الزواجمن شخص ليس لديه مستوى تعليمي

[saliset]

السلام عليكم جميعا
اريد استشارتكم في مسألة زواج فتاة حاصلة على شهادة جامعية و مثقفة جدا، هي من النوع الذي يقرأ كثيرا و في كل المجالات ، تقدم لها شخص مستواه التعليمي السنة الثامنة اساسي و يعمل دهان peintre , هي ليست معترضة على عمله بل فقط خائفة من فرق المستوى الثقافي ،
ارجو تقديم النصيحة ، انا نصحتها بأن لا تقبل لكني اريد استشارتكم ايضا فربما تكون لديكم وجهة نظر أخرى،و شكرا مسبقا

[رندة نهاد]

اخني رانا في دزاير برك:1::1::1::1::1: وش من مستوى تعليمي يرحم باباك او انا وانت وكلنا وهوما ونحن وانتن كلنا نعلم ان الطفلة للطبيخ ولو طلعت للمريخ مع عدم تثبيطك لكنه الواقع بصراحة راهم مهندسين دولة ويخدمو كناسين وراكي فهمتي المقصود فقد يوجد في النهر ملا يوجد في البحر
نظن الصح في الدين والاخلاق وصلاتو االا قايم بيها وخايف من ربي راح يخاف ربي في زوجته:19::19::19::19: ربي يقدم الي فيه خير واستخارة ربي سبحانه افضل ن استشارة عبدو
ربي يسعدها ويهنيها تحياتي

[staifia]

مستوى ثقافي علاه صنعت صواريخ ولا اكتشفت تحليل adn ??
قالك اعطيهلي فااااهم والله لا قرا
المهم يكون فاهم مش المفيد في الديبلوم والورقة

[سهيلة2013]

ليس المهم المستوى المهم القناعة
و العلاقات الزوجية لابد ان يكون فيها القليل من التنازل يكون هناك تفاهم و انسجام بينهما

[الألماسة]

المهم فاهم و الله لا قرا

[MuSLiMaN]

على الأقل مستوى بكالوريا

أظن أن المستوى التعليمي يلعب دور في الحياة

[saliset]

شكرا لكل من رد علي لكن يا اخوتي الرسول عليه الصلاة و السلام اوصانا بالاستخارة ثم بعدها استشارة المؤمنين من اهل و احباب او غيرهم لهذا نحن هنا ، فأرجو أن يؤخذ الموضوع بجدية دون استهزاء هي ليست مترددة لأنه يعمل دهان هي مترددة بسبب مستواه التعليمي ليس من جهتها بل من جهته هي خائفة ان يتغير موقفه بعد الزواج و تخلق لهم هذه النقطة مشاكل
عموما شكرا لكل من رد.

[الألماسة]

شكرا لكل من رد علي لكن يا اخوتي الرسول عليه الصلاة و السلام اوصانا بالاستخارة ثم بعدها استشارة المؤمنين من اهل و احباب او غيرهم لهذا نحن هنا ، فأرجو أن يؤخذ الموضوع بجدية دون استهزاء هي ليست مترددة لأنه يعمل دهان هي مترددة بسبب مستواه التعليمي ليس من جهتها بل من جهته هي خائفة ان يتغير موقفه بعد الزواج و تخلق لهم هذه النقطة مشاكل
عموما شكرا لكل من رد.

يا اختي انا من جهتي جاوبتك
المهم يكون فاهم و يعرف قيمة زوجته و يعرف حدودو
عندي امثلة عديدة عن زيجات كهذه و هي ناجحة
و في الاخير لازم هي تسقسي على العائلة و عليه
و ربي يجيب اللي فيه الخير

[nasser26]

اذا اتاكم من ترضون دينه و خلقه فزوجوه .... لم يقل تعليمة وثقافته

[نورالهدى بيولوجيست]

شوفي اختي هذا يعتمد عليه شخصيا

ماكاش قاعدة يا أختي لكن هناك فرق بين انسان فكرو عالي و انسان فكرو محدود رايح يتعبك بزااااااف

انا نعرف ناس وصلت درجات عليا و كي تهدري معاهم تقضي حياتك فالتفسير :(

و كاين ناس حبست بكري لكن عصاميين و مثقفين عندك وش تدي منهم

ربي يسهللك :)

[sidra2014]

وهي كي هدرت معاه واش فهمت

[عبدإله16]

إنها نصيحة من القلب خذيها مني ولا تخاف
ليس العيب في فارق المستوي وإنما العيب أن تبق بلا زواج بلا أولاد . والأولاد هم نسيم الحياة هم البهجة هم الامل في الحياة
لذا عليك أن لا تفكري بهذا التفكير وإنما في دينه وخلقه . وهذا في معني حديث الرسول محمد صلي الله علية وسلم من جاء ممن ترضون دينه وخلقه فزوجوه فإن لم تفعلوا يكن فساد كبير

فالمعيار الحقيقي هو الخلق والدين لا غير لاغير
والله المستعان
أنصحك بصلاة الإستخارة والدعاء عسي الله أن يفرج كربك ويرزقك الزوج الصالح المخلص.

[saliset]

الموضوع يخص صديقة عزيزة جدا على قلبي هي تعيش ظروف عائلية صعبة مع زوجة الأب و أنا خائفة عليها ان تقرر الزواج فقط لتستريح هي الان تقول بأنها متقبلة لمستواه و الله اعلم ، انا اعلم بان الناصح مؤتمن و و هي سلمتني هذه الامانة و ييبدو ان الامرأصعب من أن أحمله معها ، ادعو لها ان يفرج الله همومها عاجلا غير اجل و اذا كان هذا الشخص فيه الخير لها ربي يجمعهما ان شاء هو القادرعلى ذلك و مليكه
جزاكم الله كل الخير

[happy luck butterfly]

سيكون هناك مشاكل خاصة من طرفه سيحس دائما بالنقص
وسيرفض دائما قراراتك حتى و لو كانت صائبة
عندما تاتي الاقدار تعمى الابصار

[ibtihal18]

الدين و الخلقق فقط ولا نقاش................شفناهم داوهم اطارات و عندهم شهادات عليا و ما هناوش معاهم و و داوهم مستوى ابتدائي و عايشين كي السلطانات...........المستوى الثقافي لا يساوي الشهادة الجامعية...................عندهم شهادات و جاهلين بكلش و ما قراوش و مثقفينفي كلش وواعيين.........هذا هو الصح
و نصيحتي لهذي الاخت قلبها هو معيارها بعد ما تستخير .............اذا شافت روحها مرتاحة لهذا الشخص تتوكل على ربي و ما تخافش............

[lilikhoukha]

الي يهم هو الاخلاق و الدين "...من ترضون دينه و خلقه...."

[سامية بالولي]

و الله يا اختي العزيزة انا عن نفسي نحكيلك و بكل امانة انا درست 5 سنوات في الجامعة و رياضيات و ذرك راني نعمل و الحمد لله رزقني ربي بزوج ما نلقاهش حتى في منامي زوجي هو جاري 6 سنوات الباب في الباب طيلة هذه السنوات ما نعرفش حتى وجهو و لا حاول انوا يتقرب مني حتى لو بالكلام و هو خدام عند روحو عندو حانوت نتاع قش و الحمد لله يدخلي الدورو حلال و خلاص و عن المستوى زوجي ما عمباليش حتى وين حبس ههههه ممكن ماداش الاهلية حبس و الله اعلم و الله و الله جامي حبيت نعرف و لا سقسيتوا و تعرفي اختي حاجة لقيت فيه الزوج اللي طالما حلمت بيه كان الجميع معارضني حتى اقرب المقربين ليا و لكن الحمد لله ربي سبحانوا اوحالي انوا هذا هو المخير نتاع المخير و قبلت بيه حتى قبل ما نهدر معاه و ذرك نقول للناس اللي عاضوني الانسان هذا في عيني خير من مئة قاريين العبرة اختي في الاخلاق مش في المستوى ولا الدراهم كم من زوجات تزوجو في القصور و الرفاهية و لا مديين اطارات و لكن حياتهم مش عاجبتهم هذا ريئئي و اسمحيلي اذا طولت عليك ربي يرزقك من حيث لا تحتسبين

[*ام عبد الكريم*]

الشي الاهم هو خوفه من الله كل الباقي كماليات انا اختي لديها ليسانس و زوجها خريج تكوين مهني و راهو يخدم في البلدية وعايشين مند 5س لاباس عليهم الله يبارك متفاهمين ...المهم واش كاين في الراس ماش في الكراس ..ربي يقدم الي فيه الخير ..

[mohamed cherie]

اظن ان الدين و الخلق اهم صفات الزوج
اما عن المستوى التعليمي بعد المحادثات بين الطرفين في فترة الخطوبة عينك هي ميزانك اذاكان فاهم ولا جاهل واذا تقدري تكملي معاه ولا لا

[sabi foufa]

حبيبتي المستوى التعليمي ليس بمشكلة المهم يكونو متفهمين . ابن خالتي خضار زوجتو مهندسة و الله متفهمين لدرجة متتخيلهاش. وابنت عمي طبيبة و زوجها نجار الحمد لله سمن على العسل.

[نسيبة2012]

الراجل اللي يدي وحدة قارية علية ما تخافيش منو لانو علابالو بلي ممكن تفهم خير منو في اشياء معينة ............
لكن تخافي من اللي يدي وحدة اقل منو في المستوى (مثلا هو متخرج وهي شهادة ابتدائي ) هذا هو اللي ممكن يحقر مرتو ....................والله اعلم استخيري الله .....

[salim.salim]

الرجل عندما يتزوج امراة اقل منه مستوى ( سواء ماديا او علميا) امر جد معقول بل محبذ اما العكس فهو الذي اعتقد انه المحال بعينه.

بيناتنا يا جماعة : المراة لا تقبل بمن هو ادنى منها مستوى الا اذا احست ان القطار بدأ يفوتها و دعونا من " الدين و الخلق" الذي تصدعون رؤوسنا به كل مرة لان الحقيقة غير ذلك تماما.

و الله استغرب عندما اسمع ان رجلا بلا مستوى تزوج من امراة تفوقه مستوى و المصيبة الاكبر تعمل. يا ولدي حافظ على ما تبقى لك من كرامة و " يزيك بلا رخس" كما نقول بالعامية.

[nonoi]

جريتي عليها

[loulou1988]

اختي انا اتزوجت واحد نفس مستوى هاد البانتر و انا عندي 2 دبلوم و و باك تاني لغات ماخلانيش نكمل نقرا بيه،،،،،،،،و اتزوجت ببه و لكن نعطيك نصيحة لحبيبتك اذا كان متفهم و ماهوش من النوع الي يتعقد من المستوى تاعو و يرد دمارو فبها تقبل لكن اذا كان من العكس راهو ياختي قادر يغير منها و بلا ...راهي في الحياة اليومية تاعها راهي لازم تتنازل على امور كثيرة و لازم تبدل طريقة كلامها مثلا كيما انا بديت نستغني عن بعض الكلمات الفرنسية باه مايحسش بلي راني نفوخ عليه....و لازم تحاول تتقبل افكارو مهما كان مستواها .....والله يا اختي حتى انا حقرت الحالة مع الاول لكن درك،،،،،خليها على ربي خاصة ادا كانت كيفي طموحة......و يبقى هدا مكتوب و قادر اللي جا يخطبها بكون مليح ....لكن الفرق في الميتوى راهو شوية يأثر والله صدقيني انا التجربة كانت قدامي بابا و ماما لكن قلت بالاك كل واحد كيفاس لكن تقولسي راني مع بابا.....و الله اعلم دير استخارة و تطلبي ربي و خلاص

[saliset]

و الله يا اختي العزيزة انا عن نفسي نحكيلك و بكل امانة انا درست 5 سنوات في الجامعة و رياضيات و ذرك راني نعمل و الحمد لله رزقني ربي بزوج ما نلقاهش حتى في منامي زوجي هو جاري 6 سنوات الباب في الباب طيلة هذه السنوات ما نعرفش حتى وجهو و لا حاول انوا يتقرب مني حتى لو بالكلام و هو خدام عند روحو عندو حانوت نتاع قش و الحمد لله يدخلي الدورو حلال و خلاص و عن المستوى زوجي ما عمباليش حتى وين حبس ههههه ممكن ماداش الاهلية حبس و الله اعلم و الله و الله جامي حبيت نعرف و لا سقسيتوا و تعرفي اختي حاجة لقيت فيه الزوج اللي طالما حلمت بيه كان الجميع معارضني حتى اقرب المقربين ليا و لكن الحمد لله ربي سبحانوا اوحالي انوا هذا هو المخير نتاع المخير و قبلت بيه حتى قبل ما نهدر معاه و ذرك نقول للناس اللي عاضوني الانسان هذا في عيني خير من مئة قاريين العبرة اختي في الاخلاق مش في المستوى ولا الدراهم كم من زوجات تزوجو في القصور و الرفاهية و لا مديين اطارات و لكن حياتهم مش عاجبتهم هذا ريئئي و اسمحيلي اذا طولت عليك ربي يرزقك من حيث لا تحتسبين

بارك الله فيك اختي على النصيحة و بارك لك في زواجك

[saliset]

اختي انا اتزوجت واحد نفس مستوى هاد البانتر و انا عندي 2 دبلوم و و باك تاني لغات ماخلانيش نكمل نقرا بيه،،،،،،،،و اتزوجت ببه و لكن نعطيك نصيحة لحبيبتك اذا كان متفهم و ماهوش من النوع الي يتعقد من المستوى تاعو و يرد دمارو فبها تقبل لكن اذا كان من العكس راهو ياختي قادر يغير منها و بلا ...راهي في الحياة اليومية تاعها راهي لازم تتنازل على امور كثيرة و لازم تبدل طريقة كلامها مثلا كيما انا بديت نستغني عن بعض الكلمات الفرنسية باه مايحسش بلي راني نفوخ عليه....و لازم تحاول تتقبل افكارو مهما كان مستواها .....والله يا اختي حتى انا حقرت الحالة مع الاول لكن درك،،،،،خليها على ربي خاصة ادا كانت كيفي طموحة......و يبقى هدا مكتوب و قادر اللي جا يخطبها بكون مليح ....لكن الفرق في الميتوى راهو شوية يأثر والله صدقيني انا التجربة كانت قدامي بابا و ماما لكن قلت بالاك كل واحد كيفاس لكن تقولسي راني مع بابا.....و الله اعلم دير استخارة و تطلبي ربي و خلاص

ربي يفرج عليك اختي و يجازيك على نصيحتك
الاستشارة هي لصديقتي اتا متزوجة و عندي 3 اولاد
انا خائفة عليها لأنها يتيمة و تعاني من زوجة ابيها لهذا لا اريدها ان تتسرع شكرا لك

[chouchou w]

سلام اذا كان مقدرها او راح يعطيها قيمتها و حاسة بلي عندو اهتمام بالمستوى تاحا تقبل مي كاينين رجال كيشوفو المرأة متعلمة احبو احطموها باه ابان الزوج هو لعندو امتيازات و هو برك لي يعرف اخمام سلام

[KARIO]

انا مهنسة دولة و زوجي سنة ثانية ثانوي، قبل الزواج كان يبانلي فرق المستوى مشي حاجة كبيرة و كانت تبانلي بلي غير المتكبر يخمم بهذه الطريقة، لكن بعد الزواج اكتشفت اهمية هذا الفرق، كل نقاشاتنا عقيمة و مانوصلو حتى لنقطة تفاهم، عندو منطق تاع المراة مكانها المطبخ لا اكثر، كي نتحاور معاه نحسه من المريخ وانا من الزهرة، و يبدا يحوس ينقص من قيمتي "نتي شا تعرفي" " نتي شا تفهمي" "راني حاير كيفاش قريتي"، مع انو غالبا في الاخير انا يكون معي حق، حاولت معاه يخلينا نفوت مسابقة تاع ماجيستير قالي اذا راكي حابة تزيدي تقري تطلقي، قضالي على كل طموحاتي، و لكن بالمقابل فيه اشياء مليحة متدين، خلوق، بار بوالديه، مسؤول....

[first first]

الشخصية + التربية والاخلاق + وقبل ذلك الدين .................ومن بعد استغني على اشياء واضيفي اشياء انت وقناعاتك.
الشهادة ..................ليست سر من اسرار السعادة.
ولكن بالمقابل اذا هي مدايرة منها قصة فاكيد ستبحث عن النقائص وتدير مقارنات ................يعني راهو كلش في راسها .............ادا اعتابرت الامر عادي فهو اصلا كذلك وادا راته غير كذلك فحياتها مبنية على افكارها هي.

[عبدالقادر100]

وقد قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره

[saliset]

الشخصية + التربية والاخلاق + وقبل ذلك الدين .................ومن بعد استغني على اشياء واضيفي اشياء انت وقناعاتك.
الشهادة ..................ليست سر من اسرار السعادة.
ولكن بالمقابل اذا هي مدايرة منها قصة فاكيد ستبحث عن النقائص وتدير مقارنات ................يعني راهو كلش في راسها .............ادا اعتابرت الامر عادي فهو اصلا كذلك وادا راته غير كذلك فحياتها مبنية على افكارها هي.

كفيت و وفيت اختي شكرا جزيلا رزقك الله من حيث لا تحتسبين

[saliset]

اظن ان الدين و الخلق اهم صفات الزوج
اما عن المستوى التعليمي بعد المحادثات بين الطرفين في فترة الخطوبة عينك هي ميزانك اذاكان فاهم ولا جاهل واذا تقدري تكملي معاه ولا لا

شكرا على النصبحة جزاك الله خيرا

[sarl02]

وجب على الفرد التفكير بمنطق وعقل واخلي عليه الشعارات....اولا جانب الدين والاخلاق في اختيار شريك الحياة ليس من الشروط بل هو من المسلمات...يعني الانسان لا يرمي نفسه لشخص فاسد اخلاقيا وغير متدين ولو كان متحصل على كل شهادات الدنيا ...لكن بالمقابل التوافق الفكري بين الزوجين يلعب دور كبير وهام في نجاح العلاقة وانسجامها وانا شخصيا لن اتزوجها باذن الله وعونه اقل من مستوى جامعي ليس انتقاصا من الاخريات لكن اعرف نفسي ولكي لا اظلم اخرى معي نتيجة عدم التوافق العقلي والفكري بيننا وهذا رايي بصراحة ولا الزم به احدا....ثانيا ودائما خلينا نتكلم بواقعية يا صاحبة الموضوع صديقتك هاته لو كان عندها فرص زواج اخرى لما اختارت هذا الانسان وهذا ليس عيب لان كل بنت وظروفها فمن تقدمت نوعا ما في السن وكانت غير مرغوبة في الزواج او كانت تعيش ظروف عائلية واجتماعية قاسيىة وجب عليها التنازل وهذا هو حال الدنيا لكي تبني اسرة وتعيش حياتها ...وفق الله الجميع.

[first first]

وجب على الفرد التفكير بمنطق وعقل واخلي عليه الشعارات....اولا جانب الدين والاخلاق في اختيار شريك الحياة ليس من الشروط بل هو من المسلمات...يعني الانسان لا يرمي نفسه لشخص فاسد اخلاقيا وغير متدين ولو كان متحصل على كل شهادات الدنيا ...لكن بالمقابل التوافق الفكري بين الزوجين يلعب دور كبير وهام في نجاح العلاقة وانسجامها وانا شخصيا لن اتزوجها باذن الله وعونه اقل من مستوى جامعي ليس انتقاصا من الاخريات لكن اعرف نفسي ولكي لا اظلم اخرى معي نتيجة عدم التوافق العقلي والفكري بيننا وهذا رايي بصراحة ولا الزم به احدا....ثانيا ودائما خلينا نتكلم بواقعية يا صاحبة الموضوع صديقتك هاته لو كان عندها فرص زواج اخرى لما اختارت هذا الانسان وهذا ليس عيب لان كل بنت وظروفها فمن تقدمت نوعا ما في السن وكانت غير مرغوبة في الزواج او كانت تعيش ظروف عائلية واجتماعية قاسيىة وجب عليها التنازل وهذا هو حال الدنيا لكي تبني اسرة وتعيش حياتها ...وفق الله الجميع.

احترم رايك اتم الاحترام.............ولكل قناعاته.................لكن شخصيا احتككت بفتيات لسن جامعيات .............مع العلم اني جامعية ........و....شبعت من الجامعة..........والله لم احس ان فكري وفكرهن بعيد........ربما لايملكن معلومات املكها.......معلومات في تخصصي طبعا.....لكن لاارهن في مستوى يعيق التواصل والتفاهم معهن؟؟؟؟ولولا تصريحهن بعدم دخول الجامعة مافرقت بينها وبين باقي صديقاتي.
احداهن مثلا مستوى باك +شهادة من معهد .........وذات اخلاق وشخصية ماشاء الله ............الصراحة خسارة ترفض لمجرد انها ليست جامعية.لذا وضع قاعدة عامة في حياتك لاتناقش اراه خطا فادح............وعن تجربة.......هناك اشياء لاتناقش اكيد ..........واخرى مهما كانت فهي قابلة للنقاش.
ويقول المثل يوجد في البحر مالايوجد في النهر.
في الاخير ................كل واحد وخريطة افكاره ؟؟؟

[كنزة88]

الراجل مايتقاسش بالقراية بالتربية ولاخلاق علاه كاين لي قارين ومبوشين حنا في عايلتنا قاريات وداوهم لباس بيهم نقولك انتي وجبهتك الزواج زهر خططي ولا اقعدي

[linda-b]

انا افضل توافق المستوى الثقافي او الزوج اعلى مستوى
لان الرجال يتحسسو من هذا الجانب

[noor_ab4]

السلام عليكم
انا في راي لا يوزن الرجل بمستواه ابدا الرجل يوزن بدينه اولا ثم باخلاقه ثانيا ثم بعقليتو
يقولو اعطيهولي فاهم الله لا قرا