فيدوني

[sarah flounah]

السلام عليكم و رحمة الله تعالى و بركاته
ان شاء الله تكونوا بخير خياتي
أنا نعشق الخياطة و شريت ماشينة عن جديد و حابة نتعلم
نعرف غي خياطة تع شي مقطع ولا كفة
حابة نتعلم الفصالة اللي عندها تصاور ولا موديلات تنورني
بليييييز ما تبخلونيش
شكرا ليكم مسبقا :)
أختكم سارة

[scorpionoir]

وعليكم السلام ورحمة الله وبركاته
يااختي رانا كامل نتعلموا حتى انا كيفك بصح ننصحك ادخلي لمواضيع سطايفية راهي تنعت من الالف للياء
وكان مواضيع اخرين هنا في المنتدى ما عليك غير تبعي برك
ربي يوفقك

[sarah flounah]

وعليكم السلام ورحمة الله وبركاته
يااختي رانا كامل نتعلموا حتى انا كيفك بصح ننصحك ادخلي لمواضيع سطايفية راهي تنعت من الالف للياء
وكان مواضيع اخرين هنا في المنتدى ما عليك غير تبعي برك
ربي يوفقك

ربي يحفظك خيتي غير انتي اللي رديتي عليا الله يجازيك ان شاء الله

[الخروبية]

السلام عليكم
مبروك عليك المشينةونشالله تربحى عليها وتتعلمى فى اقرب وقت بصح
لازمك تركزى وتتعبى شوية ولخياطة كل ماتتعلمى حاجا تلقاي ورحك تسقسى
على حاجا وحدة اخرى ياختى تبعى كل صغيرة وكبيرة
1ابداى رفع المقسات
2التفصال
3لخياطة
انتى اجتاهدى وانا بربي نشالله نعاونك بشي لنقدر
متقلقيش برك هاى عينى حلى عينيك مليح
تحية من لخروبية للجميع سلام ياكرام

[سمراء الدنيا]

بارك الله فيك اختي خروبية

[ام جزائرية]

مادام اختي النية كاينة باه تتعلمي وحابة تخيطي تبعي في منتدى الجلفة راكي جيتي للبلاصة اللي لازمك اجي ليها وثاني ننصحك دروس في اليوتيوب اكتبي فصالة او خياطة او طريقة ...................................عندك ماتشوفي انشاء الله ويقولوا من جد وجد
المهم انت اشريتي الماشينة هي الاساس روحي ادخلي لموضوع سطايفية للماشينةولا عادت ماشينتك فيها مشكل اسالي سيطايفية في سووووووووبر وومن سطايفية ماشاء الله اعليها وزيتي ماشينتك اعلى الاقل كل اسبوع وامسحيها وسمي بسم الله وابداي لبسي روحك من صنع يديك وماتياسيش لما جيك ساعة حاجتك ناقصة رايحة تتعلمي من اخطاءك
طولت اعليك وربي يوفقك اختي وان شاء الله تصبحي خياطة محترفة يااااااااااااااارب

[الخروبية]

السلام عليكم
وفيك بارك الله اختى سمراء الدنيا وهدا من دواعى سرورى وكلما قراة
ساعدونى او افيدونى او غيرها من الندءات تذكرة قول النبى
صلى الله عليه وسلم
ان الله فى عون العبد مادام العبد فى عون اخيه
من خلالهادا الموضوع اوجه نداء لكل الاخوات
لى ميعرفوش خلاص الخياطة او التفصال يدخلو
ونتعاونو ونتلمو من بعدانا يالله اسهل طريقة لتفصال وبلا بترون
تحية من الخروبية للجميع سلام يا كرام

[stayfiya]

حبيبتي
ماشي عيب ما تعرفيش العيب انك قادره و تبخلي روحك الحاجه لي تسألي عليها قبل ما تجربي تسالي جربي اخدمي و حوسي و ابحثي و كي تلقاي صعوبه لي تسقصي لانو ميش معقول. ماتكونش عندك ادنى فكره على الباترون او حتى كيفية اخذ القياسات و تروحي تسقصي على الفصاله لازم كلشي تبدايه وحده وحده و بالتوفيق خيتي