخسرلي هوما كاتبين متوسط لكن هو رقيق
شوفي هاد الرابط
http://www.djelfa.info/vb/showthread.php?t=1743492

[alae091]

يجي بالزبدة لالا؟

[sabrina206]

[CENTER]مرحبا أختي
للمقروط استعملي سميد sim متوسط راه يتباع ب باكي تاع2kg CENTER
و السمن ديري المرجان أو مدينة و تقدري ديري خليط سمن مع مارغرين كما mani هايلةةةةةة ذايبين و باردين
و ديري 3 كيلات دقيق أو سميد ب 1 كيلة ليدام ناقصة 1 صبع مع الملح و لافاني و بعدها حكي مليحححححححح الخليط و خليه يرتاح ل ساعات
بعدها أبداي تبلي بالشوية قيس حربوش بالماء و ماء الزهر ما هو جاري ما ناشف يكون العجين
و حشييه و قطعييه مقروطات ً نقليه في زيت شايطة على نار متوسطة و تكون زيت غزيرة في المقلاة
المهم ما تحركيهش بزاف باش ما يتحلش في القليان
]عسلييه و بصحتك أختي
ربي اوفقك سلام

[*وردة الشرق*]

صباح الخير اختي والله هدا واين شفت سؤال شوفي انا درت المقرود عدت مرات وخسرلي لكن مرة بعد مرة وصلت لعدات قواعد باش ما يخسرلكيش بربي تنجحي فيه وادعيلي برك

في الاول المقروض تديريه بالسمن ماش بالزبدة لانو الزبدة فيها الماء بعدما تخدميه وتحطيه يطيب يتبخ الماء ويييبس المقروض تاعك
السميد ما تسيريهش يعني ديري سميد متوسط يكون صافي
الغرس نقيه مليح وعجنيه في الرحاية تاع اللحم يرجع متل العجينة وطري لما تنقيه ضيفيلو قيس 2مغارف كبار زبدة واعجنيهم مليح معاه ونحطو الزبدة في الغرش باش يجي طري وما ييبسش

نرجعو للكيلات تكيلي 3كيلات سميد - السمن دوبيه ومبعد كيليه ديري كيلة وزيديلها ربع كيلة اخرى
انتظري حتى يبرد السمن تاعك وضيفيه للسميد والسميد تكوني ملحتيه رشات فقط ضيفي عطر ماء الزهر او ماء الورد اللي تفضلي ما تحطيش ما ء الزهر لانو يبس العجين
حكي الخليط بين يديك مليح حتى يدخل السميد في السمن ومبعد جيبي ماء بارد ورشي بلعقيلة لكن هنا انتبهي لما تلمي العجين فقط بالاصابع ما تستعمليش خلاص كف اليد تبقاي غير تدخلى السميد والماء والسمن بالاصابع شوفي دخلي صباعك اعملي حفرات وعاودي لمي حتى تتحصلي على عجينة ما دريهاش يابسة تكون مليحة ماهي طرية بزاف ماهي يابسة لانو كون تكون يابسة تزيد تنشف في لبفور وتحطم
القاعدة الاساسية المقروض ما يتعجنش
تبعي فقط وبربي ان شاء الله تتحصلي على مقروض يدوب في الفم
بالتوفيق اختي

[alae091]

ربي يحفضكم انشاء الله ينجحلي باش ميضحكش عليا راجلي هههه و بربي انشاء الله نصورو و نوريهولكم

[*سيرين نور عيني *]

http://www.djelfa.info/vb/showthread.php?t=1768231

[samou.dz]

???????????

[oum hanin]

يادرا جربتيه ولا مازال
ياريت تقوليلي كيفاش خرجلك وواش استعملتي بالتفصيل
ما تنساااااايش

[ام انفال الاء لجين]

انا الحمد لله المقروض نتاعي جد ناجح و دائما يعجب من باكله........انا استعمل سميد نصف غليظ نتاع العلبة سفينة.......و نستعمل السمن .......3كيلات سميد بكيلة سمن دائبة قرصة ملح فاني سكر و بسي الخليط مليح و نتركه يبات و في الصباح نبلله بالماء+ماء زهر نشكل حرابيش في وسطها الغرس يكون ممزوج بشوية زيت باش ما يخسرش اد
ا طول بزاف و شوية قرفة و شوية كبابة و شوية كوكاو محمص و مرحي و نطبعه و نتركه ينشف شوية ثم نقليه بالزيت ثم الى العسل مباشرة و اي سؤال انا في الخدمة .

[lebgaa]

تبعي طريقة ام اماني

[lebgaa]

انا جربتو مي ماصلحليش

[أم أسرار]

أختي أنا كونت متلك حتى جربت هذ الوصفة جربيه و إن شاء الله تنجحي فيه بالتوفيق

http://www.djelfa.info/vb/showthread.php?t=1881205